فقدان الثقه

Coffee_19911 🇪🇬

منذ أسبوعين

شعور آسف

عبّر عن شعورك بشكل مجهول

اولا عاوز اقول  Iam not sorry 
عاوزه اتكلم عن حاجه لسه بلاحظ وجدوها في حياتي وبحاول اتجاهل الاحساس بوجودها ده علشان خساره موتت السنين الكتير اللي ضاعت دي 
الحاجه دي هي "الناس" يا جماعه بقى ايه الجنون ده يعني انا انعدمت ثقتي في نفسي حرفيا وبقيت متردده في كل حاجه بسبب شويه بشر زيي زيهم ومش فالحين او ناجحين علشان على الأقل احس اني اقل شأن منهم لااا بس بسببهم وبسبب كلامهم اللي بتردد في ودني كأنه همس كل ما بعمل حاجه في حياتي 
البس فستان لاا وحش انتي رفيعه وطويله الموضوع بيضحك موتت كلمات زي انتي غبيه للكلام ده كان بالنسبه ليهم هزار بس كأن بالنسبه لطفله دي حاجه هتكمل بيها حياتها ده اول كلام تسمعه وبعدين بعد العديد من السنين وانا بحاول اثبت نفسي لناس مش فالحين غير في التريقه والتنمر على خلق الله بحاول اعمل كل حاجه لولادهم علشان اصاحبهم عارفين والله انا قلبت خدامه لعمتي مره ولبناتها كل ما ازورها اروق معاها وامسح معاها الشقه علشان اسمع كلام زي شكرا او حاجه تحسسك اني عملت مجهود علشان ارضيها بس تبا يا جماعه والله بعد العديد والعديد من السنوات مفيش اي حاجه بتحصل هم هما نفس الناس اللي رأسهم عباره عن بخاخه مش هيتغيروا فااا انا غيرت المجتمع الحقير اللي اتولدت فيه ده مش بمزاجي لااا كان صدفه بس يخربيت كده ياجماعه فرق تعامل وفرق كل حاجه هناك فيه حب بجد وهزار بس حدوده مرسومه حتى لو حدوده تم تجاوزها بيبان في عيونهم انه هزار لكن كائنات راس البطريق والبخاخه اللي عيشت معاها ديي وبسببها بتعامل بطلوع الروح مع البشر التانيين اههه عاوزه اجمع كل البشر اللي من النوعيه دي ونحبسهم في مكان واحد كده وهما بقى يتعاملوا مع بعض يفضلوا يتريقوا وينظروا على بعض لحد ما يموتوا بعض من قله ادبهم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_64176 🇪🇬

منذ شهر واحد

شعور Okay 😐

نفسي احس اني طبيعيه يعني حتي لو بنسبه ٥٠ ف الميه بس ..انا معنديش حد اتكلم معاه أو بمعني افضل مافيش حد عنده طاقه أنه يسمعني انا عاوزة اخلص من عبئ عليا سواء مادي أو داخلي حاسه اني لو قولت كل حاجه هفوق وهخف بس المشكله اني كل م بقول لحد اي حاجه بلاقي كل الناس عرفت مبقاق عندي ثقه ل حد ومش حابه أن كل حد ي

Strawberry_58144 🇪🇬

منذ شهر واحد

شعور متعب

موضوع:

اكتر ذكره مؤلمه حصلتلك وومقدرتش تتخطها؟

Avocado_57638 🇪🇬 وانا والله زيك بالضبط 🥲 بس انا كنت السنه اللي فاتت نفس كل حاجه والله انتي مش لوحدك بس بقيت بقول ان هي مش امتحان الاخره واهو بحاول اهون علي نفسي وافرح نفسي ب اي حاجه اه لحد دلوقتي لما اشوف الكليه اللي كان نفسي فيها بزعل بس بقول هي اللي خسرتني مش انا و الحمدلله على كل حال وربنا يعوض علينا ويكرمنا بزوج حنين لين يعوضنا عن كل حاجه بقااا 😂❤

عرض الكل 8 نصيحة

عبّر عن شعورك بشكل مجهول

انا.. من يوم نتيجه الثانويه العامه بتحتى من سنتين.. وانا حياتى مش زى الاول..  
كنت دحيحه من الى بيزاكرو ١٨ ساعه فاليوم دول.. واثقه فمستوايا جدا وعارفه انى هجيب المجموع الى عايزاه ده اكييد.. وكنت شايفه ان ربنا استحاله استحااله ميدينيش الى انا عايزاه رغم مجهودى و تعبى و دعائى وثقى فيه .. بسس.. اختصارا مجبتش المجموع.. و جبت اقل بكتير.. وكانت صدمه من صدمات العمر.. كنت بانيه على الحلم ده حياتى.. فلحظه اتبخر.. مش شايفه نفسى غير فالكليه الى كنت عايزاها.. المشكله هنا انى.. اتهزيت.. رغم انى معترفتش بده لحد.. بس انا ثقتى فنفسى اتهزت.. و علاقتى بربنا ضعفت.. مبقيتش عندى طموح تانى خلاص.. زى ما تيحى تيجى.. مش عارفه اضغط على نفسى او اجبر نفسى على ال حاجه تانى زى ما كنت بجبر نفسى عالمزاكره.. حتى لو كانت الصلاه! قطعت فصلاتى لاول مره من سنين.. مش عارفه التزم باى حاجه فالحياه.. طبعا مزاكرتى فالجامعه متدمره وشيلت تلت مواد..كل تيرم بطلع بماده.. مش عارفه ازاكر تانى خلاص حتى فليالى الامتحان .. وفى كوزات محضرتهاش عشان مش جايه على هوايا.. كل حاجه فحياتى بقت اهمال.. حتى علاقتى بربنا.. مبقيتش عارفه لقول لنفسى لازم تعملى كذا.. بهرب من اى حاجه مفروضه عليا اكنى مش قابله اعمل حاجه غصب عنى او اتعب نفسى فاى حاجه تانى.. والمشكله انى فعلا كنت واثقه ثقه عمياء فربنا ان تعبى مش هيضيع.. اكنى يعنى هشرط على ربنا عشان دعيتله و تعبت شويه.. اكن ربنا وعدنى بتحقيق احلامى الى اختارها.. انا عارفه ان تفكيرى كان غلط.. بس انا اتهويت هزه وحشه.. خسيت بالخذلان.. و خسيت بالذنب انى خسيت بالخذلان.. وكل خاجه فحياتى بايظه من يومها..

Grape_56049 🇪🇬

منذ شهر واحد

شعور مكسور القلب

Strawberry_62503 🇪🇬 بص حقولك اولا مامتك خدها بحنية وبكلام جميل انا حابب اتعلم والعلم جميل والرجل مهم يتعلم عشان لما يبني اسرة ثانيا متخليش كلامها ياثر عليك خده من هنا وطلع من هنا اتعلم كل اللي نفسك فيه وروح كورسات واتعلم لغات بس خدها في الجانب اللي هي بتحبه هي مثلا واحده دينيه جدا قولها العلم فرض والرسول وصانى علي العلم لو هي بتحب المستقبل قولها ده مهم لمستقبلي حيخليه احسن واخواتك سيبك منهم ركز في نفسك وبسس

عرض الكل 5 نصيحة

عبّر عن شعورك بشكل مجهول

مساء الخير 
عامل ايه يعزيزي 
كلمتين ويارب تفهموني متحكموش عليا 
انا واحد بكره اهلي (اه زي ما سمعت)(ومتقولوش عقوق والدين وكدا بس والله غصبا عني انا مكنتش عايز أكرهم اه سيدنا ابراهيم لما والده رفض أنه يعبد ربنا قاله ساتغفرلك ربي )
الحكايه أن اهلي بترتيب كدا نبدا ب امي (وده يعتبر مش بحبها وكتير بقولها انا بكرهك)
ليه اولا هي مش محسيساني اني مش راجل محسيساني اني ضعيف بتخليني أفقد الثقه في نفسي يعتبر دي من أكتر حد مخلياني عايش من غير شخصيه (وانا مش عارف تب ارجع الشخصيه دي ازاي والمصدر الوحيد اللي المفروض بديني الدعم النفسي والمعنوي بتهدمه)شايفه التعليم مهم تب اخد كورس لتعلم ف الاجازه تب الاجازه جت افرض بقي لو جيت تتعلمها سنه ونسيت اللغه يبقي خسرنا المبلغ اللي دفعناه(وده كلام اعتمدته من اخويا الكبير )مثلا انا واحد كان نفسي اتعلم ملاكمه عشان اعرف ادافع عن نفسي روحت ولقيت وسالت بس الفكره ف الفلوس ف رفضوه وقالوا بلا كلام فارغ تب كلام فارغ ايه وانا داخل العشرين خلاص كلها عدد من يوم واحد الان مش عارف ادافع عن نفسي (دانا خايف اكبر عن كدا وافضل زي مانا)
نيجي بقي ل اخواتي الصراحه معتبريني فاشل 
الاول شايفني تافه ف كل حاجه والتاني شايف اللي هو انت فاشل ركز انت معكش لغه وبيعمل حاجه تستفزني مثلا انا واحد حلمه يبقي معاه موتوسيكل تمام زي اي شاب فقوله انا عايز اسوق موتوسيكل يقولي تب تعرف تسوق اقوله اتعلم يبص وميكلمنيش بينفض من الاخر 
والتاني مره انا بكره امي عشان هي قلهومني ادام اي حد مفيش حد علي وجه الارض شافني مع امي الا وهي قله مني قدامه وصلت اني في مره حاولت  انتحر حرفيا كان فاضلي أعمر خزنه ودوس علي الزناد 
عشان بجد كاره معاملتهم ليا ليه بجد ليه اوصل للمرحله دي وليه الفكره يتخطر في بالي كتير ومش عايز تسلم لها  (مبقتش حاسيسها بتحبني حتي لو هي قالت اصل معلش لو هي كانت بتحبني مكنتش تفضل تقل مني وتحسيسني بصعفي )والله مستني بس الكم سنه دول بتوع الجامعه يخلصوا و اسافر ابعد بعيد حتي لو هعيش وحيد عشان انا حاسس بوحده وانا معاهم (الحقيقه انا حاسس بوحده في كل الأوقات ) 
فكره زي خاطره ف بالي (ليه مجربش اتجه للمخدرات وفيها ايه مهي كدا كدا بايظه ).
اسف علي الوقت اللي خليتك تضيعه ف حاجه تافه زي دي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_56566 🇪🇬

منذ شهرين

شعور مرتبك

الشائع إن البنات الكائن الكيوت اللطيف اللي مش بيعرف يأذي انا شاب ٢٧ سنه حاليا كنت مرتبط ببنت وانا سنتي ١٥ سنه ايام المراهقه واتعلقت بيها جدا وحبيتها وتخلت عني وهي دلوقتي متجوزه ومعاها اولاد وعايشه حياتها انا مش هقول متجاوزتهاش لا انا تجاوزتها بس مبقاش عندي ثقه اسلم قلبي وانا كبير وناضج كده حد يعمل

French Fries_53157 🇪🇬

منذ شهرين

شعور مستنزف

حصلت حاجه من شويه خلتني افقد الثقه ف نفسي واحس ان دي اخر الدنيا وجوايا كميه زعل وحزن ومش عارفه اشتكي لمين بعد ربنا حاسه ان دي نهايه الدنيا هلاص مع انها مش كدا، حاسه حظي وحش اوي دايما ملازمني الشعور دا ،كارهه نفسي وكل حاجه مع اني الحمدلله في فيض من النعم

Grape_57064 🇪🇬

منذ شهرين

شعور مكتئب

خايفه من نتيجه الكليه اووى مفيش حاجه عندى بقيت ضمنها شيلت ماده الترم إلى فات كنت واثقه أن انا لو قليت فيها هجيب جيد الماده دى ومريت باسوء فتره فى حياتى من اول ما بدأت السنه دى كان عندى امل ربنا يجبر بخاطرى الترم إلى فات الحمد لله لعله خير ورب الخير لا يأتى إلى بالخير الحمد لله انا مرعوبه من نتيجه ال

Cherry_54634 🇪🇬

منذ شهرين

شعور مكتئب

عبّر عن شعورك بشكل مجهول

انا واحده متعلمه وحلوه الحمدلله مش ناقصني حاجه وانا مش مصريه واتجوزت من مصر وخلفت ٣ صبرت ٢٠ سنه على غباء وانا نيه واهمال عشان اولادي ابوهم كان مصر معاهم مش مهتم بتربيتهم ولاكانهم موجودين كنت انا الام وانا الاب بالنسبه ليهم هو متظو بس ولما كبروا اطلقت مبقيتش قادره اكمل قلت عابزه اشوف حياتي واتجوزت تاني طلع اوسخ مالاولاني كان موافق انه عندي اولاد وقال هعاملهم زي اولادي وكان طاير بيا واول ما اتجوزنا قلب بقى يعاملني وحش انا واولادي وكان يطردهم وسيبني لوحدي في البيت ويروح يخرج مع اصحابه وبيكلم ستات وحتى وانا معاه وكان علاط واناني وعمري ما قصرت معاه في حاجه دايما يطلعمي انا الغلطانه وهو بيفول عمره ما يعلط كان بيجرمني من اولادي وكل شويه يطردهم ويعاملهم ايوء معامله ويطردني انا كمان ويشتمني هو كان مخلف من امراته الاولانيه وكانت سارقاه بفلوس كتير جدا وجابت من وزان بيت وعربيه وانا كنا امينه جدا وبحاول اني ارضيه حنو وصلت اعمل حاجات مش مقتنعه بيه بس هو يرضى بس برضو مش عاجب هو اولاده سابوه كاموا دابما غي صف امهم وعمرهم ما حلوه وصلت بنته مدت ايدها عليه المهم بعد ينتبن اتصالح مع اولاده وهو الي بادر بالصلح كان يعمل اي حاجه عشان يرضوا عنه بيودي ويجي بالعربيه مع ان امهم معاها عربيتين بيصرف وكل حاجه بيعملهالهم هما يامروا وهو ينفذ كان مش اب طرطور واول مرجع معاهم قلب عليا جامد وطردني بلا رجعه انا وعيالي وجابلنا بيت تاني لينا لوحدنا وبفى هو في بيت وانا في بين وبنشوف بعد ساعات وبعدين بقى يتلكك عشان يبعد بالعشرة اباه والاسبوعين وبعدين يرجع وبعد يبعد من غير اسباب فانا تعبت واتكلمت لاول مرره اخد موقف معاه وقلتله انك نرجسي واتا استحملتك ورضيت بكل عيولك وكنت نتمه الزوجه ليك بس انت متمرش فيك طلقني على فكره هو من ساعة ما اتجوزني وهو بيهددني انه هيطلقني كل شويه المهن في حالة غضب قلتله طلقني تعبت سكتتا عالموضوع ومكلمنيش في سيرة الطلاق يجي يومين تالت يوم اصحى الصبح الاقيه باعتلي رساله انت طلقني خلاص من غبر حتى ما يعلمني ولا يقولي انه رايح يطلق هنا الصدمه انهارت ومبقيتش هارفه اعمل ايه لاني حبيته جدا للاني مبقتكرش برضو غير حاجات كويسه عملها معايا كان مبحرمنيش من حاجه بس ده مش كافي المهم النفسيه اهم مالفلوس بس انا شخصيتي كده بعده اثر فيا جدا وفقدت الثقه في اراجل ومبقيتش  عايزه اهرف زجاله تاميه كرهتهم كلهم بس فضل يصرف عليا مش مخليني ناقصه حاجه كانه شايف نفسه atm مش بني ادم بس انا لغاية دالوقتي بحبه مش هارفه لسه مع العلم هو عنده مشاكل قصائيه مع طليقته الاولانيه عشان حاجات سرقتها منه وده السبب الرئيسي الي خلاه معايا كده مع انه معنرف اني اطيب واجمل واحده  هرفها بس مش فاهمه ليه عمل فيا كده عايزه اطلعه من  😞حياتي مش وتفكيري مش عارفه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_41793 🇪🇬

منذ 9 أشهر

شعور وحيد

انا كان عندى صحاب وحصلت مشاكل بسبب غيرتهم عليا بيغيروا من صاحبه تانيه ليا هما ميعرفوهاش بعدوا عنى وسابونى لوحدى وبيتهمونى انى السبب لحد م اقتنعت إن أنا فعلا محدش هيقدر يستحملنى بقيت مقتنعه إن أنا السيئه فى روايه الجميع ولما حاولت اتكلم معاهم اكتر من مره واعتذر قالوا إنهم عمرهم مهيعتبرونى صاحبه ليهم

Coffee_31604 🇪🇬

منذ 9 أشهر

شعور مكتئب

عبّر عن شعورك بشكل مجهول

السلام عليكم معلش هطول معاكو شويه لانى هعتبركم كلكم اخواتى الكبار وده شرف ليا ..
انا شاب وحيد وكل ما يخطر على بالك حصل فيا ومعايا لحد ما وصلت لمرحله ان فعلا مش بحب غير الوحده ولا بحب الناس ولا اى حد انخدعت كتير واتخزلت اكتر انا مقاطع أهلى بسبب انى مش بشوف حتا منهم تقدير ولو حتا تمثيل وبالنسبه لصحابي كلهم بيبعدو لوحدهم عنى واقسم بالله العظيم ويشهد عليا ربنا لو بكدب عمر ما حد احتاجنى فى حاجه او طلب منى حاجه وقولت ليه لا دايما بخدم الغريب والقريب وكويس مع كل الناس وبالنسبه لولدى وولدتى منفصلين طبعا انا الكبير فا كل المشاكل والبلاوى انا اللى بخدها ولازم اتعامل معاها + ان امى اكتشفت انها اتجوزت بعد ما انفصلت عن ابويا بفتره واتجوزت وانا اكتشفت صدفه ادايقت اكيد وسابتنى فى اكتر وقت كنت محتاج ليها اكتر من ابويا كمان لان الام حاجه تانيه طبعا كنت فى ثانويه عامه وكانو كله سايبنى محدش كان جمبى ولا حتا بيدى اى داعم نفسى وبعدين قولت الواحد بيعيش مره واحده خليها تتجوز مش مشكله مع ان فى نار جوايا والله بس عادى كله علشان راحتها مش مهم وصل بيا الحال دلواقتى انى ولا ليا صحاب نهائى حرفيا ولا قريب من أهلى دول او دول ولا امى  ابويا حتا مقدمين ليا اي داعم دايما تأنيب وتانيب وحاجه خرا اقسم بالله بقيت ولا بعرف انام ولا قادر اكل ولا حاجه وزعلان جدا على نفسى كنت شخص واثق فى نفسه جدااا وشخصيتى قويه وكنت قوى من ناحيه الجسم ونفسيا وكل حاجه كنت انسان قوى بمعنى الكلمه حاليا بقيت خاسس جدا شخصيتى بقت مهزوزه علطول مهزوز كده والله غصب عنى من كتر الضغوط اللى فيها من تفكير فى مستقبل لطريقه حل مشاكل لنفسيتى اللى عاوز اعدلها خلاص بجد تعبت صعبانه عليا نفسى اوى وللأسف بقيت شخص كتوم لانى اتعودت على كده عمرى ما لقيت حتا امى او ابويا فكرو يقعدو معايا 5 دقايق يقولو مالك حتا عايش حياتى كلها وحيد مع ان ديما اقول الوحده حلوه علشان مش عاوز ناس اونطه وخلاص بس بجد الحياه وحشه اوى اوى اوى خلاص تعبت عمرى ما حكيت ولا اتكلمت مع حد اصلا واول مره انزل حاجه زى دى بس انا هعتبركم اخواتى كلكم قولولى ازاى اقدر احسس كل اللى حواليا ان انا خلاص جبت أخرى ومضغوط وكفايا بمعنى الكلمه ازاى اقدر اعمل كده مع العلم انا مستحيل اتكلم مع حد اقوله مدايق من كذا كذا بس عاوز اوصل ليهم بطريقه غير مباشره وازاى افوق من اللى انا فيه ده لانى ولا قادر حتا اشتغل ولا اعمل حاجه نفسيتى مدمره حتا المصايف مش ليا نفس لاى حاجه كنت اتكلمت مع كذا شخص من فتره زى دكاتره وكده قالو انت محتاج تروح مصحه نفسيه تتعالج واللى يقولى انت الموت احسن ليك وانت مش عارف اي حرفيا خلاص .
اسف انى طولت عليكم بس بجد كنت محتاج اعمل كده😔
شكرا ليكم ❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_30557 🇪🇬

منذ 9 أشهر

شعور متعب

عندى مشكله انى دايما مش بصدق اللى قدامى ايا يكن هو مين و دايما شايفه أن اكيد بيكدب عليا و أن مش حقيقه و مبقتش عارفه اثق فى حد خالص لدرجه انى باقيت بشك فى كلام اختى ليا و نظراتها و بفسر كل حاجه على أنها ضدى و بفضل مدايقه

Apple_29311 🇪🇬 واانا كمان

عرض الكل 8 نصيحة

Pineapple_26871 🇴🇲

منذ 9 أشهر

شعور مكسور القلب

موضوع:

ازاي تقدر تتخطي حاجة وجعتك وتتعامل معاها عادي ؟

كنت مخطوبه لواحد اذانى نفسيا علشان كان معندوش شخصيه وبيسمع كلام أهله 🤷 قالى بالحرف ...كان داخل يجرب 😅 داخل يشوف الموضوع هينفع ولا لا...أنا كنت فار تجارب عيطت كتير وقلبي وجعنى اوى ازاى انسان بيقدر ينام ويمارس حياته بصوره طبيعيه وهوا مسبب اذي لإنسان تانى وتاعبه نفسيا كل اللى اقدر اقوله ...( كما ت

Durian_20257 🇪🇬

منذ سنة واحدة

شعور محبط

دي هتبقي اول مره اشارك اللي حاسه فعلا علي الابلكيشن ده متلغبطه و حاسه اني مش محبوبه من اخواتي و بحسهم مستنين اغلط علشان يقلبه عليا والمفروض الاخوات بتاخد لبس بعض عادي هنا بياخدو مني لمه اجي أخد يتخانقوا معايا بجد بقيت كاره اني اجي البيت بسببهم و طول الوقت بيحسسوني بالوحده المفروض تلات بنات سننا متق

Cherry_14035

منذ سنة واحدة

شعور Not great 😕

حاسه بأسوء احساس في الكون بسبب اهلي محسسني دايما اني مش كفايه ومستاهلش اي حاجه حلوه واني طول الوقت غلط بسببهم فقدت ثقتي في نفسي ان ممكن حد يحبني فعلا ويكون معايا لأني شخص كويس بعد ماكنت شايفه اني استاهل كل حاجه حلوه ومريحه في الكون بقيت النقيض تماما بقيت بدور على الحب والاهتمام منهم بأي شكل وطريق

Banana_13691 🇦🇪

منذ سنة واحدة

شعور Okay 😐

هو ليه يا جماعه الواحد مبقاش قادر يتعرف علي حد جديد ، يعني بعد مانتكلم يوم او اتنين بالكتير العلاقه بتنتهي ، بجد ايه السبب ، ممكن الناس كلها فقدت الشغف ولا محدش بقي واثق في حد أنه يفتح له قلبه ويقرب حد منه ،، المشكله أنه لو هي مبعدتش أنا الي هبعد ، وبجد نفسي افهم ليه 🥺

Coconut_61722 🇪🇬

تعبت من طولي 184 وضخامتي.. عايزة أتقالع وأتدلع

انا متعقدة من شكل جسمي بجد لاني طويلة اوفر احنا عامة عيلتنا يعتبروا طوال بس البنات متوسطين انا الوحيدة اللي واخدة جينات طول الرجالة و طولي 184 و ياريتني رفيعة مثلا لا انا طول بعرض و طبعا وزني كبير حتى الميزة الوحيدة ان جسمي مشدود و متقسم طبيعي طلعت بسبب اني عندي كتلة عضلية اعلى من العادي و طول عمري اضخم من معظم دفعتي ولاد و بنات حتى دلوقتي في الكليه اطول من معظم ولاد دفعتي ماعدا تلاتة اربعة بالكتير و بيبقى نفسي اعيش تجارب البنات الكيوت انها تتشال و تتدلع بس انا محتاجه دبابة بشرية او حد صاعقة عشان اعيش التجارب دي اتقبل نفسي ازاي 😭 ...عرض المزيد

2 الدعم

2 نصيحة

Apple_73552 🇪🇬

ليه البنات بيعملوا كده؟ استبعدتي العمود الاساسي!

انا عايز افهم حاجه وحدة بس معقول كل الناس دي مفيش شخص واحد مقرب ف حياتهم يحكوله و يستاشيروه انا ملاحظ كمية تفكك اسري ومشاكل زوجية و بلاوي يا مولانا بلاوي ف الهدف من انك تحكيها علي البرنامج هنا انك عايز تلاقي النصيحة ولا انت بتكتبها علشان تبقي فضفت نقطة تاني الشباب متوقع منهم كدا لانهم مش بيعرفو يتكلمو ولا يفضفضو لكن كمية البنات دي ايه وضعكم انتو بتعملو ايه حقيقي وليه وحدة تكون بتشاهد اباحية تيجي تطلب نصيحة بعيدة عن الدين ماهو انتي استبعدتي العمود الاساسي لحل المشكلة ...عرض المزيد

2 الدعم

1 نصيحة

Almond_56393 🇪🇬

فقدت القدرة أحس.. حياتي من غير إحساس

فيه وقت معين في الحياة بتحس إنك فقدت القدرة تحس أصلًا. مش فرح، مش حزن، مش حماس… ولا حتى وجع. كأنك فصلت من كل المشاعر، وبقيت مجرد جسم بيتحرك ويمثل الدور. الناس حواليك شايفينك طبيعي، بتضحك معاهم، بتشاركهم الكلام… لكن جوه دماغك في صمت خانق. صمت مليان فراغ. تبص للحاجات اللي كنت بتحبها، مفيش أي لمعة. تستنى خبر حلو، يجي… وما يسيبش جواك أي أثر. حتى لحظة النجاح أو اللحظة اللي المفروض تفرّحك، تعدي كأنها ولا حاجة. اللي يوجع أكتر إنك مش عارف إيه السبب. مش قادر تحدد هو إيه اللي ضاع منك. هو الأمل؟ ولا الشغف؟ ولا مجرد القدرة إنك تحس؟ بتبقى تايه وسط نفسك، ومش لاقي المفتاح اللي يرجعلك الإحساس تاني. في الآخر بتستسلم، وتقول لنفسك: "ما يمكن دي حياتي خلاص… من غير إحساس." ...عرض المزيد

1 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع