مكسورة

Chocolate_73677 🇪🇬

منذ 3 أيام

شعور مرهق

انا حسه اني مكسوره جدا انا متجوزه متجوزه في حته ارياف كنت أنا جوزي كويسين جدا مره واحده التعصب عليا سبب تافه وشتمني وانا ابويا متوفي امي ف القارة بعيد أهل امي جنبي خالي لمه بيجي يحل ليا مشكله بيطلعني غلطانه بيقول بيا قدام أهل ويقول كلام يشيلني غلط فيا اكتر وجوزي كان فران بكسرتي دي من كتر ضعف امي و

Popcorn_73621 🇪🇬

منذ 4 أيام

شعور مكسور القلب

هو الواحد لو بيحب واحده وهيا جت عليها فتره بتحب تكلمو وبتشارك معاه حجات كتير وتفاصيل والاغاني الي بتحبها وبيختارو مع بعض الفساتين وكدا وبعدها بفتره مبقتش بتحب تكلمو زي الأول وهو كل لما يحاول يفتح موضوع هيا بتقفله وهو مش عارف يعمل أي مع العلم هو بيحبها اوي وحب بجد مش الهبل دا وبيحبها من وقت كتير اوي

Cheese_54753 🇹🇷

منذ 4 أيام

شعور ضاق ذرعًا

عبّر عن شعورك بشكل مجهول

حقيقي تعبانة وبعمل نفسي تخطيت وانا حاسة اني لسه في مكاني
عدى سنة من ساعة ما عرفت انه بابا اتجوز على ماما في السر هم يعتبروا منفصلين كل واحد في حتة بس الموضوع عاملي حاجه زي تروما مش عارفة اطلع منها
بابا انسان كويس صرف علينا حمدلله وكبرنا بس هو emotionally unavailable ومحاولش يبني معانا علاقة حقيقة بسن اب وبنت وبالتالي كبرنا منعرفش حاجه عن بعض
تعبت لما اتكلم مع الموضوع مع اخواتي او مع اي حد يقولي حقه وحلال هو انا اللي حصل فيا حلال؟ انه البيت يتفكك ويستغنى عن ماما اللي افنت عمرها عشانه وكل واحد يبقى في حتة بسببه حلال؟ هو انا كمان مش من حقي اروح اتجوز دلوقتي وبمذهب ابو حنيفة اقدر اتجوز بدون ولي امر هو مش ده حقي وحلال؟ بس انا مبعملش كده مش عشان مجتليش الفرصة بس عشان انا عارفة انه كسرة القلب حرام.. انا مكسورة وتعبانة ومش قادرة اتقبل الموضوع مش قادرة اتقبل انه عندي اخت معرفش عنها اي حاجه ويمكن معرفش مش قادرة اتقبل انه اختار نفسه هتقولولي انت انانية وهو بني ادم زيك زيه وعيشي حياتك وانسي لو اعرف اعيش حياتي وانسى كنت عملت كده من سنة والله مش قادرة اعمل كده.. اتنين من اخواتي اتجوزوا وخلاص مبقاش في بالهم انا اللي بشوفه كل يوم انا اللي عارفة لما بكلمه ويكتبلي رسالة مش فويس يبقى معاها انا اللي عارفة انه بيقولي رايح مشوار ولما اركب العربية الاقي الكرسي متغير مكانه عشان كانت معاه انا اللي بقعد في البيت لوحدي بال١٢ ساعة عشان يروحوا يتفسحوا واخر حاجه وهي اللي غيظاني ومخلياني مقهورة انه بيقولي مسافر مصيف يومين مقالش مع مين بس انا فاهمة وهو فاهم
هو ده مش حرام؟ هو انك تربي بنات من غير ما تعرف عنهم حاجه ده مش حرام؟ انك تبقى عارفة اني زعلانة بسبب الموضوع ده ومتحاولش تطتطب عليا ده حرام؟ساعات بيجيلي اوقات اقول ده قضاء وقدر وسبيه في حاله وخليكي انانية فعلا زي ما هم فاكرين وانسيه خالص بس مش عارفة مش عارفة اعيش مع حد مش موجود مش عارفة انام واصحى عارفة انه عنده حياة تانية تماما بيقضي معاها كل وقته وانا بنته اتحرق بقا مش مهم حاسة بايه مش مهم هي شايفاني ازاي مش مهم اي حاجه المهم احتياجاتي 
اصل انا راجل اعمل اللي انا عايزة متأسف معنديش مشاعر و رغبتي الجنسية هي اللي بتمشيني مش اللي انا اللي بمشيها ولو اتكلمتي لا هشش هتعرضتي على خلقة ربنا ولا ايه؟ هي دي سنة الحياة هي دي الدنيا هتعرضي على حلال ربنا؟ طب هو حلال اللي بيحصل جوايا ده؟

اتقدملي عريس كانت ظروفه نص نص لكن اول ما عرفت انه ابوه اتجوز على امه وهو عنده اخوات من ابوه بس وقده في السن قولت مش عايزة اقابله ما هو بجملة واحد ييجي يكمل عليا ويكسر اللي باقي مني واقدمله كل حب وحنان وطاقة وتربية اولاد وسهر وتعب وبعدين يقولي يقولي حقي واحتياجاتي لا اعيش وحيدة احسن ولا اني احس الاحساس ده تاني لا والمرادي هيبقى اسوء بمراحل هتقوليلي ده حكم مسبق ويمكن الولد مش زي ابوه لا هو ظاهريا يدي الانطباع والفيسبوك والانستا من بتوع الست تقول اه وحاضر وكلام من ده مش هطول عليكوا

ارجوكم عايزة حاجه تساعدني تعبت محدش يقولي عيش حياتك وانسيه عشان والله لو اعرف اعمل كده كنت عملت من سنة
انا كل ماحس اني بتقدم تيجي حاجه تحصل تهدلي كل اللي عملته عشان اتخطى وبحس اني زي اللي كان بياخد مسكنات بس مش بيعالج الوجع لا بهرب منه على امل اني ابقى كويسة شوية وخلاص.. انا عايزة حلول فعلا او لو حد مر بتجربة شبيهة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_52020 🇪🇬

منذ 4 أيام

شعور مكتئب

مشكلة الأخ الكبير اللي عمره ما خد دعم من صغره.. اللي كان بيسكت لأنه خايف، واللي كل ما يحاول يبان يتشال منه ثقته بنفسه بالسخرية والتقليل. وفجأة العمر جري، لقى نفسه كبير ومطلوب منه يبقى الحكيم، والسند، والضهر، والمثالي في كل حاجة. طب منين يا جماعة؟ منين؟ عارف الناس اللي هتقول: "خلاص كبرت، دي مسؤوليتك

عبّر عن شعورك بشكل مجهول

مشكلة الأخ الكبير اللي عمره ما خد دعم من صغره..
اللي كان بيسكت لأنه خايف، واللي كل ما يحاول يبان يتشال منه ثقته بنفسه بالسخرية والتقليل. وفجأة العمر جري، لقى نفسه كبير ومطلوب منه يبقى الحكيم، والسند، والضهر، والمثالي في كل حاجة. طب منين يا جماعة؟ منين؟

عارف الناس اللي هتقول: "خلاص كبرت، دي مسؤوليتك، متعش في دور الضحية.." أحب أقولهم يركنوا على جنب، لأنكم أتفه من إني أرد عليكم. أنا بكلم الناس اللي هتفهم وتحس.

أنا مش بصرف على البيت والحمد لله مستورة، بس طول الوقت حاسس إنهم مستنيني أكون شخص تاني مش أنا، عشان أقدر ألبّي اللي عايزينه. وأنا أصلاً محتاج حد يساعدني، مش بامثل ولا باوهم نفسي.. أنا فعلاً تايه.

والدي مات وأنا في أولى ابتدائي، محدش وجهني من يومها. اتمرمطت فـ فترة  معينه وكانت كافية تكسرني. والدتي اتجوزت تاني وعايش معاها انا واخويا وقتها كنا صغيرين وملناش غيرها وكان فيه مشكل كبيره مع اهل ابويا بعد مامات وطردونا م الشقه فا دا كان السبب اننا نعيش معاها ، لكن بدل ما المشاكل تقل، زادت. أي حاجة تحصل بتشتكيلي وتحط همها على كتافي. هي مش بتطلب فلوس، هي عايزة حنية.. بس منين أجيبها؟ أنا أصلاً ما شفتش منها ولا من غيرها حنية حقيقية غير قليل، ويمكن مصطنعة.

يمكن بتعاطف معاها، بس بطريقتي، مش بالطريقة اللي هي عايزاها. وده مش بإيدي. فوق ده كله، أنا مكتئب بقالي خمس سنين، وبصراحة جزء كبير من اكتئابي بسببها. أنا اتطفيت بدري.. عندي 23 سنة وبحس إني عجزت ووصلت لـ 80.

أيوة، أمي عملت اللي عليها وربتني زي ما اتربت، لكن ما عرفتنيش إزاي أبقى سوي. الكتمان والخوف من عقابها وأنا صغير خلوني معقد من جوه وكاره الناس والحياة.

أنا مش سوبر مان، ولا خارق. أنا بني آدم بلحم ودم. مش عايز حد يقولي: "دي مشكلتك، لازم تحلها، أنقذ نفسك." أنا عارف ده كويس. لكن بدل ما تقطع فيا، قول كلمة طيبة يا أخي 
أنا مش روبوت، أنا إنسان محتاج يتفهم.
لدرجة إني وصلت إني قررت مش هتجوز. متخيلين إن الموضوع معايا وصل للدرجة دي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_72230 🇪🇬

منذ أسبوع واحد

شعور فخور

موضوع:

هى ايه الخطوات اللى خلتكم اقوى بعد ما كنتوا ضايعيين

اول ما فسخت خطوبتي كنت حرفيا زي المجنونه ثقتي الي رمتها عليه ومكنش يستحقها كسر بقلبي و طلع اسراري وغيره خلاني في 7 ارض و الله مخرجت من المحنه دي غير برحمه من ربنا ربنا قواني وعرفت اخطائي في حين ان اهلي موقفوش جنبي

Avocado_63956 🇪🇬 الحمد لله رب العالمين أكثري من الاستغفار والتسبيح بحمد الله والصلاه على النبي صلى الله عليه وسلم 🌹🌹🌹

عرض الكل 2 نصيحة

Ice Cream_69878 🇪🇬

منذ أسبوعين

شعور ضائع

جدعان احنا اصدقاء بس هو بييجي يقولي مثل انا مابحبش اكون واحد من ضمن الوحايد بيحب يرخم عليا كتير ويضحكني او بيقولي ان كل صحابنا والي نعرفهم ماحدش فيهم كويس وبيقولي انهم بيتكلموا عليا او عليه وبيبعتوا اسكرينات وكدا ومش بيصدقهم ويكدبهم وكدا وبيقولي انا بدأت ما اصدقكيش لما احكي حاجة وبيعرف يسحب مني الكل

Watermelon_71556 🇪🇬 حاسس الموضوع فيه لعبه نفسيه او هو نفسه مريض نفسي بيحاول يقنعك ان كل الناس وحشه ماعدا هو وتبقى كل نظرتك للعالم من خلاله

عرض الكل 6 نصيحة

Avocado_70684 🇪🇬

منذ أسبوعين

شعور متعب

انا مشكلتي اني حبيت شخص ووثقت فيه وامنته ع نفسي ولاسف دي اكبر غلطه عملتها طلع مريض وكان بيتفنن ازي ياذيني كلم اخويا وقاله كلام ف شرفي وكان ع طول بيهيني ويلعب باعصابي كان دايما بيقلل مني ومن عيلتي وكان بيقصد يوصلني لبانك اتاك واعيط قالي انا بتشفي فيكي كان مريض بالشك دايما شاكك فيا عشان تجربه له زمان

Coffee_54538 🇪🇬

منذ أسبوعين

شعور محبط

Watermelon_65497 🇪🇬 يسبرك ويكرمك بي واحده احسن منهم بس انت غلطان انك تكمل في علاقة زي ده سبتك ورجعت تاني واتستك تاني ورجعت تالت وبردك سبتك انت غلطان انك تكمل البنت لما تعرف انك خلاص اتعلقت بيها كده اعرف ان العلاقه انتهت اول ماتعرف كده متقولش لي بنت اوعي تسبيني والكلام ده اياك انا لو مكانك اقسم بالله خليها تندم ندم السنين كلها ارجع ليها بس المراضي انت الي هتسبها واكسر قلبها زي ماكسرت قلبك ودوقها من نفس الكاس

عرض الكل 12 نصيحة

عبّر عن شعورك بشكل مجهول

مساء الخير 
فالاول بس حابب اوضح الشريط من اوله بختصار : 
كان ليا ٣ علاقات فالاول 
اول واحده استمرت ٧ سنين و فجأه و بدون مقدمات عرفت ان البنت اتجوزت 
تاني علاقه مطولتش بس البنت سابتني 
( بعدها حسيت انه خلاص مش هعرف احب تاني ) 
ف خدت الخطوه و رحت اتقدمت لبنت صالونات و اتخطبنا بس للاسف بعد الخطوبه بيوم البنت كلمتني و قالتلي تعالى خد حاجتك مفيش نصيب بينا و لما رحت اخد حاجتي كنت رايح بنية اشوف ايه المشكله و احاول اوصل لحد بس اتفاجت ان الباب مقفول بنسبالهم تماما و اهلها رافضين ان العلاقه دي تكمل … 
مرت سنتين كامله و انا مش عايز ادخل اي علاقه لحد ما قابلت بنت اسمها يارا كنت اعرفها عن طريق الشغل و بقينا صحاب جدا و فالوقت ده هي كانت بتحاول تنسى شخص كان في حياتها و انا فضلت واقف ف ظهرها و بساعدها تتخلص من الم العلاقه دي ،، 
اتطورت العلاقه بينا لحد ما هي قالتلي انها فعلا مبقتش تفكر فالعلاقه القديمه دي و ابنتدينا نقرب لبعض جدا لحد ما اعترفنا لبعض اننا بنحب بعض و فضلنا فتره مع بعض و انا قولتلها عن كل الي حصل قبلها و عرفتها اني خايف اتعلق بحد و يمشي تاني و اني هدي لنفسي اخر فرصه اني ادخل ف علاقه ف ياريت متخذلنيش و طبعا وعدتني ان ده مستحيل يحصل مهما حصل  
 لحد ما جت فجأه و قالتلي انها مش حابه تكمل فالعلاقه دي و بعدها انا تعبببت جداا و قررت ادخل مصحه نفسيه اتعالج و مده العلاج بتكون ٦ شهور .. 
عدى اول شهر و جت ماما تزورني و قالتلي انه يارا بتسأل عليا ف خليتها تكلمهالي و لما كلمتها قالتلي اني وحشتها جدا و تلقائيا لقيت نفسي بقولها ان هي وحشتني اكتر و اني مستني بس اقف على رجلي و هخرج اتقدم لها و اخطبها و طبعا خلال فتره العلاج ممنوع يكون معايا موبيل غير بعد الشهر الرابع ف كنت بستنى كل زياره كن امي عشان اتصل عليها و اكلمها لحد ما جيه يوم عيد الحب كلمت امي و قولتها هاتي لـ يارا هديه قالتلي تمام 
بعدها امي جالتي ورتني المسدج بعد ما هي كانت جابت الهديه و بتقولها انا عايز اقابلك عشان اديكي الهديه الي" انا" جبتهالها ردت عليها قالت لها 
يا طنط انا في حد هيتقدملي و مش هعرف اخد هديه منه و اصلا هو كل حاجه بينا كانت اتنتهت من قبل ما يدخل المستشفى 
و بعدها بفتره قليله انا اخدت موبيلي و بدات انزل ستوري ف لقتها بتكلمني و بتقولي هو انت خرجت ؟ ف قولتلها انه مظنش انه يفرقلك و كدا و عامةً احنا اخوات لما تحتاجيني ف اي وقت انا موجود لحد ما خرجت و قالتلي انها حابه تقابلني و اتقابلنا و قالتلي انه مفيش حد في حياتها و لا حاجه و ان هي مش عارفه ليه قالت كدا ،، و انا اصلا كنت متاكد انه مفيش حد في حياتها و فالوقت ده رجعنا لبعض تاني و اتقابلنا بعدها حوالي ٧ مرات بكل حب و ود و المفروض انه هتقدملها الايام الجايه بس فجاه قالتلي انه مش هنيفع تكمل معايا و حاولت افهم منها ليه طب ايه الي حصل معرفتش اوصل لأي حاجه و اتفقنا نفضل صحاب و ده الي حصل بس بعدها بأقل من اسبوع هي عملتلي بلوك في كل حته حتى على الاتصال و عدى شهرين و انا محاولتش اكلمها تاني 
بس امبارح حنيت لها اووووي و اتصلت عليها من رقم مش متسجل عندها و ردت عليا 
فضلت اسالها ليه عملتي بلوك مش اتفقنا نبقى صحاب ؟ قالتلي مش هينفع و الله !! 
طب فكي البلوك خلينا نتكلم ، لا و الله مش هينفع 
طب انتي ليه عملتي كل ده الموضوع كان خلصان من بدري ليه رجعتيلي مره و اتنين و تلاته !! 
قالتلي رد قاسي جدددا : 
قالت عشان انت مش شبهي 
و ياريت متكلمنيش تاني او تحاول توصلي 
و حتى صحوبيتنا انا مش عايزاها !!

انا بكتب كل الكلام ده لاي تعبان جدددا و مش طالب حاجه و لا عارف افكر اصلا عايز بس اشوف رأيي الناس ايه ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_63938 🇪🇬

منذ 3 أسابيع

شعور محبط

أنا مش كويس… بس شكلي حلو في الصور. بضحك… بس بدماغي صوت بيقول "انت مكسور بس محدش فارق معاه". أنا حرفيًا في مرحلة لو وقعت من الدور العاشر… الناس هتقول: "هو كان بيشتكي؟ طب ماكانش باين عليه!" أبويا بيكره أمي… وأمي بتكرهه أكتر، واللي بينهم؟ أنا… اللي طالع فيهم كراهيتهم لبعض، وباخدها كل يوم على هيئة صمت،

Pineapple_60236 🇪🇬

منذ 3 أسابيع

شعور غير مكتمل

أول حب في حياتي قبل ما اعرف يعني ايه حب أصلا كنت في تانية جامعة وهي في أولى حبيتها أكتر من نفسي وروحي كنت بتكسف أسلم عليها من كتر ما انا بحبها، كنت حاسس ان ليها هيبة في قلبي كدا، اللي هو ازاي في ملاك كدا في الدنيا دي؟ قعدنا مع بعض 3 سنين وكنت خلاص هتجوزها بعد التخرج، وبعدين اكتشفت انها بتخوني مع صا

Mango_66748 🇪🇬

منذ 3 أسابيع

شعور مكتئب

هل الواحد ممكن يحب حد تاني أو يثق ف حد تاني بعد ألم كبير ...وكمان السن عدى الأربعين....هل ممكن يكون فيه وقت لكده ....انا حاولت بس مش حاسس حتى باعجاب ....شايف اللي قدامي عبارة عن دميه او شيء جماد مش انسانه ..... مش عارف الوضع ده هايستمر كتير ولا انا كده وصلت لمرحلة اكتئاب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Watermelon_62410 🇪🇬

منذ 3 أسابيع

شعور محبط

عبّر عن شعورك بشكل مجهول

قبل ما اقول قصتي انا محتاج فعلا نصيحه عشان مش عارف اعمل اي 
وانا في تانيه جامعه كان فيه واحده صحبتي حبتها عصب عني وكانت مرتبطه بس انا ولا قولت ولا عملت اي حاجه احتراما ل الي كانت مرتبطه بيه معي اني معرفهتش ولا شوفته حتي وجت تقولي في مره انها سابته ل اسباب قولت فرصتي بس قولت استني ممكن ترجعله تاني فضلت لحد اوي رابعه جامعه قولت أقرب وفعلا ارتبطنا وهيا مكانتش مناسبه ليا خالص لو هنحسيها ب العقل بس انا حبتها هيا سنها اكبر مني ب سنتين وامها متوفيه وهيا صغيره وابوها متوفي وهيا كبيره دخلت مستشفي نفسي قصر العيني عشان حاولت تنتحر كذا مره وخرجت وبتابع معي دكتور وبتاخد علاج والحاجه دي ثابته طول العمر انا مكانش عندي مشكله في كل دا قولت انا بحبها واقف معاها ولما كانت بتقولي جالها نوبه كنت بعمل اي حاجه عشان ابسطها اجبلها شوكلاتات الي بتحبها اخرجها كدا يعني وديما كنت معاها مش بخليها محتاجه حاجه واتكلمت معي اختها عشان قاعده معاها واتفقت هاجي أتقدم بعد سنه رابعه علي طول وساعتها ختها هيا واختها وعيالها غزمتهم في كافيه والدنيا كانت تمام والحمدلله بعديها بفتره في أول رمضان رجعت من الجيم اختفت مره واحده بقولها ملك كنتي فينك قالتلي الي كانت مرتبطه بيه قبل كلمها من رقم غريب وكان بيعاتبها ان هما يرجعوا قولتها هوا انتي اساسن لما عرفتي الي هوا فضلتي تسمعي منه ليه ليتها بتقولي انا معرفش مالي انا متردد انا شايفه ان احنا نبعد انا كنت فاكرها ف الاول بتشوف متمسك بيها ولا لا بس لقيتها بتتكلم جد انا الكلام دا نزلت عليها اكني دوخت من كلامها قولت ازاي دا انا كنت حرفين ولله حاططها جوا عنيا كان مش بيبقي معايا مبلغ أجلها الي عايزه منغير ما افكر في نفسي قبل ما اقفل معاها كلام فضلت احسبن عليها عشان استهونت بمشاعري ومسحت كل حاجه وشلتها من كل الاكونت اكتشوفت بعد فتره لقتها عامله بلوك علي الواتس وعلي الفيس قومت عملت انا علي الانسجرام فضلت طول رمضان مكتأب بس بشوف يومي وانا مكسور من الي حصل من كام يوم بقت تيجي علي بالي لدرجه اني بقيت بحلم بيها وبقيت بشوف كل الناس شبها بجد مش عارف اعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_67876 🇪🇬

منذ 3 أسابيع

شعور محبط

Pear_65018 🇪🇬 اسمعني يا قلبي . انت يسطا قدامك حل واحد و انا عارف انك من جواك هتحاول انك تتهرب منو بس صدقني انو هو دا الحل الوحيد . دام انو في عدم راحة في طرف من الطرفين و ملهوش حل فصدقني لازم تقرر انك تبعد . و بلاش من حتة انكو تكونو صحاب عشان دي صعبه و مستحيلة حتي لو في الوقت الحالي . انت لازم تديلها بلوك او تغير حسابك يعني لازم تبعد عنها لازم انت هتعيش حياتك و اشغل نفسك بشغلك و اسعي تحقق حلمك و تقرب من الله

عرض الكل 8 نصيحة

عبّر عن شعورك بشكل مجهول

معرفش مشكلتي فين 
انا كنت مرتبط ببنت من حوالي سنة و نص تقريبا
كات علاقتنا كويسة فالاول فضلنا صحاب فترة مش كبيرة
ارتبطنا لمدة سنة تقريباً و شهر
في خلال السنة دي عدينا بمشاكل كتير يعني كنا كل يوم بنعدي بمشكلة و بنخلصها مع بعض لحد ما وصلنا احنا الاتنين ان كدة خلاص
انا مبقتش قادر على كدة
هي معملتش حاجة،مكانتش بتحاول تأذيني 
بس مع ذلك حسيت اني برضو مش مبيوط وانا معاها
كانت مع المشاكل بتبعد عني
بتحاول تختفي
لحد ما في مرة لقيتها باعتة لصاحبتها تشوف لو الماسدجات بتوصل ولا لا
و بتحكيلها على مشاكلنا
دي كانت اول مرة احس ان حاجة فيا اتكسرت معاها
مبقتش عارف ارجع طبيعي ولا عارف اخليها بعيدة مكنتش فاهم حاجة
الحاجات اللي امبحبهاش اني بقيت راجل مكسور قدامها
بقيت بتذل عشان اصالحها
و مع ذلك مبقتش بتشوف حاجة من اللي بعمله
كل حاجة بالنسبالها مبتعديش
مفيش حاجة بتتحل
كانت بداية النهاية بالنسبالي لما كنا مع بعض في يوم برة 
قاعدين و حصل مشكلة 
في واحد فالشارع حاول يضايقني بالكلام
انا فالبداية مكنتش سامع حاجة ولا مركز
مع الوقت بدا صوته يعلى
قومتله
انا رفيع نوعاً ما و مليش فالمشاكل بأب شكل من الاشكال
معرفتش اروح اتخانق معاه
بس مرجعتش وانا بتخانق
كنت واقف وهو بيقرب ناحيتي 
مسك حجر من الارض
لما لقاني مرجعتش راح راميه تاني
فضل يزعق شوية
وانا برد  باسلوب محترم و صوت نوعاً ما مش عالي
لحد ما وصلت انه خلاص الموضوع خلص
قولتلها يلا نقوم عشان المكان مبقاش مريح هنا وانا ماشي راح مناديني
بيقولي متزعلش و معرفش عملت كدة ليه
حسيت من وقتها انها بقت شايفاني ضعيف
مش عارف ادافع عني ولا عنها 
لحد ما خلاص مبقتش عارف ابقا معاها
مبقتش مرتاح وانا شايف كدة فعينيها
مع انها مبتبينش حاجة
بس انا مبقتش مرتاح فكدة
اخر فترة مكانتش كويسة 
كنا بنتكلم كل كام ساعة نبعت او نرد على بعض صدفة
لحد ما نهيت معاها كل حاجة وانا دموعي اقسم بالله ما وقفت غير بعدها بشوية
و رجعتلها بعدها بشوية اقولها اني مش عايز اسيبها
وهي وافقت بس كانت مش عايزة
بس مقالتليش لأ،كانت عايزة تشوف انل هعمل ايه مش اكتر،مكانتي عاشزة ترجع عشاني
كانت عايزة ترجع عشان تصدق ان في امل 
و بعدها باكتر من ٣ او ٤ ايام اكتشفت انها سافرت وانا معرفش حاجة
اكتشفت انها عايشة عادي مع شوية الزعب العاديين اللي موجودين عند اي حد
انا تعبت من كل دة
مبقتش قادر اني اكمل كدة
عايز ابعد بس مش عارف ابعد
ثولتلها ان نبقا صحاب و عند بعض ولو حد احتاج حاجة يبعت للتاني و دة اللي بيحصل فعلاً 
بس انا مش عارف اتعايش مع الموضوع
كل وقت بيعدي عليا بحنلها تاني بس برجه اكتشف ان مكانش ينفع من الاول
هي شخصيتها مش متسلطة بس بتحب تتحكم فكل حاجة
وانا بحب ابقا على حريتي
يبقا قدامي الغلط و اختار اني معملهوش
مش ابقا ممنوع انب اختار الصح او الغلط 
انا تعبت و مبقتش قادر افكر بقالي اكتر من شهرين مش مرتاح كدة
بشغل نفسي فالشغل بس مش ببطل افكر فالموضوع
حاسس ان مبقتش قادر على حاجة
بس لازم اكمل 
اعمل ايه؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_61950 🇪🇬

منذ 4 أسابيع

شعور غبي

موضوع:

اية الحاجة اللي حسيت انك اتسرعت فيها؟

ظلمت صاحبتي 😔😔😔😔😔😔😔😔 بكل بساطه علشان ما اطولش كنت في رابعه ابتدائي دخلت الفصل ما كانش في مكان فاضي غير مع بنتين جداد في المدرسه اول مره اشوفهم علشان انا في المدرسه من زمان ورحت فعلا قعدت جنبهم وبعد ما الترم الاول خلص بقينا احنا الثلاثه اعز اصحاب عندنا بمواقف كثير وكنا بنعمل مع بعض الانودخلن

Pineapple_59087 🇪🇬 طبيعي جدا طول الحياة هيحصل دا بس انت جالك دا بدري شوية وهوا خذلان الناس والانخداع فيهم

عرض الكل 3 نصيحة

Nutella_68871 🇪🇬

ايه دخل الأبراج في مشكلتي؟ اسكتوا يا جدعان!

بقيت لما انزل مشكله بدل ما يدوني نصيحه بقيت الاقي انتي برج الدلو؟؟ انتي برج الجوزاء؟؟ انتي برج الكلب ؟؟ جرا ايه يا جدعان في ايه هو اي شقط و خلاص ايه دخل الأبراج بالمشكلة اصلا مش عارفين تحلو المشكله اسكتوااا لما تسكتوا محدش هيقولك الساكت اهو اهو انما لما تتكلم بكلام اهبل اهو ده بقى اللي عيب ربنا يهديكم ...عرض المزيد

1 الدعم

0 نصيحة

Apple_74425 🇪🇬

عايز اشتغل من النت كتابة أوراق واقبض بفودافون كاش

أنا نفسي اشتغل من النت تبع مثلا شركة كتابة علي الوورداكتب ملفات وأوراق علي الوورد وابعت الشغل على صفحة الشركة والقبض من النت عن طريق فودافون كاش يعني يبعتلي مرتبي علي فودافون كاش وكمان الشغل يكون محترم وجاد مش نصب ...عرض المزيد

0 الدعم

2 نصيحة

Sugar_74427 🇪🇬

لوحدي ومش عارفة أتكلم عن اللي جوايا

انا حسة اني لوحدي، مفيش حد عارف يفهمني، انا مش شخصية نكدية خالص بالعكس انا لطيفة مع كل الناس ودايما بضحك، بس مش بعرف اتكلم عن اللي جوايا حتي مع اقرب الناس، بخاف اكون حمل علي حد حتي اقرب صحابي، مع اني بسمع الكل وممكن اسمع الي مالا نهاية، بس وقت م باجي اتكلم عن شعور سيئ ملازمني مبعرفش، بتوه الموضوع واقول ان شاء الله خير واهزر، انا فعلا مبعرفش ابين ضعفي لحد، ولو بالفرض بينت بعمل نفسي بعد كدا تمام وانا كنت اوفر اوي ف مشاعري وههه وخلاص. مؤخرا بقت علاقتي بماما فيها تنشنه كتير، وانتقاد كتير لحاجات ليها حق فيها وحاجات لا، بقالي فتره حسة انها مش طايقاني، أمر حبها ليا دا شيئ مفروع منه لاني بنتها ف اكيد مش بتكرهني، بس فكرة انها دايما شايفاني وحشة وغلط وطريقتي واسلوبي وحاجات كتير كده انا مش صغيرة انا عندي ٢٤ سنة. بس مش عارفة اتعامل ازاي، لاني لقيت نفسي بطفي كل فتره عن الاول. حتي اخواتي مفيش بينا العلاقة القوية الحلوة دي، ودا يرجع لانهم صغيرين وانا اكبرهم وفي خناقات عيال كتير بتحصل ف بالتالي علاقتنا قايمة ع المناقرة اكتر من الصداقة. انا متلغبطة ومش عارفة اتكلم عن اي موضوع بالظبط بس ملخص شعوري اني حسة اني لوحدي ...عرض المزيد

1 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع