نظرات الناس

Avocado_68584 🇸🇦

منذ أسبوع واحد

شعور عاطفي

كنت متدين جدًا كنت بقول على كل حاجة حرام .. أختي لو كانت بتلبس مش كويس بقولها ده عيب وكنت بعمل مشكلة .. حاليا أنا عايز أتجوز .. وكنت فاكر هختار بنت محتشمة لان انا شخصيتي كدا مثلا يعني اكتشفت اني مش قادر اتقبل ده وعايز بنت طبيعية فساتين وشعرها يكون كويس وشيك .. اه مش حاجة كبيرة وقلع وكدا بس يكون عادي

Corn_71708 🇪🇬 انصحك تسترجل و متبصش للتدين انه حاجة وحشة و اتجوز المحتشمة اللي تلبس ما يرضي لانك هتتحاسب عليها

عرض الكل 12 نصيحة

Popcorn_47130 🇪🇬

منذ شهر واحد

شعور لا مبالٍ

السلام عليكم ورحمة الله وبركاته. انا سعات كتيره بحس اني مش كويسه نفسيا وعقليا ومحدش يتريق بس انا احيانا ببقا مش فاهمه نفسي وتايهه ومش عارفه اعمل او افكر ف ايه وبحس نفسي برضو مش احسن حاجه لان ببقا احياننا بحس كله بيبص عليا واحيانا بحس ان محدش مهتملي واحيانا بحس اني ببص علي الولاد وكده واحيانا بقرف

Strawberry_57860 🇪🇬

منذ شهر واحد

شعور وحيد

حاسه اني وحيده اوي بالرغم ان حواليا اهلي و صحابي حتى لو مش كتير بس على الاقل حواليا ناس بس بردو حاسه بفراغ مش مفهوم وحتى لما حاولت ابقى اجتماعيه اكتر كانت بتبقى صداقات اسبوعين او شهر بالكتير ونبعد ومحدش يعرف التاني حتى في المدرسه من كتر ما انا مكنتش بروح ومش بتكلم في اي جروب دفعه هما بيعملوه نسيوني

Avocado_54882 🇸🇦

منذ شهرين

شعور متعب

دايما كل ماقرب من حد يبعد عنى والناس بتفهمنى غلط وبقيت عايش لوحدى ومافيش حد بيسال عليا والدنيا بقت وحشه اوى حتى فى الشغل دايما عندى احساس انهم بيعرفونى علشان مصلحتهم وساعات انهم بيتريقوا عليا ومبقتش عارف اعمل ايه وعندى احساس متلغبطه وبقيت تعبان اوى ومش طايق نفسى

Kiwi_49822 🇪🇬

منذ شهرين

شعور ضائع

موضوع:

الفلاش باك الي بيجي فجأه

لما كنت صغير عندى 10 سنين واتصعدت شباب فى تمارين لعبة قتاليه معينه من كتر ما مركز فيها وخدت كذا ميداليه وكذا حزام وبعدها تجيلى مشكله مرضية نادرة فى الركبه فا اقعد ست سنين باخد علاج من غير نفع وماقدرش اسجد فى الصلاة واصلى وانا قاعد اوقات كتير ونظرات الناس ال كلها تهكم انك ازاى صغير وتصلى وانت قاعد ده

Mango_57291 🇪🇬

منذ شهرين

شعور محبط

دايما بعاني من رهاب اجتماعي لما بتعرف علي حد جديد بسبب اني بحس نظراتهم ليا مش الطف حاجه سواء حاولت اكون كاريزما و الشخص التقيل او احاول اخفف دمي و يبدأ صوتي يضيق و احس اني بتكلم من منخيري ،انا بجد تعبت و عايز حل 😞

Croissant_57288 🇪🇬 للاسف انا كمان عندي نفس المشكله مش بحب الخروج من البيت ولا اروح افراح ولا خطوبات و تجمعات عائلة و لما بخرج بلجلج في الكلام مش عارفه ليه انا كدا بكتسف اخد حقي لو اللي السواق مش رجعه الموضوع فعلا مزعج بس اعتقد الحل اننا لازم نتغلب علي الاحساس دا مرة وتالته وهكذا مع الوقت هتحس عادي

عرض الكل 4 نصيحة

Orange_55383 🇪🇬

منذ شهرين

شعور قلق

السلام عليكم ياجماعه انا شاب ف اولى جامعه مشكلتى هى ان انا طولى زياده شويه يعنى انا ٢٠ سنه وطولة ٢٠٠سم ودا بيخلص الناس كلها تستغرب منى ف اى حته ودا مدايقنى وفى حاجه كمان بخاف ان البنات تتريق عليا وماعرفش اتجوز واحب وكدا

Mushroom_54240 🇪🇬

منذ شهرين

شعور شاعر بالملل

تعبانه كل حاجه في حياتي خره تعبت من كل حاجه تعبت من الناس تعبت من النقاش تعبت من اهلي و البيت و الترويق تعبت من تظرات الناس حسها اني مش كويسهمش قدره اعيط بقيت بعيط جوايه مش عارفه اعمل حاجه في حياتي حياتي بيظها من كل حته مش عارفه احب مش عارفه اخد خطوه اني اجوز اتخطب او اكل مع حد لان كلو بيقول معلش

Peanut_51983 🇪🇬

منذ 3 أشهر

شعور غاضب

قولت احتشم في لبسي و أبدأ اللبس واسع أنا كده كده لبسي مش ضيق بس مش واسع برضو المهم بدأت انهارده ولبست چيب كمية البنات والأولاد اللي بتبص عليا من فوق لتحت رهيبة بجد حاسة إن كان فيا حاجة غلط قولت يمكن بيتهيالي ومشيت مع بنات صحابي لقيت شلة ولاد باصة عليا انا وسايبين صحابي اللي لبسهم ضيق !!!!! فا سؤالي

Croissant_52254 🇰🇼

منذ 6 أشهر

شعور وحيد

Strawberry_25620 🇪🇬 بلاش موضوع لفت الانتباه ده غلط جدا الملفت بيبقا ملفت بطبيعتو انتي فعلا في المكان الغلط واعتبري دخولك الجامعه فرصه جديده استغليهااا وحاولي تعملي فيها اصحاب جداد وكويسين هتلاقي كتير جدا عمتا وكل الشخصيات ف هتلاقي اللي على مقاسك ويشبهولك ،اختاري انتي صح بس واهم حاجه بطبيعتك متحاوليش تجتهدي وهوا ربنا بيبعتهملك من عندو خلي عندك ثقه في نفسك شويه واشتغلي على نقاط ضعفك اللي في شخصيتك وفي الاخر حبي نفسك

عرض الكل 4 نصيحة

عبّر عن شعورك بشكل مجهول

انا عندي مشكله هي اني بجد وحيده معنديش صحاب كلهم معارف مش اكتر او بمعنى اصح زمايل وبجد الموضوع مؤذي نفسيًا اني معنديش صحاب من وانا صغيره وحيده ومبعرفش اتعامل مع حد وبحاول الفت انتباه اللي حواليا وبيتردلي بالتجاهل على طول محدش حتى شايفني حاولت كتير اتفاعل مع الناس ويكون عندي صحاب بس مفيش فايده وكرهت نفسي وبقيت حاسه اني كئيبه ومصدر طاقه سلبيه للي حواليا ومحدش يقولي تجاهليهم انا فعليًا حاولت اتجاهلهم كتير بس الوحده قتلتني حرفيًا وخصوصًا ان يعني وضع عيلتي المعنوي مش احسن حاجه محدش عندو خلق للتاني وحتى لما بحاول اكون فرفوشه معاهم وافك شويه تيجي اللي تاخد الاتنشن وتغطي عليا بجد بحس ب احراج وبرجع تاني اقعد لوحدي وببقى بفكر هما هيقولو عني ايه عشان سبتهم وقعدت لوحدي ولو فضلت قاعده معاهم ممكن يقولو ايه عني وانا برضو قاعده ومليش اي لازمه بينهم لانهم حاطيني برا الدايره دي وحتى لما بنكون واقفين ٣ مع بعض بكون انا الطرف التالت وده مع كل الناس مش مع ناس معينه مبقتش قادره احب نفسي وخصوصًا انها حاجه وحشه ان بعد ١٢ سنه دراسه معنديش ولا صاحبه وده نفسو متوقعه انو يحصل معايا فالجامعه وكمان حتى لو جيت اقترح عليهم فعاليه نعملها ممكن يرفضوها مني بس يقبلوها من شخص تاني مع اني بجد مش وحشه مع حد وحرفيا بخاف على زعلهم جداً وبحاول على قد م اقدر اكون خفيفه عليهم واخد بالي من كلامي والتزم حدودي عشان ميزعلوش مني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_51920 🇯🇴

منذ 6 أشهر

شعور متوتر

انا و اهلي رايحين على مكان سياحي و رح ننزل بفندق، و انو it’s my very first time انو اروح على فندق و خايفة اعمل اشي محرج او ما اعرف اتعامل مع الناس او حدا يعطيني نظرة مش لطيفة، دايما بس اروح على مكان هيك بحس اني ما بنتمي لهاد المكان و اني رح انحرج و ppl are gonna judge me و فوق كل هاد اكتشفت ما عندي

Tofu_51184 🇪🇬

منذ 7 أشهر

شعور محبط

عبّر عن شعورك بشكل مجهول

السلام عليكم.
أنا مش عارفه أعيش حياتي طبيعي، بفكر في كل كلمة اتقالت سواء أنا إلي قولتها أو حد غيري، كل نظره وكل طريقة كلام بروح البيت أفكر فيها 
يا ترى كان قصدها ايه لما بصتلي كده؟
يا ترى المستر شافني ازاي لما غلطت ف سؤال؟
يا ترى عملت حاجه تخليني مش محبوبه؟
يا ترى ضايقتهم؟
يا ترى كنت لذيذه النهارده ولا كنت رخمه؟
طيب يا ترى بعد ما مشيت اتكلموا عليا؟
طيب يا ترى لما قولت همشي علشان الحق أصلي شافوني منافقه؟
طيب فهمت ايه لما قولت كده، ده أنا مكنتش اقصد؟
واكتر من كده، وانا مش مؤذيه ولا ممكن أسبب لحد ضرر نفسي بقصدي يخليني أفكر كل التفكير ده، لكن فعلا مش قادره أبطله وبقى جزء من حياتي.
مش بثق في نفسي ابدا على عكس ما كنت أو يمكن كنت واهمه نفسي إني كده
مش بثق فعلا في شكلي رغم انو الحمدلله شكلي مقبول، ولا بثق في قدراتي وإني أقدر أعمل كذا حاجه وإني كويسه، مبشوفش نفسي غير واحده عاديه جدا مش فيا كل المميزات الي انتوا بتقولوها دي، ولو حد مدح فيا وده متردد دايما ف الي هو بتمدحوا فيا ليه يا جماعه م انا عاديه عادي، في ناس كتير أحسن مني.
لما بقفل ف امتحان بشوفها صدفه عادي مش انا يعني الي تحفه.
كان عندي امتحان امبارح واثقه مليون ف الميه إني مش هقفل، رغم اني حليت كويس جدا الحمدلله.
مش عارفه أعيش حياتي طبيعي حقيقي، وحاسه إني محاوطه بمجموعه كبيره من الأفكار إلي مش بتفارقني، ومبطلعش من الماضي لدرجة اني عندي خطط للماضي، ومبقدرش ماخافش من المستقبل إلي ف علم ربنا، ف بالتالي مش عارفه استمتع بالحاضر.
فوق ده مش بركز في الاسئله، في اسئله كتير بشوفها اسئله تانيه او مش بقراها ف بحل غلط رغم اني كنت ممكن ابقى الوحيه الي مقفله، رغم اني بقرا مره واتنين و تلاته السؤال، لكن ولا حاجه بتتغير!
ف علشان كده لما باخد امتحان مببقاش واثقه اني هقفل او هجيب درجه حلوه، انا عارفه اني نسيت حاجه او عملت حاجه غلط، ف خلاص بقى ده الطبيعي.
فوق إن كل سيناريوهاتي بتطلع غلط، يعني لو فكرت اني بكره مثلا هروح هنا وهعمل كذا فببقى عارفه ان خلاص طالما فكرت هيحصل العكس او هيحصل حاجه تبوظ الي فكرت فيه وفعلا ده بيحصل.
مش عارفه بجد أعمل ايه ومش عارفه لما أدخل تالته ثانوي هعمل ايه وانا توتري ممكن يخليني انسى فعلا المنهج وده حصل قبل كده ف امتحان مهم وعدى بفضل ربنا الحمدلله، ولا اني ممكن اعيط وجسمي يترعش ومبقاش على بعض من قبل ما اخد ورقة الامتحان، طيب هكمل ازاي وانا مش واثقه ف نفسي ومبوظه على نفسي حياتي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_46393 🇪🇬

منذ 8 أشهر

شعور لا مبالٍ

الموضوع مش موضوع رهاب اجتماعي او عدم ثقه بالنفس بالعكس انا شخص واثق من نفسي جداً' بس دايما بحس وانا ماشي الناس كلها بتبص عليا' مش بحس دي حقيقه' حتي لما بكلم شخص بيسرح فيا ومبيعرفش يجمع الكلام وبيكون متوتر' حتي الاطفال الصغيره لما بتشوفني بتفضل باصه عليا وبلاحظ دا كتير' عمتاً انا شخص معنديش اي مشكله

Watermelon_46806 🇪🇬

منذ 8 أشهر

شعور منزعج

انا لما ببقا قاعد في تجمع عائلي بحس اني قليل بالذات لما حد يفضل يسألني والناس كلها ساكته ومركزه معايا ولو جاوبت على السؤال غلط يقول دا فاشل دا هيسقط ويقولوا كدا قدام أبويا وابويا يفضل يزعق ويقول لي بص بيقولوا عليك ايه ويحسسني اني قليل مش عارف اعمل ايه

Coffee_27700 🇪🇬 رد عليهم ودافع عن نفسك قول بأسلوب قوي انك ناجح ومش متقبل النوع ده من الكلام أو الهزار ومش هتسمح بيه تاني. ولو تتكرر تاني استأذن وامشي.

عرض الكل 3 نصيحة

Strawberry_42567 🇰🇼

منذ 9 أشهر

شعور مكتئب

انا بثق قي نفسي جامد و شايفه ديما اني صح و مش بغلط و بهزر و بضحك حتى في السوشيل ميديا بس اول ما بخرج من البيت بلاقي كل ده اتغير بحس ان في حاجه غلط في شكلي وان كل الناس بتبص عليا و مش بعرف اتكلم كلمتين على بعض و بقيت كل ما اخرج اخرج وانا حاطه هيدفون و بحاول متكلمش خالص و بلاقي صوتي بقى

Ice Cream_69885 🇪🇬

بدور على بديل لكليه الحاسبات ومتدمره

حد هنا يعرف جامعة برج العرب التكنولوجية أو اكاديميه الشروق بتعادل بكالوريوس ولا معهد أو حد يعرف قسم يشبه كليه الحاسبات والمعلومات انا جايلي كليه العلوم مش هعرف ادخل قسم حاسب لاني علمي علوم ومفيش فلوس ادخل كريديت اللي يعرف يفيدني بمعلومه يقول لاني متدمره ...عرض المزيد

0 الدعم

0 نصيحة

Strawberry_73915 🇪🇬

نفسيتي تعبانه بعد فسخ خطوبتي من نرجسي

نفسيتي تعبانه من بعد ما فركشت خطوبتي عشان اكتشفت انه كان نرجسي و جوايا اتنين الاول بيقولي عيشي حياتك و حبي تاني والتاني بيقول كفايا لحد كده خليني قعده في بيت اهلي و بلاش ارجع أفكر في ده مع اني كان عندي امل اتجوز السنه دي لاني محتاجه اتجوز ...عرض المزيد

1 الدعم

9 نصيحة

Nutella_67863 🇪🇬

ازاي ابقى باردة ومشاعر متهيأليش تجاه اي حد؟

اللي يرد ياريت يكون عنده حل* دلوقتي ازاي الفراغ العاطفي اللي عندي ده ميكونش موجود نهائي ، ازاي محسش مشاعر تجاه الطرف الاخر ازاي اكون باردة ! انا اي رده فعل لو حد كلمني كويس لو دفعت اجرة لشاب اترجمها اعجاب واعيش في وهم وحاجات كتير .. انا مش عايزة اكون الشخص ده اعمل ايه عشان يبقي عندي كنترول لو دكتور جامعة شاب برضو بحس باعجاب ودماغي متكونش في الشرح ومحدش يقولي شوفي سيكشن بدكتور تاني عشان مافيش الكلام ده في الجامعة هو دكتور واحد وبيحضرله الدفعة كلها .. يعني الانسان وهو صغير كان بيتعامل مع مدرسينه عادي لما كنت بمشي في الشارع زمان ولا كان يهمني حد خالص ولما حد يبصلي عادي ولا فارق معايا اي شيء ليييه حاليا الموضوع معايا اوڤر وتاعبني جدا ومش مركزة في مذاكرتي ولا في حياتي ومدمرة تدمير مالوش وصف .. ازاي فعلا اسيطر علي الجزء ده انا بفكر في مذاكرتي واني حابه اشتغل واعلي في الجانب ده وقصاد ده المفروض اركن المشاعر والكلام الفاضي ده علي جمب اعمل ايييه ! وياريت عندك حل رد لكن استظراف وكلام عيب ربنا يولع فيكم بجاز وسخ آمين اي خدمه ...عرض المزيد

1 الدعم

11 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع