فراغ نفسي

Sugar_65376 🇪🇬

منذ شهرين

شعور مكسور القلب

موضوع:

امتى حسيت إنك كنت محتاج حد يسمعك وملاقيتش؟

أنا بمر بفترة صعبة أوي اليومين دول، وكل يوم بيعدي عليا حاسة فيه بالوحدة بشكل مرهق وموجع. بجد، لو كنا نعرف إن الطفولة هي أحلى وقت في عمرنا، كنا فضلنا متونسين بأهلنا وباللي بيحبونا، كنا حافظنا على الدفا اللي كنا بنحسه واحنا صغيرين. بس حتى الطفولة، أنا انعزلت فيها بدري. كنت دايمًا الوحدي، ولما كبرت، ق

عبّر عن شعورك بشكل مجهول

بس حتى الطفولة، أنا انعزلت فيها بدري. كنت دايمًا الوحدي، ولما كبرت، قلت أجرب أختار صحاب يكونوا جدعان وطيبين، بس للأسف اكتشفت إن الطيبة بقت عملة نادرة، وكل واحد بقى بيدور على مصلحته وبس.

فضلت أختار ناس على أساس إنهم أصحاب طريق، نمشي مع بعض، نضحك ونحلم... بس لما الطريق بيخلص، بنتجاوز بعض وكأننا ما كناش نعرف بعض يوم.

سوء الحظ ده حاجة صعبة، خصوصًا لما تلاقي الناس شايفين إن الشخص قليل الحظ ده "طاقة سلبية" أو "متشائم"، مع إن كل اللي محتاجه بس كلمة حلوة أو حضن أمان.

أنا مش بعترض على قضاء ربنا، ديني فوق راسي، وبحاول أتمسك وأكون قوية، بس أنا بني آدم، قلبي بيتوجع، وفرحي مش بيكمل، وحياتي مليانة فراغ نفسي، ملل، وحدة، إحساس بالفشل، وكل يوم بيمشي وأنا مش لاقية أي حاجة تفرحني أو حتى تطبطب عليا.

نفسي حد يسمعني، حد أحكيله كل يوم عن اللي بيوجعني، ويكون في حياتي كعوض حقيقي... نفسي في حضن مخلص، صديق بجد، قلب كبير يفهمني ويحبني من غير حسابات.

نفسي الناس تبطل تفهم كلامي غلط، كل اللي بقوله من باب الحب والنصيحة، مش ضعف ولا تكرار ولا دراما. بس للأسف، الناس بقت شبه الدنيا، قاسية وباردة.

أنا حامدة ربنا إني لسه طيبة، ولسه بحس بالناس، ولسه عندي عقل بيفكر وقلب بيدق... بس نفسي يوم أحس بالأمان، أبطل أخاف، أبطل أقلق، أبطل أحس إني دايمًا مش مطمئنة.

Avocado_60359 🇪🇬

منذ 3 أشهر

شعور محبط

عندي مشكله حابب اسمع نصايح فيها من حضراتكم من فترة كان عندي معرض سيارات اجتهدت علشان اعمله والحمد لله وصلت لنجاح ملموس والأمور طيبه.. حتى نزلت أسعار السيارات من سنة ونص تقريبا ومن وقتها خسرت مبالغ كبيرة جدا رجعتني لنقطة الصفر .. أثناء الشغل اتجهت للترامادول كمنشط ومحفز وكذا.. لكن الموضوع قلب بتعود

Orange_57690 🇪🇬

منذ 3 أشهر

شعور مذنب

انا شاب كنت بصلي وبحس بطعم الصلاه وبطعم الايمان كنت فراحه نفسيه حرفيه لحد ما حبيت واحده وقربنا من بعض قربني بالطريقه ما ينفعش انتو فاهمين يعني ايه ده حصلت كذا مره بنا انا كل مره كنت بتوب بس تاثير الذنب كان بيفضل في قلبي حاسس ان انا مش هعرف ارجع زي الاول انا نفسي الاحساس ان العباده كل حاجه في حي

Onion_50139 🇪🇬

منذ 4 أشهر

شعور مستنزف

عبّر عن شعورك بشكل مجهول

بقالي حوالي سنة منزل الابليكيشن ده علشان اشارك فيه الحاجات الي مش بقدر اقولها لحد لكن برضه مش بدقادر اقولها هنا
الفكرة اني مش عارف اقول ايه اصلا معرفش المشكلة فين معنديش شغف ولا طاقة لأي حاجة في الدنيا خارج من علاقة من فترة كبيرة بس مش راضية تخرج مني وحاسس بفراغ مش طبيعي في نفس الوقت معنديش طاقة ادخل علاقة جديدة او حتى احاول اصلح العلاقة الي انتهت عندي اتنين تلاتة صحاب وصحاب جدا وبحبهم جدا بس مش قادر اتكلم معاهم ومش قادر اخرج معاهم رسالتهم تقيلة على قلبي مكالمتهم اشبه بالموت البطيء زي رسالة او مكالمة اي حد تاني على الرغم انهم مبيضايقونيش ابدا بالعكس دول جدعان جدا بس انا مش قادر استحمل اتكلم مع حد ولا اقابل حد ولا اشوف حد وخايف اخسرهم بسبب الموضوع ده رغم اني بشرحلهم و هما متفهمين بس مش عارف هيستحملوا لحد امتى وانا نفسي مش مستحملني،
بلعب اونلاين لوحدي رغم ان عندي ناس كتير جدا اعرفها كنا بنلعب مع بعض و منهم صحابي وبيتحايلوا عليا نرجع نلعب بس انا بتهرب و بخش العب لوحدي من اكونتس تانية،
معرفش ده ليه ومعرفش امتى بقيت كده انعزالي تماما من الشغل للبيت ومن البيت للشغل مبقعدش حتى مع اهلي، رغم اني والله بحبهم كلهم،
انا مكنتش كده ابدا كنت طاقة متحركة كان عندي صحاب ملهاش عدد وخروجات ملهاش عدد فجأه كل ده اتغير من غير محس معرفش فيه ايه فعلا و معرفش الهدف من الكلام ده ايه بس اهو كلام

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_32442 🇪🇬

منذ 11 شهرًا

شعور متوتر

بقالي فترة مش عايزة اعمل اي حاجة وحاسة بفراغ مع ان ورايا حاجات كتير انا كنت بشتغل وحصل ظروف وقعدت من الشغل ومن ساعتها وانا مش مظبوطة اللي هوا وانا شغالة كانت نفسيتي تمام وممكن اعمل حاجات كتير فعلا منغير ما احس بمجهود او الوقت وعدد ساعات نومي طبيعي واكلي طبيعي دلوقتي كل دا مضطرب مع ان بقالي اكتر من ش

Watermelon_15883 🇪🇬

منذ سنة واحدة

شعور ضاق ذرعًا

حد غيري بيحس انو ملوش لازمه في الحياه حاسس بفراغ كبير او حتا لو جمبيه أهله وصحابو وقلقان من كل حاجه و حاسه اني عايشه عالفاضي معرفش حد فاهم ولا لا

Apple_11354

منذ سنة واحدة

شعور Not great 😕

انا حاسه بفراااااااااااااغ مفيش حاجة بتملي اليوم 🙂

Strawberry_76847 🇪🇬

مش عارفة ده طبيعي ولا لأ... محتاجة أفضفض

مش عارفة ده طبيعي ولا لأ، بس حقيقي محتاجة أفضفض… أنا بنت، وعندي مشاعر يمكن مش المفروض أقولها، بس خلاص تعبت من كتمها. فيه جار لينا، مش وسيم، مش جذاب، حتى طريقته في الكلام بتضايقني. بس رغم كده، كل مرة بشوفه بحس إني بتشد ليه… مش كشخص، بس كجسم، كوجود. ببص عليه من شباكي وأنا مش معجبة بيه أصلًا، بس في حاجة جوايا بتتحرك كل ما عيني تلمحه. حاسه إن تفكيري بقى كله في اتجاه واحد، يمكن جسمي بقى سابقني، أو يمكن فيّ حاجة مش مفهومة. مش بحب حد، ومش مرتبطة، بس في إحساس مسيطر عليا… مش عاطفي، أكتر من كده. ولما الليل يجي واحس اني عايزة حضن… لمسة… قرب… بس مش لحد معين، هو مجرد احتياج عام، مش مرتبط بشخص. وده بيخليني أسأل نفسي كل ليلة: هل أنا كده طبيعية؟ فيه بنات غيري بتحس كده؟ ولا أنا فيا حاجة غلط ومش قادرة أفهمها؟ الموضوع بقي بيشتتني أوقات، خصوصًا وأنا بحاول أركز في مذاكرتي أو دراستي… بلاقيني سرحت، وفكري راح في حته تانية خالص، وده مأثر عليا من غير ما حد يعرف. حاسه إني بتخنق من إحساسي، وبخاف أتكلم عشان الناس تفهمني غلط. لو حد مرّ بحاجة شبه كده… ياريت يقول. بس لو هتحكموا، بلاش تردوا. ...عرض المزيد

3 الدعم

35 نصيحة

Apple_74635 🇪🇬

مشاكل طفولتي بتحكم فيّ وولاد بيفكروا وحش

انا نزلت مشكلتي امبارح في نفس الوقت دا تقريبا قلت ان عندي مشاكل من الطفولة و ازمات كتير بمر بيها وحاسة اني وحشة على طول بسبب التصرفات الكتير الغلط الي بعملها انا بحاول افضفض لحد بس الكلام تقيل اوي اني اقوله بس اكتر حاجة ضايقتني ان معظم "الولاد" او كلهم يا داخل عاوز يشقطني يا اما بيتكلم بقلة ادب علشان اجي معاه سكة ودا اثر في نفسيتي اكتر مش علشان انا عملت حاجات وحشة اني افضل على طول وحشة و همشي معاكوا في الطريق دا ربنا يسامحكوا . انا بجد محتاجة بنت تسمعلي لو سمحتوا بلاش ولد يدخل يكلمني بنية وحشة ارجوكوت ...عرض المزيد

4 الدعم

28 نصيحة

Plum_65277 🇪🇬

مشرفه السكن شتمتني قالتلي يا شرموطه!

السلام عليكم انا دلوقتي ف سكن ابويا بيحسبني ازي فريز يفصل ونتي متخديش بالك ف دلوقتي فيه وحده مشرفه غيري مسكت السكن بقولو انا ماالي انا زيي زيهم قالي انتي رجعتي تتشرمطي تاني يا شرموطه دا دلوقتي يترد يتقاله اي دا!! ...عرض المزيد

2 الدعم

27 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع