ليا واحده صحبتي من المدرسه انا بحبها اوي بس المشكلة أنها واخداني طبقه تانيه دايماً لانه مصاحبها بنت برا المدرسة من حوالي سنه صحبتها لانه الوحيده في عائلتها و في الاجازه كانت بتزهق و انا ساعتها مكنتش قريبه منها للدرجه دي و هي اتعرفت عليه في الاجازه و كانوا بيتكلموا مع بعض كتير جدا لدرجة أنها بقت البيست فريند بتاعتها و انا كنت تحت مسمي البيست فريند اوڤ سكول، السنه دي اقتربنا من بعض اوي و هي عمرها ماكانت توكسيك او حد مش مريح هي باختصار كده (جدعه) بالذات معايا ،انا مش بقصد بكلامي أنها انانيه أو وحشه بالعكس احنا اقتربنا من بعض اوي السنه دي و ديما المدرسين مش بيعرفوا يبعدونا عن بعض و لو حصل حتي لو بعدونا مسافة نص متر كانت بتزهق المدرسين عشان نرجع جمب بعض،انا اقرب حد ليها في المدرسه و متشابهين في أغلب الصفات واحنا الوحيدين الي في دفعتنا صداقتنا مش توكسيك بشهادة مدرسينا و اهالينا ، هقول في الأغلب أن بسبب أننا اقتربنا من بعض بشكل مفاجئ ده مخلهاش تسقط عن صاحبتها لقب البيست فريند ،محتاجه حد ينصحني عشان ازاي اكون اقرب بنت ليها بالذات أن البنت دي انا مش مرتاحه لها لأن صاحبتي كانت بتمر بمواقف صعبه و هي مساعدتهاش ،ده كان الموضوع الاول أما بقا في الموضوع التاني لحظت أن صاحبتي بتمر بظروف مقلقه اوي اولا صاحبت ولد و كانت عايزه تخرج معاه و انا منعتها و قولت لها اني هزعل منها اوي لو قبلته بس هي فضلت تكلمه فيديو كول ،ثانيا بدأت تمر بمواقف صعبه تجاه عائلته و كانوا بيظلموها و بيقولولها أنه بنسب الدين و مش بيهتموا بيها معنوياً و ابوها شخص مش متدين و بيشرب و بيعمل تاتو و مش بيصلي خالص أما عن أمها فهي روسيه مسيحيه و بتقولي انها نفسها تشوفها لانه ساكنها في روسيه و أبوه و امها منفصلين و ابوها مش بيجي يزورها الا عشان ياخد فلوس من جدها و جدتها هي بالمناسبه هي عايشه معاهم و كل عليتها بداؤ يضهدوها و مش بيعرفوها علي الدين بشكل كويس و هي نتيجة أنها كل متزعل من كده متقوليش فففففف.... بتعمل كاتينج و هي اصلا اتعلمته من شله مش كويسين و اتعرفت عليهم فترة و بعد كده سابتهم ولما أهله شوفوه مهتموش ولا خافوا عليها و لان البنت دي شخصيتها قويه شويه فكانت في الأغلب مابتحكيش لحد الي بيحصلها و لما بالعافيه عرفت اخليها تفضفضلي كانت بجد نفسيتها وحشه اوي فقولتلها ايه رايك نصلي و نشجع بعض،،بلمنسبه انا بقالي كتير بدعيلها تقرب من ربنا و يمكن المحن الي هي فيها تكون حاجه تخليها تصلي بس هي متفقهش اي حاجه عن الدين بس هي عمرها مهزرت في الدين أو قلت منه فعلا البنت دي جميله اوي بس انا لحظت أنها فعلا متعرفش ايه الغلط و الصح في الدين و حتي لو تعرف بتبقي عايزه سبب واضح تخليه تفهم كويس ليه ده حرام و انا وثقه بالله سبحانه وتعالى أنه هيهديها بمجرد أنها تتقربلوا ولو شويه المشكلة أنها محتاجه متابعه حد يعزز دينها كل شويه و طبعا أهلها زيرو من ناحية الحوار ده و يوعيها لأنها مش واعيه تماما عن الدين المهم اني كل ماقولها نصلي احنا الاتنين بننسي خالص نتكلم عن الحوار ده انا بفكر نخرج احنا الاتنين و نغير جو وابدا احكليها عن الله سبحانه وتعالى و ديننا و اقربها من ربنا و اعلمها ازاي تصلي بس محتاجه حد ينصحني اعمل ايه و اقولها ايه و ثالثا هي بتشتم و ده بسبب البيئه الي هي فيها فانا عايزه حد ينصحني اعمل ايه عشان اخليها تنتقي كلمها و بسس ده كانت كل الحوار اتمني انكم تساعدوني بالنصائح فعلا لو حد ارشدني كويس اعمل ايه هيكون حل عقدة كبيرة جدا في حياتي و ربنا يجزيه خيراً و السلام عليكم ورحمه الله وبركاته 🤍

5

3