نظافة البيت قصص حقيقية - 4 تجارب، ونصائح، ودعم

Donut_49598 🇪🇬

منذ 4 أشهر

شعور مرتبك

باختصار كدا انا البنت الكبيرة في عيلة فوضوية وغريبة مهما حاولت احافظ على نظافة البيت مش بعرف المهم حاولت احافظ على اوضتي بس عالاقل بس في حاجة مضيقاني ماما بتحب تقعد معايا مش عشاني لا عشان اوضتي نظيفة بس وعلى سريري كمان وانا حاسة اني محتاجة مساحة شخصية خاصة بيا خصوصا انها بوجودها البيت كله بيبقى قاعد

Apple_18010 🇪🇬 الرسول قال ليه ان البيوت حرمات علشان خصوصية الناس .. وغرفتك تعتبر مسكنك وحرمتك ومعني اخر خصوصيتك ( هل ينفع والدك او اخوكي يدخل عليكي وانتي بتغيري ملابسك مثلا ف الاوضة ( اكيد لا ) طب هتغيري ملابسك فين غير اوضتك مثلا ف اوضتك هي حرمتك وفي معني اخر خصوصيتك ( ممنوع الدخول من اي شخص حتي ابوكي او اخوكي غير لما يخبط ويستاذن ذي ما الشخص الغريب بيخبط وبيستاذن لما بيدخل بيت الناس )

عرض الكل 7 نصيحة

صاحبتي كانت بتعالج من شيزوفرينيا ودمّرتني

أسوأ حاجة بتحصلي انه بفضل قافلة على نفسي عشان خايفة أتوجع ويوم ما افكر افتح الباب لحد بيدمرني زى ما كان في فيلم غبى منه فيه ( يوم ما تنشن لازم تصيب) كنت بشتغل في اتصالات في اكونت حجز تذاكر سينما كنا اربع بنات بس في القسم انا بقى يازين مااخترت انه تكون صاحبتي واحدة اكتشف في الاخر انها بتعالج عند دكتور نفسي من شيزوفرنيا اللى هو كان فيه اثنين تانين انا كنت بنزلها ايام اجازتى ااقضي اليوم كله في الشركة قاعدة ما بشتغلش بس عشان متبقاش لوحدها الولد اللي أعجبت بيه في الشركة عملنا خطة عشان يخطبها وفعلا خطبها كنت معاها يوم الخطوبة من الصبح كل يوم بعد الشغل كنا بنقعد في كافيه قدام شارعها نرغى ونهزر كنا بنحكى لبعض كل حاجة جيبتلها عروسة المولد وعشان البنات متزعلش جيبتلهم هما كمان بس بتاعتها كانت احلى واحدة وجيبتهالها محجبة كتشجيع انها تتحجب كنت بعتبرها زى اختى فا الدنيا تمشى كدا عادى لا طبعا تبدأ تحصل مشاكل مع خطيبها ويجي يسألني هو فيه ايه واحاول اصالح وللأسف يفشكلوا ويجي ينصحني انى ابعد عنها انها مش سوية وسبحان الله البنات الاثنين التانين يقولوا هما كمان انها بتتكلم في ظهرى وحش من اول ما بقينا أصحاب سنة كاملة وفي الاخر تقولي انها عندها شيزوفرانيا ودا رقم دكتورها لو عايزة اسأله فقدمت استقالتي مابقيتش قادرة ابص حتى في وشها انا بينطبق عليا اغنية اختياراتي مدمرة حياتي ...عرض المزيد

0 الدعم

0 نصيحة

خايف منهم مش عليهم. لما الثقه بتخون

لما تدى الثقه فى حد بالذات لو الحد دا احد الأبوين بتدى لهم اى عزر علشان متفقدش الثقه دى ،مهما وعدوا واخلفوا مهما قالوا ورجعوا فى كلامهم . اى حد فينا كان بيقول عادى دا هم تلاقيهم قلقين على مش اكتر اه هم وعدوا واه هم نزلوا فى نظرى قوى بس دا عشان مصلحتى...صح؟ لحد ما توصل لوقت معين بتبقى محتاجهم بجد فيه ويوعدوك انهم يبقوا جنبك وانهم هيدوك الحريه التامه فى الحاجه دى وهيقفوا معاك وسندك ووقت الجد يخونك الشخص اللى بينك وبينه علاقه تصل للدم ويرجع فى كلامه . لا انكر خوفهم على ،لكن لن انسى خوفى منهم . ...عرض المزيد

0 الدعم

0 نصيحة