مسؤوليات

Potato_75498 🇪🇬

منذ يوم واحد

شعور مرهق

أنا عندي ٢١ سنة أنا في كلية علوم والدتي (الله يرحمها) توفت وأنا عندي ٨ شهور، ووالدي اتجوز تاني وأنا عندي سنة ونص حياتي كلها شغل ومسؤوليات: شقة ٢٥٠ متر لازم تتنضف أسبوعيًا يومين كاملين من أولهم لآخرهم مواعين يوميًا بتاخد على أقل تقدير ساعة ترويق مستمر يعني لو حد قعد على كنبة معدلش المفرش ف هي مسئولتي

Watermelon_63268 🇪🇬 يا شيخة دا انا وانا بقرأ حسبنت عليهم، ايه دا! اعوذ بالله من القسوة اللي زي كدا، ربنا يطلعك من بينهم ويزرقك بالعوض اللي يريحك باقي عمرك كله ويعوض تعبك دا.

عرض الكل 6 نصيحة

Banana_69853 🇪🇬

منذ أسبوع واحد

شعور متحمس

موضوع:

درس علمته لك الحياه

يا جماعه اللي وراه التزامات زاي دراسه أو بيتطور في شغله أو بيسعي أنه يفتح بيت او شايل بيتهم من مصاريف كل دي حاجات جميله ياريت متتأثرش بلي حواليك و التليفون دا متخليهوش ياخد منك وقت كتير عشان دا اكبر لعنه في أيامنا دي و ربنا يوفق الجميع

Apple_68133 🇪🇬

منذ أسبوعين

شعور ضائع

بقيت حاسس إن الدنيا عاملة زي متاهة كبيرة تدخلها متحمس، وكل ما تمشي خطوة تكتشف إنك تايه أكتر فيه طرق كتير قدامك شغل، علاقات، أحلام، مسؤوليات وكل طريق بيقولك أنا الصح، ، بس وإنت ماشي فيه تلاقي نفسك بتسأل: هو أنا اخترت صح ولا أنا بضيع وقتي؟ الأصعب من كل دا بقي إنك تبان قدام الناس إنك عارف طريقك، وإن

Coffee_52562 🇪🇬

منذ 3 أسابيع

شعور ضائع

تحت مسمى متغلطش غلطتي او غلطه من غلطاتي ذاكر ف ثانويه عامه ذاكر ذاكر ذاكر طظ فالصحاب وفكل حاجه ضحي باي حاجه ف حياتك مهما كانت عشان تجيب مجموع محدش هينفعك مهما كان مين والله اهلك ليعايروك ولو مش فوشك هيبقا فضهرك اللي قدامك واحد كان بيتقاله من وهو ف ابتدائي دكتور الدكتور راح الدكتور جه وفالاخر داخل ت

Coffee_71238 🇪🇬

منذ 4 أسابيع

شعور مكسور القلب

انا راجل عندى ٤٢ سنة بسبب زوجة مريضة نفسبا دماغى باظت اعصابى تعبت نفسى انعزل عن الدنيا كلها بس متكتف متكتف باولادى متكتف بأمر اللى عايشه معايا ومسنة ومريض وانا يرعاها متكتف بإلتزاماتى مخنوووووق هموووووت فى نوعية قذرة كده من الستات تخليك تبقى عاوز تحرق الدنيا باللى فيها الله يلعن كل ست بتيجى

Banana_65737 🇪🇬 اوقف الكلام ده كله وابدأ من جديد وفكر صح وبيع اللي بيعصبك وبيضايقك يبقي مبيحبكش ومبيحبش الخير ليك انت هتعيشها مره واحده بس وربنا هيسالك ع صحتك اللي راحت بسبب ناس مقدرتش قيمتك صح

عرض الكل 7 نصيحة

Mango_57425 🇪🇬

منذ شهر واحد

شعور محبط

اين يذهب الانسان لما يبقى عايز يرمي نفسه من فوق .. بجد .. كل ناحية ف حياتي بايظة لا اهل و لا اصحاب و لا زوج و لا مال و لا وظيفة و لا صحة و لا راحة بال و لا اي حاجة .. مشاكل من كل ناحية .. كل ناحية هم و نكد و شايلة فوق طاقتي و مسؤولية فوق قدرتي ع التحمل بحس اني بحارب و بعمل مجهود جبار عشان بس اتنفس .

Mango_26864 🇪🇬

منذ شهر واحد

شعور مكسور القلب

هو انا ليه شايله كل المسؤوليات دي حاجات مش بتاعتي ليه اصحي من الصبح لحد ١١ بالليل ف شغل زي التور ف ساقيه محدش بيقدر لو قولت تعبانه يتقالي الناس كلها عندها نفس التعب بقيت بحس بالتعب واسكت نفسي حد يواسيني مره يقولي معلش سلامتك لكن محدش بيقول ف نفس الوقت لو قعدت لحظه از وقعت مش هلاقي حد يقولي معلش برض

Donut_63244 🇪🇬

منذ شهر واحد

شعور شاعر بالملل

يا جماعه حد يعرف سبب الاكتئاب وجلد الذات كل ما الواحد يقعد مع نفسه لدرجة ان دا بيعطله عن شغله ومسؤولياته من كتر ما هو بيفكر كتير يعني نفسي اركز في حياتي واشيل الضغوط من عليا بس على طول بكلم نفسي

Coffee_42293 🇪🇬

منذ شهر واحد

شعور لا مبالٍ

ياترتبط بالشخص الصح ، ياتعيش عمرك لنفسك وأهلك وتتمتع فيه مع أصحابك الدنيا مش بس إرتباط وزواج، وعيلة ومسؤوليات الإختيار الخطأ يسبب ل صاحبه طول العمر الهم.. وقت ماييجي الشخص الصح كل اللي بتقدر تعمله إنّك تنجح ! تنجح بشغلك، بشغفك ، بسعادتك، وحياتك منقدرش ننكر أهمية المشاركة بس ملهاش طعم لو كانت مع حدما

Pineapple_62632 🇪🇬 فنجان القهوة ده مزاج وعمره ما يطلع منه كلام يزعل قول يفنان 🤓

عرض الكل 9 نصيحة

Carrot_62530 🇪🇬

منذ شهر واحد

شعور مرتبك

موضوع:

حاجه فيك عاوز تغيرها ؟

الكسل واللامبالاه اللي عندي معرفشيى بقي هو سببها اي وليه زاد عندي في الاونه الأخيرة ممكن فقدان الشغف أو كل ما الواحد بيكبر مسؤولياته بتزيد والضغوط النفسية بتزيد............................................................ميميمسمسمميمميميميمؤممؤممسمؤمؤمؤمؤمؤممؤمؤمؤمؤم

French Fries_57894 🇪🇬

منذ شهرين

شعور مكسور القلب

حكايتي كالتي معلش هطول عليكم بس انا فعلا حاسس بانكسار و حزن شديد. مش عارف انا ظالم ولا مظلوم ولا جاني ولا مجني عليه ولا كاس و داير ... الخ البداية اعرفكم بنفسي أنا صيدلي متخرج من جامعة القاهرة، و زوجتي لأكثر من ١٦ عام ايضا في نفس الكلية. الموضوع بدأ بانجذاب ثم موعد فلقاء فزواج. كنت في السادسة و ال

Popcorn_61948 🇪🇬 انت بتقول بقالك سنتين مشربتش كاس فالمفروض انت بقيت كويس بالنسبالها السنتين دول ايه اللي حصل منك خلال السنتين دول غير الشرب والمخدرات مخليها زعلانه منك ؟

عرض الكل 9 نصيحة

عبّر عن شعورك بشكل مجهول

حكايتي كالتي
معلش هطول عليكم بس انا فعلا حاسس بانكسار و حزن شديد.
مش عارف انا ظالم ولا مظلوم ولا جاني ولا مجني عليه ولا كاس و داير ... الخ

البداية اعرفكم بنفسي أنا صيدلي متخرج من جامعة القاهرة، و زوجتي لأكثر من ١٦ عام ايضا في نفس الكلية.

الموضوع بدأ بانجذاب ثم موعد فلقاء فزواج. كنت في السادسة و العشرين من عمري و هي تصغرني يعلمان.
كنا صغيرين و رزقنا الله بولدين هم اطول مني الان.

كنت الولد الوحيد في العائلة فالسليقة كنت أنا المدلل من جميع الأقارب. لم اتحمل مسؤولية شئ الا أنني كنت دائماً الطالب المثالي و لم اهتم الا بأن أكون مثالي في كل شي.

المهم اتجوزنا و كنا زوجين يتمني اي احد أن يكون مثلنا، زوجتي كانت ملاك و كانت الزوجة المثالية فلم تتأخر عني بشيء و لا تكذبني في أي موضوع، كانت شيفاني حد مالوش زي، زي ما كنت أنا شايفها.

و مرت الايام، بحلوها و مرها و كانت خير سند و اقوي ضلع استند عليه.

أنا شخصية اعتمادية الي ابعد الحدود، و ده كان سبب من اسباب اني ادمن الخمر و العقاقير الطبية، الي أن تدهور بي الحال أني روحت ٣ مصاحات، منها الحكومي و منها الخاص و منها الاكثر اهانة، لم اتوقع أن يصل بي الحال الي هذه الدرجة.

بقالي سنتين ما شربتش كاس و لا حتي باخذ أدوية تغير من المزاج. و فتحنا صيدلية. مش عايز احكي علي اني عملت اللي اقدر اعمله علشان ارجعلها تاني، علشان بس ادخل البيت. تحملت أعلنتها لي و تردي من البيت أكثر من مرة. و أنا أقول في عقل بالي ما هي بردو شافت منك كثير، و مثلها مثل أي امرأة بتنسي كل حاجة حلوه و تفتكر الوحش بس

و تمر الايام و الدنيا كويسة بس طبعا مش في احسن حال. أنا و هي طالعين مهزومين، كل ما كان في بالي اني ارجع الثقة و امضض جروح زمن فات.

مسكت إدارة الصيدلية، اه نسيت أنا عليا التزمات كثير اوي بعد الخراب الذي تركته بعدي، و كان والدي بيدعمني لكي اكمل المسيرة. و إذ فجأة فقدت هذا الدعم و اصبحت أنا المسؤول الأول و الأخير عما مضي و عن الحاضر و عن المستقبل.

طبعا بيت و مفتوح، مصاريف كثيره، ديون، و زوجتي أصلا من النوع اللي مش بتتقبل بسهولة.
الاسعار غليت و الدنيا واقعة، وانا مربوط في ساقيه مابشوفش الشارع ولا اعرف حاجة غير الصيدلية و الزبائن من الساعة ١٠ لحد الساعة ١٢ بليل. كل يوم بدون اجازات أكثر من سنتين، أثناء ذلك كان هناك مناوشات و حياة زوجية سعيدة و لكن لم اتصور أن يصل الأمر إلي أنني حقا وصلت لمرحلة من اليأس و الزهق من العلاقة الزوجية. دائما أنا من يبادر بالصلح، أنا علي طول السيئ في روايتها. اتهامات و تذكير بالماضي و عدم الصبر، شيفاني غير محتمل للمسؤولية و قراراتي خاطئة.

و لكن ما حقا جرحني اليوم هو أننا أردت أن تستلقي بجانبها علي السرير، ليس إلا لمجرد أن نكون سند لبعض في هذه الحياة الصعبة، كانت نافرة مني لم تعطني فرصة حتي أن أكمل الجملة بأنني هريح جنبها شوية.

هي من النوع العصبي جدا، طريقتها في المناقشة بتبقي حاده. أنا مش عايز حاجة غير اني ارجع بيتي الاقي حد يسمعني و ما يحكمش عليا و يديني امل اني اكمل و احس بالتقدير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_61599 🇪🇬

منذ شهرين

شعور مستنزف

عبّر عن شعورك بشكل مجهول

حاسه اني تايهه...
بين اني بحاول احسن من نفسي و اشتغل على نفسي اكتر سواء في دراستي او شغلي او مشروعي او حتى دينيا بس في نفس الوقت مش لاقيه الدعم الكافي من اهلي بالعكس كل فترة كلام محبط و سخرية عمال على بطال طول اليوم و كل يوم و كلام يساعدني اجلد ذاتي اكتر ما انا بالفعل بعمل و طول الوقت تخويف من المستقبل واني لو كملت زي ما انا هفشل في حياتي و مع اقل غلطه ليا كل المجهود اللي بعمله معاهم عشان احسسهم اني موجوده معاهم و فعلا بحبهم بحس انه مش متشاف و كأني بحرق على الفاضي، روحت اتعالجت نفسيا فترة بس بطلت لان الدور مكنتش مقتصر عليا لوحدي الموضوع كان محتاج تغيير منهم هما كمان بس مكنوش معترفين ف كان المجهود المبذول من طرف واحد لحد ما بقى لا يحتمل...
مبقتش عارفة طب انعزل واعيش مع نفسي (مش قصدي اسيب البيت) قصدي اركز مع نفسي و بس ولا احاول تاني بس فعلا مبقاش عندي طاقة احاول تاني و خصوصا اني شايفة اني شايله مسؤليات كتير اوي و اغلبها مش بتاعتي بس في طرف تاني بيهرب من مسؤلياته بأنه يرميها عليا و لو معملتش المسؤليات اللي هي مش بتاعتي دي يبقى انا مش بساعد و مليش لازمة...
طول الوقت بتهاجم ان انا اللي غلط وان انا اللي محتاجه احسن من نفسي مش بقول ان انا شخص مثالي بس ما كلنا فينا عيوب وانا بحاول احسن من نفسي بس كل اللي حواليا بيستسهلوا يوجعوني بالكلام و انهم يطلعوني انا الغلط وانا الوحشة من غير ما يبصوا ان ما يمكن تكون المشكلة عندهم او ان هما كمان محتاجين يتغيروا و يشتغلوا على نفسهم...
معتقدش ان عدى وقت عليا طول حياتي حسيت في ان في حد جنبي او ان في حد بيقف في صفي لو حد جه عليا طول الوقت بيتم لومي على رد فعلي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_58315 🇪🇬

منذ شهرين

شعور متعب

موضوع:

الناس شايفاك قوي بالعافية

مش عارف انا الي عامل في نفسي كده ولا الظروف الي حوليا هي الي عملت فيا كده انا الاخ الكبير و مدير القسم بتاعي انا اه 26 بس كلو شيفني القوى الفاهم الناضج ف مفيش فرصة تضعف او تلعب او تريح دماغك علشان انت عندك مسؤوليات و كلو شيفك العاقل الكبير الناضج المدير القائد لا ياجدعان انا من جوه ابسط من كده انا م

Strawberry_61403 🇪🇬 اسمح لنفسك تتهد ادي لنفسك فرصتها تخرج اللي جواك، جايالك م المستقبل انا برضو مديرة وعندي تيم وشغل وشايفيني مافيش زيي واي مشكله خدي حليها ودفنت نفسي في الشغل وانا جوايا مشاعر ملخبطه ولازم انهار بس تماسكت وحاليا مش قادرة أعيش كل حاجه اتدمرت بسبب المشاعر المكبوته🥹🥲

عرض الكل 1 نصيحة

Apple_60523 🇪🇬

منذ شهرين

شعور شاعر بالملل

موضوع:

ما هي احسن او اسوء فتره عمريه؟

أحسن فترة كانت لما كان عندي سنة لحد 7سنين مكنتش فاهم اي حاجة ف اي حاجة احلي حاجة ان الواحد ميفهمش اي حاجة اااااااااااااااااااااااااااااااااااااااااااااااااااااااااااااااااااا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Chocolate_52370 🇪🇬

مش عارفه أتكلم عن مشاعري في البرنامج

انا مش عارفه انا الوحيده اللي بحس بي كده ولا لا ان انا كل لما اجى ادخل البرنامج وببقي عاوزه اقول حاجات كتيره اوي بس مش بعرف مشاعري بتتلخبط اويي مع ان انا بدخل لما بحس اني جبت اخري من الدنيا ومش لقيه حد معايا حرفيا بس في الاخر مش بعرف اقول اي حاجه في البرنامج بقعد اشوف النااس لو في حاجه ممكن اساعد بيها بتكلم بس غير كده مش بعرف اتكلم عن مشاعري هو انا بس اللي كده انا جمعت الكلام ده بصعوبه ...عرض المزيد

3 الدعم

32 نصيحة

Apple_64150 🇪🇬

خطيبي فقد الشغف وسبني! أنا السبب؟

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم يقولي فقد الشغف وسابني بقوله ده احنا كنا كويسين يقولي كنت برد عليكي واجب طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته هل انا السبب ف ده هل قفلته مني!! ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! طب موقف امه ده ممكن تكون مكنتش موافقه عليا طيب!!!! ...عرض المزيد

0 الدعم

21 نصيحة

Mushroom_68593 🇪🇬

مبقتش قادره استحمل خلاص... تعبت من كتر العياط

مبقتش قادره استحمل خلاص كفايه تمثيل انا مش كويسه ولا انا بخير ولا تمام انا مش عرفاني كل حاجه فيا متكسره الف حته مش عارفه اصلح اي حاجه باظت جوايا تعبت من كتر العياط كل يوم ع كل حاجه بتروح و مش عارفه ارجعها تعبت ع اني بتعاقب ع حاجه مش عرفاها نفسي كل حاجه تنتهي حتي اناا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع