أنا مين؟ أصوات جوا دماغي وازاي أسيطر عليها

Pineapple_60236 🇪🇬

منذ شهر واحد

كنت بتكلم مع حد عن شوية حاجات في علم النفس والأصوات اللي في الدماغ وكدا وفي نص الكلام قلت جملة واما رجعت فكرت فيها حسيت اني ممكن اقولها هنا وأحكي عنها أكتر.. افتح قلبك وهات كباية الشاي وتعال كلنا بلا استثناء عندنا أصوات جوا دماغنا بنسمعها، ترابيزة كدا عليها ناس قاعدين وبيتناقشوا أو بيتخانقوا على حسب.. كلنا بنعمل تصرفات طول الوقت واحنا فاكرين ان ظا احنا، وفي الحقيقة احنا حاجة مختلفة خالص عن اللي بيحصل دا. وعشان كدا أي حد بيدخل في الوعي أول سؤال بيسأله بيكون هو الناس مالها؟ هما مين دول؟ هو فيه ايه؟ دول أكتر أسئلة بسمعها من ورا الأصوات اللي جوا دماغ الناس.. الحقيقة ان كل الأصوات دي شخصيات حقيقية عايشين معانا طول الوقت بيسمعوا اللي بنسمعه وبيشوفوا اللي بنشوفه وكل واحد بيتصرف بناء على الصلاحيات اللي احنا بنديها له. طب احنا مين بقى؟ الحقيقة احنا اللي ورا الأصوات دي كلها، دايما احنا الشخص الهادي الساكت اللي بيسمع.. الجملة اللي قلتها واكتشفت انها حلوة وقوية وفهمتني حاجات عن نفسي على الأقل كانت إن أكتر حد سوي نفسيا عنده على الأقل شخصيتين اتنين شخصية بتسمع وشخصية بتتكلم. وطبعا كل ما الشخصيات دي زادت كل ما الجنان زاد.. وكل ما اتعرفنا على الشخصيات دي واستوعبناها كدا واتصاحبنا عليها كل ما عرفنا نسيطر ع الجنان بتاعنا وعرفنا ان احنا مجانين 🤓🤓 بس كدا

هل كانت هذه المعلومات مفيدة؟

0

0