عنف منزلي

Chocolate_62747 🇪🇬

منذ شهر واحد

شعور لا مبالٍ

موضوع:

لو كنت مررت بأزمة نفسية أو مرض نفسي احكي تجربتك وشاركها معان

عبّر عن شعورك بشكل مجهول

انا كنت متجوزة لمده 5 سنين وفي الجوازة دي ومن تالت يوم وهو مكنش كويس معايا فجاة لاقيته جاي يقول ليا ان عاوزة تروحي لاهلك اوديكي ومعدتش بيتعامل معايا كويس قعدت 4 سنين منهم محبوسة في البيت مش بخرج ولا حد بيجي ليا ولا حتي مقف في شباك او بلكونة او بفتح شباك الا باذنه وبسبب الاذي النفسي بسبب كلامه والاذى الجسدي بسبب ضربه ليا وشتيمته والاذى الصحي لاني مكنتش بتعرض لشمس خالص جالي اكتئاب حاد معدتش بتكلم معدتش بضحك ماما تكلمنس تقول ليا كويسة اقول لها الحمد لله وبس علي كده حاولت طول فترة 5 سنين اني اطلق بس مكنش حد بيرضا كل الي اكلمه يقول ليا كملي علشان ابنك واول حمل ليا حملت في بنت وعلشان هي بنت مكنش عاوزها كان يقعد يقول ليا نزليها ويقعد يضرب فيا ويتعامل معايا وحش لحدبعد 6 شهور ونص نزلت وماتت وبعدها ب 4 شهور وكان ولد مكنش بيخلني اقوم اجيب ميه حتي اشرب كان قايم بكل حاجة وبعد لما ولدت وبعد شهرين راح يكشف علي الولد والدكتور قال الطفل ده معاق شيلني ذنبه وكل يوم يقول ليا انتي السبب هو تعب بسببك وكنت بعمل الي عليا وزيادة مع ابني لحد لما ابني وصل ل1 و6 شهور فطمه مني واخده عند امه ومعدتش بشوف ابني الا كل فين وفين مع الوقت وبسبب كل ده جالي اكتئاب حاد كنت لما اقف في المطبخ واقلي سمك كنت بجيب الملعقة واجيب زيت سخن من المقلاية واكبها علي ايدي ومكنتش بحس باي حاجة بالعكس كنت بستمتع وكنت ببقي عاوزة اجيب السكينة واقطع بيها شرايني او افتح الغاز واقفل كل الشبابيك واموت مخنوقة او متولع في البيت كله وفجاة وفي اليوم الي قررت فيه انتحر واخلص من كل الي انا كنت فيه وكلمت امي زي ما يكون بودعها وقفلت معاها ومسكت اكتر سكينة حامية عندي وكنت خلاص هقطع شرايني فجاة حسيت بحاجة غريبة اوي حسيت زي ما يكون في حد شد السكينة من ايدي ورماها علي الارض وشدني من ايدي ودخلني اتوضي واصلي وقعدت اقرا قران واقرب اوي من ربنا وكنت بقرا كتير سورة يوسف لحد لما في مرة وبعد  شهرين من الحادثة دي قررت اني انفصل وكان مهما يحاولوا يقنعوا فيا ان انا مطلقش رفضت كل ده ومسمعتش لحد خالص  ومستريحتش غير لما اتلطقت منه بس لوقتي ابني بقالي  سنتين مشفتهوش لان هو بعيد عني مش عارفة اوصله ولا اشوفه 
نصحيتي ليكم لما تدخلوا في اي علاقة مهما كانت مهمة وفيها اذية كبيرة اخرجوا منها ومتهتموش لكلام الناس لان مهما عملت الناس هتفضل تتكلم ومش هتبطل كلام خليك مهتم بنفسك وبصلاتك وبعلاقتك بربنا وعلاقتك بامك وابوك غير كده مافيش اي حاجة تساهل انك تاذي نفسك علشانها لان مافيش حاجة تستاهل اصلا

Carrot_72211 🇪🇬

منذ شهر واحد

شعور محبط

عبّر عن شعورك بشكل مجهول

انا دلوقتي بعاني من مشاكل البيت ومع العلم انا مصاب ب ADHD اهلي محدش بيصرف عليا جنيه بقالهم خمس سنين في نفس الوقت بيفرق بيني وبين اختي اللي اصغر مني بتلت سنين في كل حاجه المعامله والدي اذاني نفسيا جدا كان بيسرق فلوسي بتاعت دروس الثانوي العم رغم انه مش محتاجها ولكن بغرض انه بقا بخيل لما كبر اهم حاجه هو ويولع بقيت الناس ووالدتي بتعاملني اسوء معامله كل يوم شتايم وقرف لدرجه انها بقت تخلي احتي تشتمني معاها وفي نفس الوقت لو اتخانقت معاها تخلي اختي تتخانق معايا وتشتمني وفي مره ضربتني هيا واختي بالسكينه لاني رفضت ادي امي فلوس عشان اختي تجيب هدوم وانا بصرف في اكلي وشربي والجامعه وكل حاجه من حسابي محدش بيديني جنيه ويوم ما اتذنقت في قسط  محدش فيهم رضي يساعدني بخمسين جنيه وكذا مره امي تطردني من البيت بتبقا مشاكل ملهاش لازمه يعني تيجي تقعد تشتمني بالفاظ وسخه انت لي مدخلتش الجامعه وانا مدخلتهاش عشان والدي دخل المستشفى وفلوسي اللي حوشتها كلها كانوا ٢٠ الف جنيه اتصرفوا عليا مهم كان هو وحش معايا بس بحبه وتقعد امي تشتمني وتحدف هدومي وتقلي محدش بيحبك وفي مره حاولت الانتحار بسبب كل ده ولما شافتني سابتني وقالت ده بيمثل لولا اختي الصغيره خبطت علي صحبي جه انقذني وروحت المستشفى قعدا تشتمي فيا لما جيت وانا ادفعلك علاج لي متغور في داهيه وانت بتمثل وتقعد تشتم فيا وكان معايا تابلت الثانوي بتاعي واختي معاها تابلت وفون برضوا في نفس الوقت بس اختي كانت بتقعد علي التابلت بتاعي هيا وامي ومبتكلمش فبقلها عايز ميه جنيه وهدبك فلوس اول الشهر قعد تقلي وانا مالي فبعت التابلت بتاعي تقلي مليش دعوه انا عايزه فلوس التابلت وجابت ناس يضربوني عشان اديها الفلوس بالعافيه وفي نفس الوقت بتحكي كلام تاني خالص للناس اكنها شخصيه مختلفه وكويسه روحت سجلتلها في مره اللي بتعمله في ووريت صحبتها وصحبتها عرفت امي جت جابت سكينه هيا واختي وسخنوها ونزلو بيها عليا ولو مش عاجبك سيب البيت وامشي وفي مره جاتلي منحه لالمانيا قالتلي لا ازاي انت تجيلك منحه واختك لا اختك اشطر وهيا احق مش هتروح السفاره ولا حاجه وجت ضربتني هيا وناس وربطوني في سرير لمده تلت ايام بدون اكل  خالص عشان مرحش وفي مره صحيت اختي من النوم عادي اختي زعقت وقالت لامي امي نزلت والله بضرفه النيش علي ايدي لحد ما. كسرتها ومفصل الايد اتخلع عن الجزء العلوي وانا مش عارف اعمل وفي نفس الوقت بتسرق الدوا بتاعي بتاع  ADHD

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64110 🇪🇬

منذ شهرين

شعور متعب

موضوع:

اكتر ذكره مؤلمه حصلتلك وومقدرتش تتخطها؟

عبّر عن شعورك بشكل مجهول

ان ابويا كان بيتحرش بيا من و انا تقريبا اقل من العشر سنين لحد دلوقتى ...و حاول انه يغتصبنى قبل كده و انا كان عندى ١٣ او ١٤ سنة ... و لما اشتكيت لماما قال عليا طفلة و امى بتخيل و رفض انه ؤصرف على البيت من وقتها لحد دلوقتى .. امى هى الى بتصرف علينا من مرتبها بالرغم انه كان بيصرف علينا بمرتبه زائد مرتب ماما و كان بياخد الى بستبقى من مرتب امى لحسابه هو . بس من وقت الخناقة دى و هو رفض و خلى امى هى الى تصبف بالرغم انه صعب لان مرتبها اقل منه و فوق كل ده امى لسه بتصون العشرة و كمان بتأكله و بتصرف عليه هو التانى .و لحد دلوقتى حتى بعد الخناقة لسه بيتحرش بيا ده غير انه الكلام الى بيقولوا على جسمى او نظراته ده غير انه بيستغل اى فرصة انه يحاول يظهر عضوه قدامى و انا بصراحة رفضت انى اكلم امى تانى لان خفت انه يحصل نفس الخناقة اصل بصراحة ابويا ابتدى يصرف شوية على البيت حتى لو حاجة بسيطة بس اسمه بيدفع مصاريف الدروس.. ده غير لما سمعت من امى و هى بتعايره بالى هو و اهله كلن بسعملوه فيها اول متجوزت و الذل الى عاشته و انها كانت عايشة فى عز و انها اول متجوزته و هى عايشة فى فقر و ذل بينه و بين عيلته وهى  لسه صاينة العشرة . و بصراحة ده واضح فى طريقة تعامله معاها و الى بشوفه ... انه فعلا بيذلها بالرغم انه مش بيصرف عليها مثلا ... دى هى الى بتصرف . و انا مش عايزة اتطلم تانى و بصراحة قرفت خالص ... بقست مش حاسة براحة خالص و انا قاعدة فى البيت و لما مثلا الظروف تحصل و اضطر افعد فى البيت لوحدى و هو يبقى موجود .. ببقى فى حالة انهيار

Ice Cream_55489 🇪🇬

متعلق بوهم وعارفة إنه تلاعب.. ليه؟

حبيت حد اونلاين هو سعات بيختفي ويظهر كلامه فيه حاجه غير مطمئنه ونفس الوقت متعلقه بيه جدا انا سعات لحلم بيه من كتر ما هو في عقلي انا سني مش صغير وعارفه ان لازم اكون في وعي الكافي ان اعرف ان ده مش حب ده تلاعب بس انا جوايا هش اني متعلقه بوجوده انا نفسي افهم ليه بستناه اوي كده وليه بطارده هو شغله صعب لدرجه ممكن يقعد ١٦ ساعه ودي حاجه متأكده منها لان وقت ما كنا بنتكلم بيكون في شغله وارجع اقول اللي خلاه يكلمني الأوقات دي يختفي ليه هل تمسمي بيه ده نتيجه اني لوحدي ولا انه الدنيا جوايا بايظه لدرجه اني بتعلق بوهم انا بكلم معاكم لاني تعبت كلام مع نفسي ٣٤ سنه بلا حياه ولا اسره ولا حتى اصحاب ولا أهل حواليا عارفين عامله زي الشجره في وسط صحرا ده غير احساس جوايا اللي حواليا اتجوزوا وانا لسا والله ما حسد انا بس حزينه على حالي ...عرض المزيد

2 الدعم

22 نصيحة

Sugar_56012 🇪🇬

منقلة مكان جديد وحاسة بالوحدة جدا

بتعملو ايه لما تنقلو مكان جديد ومتعرفوش فيه حد وحسين بالوحده جدااا ومش بتعرفو تخرجو لوحدكم زي كده 🙂💔 + كله بيقول زايد خروجاتها تووووحفااااا بس مش بحب اخرج لوحدي بيجاااااد 🥺🥺 حد يقولي اعمل اي واي الاماكن الحلوة اللي اخرج فيها هنا + اي افكار اقنعهم اننا نرجع بيتنا القديم 🙂😂 سوري دوشتكم معايا بس بجد اتخنقتتتتت وشوية وهتكلم مع المخدات 🥺💔 ...عرض المزيد

3 الدعم

18 نصيحة

Mango_76530 🇪🇬

مش قادره ارفع عيني فيه وبيقلي انتي السبب

بدون تجريح انا حكيت لحد سر كبير اوي في حياتي وهو اول ما ادايق مني راح وقال السر ده لحد اعرفو ودلوقتي مش قدره ارفع عيني فيه وبيقلي انتي السبب عشان انتي دخلتي حد بنا وان انا ده مساله والي قلي ده بيغل مني عشان عملتلو بلوك واز انا الغلطانه ومش عارفه اعمل اي ومخنوقه اوي. .... . . . . . . .. . . . . ...عرض المزيد

1 الدعم

16 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع