زعلانه من خالتي وستي مقتنعتش بزعلي

Question

قولت لستي أني زعلانه من خالتي فحاجه من وانا عندي عشر سنين قالتلي انتي لسه فاكره وبعدين يعني دي خالتك معملتكيش حاجه انتي مستقصداها ليه وهي غلبانه وبتحبك تزعلي منها ليه وخالتك دي ست الستات والبنات انتي لو كلمتيها وحش أو حلو مش هتنقصي منها حاجه وبعدين قامت قيلالي عالموضوع الي زعلانه منو أن بعدها خالتي عشان تصالحني وانا صغيره خدتني خرجتني هي وخطيبها بس  هي ساعتها مكنتش مخطوبه وكلو عمال يقولي كده مع اني فاكره كويس أنها عمرها مخرجتني هي بتخرج اختي بس

Carrot_71203 🇪🇬 · Accepted Answer

طيب ايه هيا المشكله حاليا  ، لو كانت على الخروجه فالموضوع انتهى ، وانتى ماشاءالله كبرتى وفهمت. الدنيا

Tofu_71960 🇪🇬 · Answer

لا خناقه كانت أن خالتي قالتلي انا واختي أنها هتخرجنا احنا الاتنين ونفطر برا مع قرايبنا كده من بعيد وقالتلنا نروح عند ستي نستناها هناك قامت جت خدت اختي وسابتني انا وستي اتصلت بخالتي قالتلها اني بعيط فضلت تقولي أنها هتيجي تاخدني بس مخدتنيش وبعدها قالت إنها خرجتني بعدها ب يوم بس ده محصلش طب ليه تقولي من الاول طالما هي مش هتاخدني؟ ليه تكسر خاطري كده؟

Olive_75595 🇪🇬 · Answer

في فرق كبير جدا بين ادارك البالغين و الصغار خصوصا فيما يتعلق بالتفاصيل الصغيرة ، ممكن هي انشغلت أو نست أو غيرت رأيها بخصوص حاجة معينة والموضوع عدي واتمحى من ذاكرتها تماما ، فاحنا الواجب علينا أن نلتمس الأعذار للناس الدنيا ابسط بكتير اني اكون شايل من حد أو زعلان اللي فات مات و خلاص سامحي علشانك مش علشان غيرك