قصة حقيقية

Jackfruit_74119 🇪🇬

منذ يوم واحد

شعور مكسور القلب

Strawberry_71160 🇪🇬 انتي جدعه يا بنتي والله

عرض الكل 14 نصيحة

عبّر عن شعورك بشكل مجهول

حكايتي زي ما هي، من غير تجميل"
أنا بنت، أهلي منفصلين من زمان. بعد الانفصال، والدتي اتجوزت، وحصلت مشاكل مع زوجها. وقتها اضطريت أسيب بيتها وأروح أعيش مع أبويا، وكنت فاكرة إني رايحة لمكان آمن، رايحة لحد ممكن يحميني ويقف في ضهري. وأنا ماشية من بيت أمي قلت لكل الناس إن أبويا هو أحسن راجل في الدنيا، وإنه هيكون سندي الحقيقي.
أبويا جابلي تليفون وقتها من فلوس النفقة، اللي هي كانت ٢٠٠ جنيه في الشهر، وجمعتها من سنين متراكمة عليه. كنت فخورة بالهدية دي، حسيت إنه بيحبني وعاوز يعوضني. بس الحقيقة كانت غير كده تمامًا.
لما رحت عنده، اتحولت لوحدة بتخدم في البيت. مراته، بنتها الصغيرة، وولادها، كلهم كنت أخدمهم، وكأن ده دوري الطبيعي. مع إني ماكنتش شايفة مشكلة في الخدمة وقتها، كنت بس نفسي في بيت أعيش فيه بكرامة. مراته كانت ست مش كويسة، وكنت أعرف عنها حاجات مش محترمة، بس كنت ساكتة.
قبل ما يبدأ يتحرش بيا، هو ومراته سرقوا تليفوني، علشان مايبقاش عندي وسيلة أتكلم بيها أو أطلب مساعدة. وبعدها بدأ يتصرف تصرفات غريبة: يقولي كلام مش محترم، يطلب مني أقعد على رجله، يلمّح تلميحات جارحة. ووقتها كنت داخلة على ١٨ سنة، مش فاهمة إن اللي بيحصل ده اسمه تحرش.
وبدأت الوقائع تحصل فعلًا. اتحرش بيا كذا مرة، وأنا ساكتة، مش عارفة أعمل إيه. مش قادرة أرجع عند أمي، ومش قادرة أحكي لحد، لأن اللي بيعمل كده مش غريب... ده أبويا.
فكرت أهرب، أختفي من حياتهم، وأبدأ من أول وجديد في مكان ما حدش يعرفني فيه. فعلاً حاولت، لكن مراته جابتني، وبدل ما تحاول تفهمني، فضلت تحكيلي في مواعظ وكلام فاضي. ورجعت تاني، مضطرة أعيش وسط القهر.
جيه وقت كنت داخلة ثانوي عام لغات، بس هو كان رافض، وعاوز يدخلني تجاري. حصلت خناقة كبيرة، وكنا قاعدين قدام ناس من أهل مراته، وفجأة قال كلام كذب، ولما قلتله "أنت كداب"، ضربني بالقلم مرة ورا التانية ورا التالتة.
ساعتها، أنا ما سكتش، وقلتله: "قسم بالله ما هتشوفني تاني بعد اللي عملته ده". أمي حسّت إن في حاجة غلط، كلمتني، حاولت تفهمني، وفعلاً صدقتني، وطلبت أروح لها. روحت، بس الكل كان شايفني كأني بكذب، أو بألف أفلام. بس لو كنت هألف، هألف على أبويا؟
كنت مقررة أسكت، وأدفن الموضوع، خصوصًا إني كل ما أجي أتخطب وأقول الحقيقة، الشخص بيمشي. فقلت هتعامل معاه كأنه عادي، يمكن أعيش بسلام.
في ٢٠٢٣، وأنا بقدم في جامعة، كنت عند عمتي، وقالتلي جربي تكلميه يساعدك في المصاريف. رحت له في محل البقالة بتاعه، وفعلاً دفع لي ٢٠٠٠ جنيه من أصل ١٦ ألف، بس ماقدرتش أكمل، لأن ما كانش معايا الباقي.
في السنة اللي بعدها قدمت في جامعة في العريش، وقاللي "هديكي"، وسافرت.  وبعد فتره طلبت فلوس كنت مش معايا ولا جنيه بعتلي بعد خمس أيام من المحاولات،  بعتلي ٥٠٠ جنيه، وبعدها قاللي وبعد كام يوم كنت تعبانه وواخد علاج وكلمته عشان كنت عاوزه فلوس انزل قالي إن أخويا بعتلي كمان ٥٠٠. وسكت. ولما خلصوا الفلوس، وبكلمه، قالي: "مفيش، وهتصرفلك كذا يوم" بسببه اضرطدت م السكن . اضطردت  في الشارع الساعة ٩ بليل، في محافظة تانية، لا معايا أكل، ولا مكان أرجع له، ولا فلوس.
رجعت، وهو ما سألش فيا، ولا حتى كلمني. ولا حتي حاول يعتذر ولا اي حاجه  وعرفت إنه عنده فلوس، بيشتري شقتين، محلين، وبيأمن مستقبل مراته وولادها، لكن أنا… أنا ماكنش ليا حاجة.
فضلت ساكتة، بس في ٢٠٢٥ قررت أتكلم، وأرفع قضية "نفقة أقارب". مش بس علشان الفلوس، لكن علشان أقول لنفسي إني مش ضعيفة، ومش لازم أعيش في خوف وسكوت. هو دلوقتي موكّل محاميه وماشي في حياته، كأن ماعملش حاجة، بس أنا مش هسكت.
البجح بيعيش على حساب اللي بيتكسف، وأنا قررت أتكلم... علشان أعيش بكرامتي. المشكله قلبي في نار وحرقه محدش حاسس بيها ومش عارفه اي اللي هيطفيهاا حقيقي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_56010 🇪🇬

منذ شهرين

شعور مكسور القلب

الوعد كان مغري.... لكن التمن الي طلبه المارد كان هيقلب حياه تايسون قصتي مع الي شقلب حياتي ممكن محدش يصدقني بس دي حاجه ترجع لكل واحد فيكم انا اسمي تايسون +مسلم عندي18 من المنصوره من وانا عندي9سنين بدأت وداني توجعني شويه في البدايه اتجاهلت الموضوع لكن بعد كده الوجع زاذ رحت للدكتور مخدش كلمه مفيده ب

Hazelnut_52786 🇪🇬 ابعد شوية عن العزلة والكتمان، وروح لدكتور نفسي يساعدك تفهم اللي بيحصلك بشكل علمي. الصوت اللي بتسمعه ممكن يكون ناتج عن ضغط نفسي أو حاجة أعمق محتاجة علاج، مش عيب ولا ضعف. خليك أقوى من اللي بيشدك لتحت، وابدأ تطلب المساعدة بدل ما تفضل تايه جوا دماغك

عرض الكل 6 نصيحة

Sugar_55857 🇪🇬

منذ شهرين

شعور مذنب

أنا ما متعود أكتب، لكن مرات في حاجات بتحصل، بتحس إنك لو ما حكيتها ح تنفجر. يمكن القصة دي ما ح يصدقها زول، ويمكن ناس كتار لو سمعوها يقولوا "دا فيلم"، لكن أنا عشتها. وح أبدأ من البداية... بداية الغلط. قبل 3 سنين تقريبًا، كنت ساكن مع أهلي في بيت كبير في الحتة القديمة من الحلة. بيتنا كان فيهو طابقين، ن

عبّر عن شعورك بشكل مجهول

قبل 3 سنين تقريبًا، كنت ساكن مع أهلي في بيت كبير في الحتة القديمة من الحلة. بيتنا كان فيهو طابقين، نحنا كنا فوق، وتحت مأجرينو لزول كبير في العمر، عايش براهو. الزول دا ما بنتعامل معاه كتير، ساكن ساكت. ما بيجيه زوار، صامت، لكن محترم. بنقول ليه "العم" بس، لا اسم، لا تفاصيل.

الغريبة؟ العم دا كان ساكن تحت لكن ما عمرنا دخلنا الشقة حقته، ولا حتى الباب كان بيتفتح إلا نادر جدًا. لكن في يوم... كل شي اتغير.

اليوم داك، يوم جمعة، بعد المغرب بشوية، الكهرباء قطعت فجأة. كنت قاعد في الصالون، ماسك تلفوني، والشاحن مفصول طبعًا كالعادي. قررت أنزل تحت أشوف البريكر، احتمال فصل.

نزلت الدرج بهدوء، وفي الضلمة، حسيت برجلي بتدق في حاجة. نزلت تاني، نورّت التلفون، لقيت ورقة صغيرة مرمية في وسط الدرج. فتحتها بالعشوائي كدا، مكتوب فيها بخط واضح:

> "لو نزلت الدرج التحتاني، ما ترجع."

وقفت مكانـي. حسيت برعشة في إيدي. قلت يمكن زول بيلعب، ولا واحد من العيال في الحلة عامل فيلم. لكن ما كان في أي صوت في الحلة كلها، ساكتة بشكل غريب. الكهربا لسة قاطعة، والظلمة سميكة.

وصلت تحت، لقيت باب العم مفتوح شويّة، بس غريبة... ريحة غريبة طالعة من جوا. موش ريحة نتنة، لا، كانت ريحة كأنها بخور محروق، لكن تقيل وتقيل... يخنق.

ناديت: "عمّي؟ كل شي تمام؟"

مافي رد.

دفعت الباب ببطء، دخلت، ولأول مرة... شفت جوة شقته. كانت فاضية. حرفيًا فاضية. لا كنبة، لا سرير، لا حاجة. بس الأرضية فيها مربعات مرسومة بطباشير، ودائرة كبيرة في النص، فيها نفس الخط من الورقة:

> "لو نزلت الدرج التحتاني، ما ترجع."

ما كملت دقيقة، سمعت صوت الباب اتقفل وراي بقوة.

جريت فتحتو، مقفول... بقفل من برا.

كنت محبوس.

في اللحظة دي، عرفت إنو في شي غلط... غلط كبير.

انتظروني اكمل بكرة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_22117 🇪🇬

ازاي أرد على "طمنيني عليكي" وأنا مش عايزة أتكلم؟

هو ازاي ارد لما صحبتي تقولي طمنيني عليكي بس في نفس الوقت انا مش عايزه اتكلم فتفاصيل ؟ انا مرتاحه كده ومش حابه احكي عالاقل حاليا فحاسه لو قولتلها الحمدلله هتقولي مالك بردوا وكدا . شعور رخم بجد حاسه دماغي مضغوطه فالتفكير و مش هي بس البعتتلي ٤ كمان علشان بس نزلت ستوري صوره الهو بيبقا مكتوب فيها زي ادعولي لعل احدكم اقرب مني الي الله ...عرض المزيد

0 الدعم

0 نصيحة

Coffee_53130 🇪🇬

تعبت ومش قادر أكمل.. حزن بقالي شهرين

انا حسه بحزن بقالى شهرين تقريبا وحاولت استسلم واحس بيه كله بس مخلصش وحاولت اللهى نفسي منفعش مبقاش عندى طاقه للتواصل مع الناس بعد الكلام اللى بيطلع منى كأنه ليا عدد محدود وبفتكر مواقف قديمه جدا مضايقنى مع الجديد اللى بيحصل الموضوع زاد اوى انا تعبت مش بنام ارق بالايام ...عرض المزيد

2 الدعم

5 نصيحة

Grape_22054 🇪🇬

نفسي نرجع نتكلم براحه ونتفاهم من غير خناق

نفسي نرجع نتكلم براحه نتفاهم انا.و انتي اقولك اي اللي ضايقني وتقوليلي اي اللي ضايقك نتفاهم من غير خناق من غير زعل من غير اي كلام وحش نضايق بيه بعض نفسي اكلمك بس عارف لو حاولت اوصلك هترفضي تسمعيني لانك انتي اللي قررتي تمشي وتسيبيني عاوز اقولك اني حاولت حاولت كتير اوي تهوني عليا بس معرفتش حاولت اخليكي تبقي ماضي بالنسبالي خلاص خلص وانسي واعيش بس مقدرتش اتصدقي رغم اني هونت عليكي ورغم انك كسرتيني ورغم انك مشيتي. وسيبتيني وانتي متأكده أن انا لسه بحبك ورغم انك كل ما حاولت اوصلك تقومي عامله بلوك وترفضي الكلام رغم كل ده لسه بتيجي في بالي وبدعيلك بكل خير وبتمنالك حياه احسن وافضل بس من جوايا قلبي متكسر مليون حته لاني عارف عارف محدش هيفهم دماغك دي زيي محدش هيعرف يفهم امتي تبقي زعلانه أو امتي تبقي علي طبيعتك قدي محدش هيقدر يستحمل حركاته. وتصرفاتك ويجي علي نفسه زيي محدش هيحبك زيي يا حبيبتي أو يا " حبيبي " زي ما كنتي بتحبي تسمعيها مني انا لسه فاكرك منسيتش منسيتش كلامنا منسيتش هزارنا منسيتش مكالماتنا منسيتش خوفنا علي بعض لو حد اختفي شويه منستش أي حاجة كانت بينا تعرفي وانا بمسح شاتك زي ما طلبتي والله والله والله كنت بمسحها وانا عيني مليانه دموع بمسحها وأيدي بترتعش مش عاوزه تمسح كل الذكريات دي بسهوله انتي مسحتي كل حاجة بسهوله بس انا لا مقدرتش مقدرتش اجي علي نفسي في الحته دي نفسي تفهمي أن والله لو لفيتي العالم كله مش هتلاقي حد يستحملك زيي ولا حد يفضل معاكي خمس سنين حلو ووحش وميتغيرش عليكي مهما زعل منك نفسي تفهمي اني كنت عاوزك بجد ? نفسي تفهمي اني حبيتك بجد 💔 نفسي تفهمي اني هموت واكلمك واسمع صوتك بس مش عارف اوصلك 💔 نفسي تبعتيلي ماسدج تسلمي حتي عليا ونتفق أننا نتعاتب براحه من غير خناق زي كل مره كل واحد ياخد وقت يتكلم فيه يقول اللي عنده والتاني مش هيعمل حاجة غير أنه يسمع وبس يمكن وجهه نظرنا توصل صح المره دي وحشتيني يا نور عيني 🥲💔 ...عرض المزيد

3 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع