Hazelnut_68425 🇪🇬's فكرة

تذكير لنفسي وللشباب: القرب من الله يحل المشاكل

Hazelnut_68425 🇪🇬

منذ شهرين

السلام عليكم ورحمة الله حابب اقول كلام تذكير لنفسي وعسى أنه ينفع حد معظم مشاكلنا بالدنيا عامة تافهه مع كامل احترامي لمشاعري انغماسي بالدنيا وحبي ليها خلى الحياة صعبة جدا فيها ومؤلمة ومن اعتياد النعم وعدم شكر الله عليها تزول مني وبعدين اقول فين!! الجهل يعيشك غافل كانك ماشي بعربية في ضباب ومنور كشاف خفيف ومش شايف ايه قدامك طبيعي هتخاف يعني ممكن عربية تيجي قصادك وانت متعرفش فما بالك بالدنيا .. لاحظت في حياتي أن معظم مشاكلي تحل بالقرب من الله والصدق والصبر طبعاً وطبيعي في ابتلاءات اصل الجنة مش رخيصة معلش هو انت بتتخرج من الثانوية العامة تدخل طب من 50% لا والله وكثير لما يبدء يقرب من الله يلاقي مشاكل ويستغرب أنه ازاي ابقا بقرب من ربنا وحياتي تبقى كده قال الله تعالى (احسب الناس ان يتركوا ان يقولوا امنا وهم لا يفتنون) مش نختبر صدقك هل انت فعلا تقول احب الله ورسوله قولا وفعلا أو بس كلام كده افمن احب شخص اتبعه وسمع كلامه فما بالك بالرسول ﷺ والله سبحانه وتعالى ولله المثل الأعلى. مشكلة جيلنا يا شباب أننا جهلاء بديننا مكتوب مسلم بالبطاقة بس هل انت فعلا مسلم! شوهو صورة المسلم والشيوخ في عقولنا بالمسلسلات وغيره بقينا ننفر من ديننا و نلهث في الدنيا وراء شهوات ولهو وتفاهه ، طلب العلم لازم يبقا جزء من حياتنا وقصدي العلم هنا هو الفقه والأحاديث والعقيدة والسيرة وغيره من علوم ديننا لما نفهم طريقنا بدايته ايه ونهايته ايه هنرتاح رغم المشاكل اللي حوالينا واذكر نفسي وإياكم كشاب في بدايات العشرينات يموت الصغار فجأة أكثر من الكبار هذه الأيام عسى أن تستفيق قبل فوات الاوان "وأنذرهم يوم الحسرة إذ قضى الأمر وهم في غفلة وهم لا يؤمنون" اللهم لا تجعلنا ممن يقول يا ليتني قدمت لحياتي.

تمت كتابة هذا المحتوى بواسطة Hazelnut_68425 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.

هل كانت هذه المعلومات مفيدة؟

Guava_65081 🇪🇬

الرضا والتقبل في الابتلاءات.. بسمة من جواك

ممكن هقول كلامي ده و بتمنى من ربنا اني اقدر اغير في نفوس ناس كتير.. الرضا و التقبل يا جماعة.. محتاحين نرضى بقضاء الله و قدره.. محتاجين نتقبل اننا في ابتلاءات.. محتاجين نفهم ان مهما كنا حاسين ف ربنا شايفنا و مستني مننا سجده ندعوه فيها.. كل واحد فينا بيتمنى ان حياته تبقى احسن او اللي بيحصل يتغير.. طب ما دا كله في ايد ربنا.. هتهون والله.. من دلوقتي جرب تبتسم للدنيا من جواك.. العمر بيتعاش مره.. و محدش ضامن هيعيش قد اللي عاشه و الا لا.. هي لحظه.. بتمنى من كل قلبي الخير ليكم كلكم و ان الفرح يملى قلوبكم.. ...عرض المزيد

Sugar_64732 🇪🇬

فكرتى الجديده لحل مشاكل العلاقات الغير شرعيه

السلام عليكم انا عارفه انكم هتستغربوا المنشور ده شويه بس جات الفكره دى فى بالى وانا بغسل المواعين فقلت اقولها 🙁 ولو لقيتوا الفكره مش كويسه قولولى تمام يلا نبدأ الفكره🙂 بصوا اغلب المشاكل بتيجى من العلاقات الغير الشرعيه زى ما انتوا عارفين فأنا قولت ليه منعملش مقابله شخصيه مع ولد بيكلم بنات وبنت بتكلم ولاد ومن هنا بدأت اخطط للفكره🙃 اولا هنحتاج شاب محترم علشان هو الى هيعمل المقابله الشخصيه مع الولد وانا هكون البنت الى هتسأل البنت هنسأل فى المقابله دى عن كل حاجه عن احساسه عن أسبابه وهل هيقدر يسيب البنت ولا لأ وهكذا هنسأل كل الأسأله الى متعلقه بده لانى مش حاسه بيكم فلازم اعرف بتفكروا ازاى وهنحاول مع بعض نحل كل ده وعندى أساليب اوعدكم هتنسوا حاجه اسمها علاقات غير شرعيه وده وعد من اختكم فى الله 🤚 وطبعا مش هنقول مين الأشخاص دى لانه الموضوع هيكون فى سريه تامه وده وعد🤚 ومهما يكن انتوا عملتوا ايه بس قلبكم بيحس بالذنب فانتوا كده فى بدايه طريق التوبه متخافوش انتوا كويسين انتوا بس محتاجين الى يفهمكم وانا مش هسيبكم كده بإذن الله اخوتى والسلام لقلبكم 🌿 ...عرض المزيد

Strawberry_62095 🇪🇬

الزواج مش مشكلة فلوس.. ده اختبار رجولة ومبادئ!

معظم مشاكل الشباب حاليا (خاصة الرجال) من أفضل وأهم حلولها هي الزواج بشريك حياة صالح، ولما حد يُنصَح بالزواج بيكون أكبر عائق له هو: الفلوس والماديات وما يتعلق بهما - هقولك نصيحة من أخ بيحبك وحريص على مصلحتك، ومش كتير هيقولك الكلام ده: أكبر مشكلة هتواجهك في الزواج ليست الفلوس! لأن مشروع الزواج الله متدخل فيه بشكل مباشر، ومش محتاج أقولك يعني ايه (الله متدخل فيه) بالمعونة المباشرة! قال رسول الله ﷺ: ثلاثةٌ حقٌّ على اللَّهِ عونُهُم: المُجاهدُ في سبيلِ اللَّهِ، والمُكاتِبُ الَّذي يريدُ الأداءَ، والنَّاكحُ الَّذي يريدُ العفافَ. - أكبر مشكلة هتواجهك هي أنك تكون راجل وعندك موقف وشخصية ومبادئ ومتقبلش حد يحملك ما لا تستطيع وترضى بحجة أن كل الناس بتعمل كده ولازم أقبل! إياك تعمل كده في نفسك مهما حصل أنت بتعرِض نفسك (بظروفك الحقيقية) دون أي تجميل، وصدقني صراحتك ووضوحك دي رجولة وشخصية ودلالة على أنك رجل صادق مع نفسك ومع الناس ومتحمل لمسئولية فعلا، واللي مش هتقبل غيرها هيقبل كتير، ف متحجرش أفكارك ودماغك - الزواج إيجاب وقبول عادي ظروفك تكون مش مناسبة لبنت معينة، بس الأكيد أن غيرها هيتقبل، ف أنت دورك تبحث ومتملّش وتسعى وتستعين بالله، لكن متكونش قافل دماغك على واحدة معينة ليها شروط فوق طاقتك وتقبل شروطها وشروط أهلها وترجع تشكي من الظروف وتقول مش قادر وصعب وكتير! فيصيبك إحباط وتعزِف عن الزواج والحياة تسود في وشك لو سمحت خليك راجل وشخصية ولا تجعل أحد يجبرك على شيئ فوق طاقتك، واللي مش هتقبلك عادي من حقها، ومن حقك انت كمان تدور على واحدة قابلة ظروفك وسعيك الحالي والله يبني الدنيا مليانة بنات عاوزة تعيش وهتقبل، بس دوّر ومتقلقش، والعملية نسبة وتناسب، وكل واحدة حرة هي وأهلها، وطالما أنك بتشتغل وبتسعى ومحترم وبتتقي الله وعاوز العفة، فاللي ترفضك هي الخسرانة - وكلمة لكل بنت وأهلها أنكم تستلفوا عشان تجيبوا غسالة بالشيئ الفلاني وتلاجة ١٨ قدم ماركة معرفش ايه، وبوتجاز وسخان وغسالة طباق واير فراير ومطبخ وسجاد ونجف وادوات مطبخ كتير ومتعددة بأرقام خزعبلية وكبيرة أوي عليكم، والله العظيم ده كله ولا له أي لزمة، أنتم مش محتاجين إلا الأساسيات اللي كل بيت بيستخدمها، أساسيات وبس لكن محاولة تقليد الناس بشكل أعمى وتحميل نفسكم فوق الطاقة ده غلط وضغط كبير عليكم بلا سبب واضح، ومتتكسفوش من ظروفكم، وبرضو زي ما فيه ناس مش هتقبل، فيه ألف راجل هيقبل عادي، متحملوش نفسكم فوق الطاقة بسبب ضغط المجتمع وتأخروا زواج بناتكم ((فقط لأجل الفلوس)) وتتداينوا بمئات الآلاف للناس وتعيشوا في كرب مش فرح! عيشوا عيشتكم يا جماعة بدون خجل، لأن محدش بيختار رزقه ولا ظروفه، والحمد لله على كل حال، بلاش تحطوا ضغط على نفسكم وتصعبوا السهل وترجعوا تزعلوا أنه صعب! لأنه احنا اللي صعبناه على نفسنا وللمرة العشرتلاف: اللي مش هيقبل غيره هيقبل، بس احنا ندور ومنزهقش، اللي عاوزين يعيشوا كتير، والزواج (ماديا) فعلا من أسهل المشاريع، واسأل المتجوزين صح يقولولك! - اللي ننشغل بيه فعلا هو: التأهيل للزواج نفسيا وفكريا سواء بسماع محاضرات أو قراءة كتب عن ده أو اشتراك في دورات تعلم، هو ده اللي ينبغي العمل عليه والاجتهاد فيه، مش أي حاجة تانية، وده اللي بينجّح الزواج مش أي حاجة تانية، واسمع من أخوك تكسب ...عرض المزيد

التجربة أفضل عبر التطبيق

حمّل تطبيق توهيل على هاتفك لتجربة أسرع