ليه العلاقات المحرمة زادت؟ غض البصر والستر هما الحل!

Ice Cream_63106 🇪🇬

منذ يومين

انا شايفه اغلب المشاكل اللي هنا بسبب العلاقات الغير الشرعية تعالوا اقولكوا الموضوع ده زاد ليه اوي كده اول حاجة بالنسبه للأولاد : غض البصر انتوا لو مش واخدين بالكوا بس ده فرض اصلا يعني لو مش عملته فحرام عليك حرام انك تقعد تقيم البنات وتشوف مين الحلوه وتقعد تعجب بيها ده كله حرام لانه بعده ايه اللي بيحصل انت هتروح تكلمها وبعدها هتتصاحبوا وبعدين هتسيبوا بعض في الاخر ونفس دايرة المشاكل اللي بشوفها في التطبيق هنا هتحصل اصل معلش يعني ربنا مش بيبارك في الحرام والبداية التي لا ترضي الله نهايتها لن ترضيك فأنت لو لمحت بنت حلوه في الشارع غض بصرك علطول لان انت مترضاش ان واحد يقعد يبص على امك او اختك انا عارفه موضوع غص البصر ده صعب وفيه جهاد نفس شديد وكله بأجره في الآخره اما بقا بالنسبه للبنات :التبرج والله يا بنتي احنا عارفين انك جميلة وعارفين انك لو حطيتي ولبستي هتكوني قمررر عشان كده ربنا أمرنا بالستر عشان انتي اصلا حلوه ما بالك بقا لو تزينتي هتكوني ملفته جدا لانظار الشباب اللي مش محترمين اللي قاعد يتفرج ويفليكي من ساسك لراسك حرفيا هو ده اللي بيحصل انتي ترضى ان واحد بالأخلاق دي يقعد يتفرج على جمالك؟ جمالك ده حاجة قيمة اوي اوعي تخليه للي رايح واللي جاي الأنثى في الإسلام ربنا عززها في كل حاجة ليه انتي تيجي تقللي من نفسك و تصاحبي واحد وتمشي معاه ليه تقللي من كرامتك وتخوني ثقة اهلك ؟ عشان كده لازم تحافظي على لبسك يكون محتشم مش لازم اسود في اسود لا انا بس بطلب منك انه يكون واسع والطرحة تغطي شعرك كله ورقبتك انتي كده زي الفل انا بنت زيك وبقولك كده عشان والله انا خايفه عليكي وعارفه انك بتتعلقي بسرعه عشان كده اقفلي الباب من الاول. لو اهتمينا يا جماعه بالموضوعين دول والله نص المشاكل في التطبيق ده هتخلص لان مش هيبقا فيه علاقات محرمة اصلا

هل كانت هذه المعلومات مفيدة؟

0

0