مصاريف الزواج قصص حقيقية - 5 تجارب، ونصائح، ودعم

Kiwi_66691 🇪🇬

منذ 3 أسابيع

شعور منزعج

جماعه انا على علاقة بأجنبية من فترة كبيرة و موافقين و متفقين على كل امور الزواج و ترتيباته اللى حتكون فى بلدها فى ألمانيا بس طلبت أنى اسافر لها للاتفاق مع اهلها على ترتيبات الزواج وتحديد الميعاد اللى كنت محدده بعد سنه و نصف بس زى ما انتم عارفين السفر مش بالسهل ولا الرخيص عاوز مصاريف كتيرة انا كنت حس

Avocado_63956 🇪🇬 نصيحه من اخ كبير خليها تبعتلك كارت زيارة عشان توفر تكلفة التأشيرة بتاعة السفر و خلي بالك أنها كل شوية هتروح لأهلها أو هتجيبهم غير أن انت هنا ملزم تعملها إقامة وتتجد بشكل مستمر ده لو هتعيشوا هنا انما لو عامل حسابك هتعيشوا هناك يبقى انت كدا جواز و استثمار وهتاخد الجنسية متستخسرش وسافر مرتين عادي بس لازم تبقى أد الموضوع وتكاليفه كتييييييييير اووووووووي لو مش أد انك تتجوز أجنبية اخلع

عرض الكل 6 نصيحة

بخاف من كل بداية وده بيضيع مني حاجات كتير

عندي مشكله اني بخاف جدا و بتردد دايما وده بيخليني اضيع حاجات كتير اوي بخاف من كل بدايه في أي حاجه فاكره اول يوم في الكليه حضرته خوفت حسيت اني لازم احول من الكليه وفاكرة لما حاولت اشتغل برضه من اول يوم اتقفلت جدا وحسيت أن لا مش مكاني نفسي اعرف شعوري ده اسمه ايه و اغير ده في نفسي ازاي انا معنديش تورما من اي حاجه حصلت علشان احس المشاعر ديه حاجه نابعه من جوايا ...عرض المزيد

0 الدعم

9 نصيحة

مش عارفة اكلمه ولا لا بعد كل اللي حصل بينا

عاوزة راى بجد فى الموضوع دا انا كنت بحب حد من 2015 وكانت الدنيا كويسه واهلنا عرفوا وخلاص كان فاضل بس بابا اللى يعرف لما يتقدم وحصل ظرف ما والموضوع اتأجل وبدات الدنيا تبوظ بمشاكل مش مفهومه اللى هو خناقه انى اتاخرت فى الرد مثلا ووقتها كنت لسه فى ثانوى بعد سنتين تلاته بعدنا بمشكلة كبيرة وهو صعد المواضيع وحاول يلوى دراعى بانه هيكلم بابا يقوله وفى لحظتها مجرد ماقفل اتصلت باخويا وعرفته وهو اتعامل معاه ورجع اتاسف وقال انه كان بيعمل كدا علشان يخلينى افضل موجوده بعدنا سنيين كتيره وكان كل فترة يظهر الدنيا تبوظ ويختفى تانى لحد ما رجع من فترة يقولى انه متابعنى من زمان وانه كان مستنى يشتغل شغل ثابت علشان يقدر يتقدم بقلب وان مايكونش فى سبب لرفضه بس هو كان راجع على اللى فاكره منى زمان وانا صغيره اللى هو اى حاجه هقوله امين من غير تفكير بس الكلام دا عدى عليه 10 سنين كبرنا وافكارنا اتغيرت خلاص قرر يبعد لانه احنا مش هننفع نكون مع بعض وبعدها بفترة اتخطبت لحد تانى كام شهر واتفشكلت بعدها لقيته ظهر وبيسال عنى بس انا اتعاملت الاول بغتاته وصديته بعدها رجعت بغبائى واتكلمت وهو قالى طيب نكون صحاب بس انا ماعرفتش وقررت اوقف كل حاجه دلوقتى انا دماغى مش بتفصل وهو وبس اللى بفكر طيب اكلمه ولا لا وكرامتى اللى انا مسحت بيها الشارع دى بس فى نفس الوقت ماحدش فى الدنيا بتاثر بوجوده او غيابه زى الشخص دا وانا لحد دلوقتي مش عارفه هل اروح اكلمه تانى ولا لا واتصرف ازاى فى اللغبطه دى ...عرض المزيد

0 الدعم

6 نصيحة

اتمنى حضن من بابا وهو عايش ومش عارفة إحساسه

سلام عليكم ..... انا بتمنى حضن ... عارفة انها امنية غريبة بس انا عيشت سنين ف طفولتي بنام و انا بتخيل حد بيحضني عشان احس بالدفا و اعرف انام ... طفله عندها سبع سنين كل طموحها في الحياه انها تتحضن اه والله ... ولحد دلوقتي نفسي في فعل واحد يحسسني باي حنان و تحديدا من بابا ... تعرفوا بابا لو مات بكره مش هفتكر معاه اي ذكرى او اي صورة اشوفها و اترحم عليه .. مليش معاه اي ذكرى حلوة كلها ذكريات وحشة ... يوم نتيجه ثانويه عامه كنت جايبه مجموع كبير كنت مستنيه انه يبادر مره واحده بس لكن معملهاش ... وحتى انا مبقتش قادره ابادر بحس ان انا متخشبة و مش عايزة اقرب خالص ... الموضوع واجع قلبي ان فيه ناس بتتمنى حضن من ابوها بعد ما مات لكن انا ابويا عايش وما زلت بتمنى بردو الحضن دا .. مع اني معرفش احساسه ايه لاني عمري ما جربته ... خايفه اوي يموت واندم ان مليش اي ذكرى معاه بس ارجوكم محدش يقولي بادري انتي عشان بجد مش قادره لما بقف عنده بحس ان انا لوح تلج مش عايزه اقرب بس الموضوع ده عاملي حرقه في قلبي ... هو ليه كده بجد ؟؟ ليه مش حنين ؟؟ هو انا مش بنته ؟؟ محسش في مره انه عايز يحضني خالص ؟؟ معقوله مش بيحبني ؟؟ ...عرض المزيد

1 الدعم

13 نصيحة