في وقت كده بييجي في حياتك،، بتلاقي نفسك بتسأل: هو أنا ليه كنت بزعل أوي كده؟ ليه كنت بسيب الحاجات توجعني كأنها نهاية العالم؟ وتكتشف إنك بتعدي بنفس المواقف اللي زمان كانت بتكسرك… بس المرة دي، رد فعلك مختلف تمامًا. مش لأنك بقيت بارد… لأ، لأنك نضجت. بتفهم إن مش كل حاجة لازم تكون ليك، وإن الناس اللي بتحبها مش دايمًا هتحبك، والناس اللي بتسيبك مش وحشة… هما بس خلصوا دورهم في حياتك. بتتعلم إنك ممكن تضحك وانت من جواك موجوع، بس المرة دي مش تمثيل… المرة دي وعي. وعي إنك مش لازم كل نار تتحرق فيها، ومش لازم كل وجع يسيب علامة. تكتشف إن السلام الحقيقي مش في إن الدنيا تمشي على مزاجك، لكن في إنك تبقى راضي حتى وهي ماشية عكسك. تبتدي تسمع صوت عقلك الباطن لما يقولك "اهدى، متردش، سيبها تعدي". وتفهم إن النضج مش إنك تبطل تحس… النضج إنك تحس وتعرف تتعامل. وفي الآخر، تبتسم كده لنفسك وتقول: "أنا يمكن اتغيرت… بس المرة دي، اتغيرت وأنا فاهم أنا ليه." ---

1

2