وفاة

Coconut_76951 🇪🇬

منذ أسبوع واحد

شعور محبط

موضوع:

الذكريات السيئة

ذكريات كتير صعب و حزينة يوم امي توفد و يوم ابويا توفد و يوم حرممي من ابني الوحيد .... صعب و مؤلم جدا الحياة ابتلاء سبحان الله و الحياة قصيرة جداً فا احسن نعيش على طاع الله و نعمل خير عشان نقدر نموت و الله راضي عنا

Coffee_61956 🇪🇬

منذ أسبوع واحد

شعور ضائع

عبّر عن شعورك بشكل مجهول

انا كا شخص شايف ان الفضفضه اللي بتقولها ل امك مستحيل شخص ينفع تقولهاله و عياطك كا راجل في حضنها مش هتعرف تعمله مع شخص غيرها مش هتعرف تكون على حقيقتك بعد وفاة امك مش هتعرف تشكي لحد و مهما تشكي قلبك هيفضل شايل لانك هتحس ان كل الناس دي مش حبالك الخير و مهما كانو قريبين و انت شايفهم بيحبوك عايز اقولك لو هيكسبو فيك ربع جنيه هيبيعوك الراجل من بعد وفاة الام بيسترجل مش العكس لان الراجل بعد الوفاه بتفضل يراكم كميه تقل و هم و حمل فوقيه لحد لما يحس انه فاض بيه الامل عكس البنت لو اتعورت الف من يقولها معلش و تحضنها لكن عند الرجاله لو قولت لصحبي انا متضايق هيقولي معلش يسطا و نضحك و الموضوع هيعدي بس معداش عندي و لسه متضايق و مهموم و علي كده في كل حاجه حتا الاخوات مش هتكون زي الام و اللي هيقولي الجواز الحل لا بالعكس الجواز هيزيد الموضوع لان مينفعش مراتك اللي المفروض انت سندها و ضهرها و عمود البيت تشوفك قاعد بتعيط او حد من عيالك يشوفك مكسور هما مستحيل يقولولك حاجه غير معلش و هيراضوك فعلاً و انت هتتراضى لكن نظرتهم ليك و نظره مراتك هتختلف و هيا مش هقولك و هيا ذات نفسها مش هتحس بكدا دا غير كميه المشاكل اللي ممكن تحصل بسبب كده لان طبعا هيا عرفت نقط ضعفط ف الراجل حياته صعبه قوي لدرجه التفكير لوحده منهك جداً و الموضوع بيبقا انت مش عارف تعمل ايه و تروح فين و تايه قوي و مش عارف تشكي لمين غير لربنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_56687 🇪🇬

منذ أسبوع واحد

شعور متعب

عدى سنة على وفاة أمي امي ماتت على ايدي بعد صراع من المرض كل ما فتكر يوم الوفاة بتجيلي الحالة اللي جاتلي وقتها بتشل في مكاني ومبنطقش وبيمر عليا اللي حصل يومها كانه فيديو وقلبي بيتعصر وومكدبش لو قولت اني بحس انه هيقف تعبت بجد ومش عارف اعمل ايه لسه بقول ياريتني كنت عملت كذا لسه بفتكر علاجها لسه بفتكر

Marshmallow_69067 🇪🇬

منذ أسبوعين

شعور ممتن

موضوع:

ازاي قدرت تخرج من انعزالك عن العالم ؟

لا للاسف لسه مش عارفة اخرج من انعزالى.. انا حد بيعرف يتعامل مع الناس ويندمج معاهم بس بقدر معين لكن اغلب الوقت بحب اكون لوحدى.. وانعزالى دا خلانى اكتشف عمق علاقتي بربنا وان هو الصاحب محدش ممكن يحس بيا ويفهمنى زى ربنا.. الناس مهما قدمولك دعم فهو دعم وقتي هيكون فيه حماسة ف الاول بس كدا حيزهقوا لكن ربنا

Tofu_73618 🇪🇬

منذ أسبوعين

شعور متعب

بابا توفي من 3 شهور تقريباً مش قادرة اتقبل عدم وجوده طول الوقت لكن حياتي موقفتش زي ما كنت متخيلة ودي كانت صدمة بنسبالي ازاي الحياة مشيت من بعده عادي كدا! لكن مش بلوم نفسي عندي ببتي و شغلي لازم اعيش أحياناً ببقي متقبلة وبقعد ادعيله كتير جدا واوقات تانيه ببقي مش قادرة اتنفس من كتر ماهو واحشني وعايز

Mango_25275 🇪🇬

منذ أسبوعين

شعور متوتر

عبّر عن شعورك بشكل مجهول

مساء الخير 
اول مره دخلت الابلكيشن كنت بتكلم عن ماما ووفاتها مقولتش ماما ماتت ازاى هى اتوفت فى حادثه بابا كان السبب فى الحادثه دى من يومها فى تروما سببها الراجل ده 
مشوفتش منه غير كل وحش فى حياته قهرني وظلمنى وضيع حقى كتييير 
المفاجأه بابا مات والاقى ورق كتير بيتكلم عن حبه ليا 
أقابل ناس غريبه بتتكلم عن حب بابا ليا
فى وسط اهلى واخواتى متكلمش كلمه عنى كلهم بيعاملونى وحش نتيجه الصورة اللى اخدوها منه عليا وانا قررت من زمان مدافعش عن نفسى مش هدخل المواجهه دى محدش هيكدبه ويصدقنى فقررت افوض امر العباد لرب العباد
انا بقى مش كويسه خااالص متلغبطه من احساسى بالراحه انه مش موجود وبين زعلى عليه وبين معامله اهلى الوحشة ليا وتكرار كلام كتير كان بيزعلنى منه 
وبين انى بقيت مرميه حرفيا مش لوحدى لا اترميت بعد مااخدوا كل حاجه منى حتى الورث وانا بين الزعل من موقفهم وعدم الاتعاظ من الموت وبين زعلى من نفسى وانى اتعشمت فيهم خير للاسف وبين نفسى اللى صعبانه عليا اوى حاسه انى كبرت ٥٠سنه من الزعل والعياط واحساس الوحده المميت ونفسيتي الوحشه اللى ظهرت على شكلى وصحتى وتعب بدنى ملوش اخر
محدش يقولى خير والله انا عارفه انه خير وعارفه تن الباب ده هيتقفل وهبقى تمام اللى موترنى خلاص مات بس انا تعبت بقيت زى الورقه الدايبه عاوزة اللى يطبطب عليها ويحميها نفسى استخبى فى حد واقوله الحقنى 
أغرب ما فى الموضوع هو ان صحابى المقربين مستغربين زعلى على بابا ده وحش يابنتى جابلك المرض ووجع القلب ده احنا فرحنا انه مات
مش طبيعى أبدا مهما كنت مختلفه معاه انى مزعلش عليه مش طبيعى مترحمش عليه يبقى معنديش قلب ولا انسانيه ولا دين لو حسيت غير كده 
مش تاعبني فى حياتى غير ان مشاعرى حاضره اوى 
ياريتها غابت معاهم كنت ارتحت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_25275 🇪🇬

منذ أسبوعين

شعور مكسور القلب

موضوع:

الذكريات السيئة

اكيد مفيش فى حياتى اوحش مز ذكرى وفاه امى وجودى معاها فى الحادثه والخضه المكتومه فى قلبى من يومها معيطش يمكن لو كنت عيطت مكنتش عيشت فى تروما ٢٧سنه وانا مش قادره أصدق موتها ولا عارفه اعيش طبيعيه قلبى مكسور فى حاجه بتوجعنى مهما عديت موجوعة

Croissant_52708 🇪🇬

منذ أسبوعين

شعور مريض

عبّر عن شعورك بشكل مجهول

حاسس دلوقتي إن قلبي تعب… مش عايز أكلمها، ومش قادر أفكر فيها من غير شعور بالضيق. الموضوع مش إنها غلطت، ولا إني زعلان منها، لكن إحساسي اتغير. كل مرة أفكر أفتح موبايلك أو أبعثلك كلمة، بحس بثقل على قلبي، كأن في حاجة جوايا مش مستعدّاها.
عارف إني كنت بحبها حب جامد… وكان كل شوقي وحنيني ليها يملأني، بس دلوقتي كل ده اختفى. بقيت أحس ببرود مش طبيعي، وبرضه مش عارف ألوم نفسي. ساعات بحس إن قلبي اتخذ قرار من غير ما أنا واعي… كأن ربنا شل مني جزء من المشاعر دي، يمكن علشان أحمي نفسي، يمكن علشان أرتّب أفكاري بعد اللي حصل في حياتي… بعد وفاة خالي.

بحاول أفهم… هل ده عادي؟ هل دي نهاية حاجة كانت من طرف واحد؟ ولا ده مجرد تعب مؤقت؟ كل اللي أعرفه إن الشوق اختفى، والحب اللي كان بيجري جوه ضلوعي مش موجود. وبصراحة… بارتاح كده شويّة. يمكن ده يخليني أرتّب حياتي وأرجع أكتشف نفسي من غير أي ضغط عاطفي.

مش محتاج حد يفهمني دلوقتي، ولا حتى حد يكون معايا… بس حبيت أبوح لنفسي باللي جوايا، أسمع صوتي الصامت، وأعترف باللي حصل. يمكن بعد فترة، أفهم أكتر، أو حتى أتقبل… بس دلوقتي… مش قادر أتكلم، ومش عايز أكلمها، ومشاعري مش موجودة… وده حقيقي، حتى لو صعب عليا أقوله بصوت عالي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_65005 🇦🇪

منذ أسبوعين

شعور مليء بالحياة

موضوع:

الذكريات السيئة

من اسوأ السنين اللي مرت عليا من 3 سنين اولا اكتشفت اني عندي كانسر ثانيا نهيت علاقتي باللي كنت خاطبها ثالثا سبت شغلي عشان المرض رابعا في نفس السنة والدي اتوفي . لكن الحمد لله اتعالجت ورجعت تاني لخطيبتي واتجوزنا وشوفت شغل افضل من اللي كنت فيه والحمد لله فابعتبر سنة 2021 تحديدا و 2022 اسوء سنين حياتي و

Mango_64016 🇪🇬

منذ 3 أسابيع

شعور محبط

مساء الخير يا شباب اخوكو عاوز يحكي ليكم حاجه انا اسمي محمد عندي ٢٣سنه الحكايه بدات وانا في تالته ث يوم لما ابويا اتوفا هنا تقدرو تقولو العمر وقف بيا توهت ولحد انهارده تايه عاشرت ناس متتعاشرش صاحبت الحلو والوحش لدرجه اني بقيت مصاحب نفسي خوف من الناس وخوف من نظراتهم وخوفا من كلامهم الي بيوجع حتي لما

Watermelon_75343 🇪🇬 تفتكر لو والدك الله يرحمه عايش كان هيعجبه حالك

عرض الكل 3 نصيحة

Pineapple_64801 🇪🇬

منذ 3 أسابيع

شعور محبط

السلام عليكم انا شاب 23 سنه مشكلتي ايه العزله ان انا من البيت للشغل وساعات بكسل اروح البيت علشان ما فيش حاجه جديده اعملها ولا في حد في البيت اصلا مستنيني اروح له وانا شاب الحمد لله محترم وكويس ومهتم بنفسي وشكلي كويس وجسمي كويس بس انا بخاف احاول اكلم اي حد ما بحبش ادخل نفسي في اي حوار مع حد ما اعرفوش

Pineapple_76349 🇪🇬

منذ 3 أسابيع

شعور مكتئب

Banana_63629 🇪🇬 محتاجة حد أمان يطلعك من حفرة مخاوفك و يقدر ينيمك و ساعتها الضغط إللي آنتي فيه بسبب قله النوم يختفي

عرض الكل 9 نصيحة

عبّر عن شعورك بشكل مجهول

بصراحه مش عارفه ابدا منين انا بابا ومانا متوافين ماما اتوفت الاول وبعدين بابا من ساعه ما بابا اتوفى وانا تعبانه نفسيا وجسديا بقيت اخاف جدا من الموت وعندي وسواس بي حته النوم عندي صعوبه فيه جدااا كشفت عند كل الدكاتره قالولي اني كويسه وان الموضوع نفسي بخاف افرح بخاف من يوم عيد ميلادي جداا بخاف من حاجات كتيره انا كنت عكسها وبقيت انساا اوي اوي والتركيز عندي بقى منعدم مش عارفه الاقي حل ومش عارفه اكلم مين ولا اروح فين بجد محتاجه حد يفدني الاول كنت شخصيه مرحه الضحكه مش بتفارق وشها دلوقتي لا خالص بقيت منعزله و اول مضحك احس ان خلاص الموت هيجيلي فجاء نفسي اعيش طبيعي من غير خوف ولا تعب انا اسفه اني وطولت وطبعا انا اختصرت كلام كتير جدااا بس ياريت اي حد عندو حل يبلغني انا سني صغير بين
مش كبيره الي هوا عشرينات و تلاتينات 
الخوف الي جويا ده بيتمكن مني جداا ويخلي ضربات قلبي تزيد و تزيد كل الي حواليه استهزءو بمشاعري مبقتش اتكلم ولا افضفض مع حد 
وحته كل ما احس اني فوقت شويه برجع اتعب اكتر واكتر من الاول انا بطبيعه البيت الي انا فيه مفيش خروج كتير والخروج للضروره وكده انا مش عارفه بجد اعمل ايه تعبت تعبت من تعبي ده و كتير احس ان انا لي حلم او غيبوبه مش واقع والشعور ده علي طول معايا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_27850 🇪🇬

منذ 3 أسابيع

شعور مكتئب

Peanut_75647 🇪🇬 الانسان ساعات بيتحط في مواقف كثير تخليه يفكر لية هو؟ اشمعني حصله الموقف دة.. لية باقي الناس عايشة مرتاحة وانا لا؟ وهكذا… بس اللي مش عارفاه ان كل الناس ممكن تمر بمشاكل كثير ومتبينش دة.. بس الفرق ما بينك وبينهم، انهم عرفو يطلعو منها.. عرفو يحاولو من جديد.. مين عالم مش ممكن الشهرين دول طلعتي منها بفايدة؟ ممكن هي انك تهتمي بنفسك ممكن انك تدوري علي ايه اللي عايزاه في حياتك..

عرض الكل 12 نصيحة

عبّر عن شعورك بشكل مجهول

هاي 
هى مش حاجة مهمة بس اخر 
الفترة دى بيحس انى مخنوقه بسمع سورة يوسف الفتره دى بيقت بسمعها كتير 
الفترة مش احسن حاجة فى حياتى حاسه انى فاضية من جوا معنديش حياة من شهرين فى أول شهر سبعة تحديدا 7\3 جدتي توفت وقبلها بشوية كانت فى العناية و كانت حالتها مش احسن و ماكنتش احسن فترة عدت عليا ومن ساعة ما ماتت وانا حاسه انى مش عارفه ارجع زى الاول امارس حياتى الطبيعية على الأقل و مش متخيلة ان عدي شهرين اصلا مقبيتش اتصور مبقتش انزل ستورى حتى بوست على الفيس مبقيتش انزل الا كل فين وفين ومن تيتا ربنا  و انا ماكنتش احسن حاجة يعنى من قبل وفاتها بفترة قصيرة كنت بطلت اتصور كنت بحس أن صورى مش حلوة بتصور بنفس الطريقه مش بعرف اتصور بطريقة مختلفة أو اطلع صور حلوة ولما تيتا ماتت ده كمل عليا 
وانا اصلا شخص انطوائي و مش عندى صحاب عندى صحاب كتير بس مش عندى بيست فريند تشاركني كل حاجة فى حياتى وانا للاسف كده طول عمرى ماكنش عندى بيست فريند و انا لو حاسه وانا مبحبش افرض نفسى على و بشوف البنات بتعمل فديوز وبتكون بتحب نفسها وواثقة من نفسها وشايفة أنها تستاهل انا مش بقدر اعمل عندى نكران ذات من  صغيرة عمرة ما كنت واثقة فى نفسي ولا حبتنى انا عارفه أن انا استاهل حاجة حلوة وبحب نفسى بس مبقدرش لقول ده لنفسى أو أظهره خصوصاً انى واحدة عمرها ما عملت اى انجازات فى حياتها ولا عندى مواهب ولا مهارات مش بعرف اعمل حاجة فى حياتى عشان كده مش عارفه احبنى 
انا مش عايزة حاجة من البوست بس عايزاكوا تدعولى اكون احسن والفترة دى تعدى واكون كويسه على الاقل يعنى احس بكده وممكن تدعولى يبقى عندى بيست فريند عشان لما اشوف ناس من صحابة بينزلوا ستورى مع البيست فريندز بتوعهم بصراحه بيضايق يعنى لما يعموا تيك توكز سوا بيقضوا وقتهم سوا ويخرجوا يحضنوا بعض بيقبى نفسى حد يعمل معايا كده 
لو حد قرا كل ده شكرا بجد انك قريت كلامى هيفرق معايا جدا 
اسفة أن البوست طويل اووى بس مش عندى حد يسمعنى حبيت افضفض هنا وياريت تدعولى بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_75891 🇪🇬

منذ شهر واحد

شعور مرهق

انا شاب عندي 18 سنه من سنه اخويا توفى ف حادث الصبح بدري فالبيت وقع من دور عالي بقالي سنه يوميا بسمع اصوات الصريخ يومها بسمع صوتي بشوفه فكل ركن فالبيت حاولت اغير حاجات فالمكان مفيش انا الحمد لله متقبل فكرة وفاته بس مش قادر اتقبل الكيفيه يعني ليه مش فسريره ليه بالشكل البشع ده حاسس اني ضايع

Avocado_52095 🇪🇬

منذ شهر واحد

شعور مكسور القلب

ازاي اتخطي وفاه تيتا بقالها شهر متوفيه و مع ذلك مش قادر اتخطي مداري كل حاجه جوايا و مش مبين ادام حد خالص اني في حاجه بس انا مش قادر حرفيا كل حركه بعملها او اي حاجه بعملها في حياتي يجيلي موقف معاها مشابهه كلمه قالتها و هكذا ده غير الوفاه نفسها كانت صعبه اوي كانت في العنايه قبل ما تموت و اخر مره

Biscuit_26457 🇦🇪

قلبي وجعني من العلاقات اللي بتتكرر

كل شويه اتعرف علي واحد من ابلكيشان حواز وبعد كده فجأه يختفي معرفش ليه انا تعبت اخر واحد قعد يقولي انه معجب بيا وبشخصيتي وكان بيدور علي حد شبهي وفجأه بطل يكلمني ومش عوزهي مع ان محصلش حاجه انا حقيقي قلبي وجعني كل العوزه واحد اكمل معاه ويكون كويس انا مش بنت وحشه لا شكل ولا شخصيه بس فعلا ثقتي في نفسي بتتدمر كل شويه اكتر من القبلها معرفش عملت ايه ولا اذيت مين ولا ايه الحصل لكل ده ولا ايه اليخليني ديما اقبل ناس تأذيني كده بس انا مخنوقه اوي مقهوره قلبي وجعني امبارح قعدت اعيط كتير اوي والنهارده هموت واعيط بس قعده مع ناس فبحول امسك نفسي بس انا مش قادره ومقهوره وقلبي وجعني جدا بشكل مش طبيعي ...عرض المزيد

2 الدعم

31 نصيحة

Sugar_58980 🇪🇬

خايفة أبقى تقيلة على حد ويوم التخرج لوحدي

السلام عليكم انا حببت افضفض شوية اولا انا تقريبا طول عمري هادية بس مش انطوائيه و مش عندي صحاب كتير بس للاسف الاتنين اللي كانوا صحابي كان صحاب و سابوني بدون سبب مقنع يعني، أنا دلوقتي ٢٢ سنة و المفروض هتخرج السنه دي و كلهم عندهم صحاب ف الكلية و اتصوروا صور التخرج و انا حقيقي مش عارفه هحضر الحفلة ازاي انا بتكلم و بهزر معاهم عادي بس مش بحب افرض نفسي عليهم و اقولهم هخرج معاكم لاني دايما عندي شعور اني خايفه ابقي تقيلة علي حد و النتيجة اهو اني هكون لوحدي ف اليوم دا مش عارفه انا بكتب دا لي بس حبيت افضفض ...عرض المزيد

2 الدعم

19 نصيحة

Mango_22117 🇪🇬

دماغي عطلانه من التعامل وجها لوجه

التعامل وجها لوجهه غيرر بجد و حاسه منكتر مناا اتعودت علي شات مع كل معارفي بقت دماغي عطلانه بفكر ابطأ و باخد ردود افعال ابطأ و بفكر بمثاليه و بأوفر ثينك اجتماعياتي ادمرت و بجد بحاول انزل و اتعامل بس مش عارفه ارجع كويسه ...عرض المزيد

3 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع