عنف أسري

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_57810 🇪🇬

منذ يوم واحد

شعور مكسور القلب

انا عندي 17 سنه وكان والدي بيروح شغل سفر يعني كان ممكن يجي كل اسبوع مره وساعات بينزل اجازات بس اغلب الوقت مش في البيت ، انا عندي امي من وانا صغير كانت بتضربي بطريقه بشعه تقريباً من عمر 7 أو 8 كنت بضرب ضرب مش يستحملوا طفل ولا مراهق حتي لدرجه انها خطبت دماغي في الأرض واتفتحت ولما اجي ابويا ووريتوا الج

Mango_43708 🇸🇦

منذ يوم واحد

شعور غير مكتمل

Donut_57659 🇪🇬 حصل انفصال ؟

عرض الكل 17 نصيحة

عبّر عن شعورك بشكل مجهول

مش عارفه ابدأ من فين بس هحاول اختصر الموضوع بابا و ماما دايما في مشاكل مابينهم و مشاكل كبيره مش في اي تفاهم بنهم و بابا دايما مش بيحترم ماما ان كان ب شتيمه او ضرب او زله بابا دا كان فقير ب معني الكلمه و ماما كانت مدلعه في بيتها بابا طلب من خال ماما فلوس عشان يبني نفسو خال ماما سفره السعوديه هو ماما زي ما قولت ماما كانت مدلعه اول لما راحو كانت بتنام علي الارض و ولا كان في غساله ولا اي حاجه كانت بتغسل علي ايديها و كانت بتكون ميته من الجوع و مش بتقول كان اخر اليوم و هو راجع يجيب ليها علبه زبادي و خبز المهم كان هو رايح في مره يصلي و هو كانت حامل و تعبانه جدا و قالت ليه خد المفتاح معاك لاني هنام قال لا انا جاي بسرعه طبعا هي كانت تعبانه جدا و كانت مروقه و كدا ف نامت ب الخطأ و صحيت مخضوضه و هو بعدها جهوخبط اول لما فتحت فضل يضرب فيها ب الاقلام و علي راسها لحد ما جسمها كلو ازرق و ورم دي كانت اول مره يضربها قيها طبعا هي نزلت مصر بعدها فضلت المشاكل شغلاه برضو من كدا كتييير بقي المهم هي مامت بابا دي بتكره ماما اوي و كانت كرشت بابا و ماما من شقتها ماما اصلا لما اتجوزت مش كان عندها اي حاجه ولا شقه ولا عفش ولا اي حاجه في الاخر بابا بقي شغلو كويس جدا و معاه فلوس وكدا و كان بيبعت ل اهلو فلوس بيصرف عليهم بابا بقي اشتري شقه زمان في مكان وحش اوي و في ناس وحشه زي ما تقولو كدا مكان فلاحيين ف بابا نزل مصر و زبط لينا الشقه و قعد معانا شويه و سافر ماما كانت دايما تحلم ان بابا اتجوز عليها و كانت بتعيط و نفسيتها زفت و في الاخر طبع متجوز عليها فعلا مرات بابا هي اللي عرفتها لما ماما عرفت بابا كتب ليها الشقه ب اسمها هشان يصالحها و قال هيطلق مراتو و ماما عدتها و هو كان بيتلكك ب اي حاجه كل اما ماما تقول يلا طلقها المهم الست دي بقي كان بابا زللها ف هي راحت خلعت نفسها منو عشان كان بيقول ليها مش مطلق لانو مش كلن عاوز يدفع ليها فلوس بابا بعدها سافر تاني و قال ل ماما اديني عقد الشقه ماما رفضت هو قال خلاص مش فسه مصاريف لما قعدنا نقول ليه يبعت المصاريف قال بيعو الشقه ولما الفلوس تخلص ابقي ابعت الفلوس ماما طبعا كانت بتحاول تستلف من الناس عشان تعرف تصرف عليها و احنا اربعه و بيها خمسه يأست انها تعرف تصرف عليها اه و نسيت اقول حاجه هو برضو كان قعد فتره مش بصرف و قال ل ماما بيعي الدهب لما فلوسو تخلص ابقي اصرف عليكو ماما باعت الدهب طبعا ف ماما مش معاها اي حاجه ف لما ماما باعت الشقه بابا طبعا قال ي حراميه سرفتي الشقه و ختي فلوسها و عمل مشكله مع ان هو اللي قال ليها بيعيها المهم ماما باعت الشقه و فضلت تصرف علينا لحد اما فلوسها خلصت قلنا ليه قول كذابيين و قعدنا سنتين بدون اي فلوس عشنا عيشه وحشه جدا و احنا كنا متعوديين علي اكل معين المهم بابا قال ل ماما تعالو و انا هصرف عليكو ماما قالت ماشي رحنا السعوديه ليه بقالنا دلوقتي سنتين هنا هو طبعا كل يوم مشاكل و كدا و انا بسببه حاولت الانتحار مرتين المهم هو انتقل ل شغل في مكان اسمو ابحر و احنا في جده تقريبا بيروح الشغل في نص ساعه هو بقي دلوقتي عاوز ينزلنا مصر بأي طريقه ف بيحاول يطفشنا بقي عشان تيجي مننا عشان لما ننزل يقول انتو اللي اخترتو و برضو يرمي لينا ملالين و يزنا و يحاسبنا علي الجنيه شبه زمان دلوقتي هو عاوز يودينا المكان دا و المكان دا شبه ميت لانهم لسه بيشتغلو عليه و تحنا اسسنا حياتنا في جده ان كانت مدارس و كدا ماما رفضت تروح ابحر و احنا كمان قال خلاص يا ابحر يا مصر ماما خايفه طبعا انو ينزلنا و مش يصرف علينا اديوني حل احنا هنا كلنا مدمرين نفسيا منو بجد و اخويا بيتأتأ يعني بجد مش عارفه اعمل ايه معلومه برضو احنا هنا في منهج سعودي و خايفين من المنهج المصري و كمان بابا عندو 30 الف يبعتهم يبقي كدا كويس و كمان اذا رضي يبعتهم اصلا بالله عليكو لو حد عندو حل يقولو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_56147 🇪🇬

منذ 5 أيام

شعور محبط

انا بتعرض للعنف الاسري وانا عندي حرمان عاطفي من اهلي ومش عايزه اسيب البيت عشان انا بنت اعمل ايه

Banana_56085 🇪🇬 اهم نصيحه اقدر اقدمهالك هي انك اوعي تضعفي و تقربي من شاب بسبب الحرمان العاطفي ده او تسلمي نفسك ارجوكي و حافظي علي نفسك

عرض الكل 24 نصيحة

Strawberry_53994 🇪🇬

منذ أسبوع واحد

شعور ضائع

عبّر عن شعورك بشكل مجهول

العنف الأسري 
أنا بتعرض للعنف الأسري بحق مكتسب و كأنه شئ طبيعي بضرب و يجيو بعدين يسئله هو انتي بتعيطي ليه الأغرب في كل مره بيجو يقولو يالا نفتح صفحه جديده
الأغرب بقي ان بعد كل السنين دي من عنف و خوف و ان ملكيش حق تقولي لا و انك مكرهه و ان مطلوب منك تتأذي و تسامحي بقيت أنا جوايا شر 
الحكايه ببساطه اب متعدد الزوجات عايش حياته ورا الحريم و لم الفلوس وانا صغيره مريت بسبب بأزمه نفسيه كان المدرسين تكلمه ان حالتي علاجه وجود اب كان رده أنا اتربيت يتيم و اهو كويس تعتبر نفسها يتيمه و ليها عندي فلوس بس
بس هو بخيل مشاعر و فلوس عليا أنا بس
كبرت في صراع احتاج وجوده و كره و بتمني موته 
اخ كبير عايش دور السيطره و اي نقاش حله ضرب 
ضرب موت اخرج من تحت ايده لما يشوف الدم او ممكن يريح شويه و يكمل 
ام بتتفرج و بس 
27 سنه في ازمه مش بتخلص ممكن في وقت بيكون زي هدنه لازمه نفسيه اصعب 
حاولت الانتحار لكن حتي دي مش من حقي
فكرت في الهروب و كنت بصبر نفسي ان اتجوز و ابعد
بقي لما يتقدم حد يطفش من تصرفات اللي اسمه اب قدامه من تهزيق و شتايم و تصميم من التقليل مني و الانبهار بالضرب
اه مره قالي قدام واحد متقدم انتي عايزه اخوكي عشان يضربك😂
نفسيا أنا مش ساويه 
بحاول اعيش
بتحارب 
عدم وجود امان
عدم وجود حل
بقيت اسمع أصوات ان موتهم الحل
انهارده كان عندي دافع اخنق ماما و هي نايمه
احلامي مستمره بموتهم علي ايدي 
افكار كتير ازاي اعمل دا من غير ما أضيع نفسي
افكار شيطانيه بيحاربها حاجه جوايا عايزه السلام
سلام و حياه بسيطه مش من حقي
أنا نفسي اتخطي ذكريات الضرب الاهانه كسره النفس 
أنا مش عارفه اتخطي وانا وسطهم
أنا بجد تعبانه و مش عارفه ارتاح ازاي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_29908 🇪🇬

منذ أسبوعين

شعور مستنزف

عبّر عن شعورك بشكل مجهول

أنوا ما كان حدا يحضنى ابدا بالعكس دايما تعنيف لفظى جسدى وإذا انحضنت بيكون بسبب تأنيب ضمير منهم مثلا بتذكر أنوا دايما كنت اقول بدى اهتمام بدى اهتمام بتقابل بصراخ وسخرية بتذكر انى كنت الوحيدة إلى بتنضرب بدون سبب بتذكر أنوا فى مرة امى ضربتنى كف على وجهى قدام رفيقتها وابنها بدون سبب بس لانها معصبه وقتها انا كنت بعطيها كوب مى وبعد ما راحوا قالت ما تزعلى انا كنت معصبه بس بتعرف شو كانت ردة فعلى كل مرة على الالم كانت استغراب وبعدين ضحك أنوا قالت متزعليش يعني بتأمرنى كمان بدل ما تقول اسفه المشكلة أنوا لما قلتلها انا بدى اهتمام انتى بقيتى مشغولة وقاسيه كان عمرى 10 سنين ولما انضربت كنت 13 ولما صرخت فيا وضربتنى عشان ما ابكى كنت 3 سنين ولما انضربت وانشد شعرى عشان نسيت كراستى بالمدرسة وقعدت ابكى كنت 9 سنين ولما صرخت فيا عشان كنت احكى مع نفسي طول اليوم لانوا رأسها وجعها بس انا كان بدى تنتبه لما حكيت مع حالى كنت 12 حتى لما بكيت وقلت لها انتى السبب فى عدم ثقتى بنفسى بسبب كلامك على شكلى انتى السبب في انى مش بعرف احب قالت لى انتى محتاجه تتعالجى انتى مريضه نفسيا قلتلها لما امى تقول عليا كده الغريب هيقولك اى قالت بكل برود وهى تبتسم هيقولك مريضه نفسيه برضه ومجنونه ، وساعتها انا كنت بحاول ما ابكى وكنت ابتسم بنص البكاء ، حتى كل مرة ابكى فيها دايما تقول انتى بتحبى التمثيل بلا شغل دموع التماسيح ده أو انتى هتعملى الكلام ده عليا واحيانا تقول لو مش عاجبك اطلعى بره عشان هى عارفه مفيش مكان تانى اروح ، حتى لما فكرت ارفض فكرة الحجاب ايش كان ردها كانت تقلل من شكلى وجسمى وتقول هتمشى بشكلك ده فى الشارع ، المشكلة انى حلوة وكمان احلى من اى حد فى البيت وكمان اخترت الحجاب لأن شكلى حلو ولانى مقتنعه حتى إلى الان اى شى تعمله بتقارن نفسها بيا جسمها شعرها أسنانها وإذا انا قلت مستحيل اكون بنفس جسمها قالت لا انتى بالعكس شكلك مش حلو على الأقل انا متجوزة ومخلفه أما انتى مين هيبصلك حتى احيانا لو مزحت وقلت زوجونى ما بدى ادرس تقول وانتى مين هيقبل بيكى هترجعى من اول يوم ده انتى هتجيبيلنا العار ، بتذكر أنوا فى مرة حصل خناقه بينى وبينها على شى تافه انا رحت اصلى الضهر فهى قالت ظبطى الغرفه قلت بصلى بالاول بعدين بعد شوى قالت كمان مرة فأذن العصر فرحت اصلى العصر بعد ما صليت لقيتها قامت فجأة وضربتنى وشدت شعرى وتعطينى برجلها وتفت عليا وقعدت تشتم وتتكلم وتقول مش بتقوم من مكانها مش بتعمل حاجه قاعدة اربعه وعشرين ساعة بتحب نفسها وبس وكده وبعدين اجى زوجها هدى الموضوع فشوى انا رديت عليها وهى ردت عليا شعلت خناقه تانيه ضربتنى وشدت شعرى وطردتنى قدام زوجها وعايرتنى بالاكل وقالت روحى لابوك ملاحظه بابا مسافر ، بتذكر أنوا يومها بعد ما اخواتى غصبونى اكل لانه ما اكلت شى من الصبح ، دخلت الغرفه وصارت تصرخ وتقول الاكل إلى بتاكليه هاد بفلوس جوزى ، اقولك حاجه بقى بتذكر أنوا لما كلمت بابا اقول له صارت تقول اشياء انا ماعملتها بينما أنا مارضيت اقول كل إلى هى عملته عشان صورتها قدامه ، بتذكر كمان أنوا بعدها بيوم اختى الكبيرة عملت غلط كتير كبير فامى ضربتها وانا مسكتها عشان ما تضرب اختى وهيك اجا جوزها ليضرب اختى كنت امسكهم هما الاثنين ولا حظت أنوا هما بيضربونى بغل فجأة صرخت فيهم وقلتلهم ما حد يضرب اختى ليها اب يحاسبها ما ليكوا الحق تضربوها يومها اتعرضت لضرب والسب وكمان بتذكر أنوا امى طردتنا انا واختى وكلمات بابا وقالت ما عادوا ولادى ولا اعرفهم ولا عايزاهم خدهم عشان أنا مش عايزاهم ، رحت اكلت انا واختى اجت قالت الاكل ده بفلوس جوزى وقالت انتوا عبىء عليا مش عارفه اعيش خانقينى مش عايزة ولاد زيكوا ، حتى أنوا لحد دلوقتي كل لقمه بتدخل بقى بحس انها محسوبه حتى لما اجى اكل بفكر هقول اى لو اتذليت ، بتذكر أنوا فى مرة فجأة هيك فصل مخى وكان المفروض أشيل الاكل من على الأرض بس اختى كانت تصرخ على وتقول قومى وانا اقول حاضر بس حاسه ان مخى فاصل لحد ما امى اجت وضربتنى وصارت تسب ، كمان بتذكر أنوا دايما كانت تقول خسارة فيك كوب المياه خسارة فيك تكونى انسانه انا لو ربيت كلبه كان زمانها طمر فيها  احسن منك ، اقولك كل مرة تقترب منى بطريقة هجومية بتخلينى ارفع ايدى لا إراديا ولما تضربنى اقولها نزلى ايدك انا ما استحق الضرب تقولى انا امك وليا الحق اعمل إلى انا عايزاه حتى لو أكلتك الجزمه لو دست فوق رقبتك حتى لو موتك ضرب قلتلها مش معنى انك امى يبقى ليكى حق تضربينى متى ما شئتى ومن غير سبب انا مش حيوان ومش ملكك عشان تعملى كده برده اتقابلت بالسب والضرب وسحب التليفون وحبسى فى البيت ، اتذكر أنوا لما نيجى نشترى حاجه كانت بتعطى الأولوية لاختى الكبيرة عشان هى الكبيرة وعشان الصغيرة بتطلع كتير ومعندهاش أما انتى ما بتطلعى من البيت عايزة لبس ليه كل لما تيجي تتكلم تقول لآختى الكبيرة والصغيرة يشتروا شى لنفسهم بس اذا حكيت قالت انتى ما بتطلعى ما تعمليش فيها دور المظلومة وفى مرة قلتلها محتاجه حاجه مرضيتش بس فى نفس المكان جابت لاختى الكبيرة حاجات ، بتذكر أنوا انا فضلت سنتين أعانى من الم فى القلب ودوخه وتشتت وضعف وفقدان وزن ورعشة فظيعه ودايمه ونوبات هلع وارق وكل هاد وما فكرت تودينى مستشفى حكومي حتى لما كنت بقولها كانت بتقول انتى كل حاجه بتوجعك أو انا مش راحه مع حد مستشفيات أو روحى لوحدك ، بعدها بفترة كنت معها بالمستشفى بولادتها وفضلت جمبها وساعدتها ، إلى خلانى زعلت أنها اخدت اختى الصغيرة مستشفى خاص ودكتور خاص عشان ايديها بتعرق ، تعرف كنت اسمع الناس يقولولها بنتك متوحدة  وهى تقول مريضه قدامى الكلام ده ، تعرف انها عمرها ما قالتلى انتى جميلة الا قدام شخص عشان تتفاخر بشكلى طب تعرف أن الناس لما كانوا يقولون لها بنتك كتير حلوه تفتخر أنها الام ، بس فى البيت تقول مستحيل تكونى احلى منى انا المصنع مش زى الإنتاج واحيانا تقارن بينا قلتلها مفيش مقارنه بينى وبينك كل واحد ليه جماله قالت بس مستحيل مهما عملتى تبقى احلى منى ، طب اقولك فى مرة كنت مدايقه عشان هيا جابت لاخواتى بيجامات اعطتنى واحدة من بيجاماتها القديمه وكانت حلوه كتير عليا بس كنت خايفه تعايرنى بيها لقيتها بتقول متطلعيش بيها قدام جوزى ، بس حاليا انا واثقه جدا من نفسي من شكلى حتى عيوبى كلها تدل انى انسانه ، مش بسمح لحد يهينى حتى لو كان قريب ، بقيت اخاف من اى حركه من أيدها وهى بتتكلم عادى ، بقى اكبر احلامى يكون عندى بيت خاص بيا أو حتى شغل اصرف بيه على نفسى بقيت مش بطلب حاجه منها ، بقيت بكرهها تلمسنى أو تشوف دموعى ، بقيت اخاف اعرف صحابى عليها عشان متعاقبنيش بيهم أو قدامهم ، بقيت واعيه لكل حاجه حواليا ، بقيت عارفه نقاط قوتى ونقاط ضعفى ، وبدعم اخواتى دايما ، ودايما باخد كلامها سخرية عشان ما تحس انها مسيطرة ، مش بحكى لاى حد بس بسمع ، لحد ما ييجى الشخص إلى هيقدر قد اى انا غاليه ونادرة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_28732 🇪🇬

منذ شهر واحد

شعور مرهق

السلام عليكم ورحمة الله وبركاته، أنا مش عارف أبدأ منين، بس حابب أفضفض وأحكي اللي جوايا يمكن أرتاح شوية، ويمكن ألاقي حد يفهمني أو يوجهني. أنا طالب في الصف الثالث الثانوي الأزهري، وحاسس إن حياتي كلها ماشية بالعكس، وكل حاجة بتضغط عليّ من كل اتجاه. من وأنا صغير، وأنا بتعرض لحاجات سيئة جدًا. اتعرضت للتن

عبّر عن شعورك بشكل مجهول

السلام عليكم ورحمة الله وبركاته،
أنا مش عارف أبدأ منين، بس حابب أفضفض وأحكي اللي جوايا يمكن أرتاح شوية، ويمكن ألاقي حد يفهمني أو يوجهني.
أنا طالب في الصف الثالث الثانوي الأزهري، وحاسس إن حياتي كلها ماشية بالعكس، وكل حاجة بتضغط عليّ من كل اتجاه.

من وأنا صغير، وأنا بتعرض لحاجات سيئة جدًا. اتعرضت للتنمر والضرب والإهانة من أهلي النرجسيين ، اللي دايمًا كانوا بيقللوا مني ويكسروا ثقتي في نفسي. كانوا بيمنعوني من إني ألعب مع الأطفال بحجة إنهم مش مؤدبين، ولو خرجت أتعرض للعقاب. حرّموني من أبسط حقوقي، وكانوا بيحاسبوني على أي غلطة، حتى لو كانت صغيرة جدًا.

كمان كنت بتعرض لتحقير وتفرقة، مش بس بيني وبين إخواتي، لأ كمان حتى بيني وبين الناس الغرب.
ومرت عليّ مواقف مؤذية جدًا، واتعرضت للتحرش واتعرضت للتنمر والضرب والاهانه من المدرسين وزمايلي وقرايبي ، وده خلاني أنعزل تمامًا، وأهرب من الواقع في حاجات زي الإباحية والعادة السرية، وفضلت متعلق بالموبايل طول الوقت، لحد ما بقى هو العالم الوحيد اللي بلجأ له.

الإدمان ده عمل فيّ حاجات كتير، وبقيت أحس بميول مش طبيعية ، وبقى عندي رهاب اجتماعي حاد، ومش عارف أتعامل مع الناس، ولا أكون علاقات، ولا حتى أفتح مواضيع عادية.
كل ده خلاني أحس إني مختلف عن الكل، ومش قادر أعيش حياة طبيعية.

دلوقتي أنا في ثانوية أزهرية، والمفروض أكون بذاكر علشان الامتحانات قربت، بس أنا مش قادر أفتح كتاب، كل ما أحاول أذاكر بفشل، وكأني في حاجة جوايا بتشدني لتحت.
بفكر أأجل السنة، بس أهلي، وخصوصًا والدي اللي مسافر، بيضغط عليّ جامد علشان أدخل كلية الطب.
المشكلة إنهم سيبوني في بداية السنة لوحدي، ورحلوا عند بيت جدي اللي أنا أصلاً كنت مطرود منه، وفضلت من غير فلوس ولا أكل، ومن غير أي دعم، ومع ذلك بيتوقعوا إني أكون متفوق.

والدي لو عرف إني ممكن أأجل بدون ما ادخل كذا مادة ، أكيد هيمنع عني الفلوس، وممكن يطردني، وده مش أول مرة يهددني بكده وعمل دا قبل كدا 
العيلة كلها بتتعامل معايا بجفاف شديد، ومفيش تفاهم، وكل شوية مشاكل على حاجات تافهة، وأخويا الكبير نرجسي وبيضربني لدلوقتي ضرب مبرح لاي سبب تافه ، ومفيش أي إحساس بالأمان في البيت معاييش فلوس تكفي اني اروح لمعالج نفسي

حاسس إني مخنوق من كل حاجة، من الدراسة، ومن البيت، ومن نفسي، ومفيش أي حد جنبي، لا أصحاب ولا دعم من أي نوع.
الوحدة بقت خانقة جدا ونفسي يبقى فيه اي حد يسمعني بس حتى ، والضغوط النفسية والدراسية خنقتني أكتر، وكل ما أحاول أخرج من الحالة دي، برجع أقع تاني.
فكرت في الانتحار كتير، بس دايمًا بخاف من ربنا، وبقول إن ده حرام، وبحاول أقرب منه، بس حتى ده مش قادر أواظب عليه. بحاول أصلي أو أقرأ قرآن، بس دايمًا بحس إني بفشل.

لسه عندي أمل، بس في لحظات بحس فيها إني ضعيف جدًا، وإن مفيش فايدة، وإن الحياة دي تقيلة عليّ أوي.
أنا مش بكتب الكلام ده علشان أشكي وخلاص، أنا بس حبيت أفضفض، وأمكن ألاقي كلمة تخليني أتمسك بالحياة شوية.
لو حد قرأ رسالتي دي، فشكرًا ليك، وشكرًا إنك سمعتني، وربنا يجازيك كل خير.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_51983 🇪🇬

منذ 3 أشهر

شعور خجول

عبّر عن شعورك بشكل مجهول

بما إن اغلب الآراء كانت استوري تايم فيها عيرة فاستوري تايم بس مش بتتكلم عني بل عن حد مقرب  مني وخلينا نقول إن إسم الشخصية دي منال مثلا 
و الاستوري فيها عبر كتير اوي 
هنرجع12  سنة لي وراء وقت ما اتجوزت منال عن حب واكتشفت بعد الجواز أن جوزها كان لي علاقات سابقة كتير واكتشفت خيانتو اكتر من مره و علاقتو بالستات دي مكانتيش مجرد كلام وغزل بل هدايا وكان بيصرف عليهم كمان مابين كان بيمثل علي منال انو مش معاه فلوس وشغلو مش احسن حاجة لدرجة إنو طلب منها تبيع دهبها وطبعا عملت كده استمرت خيانتو أول تالت سنين من جوزهم  ومقدرتش تسكت و واجهتو و رمي يمين الطلاق وهي راحت عند أهلها و حكت كل حاجة كانت منال واقتها معاها ولد صغير و حاول جوزها يرجعها وبعد كلام كتير بينو وبين أهلها اختارت ترجع 
عاشت منال وجوزها تالت  سنين زي الفل وجابوا ولد تاني لحد ما شغل جوزها مبقاش أحسن حاجة لانو كان بيشتغل في السياحة فمنال طلبت تنزل شغل وهو رفض وكانوا أهل جوزها بيساعدها لحد بعد سنه من الازمه دي جوزها شاف شغل تآني وكان كويس اوي اشتغل في الشغل ده سنه وبعدها اتطرد بتهمة سرقة فضل جوزها سنه من غير شغل والمفاجأة إن منال كانت حامل في الولد التالت فضطرت تقول لاهلها وزي اي أهل حبو المراكب تمشي وبيقيو هما كمان بيصرفوا عليهم لحد ما جوزها لقي شغل محترم اوي فضل فيه سنتين و اوضعهم كانت زي الفل لحد ما جوزها بدأ يتغيب عن الشغل كتير واتطرد منال دورت وراء الموضوع واكتشفت أن جوزها مكانش بيروح الشغل عشان أتعرف علي شلة بيضربوا مخدرات و واجهتو و رمي عليها يمين الطلاق لتاني مره 
وهي راحت لأهلها وبعد تالت شهور فكر يرجعها وقال بطل مخدرات ولقي شغل تآني رجعت منال 
واكتشفت بعد رجعوها إنو اشتغل مع شلة اللي بيضرب معاهم بس سكتت المره دي وجيس وات كان بيجيب الشلة دي و بيضربوا في بيتهم !! 
بس سكتت برضو وبعد كام شهر بقا بيضرب أيس وده نوع واحش قلب معاه بشك في منال وأنها بتخونو وخنقات وضرب كل يوم قدام اولادهم!!!
لحد ما شكت لاهلها و واقتها أهلها قرارو انو خلاص لازم تطلق نهائي لانو اتعدي عليها كتير بس منال رفضت الطلاق وفضلت وبعد مده يواجها جوزها بانو رمي اليمين التالت يعني بقيت مطلقة خلاص وانهم الفتره اللي عدت كانوا عيشين سوي وهو مطلقها!!
وقالها انو هيمشي ومتطلبش منو مصاريف لانو مش معاه واهلها يصرفوا عليها وده إللي حصل فعلا أهل منال وقفو جمبها وعملولها مشروع وفتحت بيدج اون لاين للحلويات والاكل البيتي وبتصرف علي أولادها التلاته منو وبس 
دي منال نموذج من نماذج كتير في المجتمع منال لقيت اللي يسندها ويقومها بس في ناس كتير لا 
فاحسنوا اختياركم عشان متمروش باي حاجة من إللي مرت بيها منال.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_38650 🇪🇬

منذ 4 أشهر

شعور محبط

Mango_51124 🇪🇬 اوعدني يا ليفة تكون اخر تأليفة

عرض الكل 8 نصيحة

عبّر عن شعورك بشكل مجهول

فى وسط تجمع عائلى حمايا شتمنى باهلى وانا مسكتش وقولتلو بعد اذنك متغلطش فى اهلى قالى تمام ومتعامليش معايا تانى وانا كده بس هخليكى انتى إلى تيجى تقوليلى اشتمنى قولتلو عمرها مهتحصل وكان الكلام دا قدام جوزى وحماتى وأخو حماتى وأولاده حماتى تسخن الدنيا وتقولى فيها ايه لما شتمك  وكده المهم تجنبتهم خالص و وبعدين قعدت ٣اربع ايام  متجنبهم ومرتاحه على الاخر  النهارده اجازه جوزى قالى هنزل انا وبنتى لابويا تحت وكده قولتلو هاجى معاك  وهنقعد معاهم شويه وانا بردو فى حالة يشوفو البنت وهنتمشا شويه اتفاجات باخو حماتى بيتصل وبيقولى انى منعا بنتى تنزل تحت ليه  وانو زعلان وكده قولتلو انا ممنعتش حد واحنا لسه جاين من السفر وبنرتاح شويه وبنتى تعبانه اصلا.  خلصنا المكالمه وبقول لجوزى ايه رأي فى الكلام  وكده وقولتلو على فكره انا هتعامل مع ابوك بحدود على فكره زى مهو عاوزنى احترمه هو كمان يحترمنى وشدينا فى الكلام شويه قام ضربنى ومد ايده عليا واتعورت فى بوقى  وبعديها تعبت واغماا عليا وكنت بعيط بانهيار لانى مظلومه  مع العلم حمايا دا كان بيموت من اسبوع وانا الى لحقته وقعدت تحت رجله وعملته جلسات وبقيت طالعه نازله وانا تعبانه وبنزف ومقولتش حاجه قولت كلو لله  المهم لقيت جوزى جه طبط عليا وخدنى فى حضنو وانا انهارت من العياط السوائل هنا اعرف حد من أهلى ولا لا ولا اخد بنتى وامشى من غير ماعرفو واروح عند أهلى😭😭😭😭😭😭

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_52131 🇪🇬

منذ 4 أشهر

شعور مريض

هاي انا بكره عيلتي جدا حاسس اني غريب وسطهم وبحد مش عارف اقرب منهم ولا حتي احضنهم ولا اختي الصغيره حتي عارف اقرب منها قربت فتره وبعدين بدات مراهقتها وااا مش عارف اعملها حاجه بحكم اني عندي هيستري من عنف اسري وعلاج نفسي بسبب ابويا وامي ف خايف اخليها زيي ف انا بكره عيلتي ♥ باي

French Fries_51379 🇪🇬

منذ 5 أشهر

شعور مرهق

لما تكون الوحده بتراعي ربنا ف جوزها وبروح عند مامته عشان يكون راضي رغم انها شتمتني ف اول مشكله مبينا بس روحت عشانه وبسايس اموري وهوا ومش بيقدرني ولا بقولي كلمه حلوه ولا حتي وهوا ف الشغل يفكر يطمن عليااا ولما بعمله مفاجأة لعيد ميلاده او سهره لطيفه رده فعله مفيش خالص ف الواحد بيتخنق مفيش مره نزلت عند

Banana_51200 🇪🇬

منذ 5 أشهر

شعور لا مبالٍ

عندي مشكله مع والداتي دايما، ودايما بتعاملني وحش وطريقتها معايا زفت واحياناً بتستفزني وببقي عايز اكسر اي حاجه قدامي بس بتمالك اعصابي وبسكت عشان عارف انها عايزه دا يحصل وتغلطني وتطلعني وحش قدام اخواتي ووالدي، الموضوع صعب لدرجه اني اعصابي باظت من كتر ما بسكت ومردش عليها وبقيت بشيل في قلبي كتير، وصلت ل

Cherry_34837 🇪🇬

منذ 5 أشهر

شعور متوتر

مساء الخير انا بابا و ماما شبه منفصلين يعني ف مشاكل كتير بينهم ف انا عيد الميلادي بكره و بابا عاوز يخرجني علشان يكسب واحده قدام ماما و الجو ده اكيد فاهمين ف المشكله هنا اني مش عاوزه اخرج معاه لانه هو غلط في ماما كتير و كان بيضربها و طول الوقت بيزعق و بينتقد ف خايفه اقول لا مش حابه أخرج و برضو صعب

Durian_46117 🇪🇬

منذ 6 أشهر

شعور متعب

عبّر عن شعورك بشكل مجهول

احنا كنا عايشين ف مكان كويس وكنا مرتاحين بس الظروف المادية مسمحتش ان احنا نكمل فيه عشان احنا كنا إيجار بعد كدا نقلنا ل بلد عشان لينا بيت هناك انا مش حابه المكان من ساعت م جيت فيه وكنت عايزه امشي بأي طريقه من هناك أصلا حصلت مشاكل كتير اوي والبيت مش حلوه خالص ولا ينفع يتعقد فيه ودلوقتي انا كنت مخططه اني هخرج مع اصحابي وكدا لقيت معظم اللبس مش موجود مع العلم انا كنت محوشه فلوسه بقالي فتره طويله الفلوس اللي ابويا كان بيدهاني عشان اكل بيها ف انا انفجرت وبهدلت كل حاجه وقلبت البيت بجد في نفس الاوقات دي امي كانت بتتحايل ع ابويا عشان تنزل تشوف اهلها اللي هما جدو واخواتها بس ابويا مش راضي عشان هما مكنوش موافقين من الاول ان إحنا ننقل من المكان اللي عايشين فيه ونعقد ف البلد انا الصراحه كنت موافقاهم جدا ودلوقتي انا اتخانقت معاهم ابويا ضربني عشان ثولت ان الحاجات اللي ضاعت دي بفلوس كنت هاكل بيها ده حتي لو عرفت اوفر فلوس المواصلات كتت بتمشي وبوفر فلوسها هو الصراحه مش مأخر ع الاكل والشرب دروسي بس في حاجات تانيه انا محتاجه لبس واكشف مش كل حاجه اكل دلوقتي انا عايزه امشي من البيت واقعد عند جدو واشتغل وانا بدرس عادي عشان اوفر احتياجاتي بس ف نفس الوقت حاسه بالذنب ع ماما حاسه اني سبتها ساعدوني اعمل اي انا بجد بكره المكان وابويا اعمل اي ساعدوني مع العلم انا 16 سنه وف ثانوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_49852 🇴🇲

منذ 6 أشهر

شعور مكسور القلب

تقريبا حياتي جدًا غريبة، لأن لي عرق بحريني وأكثر من دولة أهل أمي عايشين ومستقرين، بس كثير أمور تعتبر عادية عندها وهي لا عادية ولا أي شيء، من هالأمور اللي إكتشفتها قبل فترة أن خالتي كانت تزني مع صديقها اللي دايم يجي عندنا وأنا ما كنت عارفة من هو، وامي وجدتي يتسترون عليها وزوجها مايدري، واللي يضحك انه

عبّر عن شعورك بشكل مجهول

المشكلة أن أمي فيه مشكلة بشخصيتها ما أدري وش هي، بس من يوم ما كنت صغيرة تصارخ علي على كل شيء حرفيااا، الغلط والصح، وتلومني وتسبني، وصرت ما قادرة أفرق بين الصح والغلط، يعني ما أدري انه الغلط غلط أو الصح صح، أحسب أمور غلط عادي وصح، المهم وطحت أكلم أولاد لأني ما كنت أدري انه شي غلط أو حرام، وأهلي قفطوني وثقتهم فيني راحت، والمشكلة بكل مرة أعاند ومب مستوعبة أنه غلط وكنت أملي فراغ عاطفي سببوه أهلي وتعرضت لإهمال عاطفي ومحد كان معي بطفولتي، وطلبت من اهلي من اربع سنين يودوني عند طبيب نفسي لاني ما كنت بخير بس بسبب مجتمعنا السطحي شافوه عيب وغلط وما ودوني وتطورت حالتي وصرت أعاني بعلاقاتي أتعلق بسرعة، والمهم الحين أنا عرفت الصح والغلط وما عدت أكلم اولاد بمواضيع ما لازم نتكلم عنها، وقبل اشهر قررت أبدأ علاجي الذاتي وغالبا فيني اضطراب الشخصية الحدية والاغتراب عن الواقع، تواصلت مع طبيبة نفسية تساعدني وساعدتني وما قصرت وحصلت تطور من علاجي الذاتي.

وحاليا اهلي فجأة كذا من اسبوع قرروا اني اروح لطبيب نفسي لاني مجنونة، واحس بانهيار انهم ما شاوروني ولا اهتموا لرأيي ومهووسين بالتحكم فيني م عندي غرفة خاصة ويسحبون تلفوني كل ثانية مع عندنا قدرة مادية امي بخيلة وعندها عقد قد شعر راسيي، وهالفترة ولاني اطبق العلاج الذاتي صرت اعزل نفسي فيهم بقدر الامكان عشان ما اتأثر نفسيا خاصة اني حساسة وصرت ارفض طلباتهم اللي ما أقدر عليها او ما اريد اسويها، وصايرين شديدين معي يصارخون اكثر ويسبوني يعني امر جنب امي القاها تسبني ويحز بخاطري الصدق، واخر مرة رفضت لها طلب باحترام وصفقتني كف قوي من قوته الاغراض اللي ماسكتها طاحت والله كأني لعبة مب انسانة تتحكم فيني، وكلمت اختي الكبيرة عن اسلوب امي وقالت طبع ما تقدر تغيره، واحس بانهار يعني يسوون اشياء غلط وعادي عندهم واخوي الصغير يتأثر بعد وانا نفسيا منكسرة وفيني عقد وصدمات ما تخلص، وهي اقترحت خلاص الحل الاخير اني لو ما تغيرت بيودوني طبيب نفسي وانا متضايقة لانهم ما اهتموا لما طلبت منهم بس الحين لما حققت تقدم فجأة كذا؟ ولا سألوني ولا شي حسبي الله ونعم الوكيل، طيب شسوي؟ ابي يفكوني من أذيتهم، خلاص تعبت كله صراخ ورفض ولوم وشتم ولو رفضت يضربوني ياخي ترا شسوي بعمري، وعلى فكرة انا قاصرة بس باقي لي سنتين واتخرج وادخل جامعة، وامي تقول ما بكمل جامعة لاني فاشلة وبس اتخرج ثانوي بتزوجني من ولد خالتي القطري💔، حياتي تتدمر قدامي ولا اقدر اسوي شي

الحين كذا طبيعي ولا حالتي صعبة؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع