زعلان ومش مبسوط.. الحزن معشش فيا

Almond_56393 🇪🇬

منذ 3 أيام

اوقات الحزن بيسيطر اوقات اليأس بيحاوط المكان اوقات بتوحشني ايام فاتت اوقات بكره كل لحظة بعيشها وحشني ناس كتير غايبة مكنتش مرتاح معاهم برضو مش بنفتكر من الماضي غير الذكريات الحلوة بس ومش بنحس ف الحاضر غير بالحاجات الوحشة بس انا زعلان ومش مبسوط من فترة كبيرة بحس الحزن معشش فيا مش ندمان ع اي حاجة عملتها ولو رجع بيا الزمن مش هعمل اي حاجة م اللي عملتها الشعور وعكسه ، ده اسمه توهه بكتب كتير عشان اللي جوايا سم ، كتره جوايا ممكن يموت اوقات باخد لحظات حنين من اغاني كنت بسمعها زمان معاهم كأنهم سابوا ريحتهم فيها بسرق حنين مش بتاعي وبحن لناس بيعاني مفيش حاجة بتساعد ، مفيش حاجة مفيدة انا تالف ، بطلت اهرب عشان ف النهاية هالك انا مش زعلان ، انا هادي وبارد بس مش مبسوط نفسي اهرب من عقلي وارجع للواقع نفسي ييجي اليوم اللي أقول فيه كل اللي فات من وحي عقلي بس اللي جاي بجد سلام..

هل كانت هذه المعلومات مفيدة؟

0

0