عندي مشكلة سفر للزواج بألمانيا ومصاريف كتير

Question

جماعه انا على علاقة بأجنبية من فترة كبيرة و موافقين و متفقين على كل امور الزواج و ترتيباته اللى حتكون فى بلدها فى ألمانيا بس طلبت أنى اسافر لها للاتفاق مع اهلها على ترتيبات الزواج وتحديد الميعاد اللى كنت محدده بعد سنه و نصف بس زى ما انتم عارفين السفر مش بالسهل ولا الرخيص عاوز مصاريف كتيرة انا كنت حسبتها على سفرية واخده لكن دلوقتى السفر حيكون مرتين اعمل ايه حد عنده اى حل ...

Avocado_63956 🇪🇬 · Answer

نصيحه من اخ كبير

خليها تبعتلك كارت زيارة عشان توفر تكلفة التأشيرة بتاعة السفر و خلي بالك أنها كل شوية هتروح لأهلها أو هتجيبهم غير أن انت هنا ملزم تعملها إقامة وتتجد بشكل مستمر ده لو هتعيشوا هنا انما لو عامل حسابك هتعيشوا هناك يبقى انت كدا جواز و استثمار وهتاخد الجنسية متستخسرش وسافر مرتين عادي بس لازم تبقى أد الموضوع وتكاليفه كتييييييييير اووووووووي لو مش أد انك تتجوز أجنبية اخلع

Avocado_63956 🇪🇬 · Answer

انت لسا في بداية المشوار وبتبص لتكلفة السفر شوف الوضع العام عشان متبنيش حلم على وهم و ترجع تلبس في حيطة انا اسف على صراحتي بس لازم انصحك

Kiwi_66691 🇪🇬 · Answer

ابدا اشكرك على النصيحة بس صراحة أنا عمرى ما فكرت أنه استثمار بالعكس أنا خلال الفترة ديه تأكدت منها و من سلوكها حتقول منين احنا بتتكلموا يوميا والصراحة أساس علاقتنا انا عرفت انها بنت اخلاق و متربية مش زى اللى بنشوفهم أو نسمع عنهم لأن زى ما انت عارف كل بيئة فيها الحلو و الوحش بصراحه انا مش عاوز تخسرها ولازم أوفى معاها بكل وعدى لها

Avocado_63956 🇪🇬 · Answer

بورسعيدي ؟ 
ماشي يا سيد الناس انت قررت هتعيشوا فين هنا ولا هناك ؟؟

Avocado_63956 🇪🇬 · Answer

انت ممكن تفتح النصايح عشان نتكلم في الخاص بدل العام ده يا معلم

Banana_18947 🇪🇬 · Answer

علاقتكم حرام متخليش الشيطان يزينلك عملك اتقي الله في نفسك وفيها وانت مش ضامن أي حاجه ولا ضامن إنكم من نصيب بعض ولا لاء ابعد من دلوقت واعرف ان من ترك شيئاً لله عوضه الله خيراً منه وجاهد نفسك إنك ترضي ربنا وبردو اسعى انك تتجوزها في الحلال بس المهم دلوقت تبعد ولو ليكم نصيب هتتجمعوا