إزاي تتحب بغير شروط وتشوف قيمتك الحقيقية؟

Mango_62652 🇪🇬

منذ 6 أيام

عايز اشارك معاكم حاجات اتعلمتها من الثيرابي و نقسمها على كذا مرة : *كلنا بلا استثناء محتاجين نتحب حب غير مشروط عشان نقدر نشوف أن لينا قيمة ف لو انت مخدتش الحب ده و انت صغير حاول تديه لنفسك و انت كبير ب أن انت تطبطب عليها و تحبها و تتقبلها بكل ما هي عليه و هنا اقصد تتقبل نفسك لكن متتقبلش السوء الي ف نفسك .. افضل مكافأة لنفسك هو انك تصلح منها و متجلدهاش على حاجات عملتها و انت مش بنفس خبرة ولا معرفة دلوقتي ..لازم تعرف أن ربنا سبحانه و تعالى قال و كرمنا الإنسان ..مقالش و كرمنا الإنسان عشان كذا لاء قال و كرمنا الإنسان بس يعني كونك انسان فقط ده ف حد ذاته معناه انك تستحق تتكرم ف لو حد غلط و مداكش حقك انت ادي نفسك حقها ..الإنسان مش شكل الإنسان مش ذكاء ، الإنسان مش فلوس كل دي كماليات اي حد يعتبرها اساسيات إذن هو بني ادم سطحي بالضرورة ، الإنسان روح عظيمة من نفخة رب العالمين ف لازم تعرف انت مين و قيمتك الحقيقية فين

هل كانت هذه المعلومات مفيدة؟

0

0