مش قادرة أنسى قصص حقيقية - 3 تجارب، ونصائح، ودعم

Strawberry_39101 🇪🇬

منذ 9 أشهر

شعور مكسور القلب

موضوع:

كيف اتجاوزت الحب الحقيقي الاول ؟

اتأذيت اوي بسببه ومش قادره انسى ولا اعيش حياتي كويس معتش عارفه احب حد مش قادره بجد حالياً اهلي بيضغطو عليا عشان اوافق على العرسان اللي بتتقدم بس هما مش فاهمين حاجه وهو حالياً اتجوز وعاش حياته ونساني وانا مش عايشه حياتي ولا عارفه اعيشها

Chocolate_29835 🇪🇬 مش هقولك دة بعد عن ربنا، عشان ممكن تكوني بتصلي و ملتزمة دينيا و لسة بتعاني من المشكلة دي، لازم تدي نفسك وقت عشان تتعافي. مفيش حاجة بتستاهل انك تضيعي حياتك عشانها. ركزي على نفسك وعلى الحاجات اللي بتحبيها. كل حد بيعيش حياته بطريقته، والحاجة الي تدوس على قلبك ما تستحق تفكيرك. اهتمامات أهلك مهمة بس سعادتك أهم. حاولي توضحي لهم إنك محتاجة وقت للتعافي قبل ما تفكري في علاقة جديدة..اتمنالك كل التوفيق

عرض الكل 10 نصيحة

مش عارفة أفتح قلبي لحد جديد بعد ما اتألمت

انا كان في شخص ف حياتى من فترا وسابنى بسبب اهلو وهو طلع مبيحبنيش اصلا المهم انا اتعلقت بيه اووى برغم من انى عرفتو ف فترا صغيره حاليا سابنى من يوم 23/7 لحد انهارده مش عارفه اتخطاه وانساه مع انو بالنسبالى حتى لو رجع مرفوض لانو ميستاهلنيش بس حاليا جالى عريس وهو محترم هو مامتو ودنيتو كويسه وشخص راقي ف انا دلوقتى مش عارفه افتح قلبي ليه ولا استعيد مشاعرى حتى انا قعدت معاه انا وماما وهو كويس بس انا من ساعه م روحت وانا مخنووقه اووى وقلبي وجعنى وبتخانق انا وماما مش عارفه اتصرف ازاى او لي بيحصل معايا كدا ...عرض المزيد

0 الدعم

2 نصيحة

خايفه من شخص بيتكلم حجات عيب وانا متعلقه

ي جماعه انا حصلى موقف مش حلو بجد انا مريضه قلب وعندى مشاكل بسبب ضغط نفسى جامد من ساعت ما خالو توفى ودخل فى حياتى شخص الفتره ال فاتت دى احنا من نفس المحافظة بس بلاد مختلفه واتعرفنا انستا قعد يتكلم معايا حسيت أن انا بدأت اتعلق بيه وبذات وهو كل شويه يقولى حبيتك انا مستغربه ازاى واحنا مشفناش بعض والا حتى اتكلمنا فون يقعد يسأل على علاجى وخرجت ازاى من غير مقولو وخدى العلاج عشان خاطري انا والكلام دا وانا لما بدأت اتعلق بيه خفت لانى حاسه ان هو مش هيكمل وانا ال هتعب جامد وانا مش ناقصه قلتلو انا مش حمل اى ضغط واى تعب أمر بيه تانى قالى متخافيش انا هبقا جمبك على طول بس في حاجه غريبه حصلت بقا بيتكلم فى حجات وحشه حجات حجات عيب وانا مش بحب كدا واقولو انت بتتكلم فى الحجات دى لى يقولى انا بحب كدا وبحبك وانا بردوا بصودوا بقا كل اما يجى يتكلم يتكلم فى الحجات دى ولما اصدو يسكت ويحاول يصلحنى كمان يومين ويتكلم بردو فى الحجات دى بس وانا خايفه اوى ومش عارفه اعمل ايه ...عرض المزيد

0 الدعم

3 نصيحة

تعبان جدا ومش عارف أفكر بعد خيبات العاطفية

مساء الخير فالاول بس حابب اوضح الشريط من اوله بختصار : كان ليا ٣ علاقات فالاول اول واحده استمرت ٧ سنين و فجأه و بدون مقدمات عرفت ان البنت اتجوزت تاني علاقه مطولتش بس البنت سابتني ( بعدها حسيت انه خلاص مش هعرف احب تاني ) ف خدت الخطوه و رحت اتقدمت لبنت صالونات و اتخطبنا بس للاسف بعد الخطوبه بيوم البنت كلمتني و قالتلي تعالى خد حاجتك مفيش نصيب بينا و لما رحت اخد حاجتي كنت رايح بنية اشوف ايه المشكله و احاول اوصل لحد بس اتفاجت ان الباب مقفول بنسبالهم تماما و اهلها رافضين ان العلاقه دي تكمل … مرت سنتين كامله و انا مش عايز ادخل اي علاقه لحد ما قابلت بنت اسمها يارا كنت اعرفها عن طريق الشغل و بقينا صحاب جدا و فالوقت ده هي كانت بتحاول تنسى شخص كان في حياتها و انا فضلت واقف ف ظهرها و بساعدها تتخلص من الم العلاقه دي ،، اتطورت العلاقه بينا لحد ما هي قالتلي انها فعلا مبقتش تفكر فالعلاقه القديمه دي و ابنتدينا نقرب لبعض جدا لحد ما اعترفنا لبعض اننا بنحب بعض و فضلنا فتره مع بعض و انا قولتلها عن كل الي حصل قبلها و عرفتها اني خايف اتعلق بحد و يمشي تاني و اني هدي لنفسي اخر فرصه اني ادخل ف علاقه ف ياريت متخذلنيش و طبعا وعدتني ان ده مستحيل يحصل مهما حصل لحد ما جت فجأه و قالتلي انها مش حابه تكمل فالعلاقه دي و بعدها انا تعبببت جداا و قررت ادخل مصحه نفسيه اتعالج و مده العلاج بتكون ٦ شهور .. عدى اول شهر و جت ماما تزورني و قالتلي انه يارا بتسأل عليا ف خليتها تكلمهالي و لما كلمتها قالتلي اني وحشتها جدا و تلقائيا لقيت نفسي بقولها ان هي وحشتني اكتر و اني مستني بس اقف على رجلي و هخرج اتقدم لها و اخطبها و طبعا خلال فتره العلاج ممنوع يكون معايا موبيل غير بعد الشهر الرابع ف كنت بستنى كل زياره كن امي عشان اتصل عليها و اكلمها لحد ما جيه يوم عيد الحب كلمت امي و قولتها هاتي لـ يارا هديه قالتلي تمام بعدها امي جالتي ورتني المسدج بعد ما هي كانت جابت الهديه و بتقولها انا عايز اقابلك عشان اديكي الهديه الي" انا" جبتهالها ردت عليها قالت لها يا طنط انا في حد هيتقدملي و مش هعرف اخد هديه منه و اصلا هو كل حاجه بينا كانت اتنتهت من قبل ما يدخل المستشفى و بعدها بفتره قليله انا اخدت موبيلي و بدات انزل ستوري ف لقتها بتكلمني و بتقولي هو انت خرجت ؟ ف قولتلها انه مظنش انه يفرقلك و كدا و عامةً احنا اخوات لما تحتاجيني ف اي وقت انا موجود لحد ما خرجت و قالتلي انها حابه تقابلني و اتقابلنا و قالتلي انه مفيش حد في حياتها و لا حاجه و ان هي مش عارفه ليه قالت كدا ،، و انا اصلا كنت متاكد انه مفيش حد في حياتها و فالوقت ده رجعنا لبعض تاني و اتقابلنا بعدها حوالي ٧ مرات بكل حب و ود و المفروض انه هتقدملها الايام الجايه بس فجاه قالتلي انه مش هنيفع تكمل معايا و حاولت افهم منها ليه طب ايه الي حصل معرفتش اوصل لأي حاجه و اتفقنا نفضل صحاب و ده الي حصل بس بعدها بأقل من اسبوع هي عملتلي بلوك في كل حته حتى على الاتصال و عدى شهرين و انا محاولتش اكلمها تاني بس امبارح حنيت لها اووووي و اتصلت عليها من رقم مش متسجل عندها و ردت عليا فضلت اسالها ليه عملتي بلوك مش اتفقنا نبقى صحاب ؟ قالتلي مش هينفع و الله !! طب فكي البلوك خلينا نتكلم ، لا و الله مش هينفع طب انتي ليه عملتي كل ده الموضوع كان خلصان من بدري ليه رجعتيلي مره و اتنين و تلاته !! قالتلي رد قاسي جدددا : قالت عشان انت مش شبهي و ياريت متكلمنيش تاني او تحاول توصلي و حتى صحوبيتنا انا مش عايزاها !! انا بكتب كل الكلام ده لاي تعبان جدددا و مش طالب حاجه و لا عارف افكر اصلا عايز بس اشوف رأيي الناس ايه ؟ ...عرض المزيد

0 الدعم

5 نصيحة