مؤذي

Kiwi_52771 🇪🇬

منذ 18 ساعة

شعور مستنزف

موضوع:

ازاي قدرت تخرج من انعزالك عن العالم ؟

العالم مؤذي أصلا وكل ما أخرج من انعزالي أتصدم صدمة أكبر من الأولى... والوم نفسي لييييه ماكنت في حالي ومنعزل عن الاذى فا لاء مش هخرج... اخرج عشان اتصدم؟؟ حتى في الصداقات صديقة سنيييين هانت وذلتني بكل القصص اللي تعرفها عني في لحظة حبيب خان... الدنيا كلها مؤذية

Mushroom_77767 🇪🇬

منذ يوم واحد

شعور غبي

نفسي اكلمه نفسي نرجع زي زمان اوي .. نفضل مع بعض طول الوقت و كل الوقت .. نفسي يفضل جمبي و معايا .. بس خلاص مبقاش ينفع بقى .. انا اللي بتأذي في كل مرة بنرجع و بتجرح و بتحرق من جوايا .. ليه علقتني بيك طالما علاقتنا دي مش نافعة .. ليه خلتني اشوف حياتي معاك انت بس و اتمنى اكون جمبك .. ليه لقيت فيك كل حاج

Sugar_76392 🇪🇬

منذ يومين

شعور مكتئب

امبارح كنت راكبه أوبر هو عرف أني دكتوره سألني بشتغل فين قولت مش بشتغل قالي ليه و افتحي عياده و قولتله ان شاء الله لما يكون في فلوس قالي انتي معقدها و بعدين ليه تاخدي شهاده طب اسنان و تروحي تقعدي في البيت تقوري كوسه و بتنجان و قالي هاتي رقمك اساعدك تفتحي عياده قولتله لا المهم إني حاسه إني متضايقه من

Mango_74700 🇪🇬 انك تكوني ناجحة في بيتك و مهتمة بيه و تربي جيل تربية كويسة دا اكبر نجاح ممكن توصليله النجاح في الشغل دا شيء تافه بالنسبة انك تكوني اساس و عماد لبيت و مربية لجيل محترم و ناجح

عرض الكل 11 نصيحة

Cherry_59452 🇪🇬

منذ 6 أيام

شعور ضائع

عبّر عن شعورك بشكل مجهول

بصو انا تايهه ومش عارفه اي الحل
انا بحب واحد بقالي سنتين ونص الشخص ده عرفتو بالصدفه وبقينا صحاب جدا وهو الصراحه شخص معقد نفسيا معندوش مشاعر اصلا بسبب انو بمر بظروف وحشه جدا وكان بيحب واحده وخانته مع صحبو وهكذا يعني المهم انا كنت متعلقه بيه جدا وحبيتو اوي هو كان عارف ومع ذلك بدا يبعد وقال انو مش مستعد يدخل علاقه دلوقتي بعد عنه 6 شهور ورجعنا نتكلم تاني كنت انا ارتبط وهو ارتبط وهو كان بيحكيلي انو بيخون البنت دي ومش عارف اي انا لما فركشت هو فركش بعدي وعدت فتره هو عارف اني لسه بحبو اوي ومتعلقه بيه تعلق مرضى قولتو اني بحبو قعد يقولي مش مستعد ومش عايز اظلمك وبلاش ارتباط لحد ما اجي اتقدم انا رفض وفعلا ارتبطنا بقيت كل فتره اعرف عنه معلومه جديده تصدمني ومع ذلك مكمله بحبو بشكل اوفر ومعميه عن عيوبو ونا بعترف دلوقتي اني معميه فعلا كل ده مفهوش مشكله هو حنين وجدع لكن مبيهتمش بزعلي اوي يعني ممكن يسبني بالايام ميسالش وحجتو انو نسى انا زعلانه لي حاليا اصلا متخانقين بسبب انو كنت بكلمو كول وهو سيبني وبيرغى مع اخوه ومبعتليش بقالو 3 ايام المهم غير انو مبيهتمش بزعلي هو مبيهتمش عموما حياته كلها فى الشغل وبيرجع ينام وكل كام ساعه رساله ويالحقنا نتكلم يا لا حياته حرفيا شغل ونوم غير كده حياته كلها مشاكل ومفككه بيرمي كلام فى النص يوجعني وبعدين يقولي كلام واترمى متعمليش حوار 
انا شكه انو بيخوني بسبب ان لما نزلنا سوا قولتو هات فونك رفض وفضل ماسك فونو مرضيش يديني اكونتاته رغم انو خد اكونتاتي وعامل يقولي حجج فارغه زي صحابي ومينفعش وناسي الباسوورد وهبيع الاكونت انا شكه انو بيخوني رغم ان معندوش بنات هو حتى مش عاملي فولو كل لما اعمل فولو يشيلو ويقولي مش عايز حد يدايقك حساه مخليني فى الضلمه رغم انو معرف اهلو بس برضو انا تايهه اوي معرفش اي الحل هي دي عيوبه والي بيعملها لكن هو حنين عليا اوي بس تقريبا حنين فقط مش لاقيه مميزات تانيه 
مش عارفه اعمل اي بفكر اختفي فجاه من حياته واعمل بلوك من كل حته وابعد بس حسه بذنب ناحيته رغم اني متاكده انو بيخوني وبيكلم بنات والكل اكدلي ان حركاته اكيد فيها بنات بيكلمها بس انا لي حسه بذنب نحيته اني امشي حتى لما سبتو هو اتمسك بيا جدااا بس انا سبتو 3 ايام وكلمتو ورجعتلو قررت اديلو فرصه يمكن يتغير متغيرش 
هو بيحبني ولا لا 
الاغلب بيقولو بيحبني بس معرفش هو فعلا بيحبني هو عايز يتقدملي وكان جي بس ماما رفضت قالتلي استني شويه عشان يبدا يكمل تعليمو لان كان موقف تعليمو وانا اهلي مش هيوافقو عليه عشان كده 
حد عندو حل او حد مر بنفس التجربه او شخص مشابهه ليها اعمل اي بجد انا تايهه اووي انا بعملو كل حاجه عشان يرضى عني ويحبني زي ما بحبو ديما يقولي بحبك عشان انتي مستحملاني محدش استحملني زيك بحسو بيحبني فعلا عشان كده عشان انا الي بقالي سنتين ونص معاه ونا الي قدامه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pistachio_69568 🇪🇬

منذ أسبوع واحد

شعور مستنزف

بحب واحده ناوي اتقدملها قريب المشكله هي اني دايما بشوف انها مش الشخص الصح ليا او انها مش الشخص المناسب اللي المفروض يكمل معايا باقي حياتي مع اني بشوفها دايما حنونه و دايما بتكون متفهمه و بحبها لاقصى حدود بس أغلب الوقت بتعمل كل حاجه ممكن تأذيني ،، جربت اتكلم معاها كتير بس مش بتسمع ،،، ممكن تأذين

Mango_75719 🇪🇬

منذ أسبوع واحد

شعور محبط

الواحد مفروض يعمل ايه لما يكون في حد في حياته بيأذيه بس بيسكت عشان بيخاف يخسره ورغم ان الشخص التاني عارف انه بيتأذي بس برضو الواحد بيسكت عشان بيحبه ومش هاين عليه يخسره وصعب اوي انه يتقبل فكره انه هيخرج من حياته وقرار الفراق ده قرار صعب اوي ومش سهل خالص

Mango_76915 🇪🇬

منذ أسبوع واحد

شعور محبط

موضوع:

اكتر كلمه او موقف قفلك من شخص

كانت مستبيعه كانت دايما بتقول لو عايز تمشي امشي و لو حاسس ان طلباتي كتير و مش عايز تكمل مش لازم تكمل كل ده و انا كنت شاريها بس نوعيه الكلام اللي زي كدا قفلتني اوي من ناحيتها ساعتها عرفت ان مش فارق معاها و هي زعلت لما انا مشيت انا كنت مش مرتاح ولا مبسوط معاها بسبب كلامها

Strawberry_76992 🇪🇬

منذ أسبوع واحد

شعور منزعج

واللي عنده سرعه تخطي ويتجاوز حالات وفاه لناس من اهله بهدوء بس نفسه ينهار ويطلع ويصرخ بس لا الوقت مناسب ولا المكان مناسب ولا انا ضعيفه علشان انهار كدا ولا عندي ثقة في ضلي حتى اما انا بحب نفسي اوي ومرضاش ليها البكاء علشان كدا مش بعيط يمكن باردة ايوة بشكل كبير بس بردو لو حد داس لي على طرف بدوس على رقب

Tomato_76090 🇪🇬

منذ أسبوعين

شعور ضائع

عبّر عن شعورك بشكل مجهول

السلام عليكم.. 
انا زعلانه اوي من الي انا فيه دلوقتي انا كنت شاطره اوي ف دراستي وكنت حقيقيه كانت المُدرسين كلها بتقعد تقولي اني اشطر بنوته واني ان شاء الله هيشوفوني دكتوره حتى اهلي كانو دايما يقولو ل اخويا الاكبر مني اني اشطر منه وكانو بيقعدو يعني يقارنو واخويا كان بيصعب عليا اوي ومن كلامهم وهو بيبق بيضحك وانا بقعد اعيط عليه زي ما اكون حاسه انو بيداري اهلي عمرهم ما بيقصرو معانا بس دايما مخليين بينا حتت غيره والمقارنه ودي حاجه وحشه اوي خصوصا لو ما بين اخوات اخويا كان بيقعد يرخم عليا دايما وكنت دايما بحس بسبب الغيره والمقارنه الي اهلي بيسببوها بينا
المهم 
عدت السنين وبقيت وحشه اوي ف دراستي ودرجاتي بقت وحشه بجد لحد ما جت تالته اعدادي الي هي اسوء سنه جت ف حياتي وجبت مجموع وحش وبقيت مكان اخويا وسمعت كلام وحش اوي من اهلي كل كلمه يوم النتيجه لسه فكراها زي متكون متقلالي من خمس ثواني لقيت نظرات وحشه اوي ولقيت ناس كتير شمتانه فيا والي يقعد يقول ازاي ده انتي كنتي شاطره اوي ولما بابا بيقعد يحكي انو صحابو سالوه جبت كام كان مكسوف يقول كل ده ماثر اوي اوي فيا والدراسه خلاص قربت وكل ما بتقرب بخاف وزي ما يكون جالي تروما وبقيت خايفه الي حصل ده يحصل تاني وانا الحاجه الوحيدة الي بصبر نفسي بيها ان اكيد فيه فرصه تاني وبقعد اقولهم انا اتعلمت الدرس وهبق اشطر بس انا بصراحه مش قادره خالص وخايفه ولسه بيتريقو على نتيجي وبيقعدو يضحكو ب سخرية ويقولو فاكره ايام ما كنا فاكرينك شاطره كل ده واجعني اوي وبقعد اعيط كل ما بسمع كلامهم.. لاني مش متعوده غير على اني شاطره اوي وهبق دكتوره والكلام ده لكن الكلام المؤذي ده انا مش متعوده عليه خالص
بصراحه مش قادره اتخطى الفترة دي..  كل ما بقعد اذاكر بتخنق وافضل اعيط وافتكر كل الكلام الوحش بس ف نفس الوقت بقعد اشجع  ف نفسي بس غصب عني بيتريقو برضو وبزعل
ده غير اني داخله خدمات خايفه اتظلم خايفه اجيب مجموع وحش خايفه من المكان نفسه يبق فيه ناس مش شبهي ويحبطوني بدل ما يشجعوني لما بشوف اني افترقت عن صحابي وكلهم جايبين مجاميع حلوه ساعات كنت بحس بغيره الصراحه وبقول ليه حصل فيا كده.. 
اهو بقيت بعيد عنهم وف مكان جديد وفيش صحاب معايا 
افكااار كتييير وخوف رهيب تنصحوني ب ايه؟  اعمل ايه واتخطى واتقبل الي حصل وان عادي كلنا بنقع ونقوم بس ليه انا مش قادره اقوم بقا 😅

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_76022 🇪🇬

منذ 4 أسابيع

شعور منزعج

الناس بتستفاد ايه من حوار التنمر يعني فيه لسه واحد فضل يتريق على واحد ومراته ان مراته جميله وهو شكله مش كويس كشكل فا تقريبا الراجل سمع وحسيت في نظراته بكسره وعشان معاه مراته مش هينفع يرد لكن بجد لو حتى ع سبيل الهزار بتستفادوا ابه ؟

Sugar_76259 🇪🇬

منذ 4 أسابيع

شعور مكسور القلب

Carrot_71203 🇪🇬 والله تقدرى تقولى انها مجموعه من الأسباب مش سبب واحد الموضوع محير فعلا

عرض الكل 3 نصيحة

عبّر عن شعورك بشكل مجهول

جايلي عريس عايش في بريطانيا و هو كويس و كنا متوافقين و كل حاجة تمام و معرفني من البداية انه مش غني و ان شغله هناك هو الي بدأ يعدله الأمور لإنه لسه متخرج جديد و هو الي قال علي المهر الي قادر عليه و حدد الشبكة و احنا شفناهم مناسبين بالنسبة لواحد بيبدأ حياته و هو قالي ممكن نزود الدهب بعد الجواز لو ربنا كرمني و كل حاجة كانت تمام من الناحيتين هو حسيت انه صادق و بيقول الي يقدر عليه و من نحيتي كنت شايفة طالما فيه توافق و هو شخص كويس مش لازم اعجزه المهم انا وحيدة امي و ابويا منفصل عنها طول عمري و عنده بيته بعيلته فا هي قالت للعريس بالفلوس الي انت هتدهالها مهر و شبكة انا حابة اكمل عليهم معاك و نجيب لها شقة هنا امان ليها من نحية و من نحية لما تيجو زيارة يبقالكم مكانكم متبقوش جايين عند حد وابقا مطمنه عليها و مش هطلب منك مبلغ معين هو قالها شوية حسابات كدا فيما معناها ان الفيزا الي هجيب بنتك بيها لمدة ٥ سنين تقدر تشتغل بيها يعني لو حصل اي حاجة بينا زي عدم توافق يعني تقدر تشتغل و اقل شغلانه تقدر تجمع منها تمن شقة في أقل من سنتين 
انا اصلا متفقة معاه اني مش حابه اشتغل خاصتا لو فيه أطفال
فا انا دلوقت مصدومة و مش قادرة احدد حتي ده معناه ايه يعني هو قصدة ان كفاية عليه انه هيجيبلي الفيزا و لا قصده اتجوزه قصادها ولا فاكرني راحة اتجوز علشان يجيبلي هو شقة ولا ايه بالظبط دلوقتي انا حاسة باحباط جدا من الي قاله و مش قادرة احدد السبب بالضبط!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_64299 🇪🇬

منذ شهر واحد

شعور متعب

مش عارفه انا بعمل اي ومتلخبطه يمكن حسه بهدوء في حياتي محصلش عارفه المفروض اني بعد عن الشخص دا بس مش عارفه عارفه انو محبنيش وبيتسلي وكل دا بس هو بيختفي ويرجع يتكلم وقت ماهو عايز عارفه اني المفروض انسا بس مش عارفه افهم احساسي اي هل هو فراغ او يمكن متمسكه بيه علشان صدمات طفوليه ولا اي بظبط نفسي ارجع زي

Ice Cream_49968 🇪🇬

منذ شهر واحد

شعور مكسور القلب

من فتره كده كنت بتكلم مع خطيبي وكنا بنتكلم عن الجامعه وقولتله ان صاحبتي في حقوق وحقوق صعبه وبتاع قالي طبعا حقوق بالنسبالك ده كليه قمه هو قالي كده عشان انا مجموعي كان وحش اوي المهم يعني اني عديت الموضوع بس انا كل مابفتكر بحس بوجعه ف قلبي كده وبفضل اعيط انه قالي كده هل عادي ويمكن كان بيهزر ولا انا ال

Tofu_71960 🇪🇬

منذ شهر واحد

شعور آسف

قولت لستي أني زعلانه من خالتي فحاجه من وانا عندي عشر سنين قالتلي انتي لسه فاكره وبعدين يعني دي خالتك معملتكيش حاجه انتي مستقصداها ليه وهي غلبانه وبتحبك تزعلي منها ليه وخالتك دي ست الستات والبنات انتي لو كلمتيها وحش أو حلو مش هتنقصي منها حاجه وبعدين قامت قيلالي عالموضوع الي زعلانه منو أن بعدها خالتي

Carrot_71203 🇪🇬 طيب ايه هيا المشكله حاليا ، لو كانت على الخروجه فالموضوع انتهى ، وانتى ماشاءالله كبرتى وفهمت. الدنيا

عرض الكل 3 نصيحة

Olive_73910 🇪🇬

منذ شهر واحد

شعور مرتبك

جماعة ممكن تفيدوني ازاي اعرف ان الي قدامي يعني مثلا التقليل من الشخص في صورة هزار ...او هو يكون بيهزر فعلا مش القصد تقليل ...وهل الثقة بالنفس ليها علاقة بكدة ؟ اتمني تكونو فاهميني مش عارفة اشرح بصراحة خالص

Coconut_20625 🇲🇦 ازاي يعني ؟! التقليل من حد و التجريح عمره ما كان هزار ولا هيكون ده في كل الحالات مش هزار حتى لو كنتي انت نفسك متقبلاه ده مش هزار انت بس اتعودت على الوضع متخليش حد يقلل منك او يخليك محط سخرية عشان يضحك هو و اشباهه ابدا

عرض الكل 7 نصيحة

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع