مشوه

Banana_53248 🇪🇬

منذ أسبوعين

.

شعور مرتبك

دايما لما بشوف فيديوهات لناس زمان بتمني اعيش في العصر ده اعيش في الوقت اللي كانت الستات ستات بجد و عارفيين فيه حقوقهم و واجبتهم و الرجالة رجالة بجد عارفين واجبتهم و حقوقهم و مفهرم القوامة……… فكرة الرأس مالية و تحرير المرأة و الهري ده خلقلنا اجيال مشوهه الست مش عارفة دورها و الرجال مش عارف دوره و كل

2

4

Hazelnut_52786 🇪🇬 “الزمن بيتغير فعلاً، بس القيم مش لازم تموت. لسه في ستات فاهمين المعنى الحقيقي للأنوثة، ولسه في رجالة شايلين المسؤولية برجولة. الأمل موجود، واللي بيتمسك بالصح عمره ما يضيع وسط الزحمة. ابدأ بنفسك، وكن النموذج اللي نفسك تشوفه… ومهما الدنيا تميل بينا، لسّه الأصل ما يضيعش… زي الذهب مهما قدم، بيفضل ليه بريقه وسمعته. 🎊🌸💐✨✨🌟

عرض الكل 4 نصيحة

Blueberry_29908 🇪🇬

منذ 3 أشهر

.

شعور ضائع

أول مرة سمعت الأغنية حسيت كإني بفتكر حاجة، بس مش عارفة هي إيه. كان الإحساس غريب، كأن في ذكرى في دماغي بس مش واضحة. كل ما كنت أسمعها، الشعور ده كان بيزيد، لحد ما في مرة شفت المشهد ده لأول مرة. لقيت قدامي ورقة على الأرض مكتوب عليها "2015" باللون الأحمر، وكانت متلطخة بالدم. كنت قاعدة قدامها، لابسة لبس

8

0

عبّر عن شعورك بشكل مجهول

أول مرة سمعت الأغنية حسيت كإني بفتكر حاجة، بس مش عارفة هي إيه. كان الإحساس غريب، كأن في ذكرى في دماغي بس مش واضحة. كل ما كنت أسمعها، الشعور ده كان بيزيد، لحد ما في مرة شفت المشهد ده لأول مرة.

لقيت قدامي ورقة على الأرض مكتوب عليها "2015" باللون الأحمر، وكانت متلطخة بالدم. كنت قاعدة قدامها، لابسة لبس أسود، وكف إيدي الشمال كله كان مليان دم. كنت ببُصّ لإيدي ومبحلقا فيها، مش مستوعبة ولا فاهمة اللي بيحصل، بس الإحساس بالحزن كان طاغي عليا جدًا. كأن في حد عزيز عليا راح، وأنا فقدته، بس مش قادرة أفكر مين أو إزاي.

بعدها لقيت نفسي واقفة قدام باب خشب قديم، مددت إيدي وخبطت عليه، بس لحظة ما خبطت، حسيت إن الصوت مش برا، كأن الطرق كان جوه دماغي، كأن حد خبط على جبهتي من جوه، مش على الباب. كان إحساس غريب ومربك، وكأن الواقع نفسه بيتهز حواليّا.

الباب اتفتح، وعدّيت من خلاله، ولقيت قدامي ممرين. مكنتش عارفة المفروض أروح فين، بس اخترت الناحية اليمين. فضلت أمشي لحد ما وصلت لغرفة معيشة، بس شكلها مكانش طبيعي. كل حاجة فيها كانت بألوان غريبة، كأن المكان متشوّه أو مش ثابت.

لكن اللي كان مرعب أكتر إن في كيانات سوداء واقفة هناك، بتبُصّ عليا، وبتبتسم بطريقة غريبة. ملامحهم مكانتش واضحة، كانوا مجرد أشكال سودا، بس عيونهم كانت ثابتة عليا، كأنهم مستنيني من زمان. كان في إحساس غريب جوه قلبي، كأن المكان ده مألوف بطريقة تخوف.

