وعي

Coconut_68392 🇪🇬

منذ 10 ساعات

شعور مرتبك

أحساس التوهه بشع واللي أصعب منه انك تبقي مش لاقي دليل ولا حد يرشدك للطريق الصح .. مفتقدة كل وقت جميل كنت في جاهله بكل شئ ومعنديش كم الوعي الكبير دا بكل المشاكل واللي بتواجهني والخطط اللي بحاول انفذها ولكني مش عارفة الطريق ليها ، الحياه بدون رفيق صعبه وبتبقي اصعب بعد ما كان بالفعل عندك بس فقدته💔

Avocado_53903 🇪🇬

منذ يومين

شعور لا مبالٍ

هل يمكن طلب بس كل واحد وسيط هسالكم سؤال تمام السؤال هو ما بين واحد العطاء بوعي او بدون وعي بقى من فلوس من مشاعر من حب من تقدير سواء علاقه ما بين اب وعياله او زوجه وزوجها او اخ واخته اي علاقه يعني بغض النظر عن ايه سواء اب وعياله او زوج وزوجها او اخ واخته عايز افهم الناس فاهمه الموضوع ده ازاي

Popcorn_50198 🇪🇬

منذ أسبوع واحد

شعور مرتبك

الوعي الزايد حاجة بشعة جدا وعي زايد + تفكير زايد + مشاكل حلولها شبه معدومه احسن ثلاثي يدمرو الانسان نفسا وبالتالي صحيا،،،، وبعدها يبدا يجي تراست ايشوس (من الحياة عامة) لانك في كل محاولة لتصليح اي حاجة... النتيجه بتكون مشاكل اكتر ف تبدا تشك في نفسك ولما وعيك الزايد يعمل عمايلو تبدا تشك في الدنيا...

Avocado_65688 🇪🇬

منذ أسبوع واحد

شعور فخور

موضوع:

الانعزال وصلك ل اي؟

الانعزال وصلني لنفسي وخلاني اشوف نفسي على حقيقتها ١٠٠% خلاني افوق لنفسي وابطل اي عاده سئيه كنت بعملها خلاني واعي اكتر ووقتي كلو بقى ملكي انا بستغله صح وبرتبه صح وببسط نفسي بنفسي وبقيت مش محتاج حاجه من حد ولا عايز اي حاجه من حد عندي سلام نفسي رهيييب وفي نفس الوقت قريب من اهلي وعلاقتي باهلي بقت اقوى و

Watermelon_32587 🇶🇦 هاي هي العزله الصح اللي توصل الانسان لنفسه هنيئا لك 👏👏👏👏

عرض الكل 2 نصيحة

Mango_65676 🇪🇬

منذ أسبوع واحد

شعور وحيد

مساء الخير مجرد تعبير عن مشاعري عندي طاقة كبيرة دايما ومشاعر كتير بجد مش اي كلام وبنات كتير حاولت معايا ، مكدبش انهم عجبوني شكلاً وشكلهم حلو اوي بجد لكن دايما في مشكله انا مبلاقيش نفسي معاهم دماغهم غيري انا بحب الشخص الهادي اللي ممكن نتكلم في اي حاجه وكل حاجه عادي ونتفاهم ويكون واعي لكل اللي بقوله

Cookies_65655 🇪🇬 ايه رايك تبعد عن كل العلاقات دي بجد تفصل عن كل ده اتمشي بعد صلاة الفجر قرب من ربنا يمكن البعض يشوف غريبه فكره ان تتمشي بعد صلاة الفجر بس بجد ومش هزار هتحس ان كل التفكير الوحش اتغير و مفيش حاجه اسمها علاقه بين ولد و بنت و ده مش تشدد او تقول خليكم متحريين و غيروا التفكير لا بجد مفيش حاجه اسمها علاقه بين ولد و بنت و صحيح مش هتلاقي واحده منهم تقدر تأمنلها ع نفسك ابعد عن كل الحاجات دي قرب من ربنا بجد

عرض الكل 7 نصيحة

Orange_64209 🇪🇬

منذ أسبوع واحد

شعور محبط

لما بقعد مع نفسي كده شويه بسأل نفسي سؤال هو أنا قصرت !؟.. بلاقي إني من الناس اللي عدت حاجات كتير ومواقف كان لازم أخد فيها موقف علشان بس الدنيا تمشي ، أنا مكنتش من الناس اللي بتتلكگ علشان تبعد مثلاً ، كنت بحاول دايماً أبقي موجودة حتي لو علي حساب نفسي و طاقتي ، علشان كده أنا مقصرتش خالص .. بس اكتشفت

Durian_52455 🇪🇬

منذ أسبوع واحد

شعور عاطفي

كفاية حب وتعلق ارجوكوا !!! اعملوا حساب لمشاعركوا وقلبكوا الغاليين. بلاش تفرطوا فيهم بالساهل بلاش بالكوا ينشغل بـ ناس متستحقش تكون فى حياتكوا صحتكوا النفسية والمستقبل والحاضر واقفين ع قرار انت المسئول عنه بطولك مش حد تانى! بلاش تقبل على نفسك الفرصة الرخيصة لمجرد إنها متاحة محدش هيندم على ده غيرك ومش

Carrot_62530 🇪🇬

منذ أسبوع واحد

شعور مستنزف

موضوع:

اهلك عملوا معاك ايه مش هتعمله مع عيالك؟

الخوف اسوأ حاجه ممكن تزرعها في ولادك بسبب التربيه الغلط الخوف هيفضل معشش في عقلهم ووجدانهم لحد مايكبروا والافه اللي ممكن تقتل اي ابداع فيهم أو حتي انجاز ممكن يحققوه عشان كدا مهم جدا العيال بعد سن معينه ابدا ميحسوش بالخوف لكن ممكن استبدله بشعور إيجابي زي الاحساس بالمسئوليه ومهم اوي يتربوا لما يكون عن

Croissant_64491 🇪🇬 كل حاجه عملوها معايا مش هعملها مع عيالي هعلمهم ازاي يحضنو بعض ميتكسفوش هعلمهم ازاي يبقو حنينين علي بعض هعلمهم ازاي يطبطو علي بعض مش هخاصم ابني بالشهور لمجرد انو غلط مش هعامل ابني علي انو مش بني ادم وملهوش رآي هعلمو انو عليه واجابات وليه حقوق هبقي ف ضهرو طول الوقت هديلهم كل الحب والثقه بالنفس الي هيحتاجوها هحبهم واطبطب عليهم واحتويهم هعرفهم اني ف ضهرهم والي يجي عليهم هبقي معاهم مش العكس

عرض الكل 1 نصيحة

Chilli_52693 🇪🇬

منذ أسبوعين

شعور غاضب

انا مش عارف ده ايه باظبط ودي مشكله ولا لا بس انا شكلي وملامح وشي بيظهرو اني طيب وغلبان وان اي حد ممكن يضحك عليا وقله وعي وادراك فا بالتالي ده بيدي انطباع اني علي الله حكايتي مع اني في الواقع انا شخص عادي جدا انا اه طيب بس المفهوم الصحيح للطيبه لاكن انا مش غلبان ولا مغفل ولا بيضحك عليا والي بعوزه ب

Avocado_53903 🇪🇬

منذ 3 أسابيع

شعور وحيد

بص بقى، أنا بجد مش فاهم إزاي في ناس بتتعامل بغباء كده، ومستنية الناس تبَرّها وتحطها فوق دماغها! يعني بجد؟! عملتوا إيه عشان تستحقوا ده؟ ربطتوهم؟! الناس كلها بتربّي، ومحدش قالكوا شكراً، لأن التربية مش مَنة، ده الطبيعي. أنتم ما عملتوش المستحيل، وفي ناس عملت أكتر منكم مليون مرة، ومتكلمتش، ولا استنت رد

Peanut_63074 🇪🇬 الاعجب بقي انك تلاقي انهم قادرين يدوا محبة بس انت مستثنى منها دونا عن اخواتك

عرض الكل 3 نصيحة

عبّر عن شعورك بشكل مجهول

أنتم ما عملتوش المستحيل، وفي ناس عملت أكتر منكم مليون مرة، ومتكلمتش، ولا استنت رد الجميل.
ولو في ناس مش معاها فلوس، عادي! الفلوس بتتعوض.
الفلوس بتيجي وتروح، وممكن البني آدم يجيبها بأي طريقة، حلال أو حرام، دي حاجة بينه وبين ربنا، وهو اللي هيحاسبه.

لكن فيه حاجة أهم من الفلوس بمليون مرة: المعاملة.
المعاملة هي اللي بتخلي الناس تحبك أو تكرهك، ترجعلك أو تلعن اليوم اللي عرفتك فيه.

صدقني، ملعون أبو الفلوس لو فاكر إنك هتمسك عيالك بيها!
لو متخيل إنك تقدر تتحكم فيهم وتربطهم بيك عن طريق الفلوس، تبقى غبي…
أيوه، غبي! لأنك كده مش فاهم ولا حاسس.

الشخص اللي بيدي بس فلوس، وهو فاكر إنه كده بيعمل اللي عليه، ده إنسان فاقد للوعي.
الموضوع مش فلوس وبس…
الموضوع مشاعر، احترام، وجود حقيقي.

نصيحة مني:
ما تعتبرش نفسك بنك فلوس… اعتبر نفسك بنك مشاعر.
لأن ده الرصيد الوحيد اللي مش هيخلص بينك وبين ولادك أو اللي حواليك.

افهم، كل حاجة في الدنيا ممكن تتعوض،
بس الرصيد اللي بينك وبين الناس هو اللي لو خلص… مستحيل يرجع.
وأنت اللي بتبني الرصيد ده، مش هم.

فـ صلح علاقتك بيهم قبل ما ينتهي ، وقبل ما يخلص رصيدك عندهم.
عشان ما يبقاش اسمك مرتبط بيهم بس في البطاقة،
ويبقوا شايلينك غصب عنهم، مش حبًا فيك.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.