Coffee_75283 🇪🇬's فكرة

المثالية حرامي بيسرق فرحتك وإنجازك

Coffee_75283 🇪🇬

منذ أسبوع واحد

في مقوله بتقول Don't let perfection be the enemy of Productivity التركيز علي المثاليه دائما اكبر غلط ممكن يعطلك ويخليك تيأس بسرعه المثاليه زي الحرامي الحرامي اللي بيسرق منك فرحتك .. وثقتك و قدرتك علي الانجاز .. بيسرق منك شغفك .. بيسرق منك السلام الداخلي والتصالح مع الذات وقبولك لنفسك .. بيخليك شايل ثقل العالم علي كتفيك .. ويخليك في النهايه ضعيف مش قادر علي فعل أي شئ .. بإختصار لو متخلصتش من عقليه الكل او لاشئ .. ف كل اللي هتحققه لا شئ ..

تمت كتابة هذا المحتوى بواسطة Coffee_75283 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.

هل كانت هذه المعلومات مفيدة؟

Orange_64537 🇪🇬

الحياة حلوة بس تختلف انت عيشها ازاي - ركز على عيونك

ازيكم عاملين اى أنا أول مرة بكتب حاجه على التطبيق ده حابه اقوله من ساعت ما نزلته وانا عماله اقرأ حاجات كتير اغلبها حزن وحاجه كدا تخليك تقول الحمد الله على كل شى لأننا كلنا بنمر بمشاكل وكل واحد يختلف بمشاعر ومشاكله وصدفه فى الحياة بتخليه يمر بالأوقات الحلو وكمان المرة بس احنا الشعب المصرى بنكبر من حجم المشكله اوى لدرجه ما بنخليها ليه حل ابدا ونعجز عن الحياة ونيأس اوى أننا كدا واننا غيرنا احسن و نفضل على حال ده لدرجه ممكن لسبب ده جه مفهوم( الإنتحار ) ربنا ميز البنى آدم منا بالعقل لانه الدنيا دى مش للحفلات ولهو دايما انا بمثلها بالمدرسه بمثل المدرسه بالحياة انه المدرسه فيها امتحانات وفيها احتفالات آخر السنه وعطله ورحلات وكل حاجه ممكن تلهينا عن الدراسه احنا سعادتنا بتحدد باهدافنا اهتمينا بالامتحانات حتى مش لازم نجيب الدرجه النهائية نكفى اننا نعدى سالمين وناجحين بالتالي هنستمتع بالاجازة واحنا مطمنين ونروح رحلات ونبقى مبسوطين ومش هنزعل اننا مقصرنا وعلى العكس فى الناحيه التانيه شغلنا بالنا هنلبس اى فى رحله او ويترى هنروح فين فى العطله ونسينى الدراسه هنزعل ونضايق من نفسنا اننا اقصرنا علشان ما أطول عليكم الحياة ابسط من كدا كل مشكله فى يومنا بسيطه او كبيرة نقدر نحلها بالحكمه او حتى لو ما عندنا الإنسان مش بيعمل كل شيء نسأل حد كبير أو نصلى ربنا يمكن هوا يحلها لينا و وصلنا للصح بنوره انا بكتب ده كله فى بدايه يومى اتفالوا ياشباب لسه عندنا عمر لنعيشه وقصه احنا جزء كبير منها واحنا اللى كل يوم بنكتبها أنا رغم اللى مريت فيه ما راح اقول اى هوا لانه انا يكفيني ربنا يعلم بيه والإنسان اللى يطلب الحل او مساعدة من إنسان زيه اى الفايدة الحاجه اللى تعلمتها من الحياة ربنا وحده اللى بيساعد وناس مجرد وسيله المهم رغم اللى حسيته وعيشته من ألم اخترت نفسى اخترت اكون انا لو اى حصل اخترت السلام والحب اخترت السماء الصافيه بعد غروب الشمس وانا بكتب ده دلوقتى وانا فى المكان اللى كل ما زعلت فى حياتى بروح وابكى فيه فوق السطح وكنت ابكى وابص للسماء لأنى كنت برتاح وكنت فى نفس اليوم برجع اضحك من تانى وانسى اللى زعلت عشانه وربنا بيشيل ده من قلبى لانه شافنى وعارفنى دايما بحكى معاه وبشكيله من كل شئ صدقوني الحياة حلوة بس تختلف انت عيشها ازاى ركز على عيونك مو مميزاتك واعرف ازاى تتخلص منها حبوا الناس اللى حواليكم وعاملوهم كويس حتى لو مش كويسين محدش يستاهل انه مزاجك يتعكر لأى سبب معامله طيبه للوحش مو غلط بالعكس لو إنسان كويس يستاهل تمام طلع إنسان مايستاهل تجاهله لو اتعاملت معاه عامله كويس لانه ده بيعكس معدنك وفى الآخر انا اتكلمت كتير بس ده كله لأنى ارتحتلكم اوى وحبيت اشيل عنكم بكلامى وكلمه أخيرة لا تستسلموا ابدا واتمنى يكون كلامى وصل لقلوبكم زى ما وصل لقلبى وانا بكتبه ليكم 🤍🤍🤍🤍🤍شكرا لكل اللى قرأ كلامى 🤍🤍🤍🤍🤍🤍🤍🤍🤍 ...عرض المزيد

Pineapple_60236 🇪🇬

الأمان هو السر ورا كل حاجة بنعملها

الأمان هو السر ورا كل حاجة بنعملها لو ما حسيناش بالأمان مش هنعرف ناكل ولا نشرب ولا ننام لو ما حسيناش بالأمان مش هنعرف نضحك ولا نحكي ولا نسمع الأمان دايما حاجة لونها أبيض بتخلينا نشوف بوضوح من غير ما نخاف من حكم حد ولا من نظرته لينا الأمان بيخلينا نعرف نفكر كويس نعرف نعبر كويس عن كل حاجة عن رغباتنا واحتياجاتنا عن أحلامنا وطموحاتنا حتى عن رفضنا الإحساس بالأمان مش رفاهية ممكن تبقى عند حد وحد تاني لا.. الإحساس بالأمان حق مشروع لكل كائن حي.. بقول كائن حي مش بس إنسان احنا مش أسياد الأرض ولا حاجة احنا زي كل حاجة موجودة ومتناغمة وعايشة في سلام لو ع القوة فالجبل أقوى مننا لو ع الذكاء فالناموسة والنملة أذكى مننا لو على أي حاجة مميزة فينا فهتلاقي حاجات كتير بتشاركنا الميزة دي وتغلبنا كمان.. بس الإحساس بالأمان دا هو أكتر حاجة بنحتاجها عشان نعرف نتحرك ونعرف نعيش.. الضعف كمان جزء مننا وجزء من كل حاجة في الدنيا.. الحيوانات بتعلمنا الحكاية دي تشوف ازاي بيتعاملوا مع الضعيف تنبهر الحقيقة.. بيحضنوه ويستوعبوه، مش بيعايروه ولا بينبذوه الحيوانات فاهمة إن الضعيف دا مش ذنبه إنه ضعيف وفاهمة إن ضعفه دا مش مبرر عشان نسحب منه الأمان.. اللي عنده أمان عنده قوة اللي عنده أمان عنده بصيرة اللي عنده امان عارف الحقيقة اللي عنده أمان ربنا بيحبه والناس بيحبوه.. انا شخصيا قررت إني هبدأ بنفسي من النهاردا هوزع الأمان على كل حاجة، هحاول أحب نفسي أكتر وأحس بالأمان اكتر.. هقبل عيوبي وعيوب الناس.. هقبل ضعفي وضعق الناس.. مش هحكم على حد بحاجة ولا هبص لحد بعين انتقاص مهما كان موقفه ومهما كان هو بيعمل ايه معايا، مش ذنب حد أي حاجة.. هوزع الأمان هسمع الناس هحضنهم هحس بيهم هحبهم.. ...عرض المزيد

Coffee_64076 🇪🇬

جلد الذات بيوقفك مكانك بل بيرجعك لورا

حابب اذكركم يا جماعه اي حد عنده مشاكل او في حاجات غلط بتحصل ف حياته ف بيجلد نفسه أو بيحس أنه لا يستحق و أنه مش هيتقدم خطوه ولا هينفع ف اي حاجه دي مجرد أوهام و مينفعش تتعامل مع نفسك غير باللطف و الحب الكره للذات و جلد الذات هو فعليا اللي بيوقفك مكانك بل بيرجعك خطوات لورا كمان انتقد نفسك ب لطف و حب و شوف حلول و حاول في الحلول دي و الله المستعان ❤️ ...عرض المزيد

التجربة أفضل عبر التطبيق

حمّل تطبيق توهيل على هاتفك لتجربة أسرع