كل حاجة في الأوضة كانت ألوانها مش طبيعية، إلا الأباجورة السودا، كانت الحاجة الوحيدة اللي لونها ثابت وواضح. حاولت أتحرك بس حاسّة إن في حاجة مسكني، كأن المكان نفسه بيشدني، أو كأن الهوى تقيل حواليا.

فضلت واقفة لحد ما قلت بصوت عالي: "إنت ماسكني ليه؟!"، وفجأة، القيد ده اتفك. لقيت شخص طالع لي، مكانش واضح، بس كان واقف قدامي، ساكت. مكنش بيحاول يقرب مني، بس عيونه مكنتش بتتحرك عني. تجاهلته، وفضلت ماشية، بس كنت حاسة إن عيونه لسه متعلقة بيا.

في مرة تانية، لقيت نفسي واقفة فوق منحدر عشبي. كنت لابسة نفس اللبس الأسود، وكف إيدي الشمال كان متغطّي بالدم زي ما هو. نفس المشاعر، نفس الحزن، بس الفرق إني كنت بهرب.

وقفت على حافة المنحدر، وبصيت للمدينة اللي تحت، وأنا مش فاهمة حاجة، بس لقيت نفسي بقول بصوت عالي: "أنا بهرب ليه؟!"

وفجأة، سمعت صوت دخل دماغي، كان نبرة اتهامية قوية، وقال: "عشان إنتي..."، وبعدها سكت.

الصوت ده مكانش صوت حد غريب، كان كأنه جزء مني، بس في نفس الوقت، كأنه مش أنا. كان بيقول حاجة عميقة، حاجة أنا مش قادرة أفهمها بس حساها جوايا.

من بعدها، كل مرة بسمع الأغنية، المشاهد دي بترجعلي. نفس الأماكن، نفس الإحساس، كأنها مش مجرد خيال، كأنها حاجة حقيقية، بس متدفنة جوايا. بقى عندي إحساس إن حياتي الحالية ناقصة، كأنها مجرد صورة لحاجة تانية أعمق، حاجة أنا المفروض أعرفها، بس حد مخبيها عني.

وبقيت بسأل نفسي: هل دي حياتي الحقيقية؟ ولا في حياة تانية، وأنا مش فاكرة؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_10722

منذ سنة واحدة

.

شعور Bad 😞

هحكيلكو حكايه ومستنيه ردكو على كل اللى هقولو بس خلينا نسمي البطله ليلي والبطل تحمد مثلا ليلي واحمد مكانوش يعرفو بعض بس كانو في نفس الكليه واتعرفو على بعض وبقو صحاب وقربو من بعض بقو صحاب بجد بس طبعا مافيش حاجه بتفضل حلوه احمد كان بيحب واحده تاني نسميها مثلا هبه سابو بعض من فتره بس احمد كان لسه بيحب

6

4

عبّر عن شعورك بشكل مجهول

هحكيلكو حكايه ومستنيه ردكو على كل اللى هقولو بس خلينا نسمي البطله ليلي والبطل تحمد مثلا 
ليلي واحمد مكانوش يعرفو بعض بس كانو في نفس الكليه واتعرفو على بعض وبقو صحاب وقربو من بعض بقو صحاب بجد بس طبعا مافيش حاجه بتفضل حلوه احمد كان بيحب واحده تاني نسميها مثلا هبه سابو بعض من فتره بس احمد كان لسه بيحب هبه وطبعا حكا ل ليلي على الموضوع 
نسيت اقولكو ان احمد علم ليلي حاجات كتير اوي وحطاها على اول الطريق عشان تتعلم برمجه لانهم في كليه تكنولوجيا فيوم احمد كان بيشرح لناس برمجه وليلي ساعدتو يومها من بعد اليوم ده والدنيا اتشقلبت لان هبه شافتهم مع بعض والناس اللى كان بيشرحلهم في واحده هتعرفوها بعدين وليها جزء كبير من الحكايه بس هنسميها الحربايه(هي كدا بجد)😂فالمهم جت هبه على اكونت صراحة ليلي وبعتتلها تهددها انها تبعد عن احمد ف ليلي اخدت اسكرين وبعتتها لاحمد واحمد ادايق جدا وفعلا جاب ل ليلي حقها هتعرفو جابو ازاى بعد شويه
طبعا ليلي واحمد كانو تملي يتخانقو وليلي تقرر تبعد عنو بس في حاجه كانت بترجعهم كل مره مع ان الظروف كانت ضدهم وهما مع بعض
فضلت هبه تدايق ليلي كتير ف جت مره هبه دايقت ليلي وراحت عيطت لاحمد واحمد هداها ورضاها وراح احمد حكا ل ليلي هو جبلها حقها ازاى من هبه فالحربايه كان ليها يد ف انها تجيب حق ليلي راحت بعتت لهبه رساله على صراحه وهزقتها وكدا يعني وليلي لما عرفت كل ده ادايقت وزعلت من احمد عشان خبا عليها بس طبعا هو قالها ان مكنش في حل تاني غير كدا وان لو قالها مكنتش هتوافق وعدت الايام والحربايه بتحاول تقرب من احمد 
ملحوظه احمد كان نسي الحب القديم لانها عملت حورات كتير تاني
ليلي كانت حاسه ان الحربايه هتفضل تقرب لانها كانت عينها منو من بدري واحمد كان عارف كدا ومكنش بيطقها بس مره واحده ليلي اكتشفت ان الحربايه قربت من احمد وبتغير منها وعايزه تبعدها عن احمد وبتمثل قدام احمد انها بتحب ليلي 
بس عارفين ليلي طانت متحملاها عشان الجميل اللى عملتو معاها بس جه وقت وليلي ردتو
الحربايه تعبت واغما عليها في يوم ووقتها ليلي واحمد كانو متخانقين بس ليلي مسبتهاش وراحت.معاها المستشفى وفضلت معاها وبعد كدا اتصالحت هي واحمد ورجعو صحاب 
هتقولو علاقة احمد وليلي صحاب ومش مفهومه بس صدقوني ليلي اكتشفت انها واقعه في حب احمد من بدري وكانت بتكدب على نفسها واحمد كان حاسس بكدا بس هي مقلتش
الحربايه بقا بتحب احمد وليلي لاحظت ده وراحت قالت لاحمد واحمد قالها عارف ومرتاح لده ليلي.اكتشفت وقتها انها بتموت فيه وفي يوم ليلي واحمد كانو نازلين يشترو حاجات الحربايه عرفت بكدا فمثلت انها اغما عليها تاني اه والله زي مبقولكم كدا لانها بيغما عليها كتير واغماءت غريبه وكانت فاكره انها بوظت اليوم بس محصلش 
ليلي بعد ماسابو الحربايه بتقول لاحمد انها مش هتمشي باتنين وانها هي اللى هتبعد فاحمد قالها انو مش عايز يخسرها وان كل مره لما بيتخانقو بيبقا هيموت ويكلمها (ملاحظه هما اخرهم اسبوع في الخناقه وبيرجعو) المهم احمد عيش ليلي يوم جميل اوي بس احمد مرتاح مع الحربايه فقررت ليلي انها تبعد حتي بعد مااحمد قالها هتفضلي غصب عنك (قالها كدا عشان الحربايه وصحابها شافو انو لازم يبعد عني وعايزينو يعمل كدا فقالهم انتو دخلتي حياتي ولقتوها يبقا متغيروش حاجه انتو داخلين وعارفين انها في حياتي)ولما سألتو انت ليه مش عايزني ابعد قال عشان شخص اتعودت عليه سندي وضهري مشوفتش منو حاجه وحشه ...
ليلي تعمل اي بجد هي بتحبو وعايزه تفضل بس بتتوجع لما بتلاقيه بيحب حد تاني المشاعر ملهاش سلطان !
ليلي بتفكر تمشي وتسيب كل حاجه ...
دي حكايتي مش حكاية ليلي بس غيرت الاسماء وكدا
انا كاتبه كتير بس ياريت تقرأو كلو وتحاولو تساعدوني...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع