العمر بيجري وانا معملتش حاجه مستقره... خايفه افشل

Question

انا رافضه فكره ان العمر بيجري المشكله انه بيجري ومعملتش اي حاجه مستقره في شغلي بس مبتحركش بقالي ١٠ سنين مع نفس التيم محدش فينا لا بيترقي ولا بيتحرك وطبعا زيادات نيله بفكر ابيع الي ورايا والي قدامي وامشي من البلد بس خايفه افشل انا لا عملت فلوس ولا عيله واصلا ابويا وامي ماتو واخواتي ملهين في حياتهم وانا لوحدي مش فارقه مع حد انا مريضه قلق وخايفه من الفشل بس انا محتاجه اخد الخطوه دي

Banana_74577 🇪🇬 · Accepted Answer

سافريشوفي بلد جديدة وناس جداد  او غيري الشغل مادام زهقتي منه وحاولي تغيري روتين حياتك احسن من الملل ده انك تفشلي احسن ١٠٠ مرة من انك تعيشي في الملل والزهق ده كفاية انك تكوني خضتي تجارب جديدة مين عارف الخير فين

Ice Cream_63106 🇪🇬 · Answer

استعيني بالله اولا
بعد كده اشتغلي على نفسك
شوفي مجال عملك ايه الجديد فيه وحاولي تواكبي العصر ودايما تتطوري من نفسك

Mango_75327 🇪🇬 · Answer

اولا استخيري ربنا و حاولي تشتغلي في شركة تانيه ، من الحاجات اللي اعرفها في موضوع الشغل انك متقعدش في نفس الشركة اكتر من 5 سنين

Carrot_71203 🇪🇬 · Answer

انتى مش محتاجه دعم مالى ، انتى محتاجه دعم عاطفى ، محتاجه تستقرى وترتاحى وتكونى اسره

Grape_55150 🇪🇬 · Answer

ركزي عفكرة الجواز

Strawberry_74772 🇪🇬 · Answer

البنات من وجهة نظري ما مطالبة بي اومر مادية و نصائح الجواز غالبا تعجب مجتمعنا بس المشكلة ما فيكي بشكل مباشر المشكلة انك اختارتي مكان ما بيقدر موظفينه

Apple_66014 🇪🇬 · Answer

اولا الطموح حلو ولازم يبقي في هدف محدد ومش خيالي علشان تعرفي تحققي حلمك بس اول حاجه تعمليها انك تشوفي اكتر حاجه بتفهمي فيها وابتدي بحاجه صغيره جنب شغلك لحد ما تاخد الجراءه انك تستقلي بمشروع خاص بيكي

Donut_68524 🇪🇬 · Answer

هما ناس محترمين بس التيم الي انا وسطيه بيشتغل من باب التسليه محدش فيهم طموح

Donut_68524 🇪🇬 · Answer

لا اله الا الله

Donut_68524 🇪🇬 · Answer

انا عشان مريضه قلق بخاف اخرج بره ال comfort zone غصب عني

Donut_68524 🇪🇬 · Answer

ملناش حد يدعمنا في الدنيا دي غير الدعم الالهي الدعم المادي و المعنوي ربنا احسن من الكل

Avocado_69081 🇪🇬 · Answer

الغربه مش ساهله علي الرجاله عن تجربه 
مابالك علي البنت ده اولا

ثانيا فعلا دوري علي شريك احسن لو في حد دخل حياتك وحبيبتي واتحبيبتي حياتك هتتغير جدا

وطبعا قبل ده كله استعيني بالله 
وصلي واقرءي القراءان علشان ربنا ينجيكي من الفتن

Donut_68524 🇪🇬 · Answer

😒😒 مفيش حد مناسب ومش هلاقي حد مناسب 
 وعشان انا مريضه قلق مبخترش بسهوله

Donut_68524 🇪🇬 · Answer

انا مرعوبه من فكره الفشل بشوف ناس فشلت وبقول برضه طب ما ابص علي الناس الي نجحت اشمعني الي فشلت بفوكس عليهم مش كلنا ظروفنا ولا معطيتنا واحده

Donut_68524 🇪🇬 · Answer

بصي انا عارفه نفسي انا مش بتاعت اني اكون بزنس اونر انا بحب شغل الشركات

Pear_68049 🇪🇬 · Answer

دى سنه كونيه استمتعى بحياتك وبصى للحلو والشغل نفسه نعمه مش عند ناس كتير طوري فيه اعملى شغل جديد وماتستنيش تغيير من برا خليكى انتى التغيير

Donut_68524 🇪🇬 · Answer

صدقني في الزمن ده مش حسه ان في حد مناسب ليا ده رزق لسه ربنا مكتبهوليش وانا مش موقفه حياتي عليه 
 وانا هنا وسط اهلي في غربه اصلا الناس الي عايشه لوحدها زي حلاتي بيموتوا ومبيعرفوش انهم بيموتوا الا بعد اسبوع لما ريحتهم بتطلع

Biscuit_65927 🇲🇦 · Answer

عشان انتي بتخافي من المخاطرة 
اتعودتي على احساس الراحة وان خلاص كدا كدا اخر الشهر في فلوس جاية فمش فارق معاكي

لازم تتعلمي تخاطري وعادي مش هيحصل حاجة 
روحي شغل جديد دوري على فرصة احسن وهتلاقي كتير باين من طريقة كلامك ان عندك خبرة في مجالك

منفعش مثلا واضطريتي تكملي في مكانك 
ف ممكن تاخدي مخاطرة في حاجة تانية وتحوليها لبيزنس 
اي مشروع كان نفسك فيه اي حاجة كانت في خيالك حتى لو اون لاين

Donut_68524 🇪🇬 · Answer

غصب عني الحياه مكانتش سهله بالنسبه لي وللاسف انا من الناس الي مش risk taker عشان كده زي ما بنقول بالبلدي فكرت اغير عتبه

Chilli_28248 🇪🇬 · Answer

ادرسي الخطوة كويس اوي قبل ما تعمليها. وبعدين حاولوا تجتهدي في الشغل وطوري نفسك وهتلاقي الدنيا مشيت بشكل كويس. ١٠ سنين دا ونفس الحال صعب جداً بالذات في الظروف دي هتلاقي نفسك بعد كدا متعبتيش في شبابك اوي عشان ترتاحي وانتي كبيرة. ربنا يسعدك 🖤

Strawberry_74808 🇸🇦 · Answer

انتي لو شاطره في مجالك دوري علي مكان تاني احسن يديكي التقدير الي تستهليه حرام تدفني نفسك في مكان اتحركي حركه مدروسه ناس جديده مكان جديد واحتفظي بصدقاتك وزمايلك افتحي باب جديد لنفسك

Grape_55150 🇪🇬 · Answer

حد يساعدك ف الاختيار

Mushroom_73584 🇪🇬 · Answer

بصي مش مشكلة تفشلي

بس متخسريش نفسك او تحطي نفسك في منطقة خطر عليكي صعب تطلعي منها

يعني خططي كويس واعرفي خط سيرك ازاي ومش مشكلة ساعتها المخاطرة