علاقة الأب بابنته

French Fries_62527 🇪🇬

منذ شهر واحد

شعور محبط

Watermelon_57668 🇪🇬 براحة على نفسك ربنا يسامحه والدك ..حاولي تعملي أنشطة بتحبيها و انتي متستاهليش تبقى متوترة هما الي طريقتهم غلط

عرض الكل 4 نصيحة

عبّر عن شعورك بشكل مجهول

كل حاجة بعملها بحس نفسي هيزعقلي عليها مهما كانت صغيرة دائما متوترة كان نفسي لما اعمل حاجة غلط اول واحد اروحله هو بابا دائما اي حاجة غلط بعملها بخبيها عليه ما هو كدا بيهزقني علي الصغيرة قبل الكبيرة ف أقوله ليه يعني بجد كان نفسي اكون قريبة منه كان فيه مقولة بتقول اول راجل في حياة البنت بتشوفوه بطلها وكل حاجة في حياتها هو باباها بس انا مشوفتش كدا انا شوفته الراجل اللي بحترمه عشان هو ابويا مش عشان حاجة تاني كان نفسي اعيش اغنية بنت ابويا بكل كلمة فيها في جملة كدا في الأغنية بتقول" صوت رنة المفتاح ساعة اما توصل" انا صوت رنة المفتاح أنه وصل دا بالنسبة ليا رعب أنه خلاص وصل ادخل اوضتي بقي واتفادي اي مشكلة معاه ... ليه طيب ليه ميبقاش معايا حياة حلوة مع بابا اكون عايزة افتكرها ليه لما أخرج من البيت بتمني مرجعلوش تاني ليه . الأغنية دي بكل تفاصيلها انا معشتهاش انا عارفة أنه هو كويس وانا يحترمه وبقدره عشان عمل حاجات كتير في حياتي تستحق دا بس ليه مكنش يحترمه وبقدره عشان انا بحبه مش عشان الحاجات اللي عملها أو عشان الدين أمرني بده ليه اول ما ينادي عليا أو يتصل بيا بخاف منه وبقلق ليه متمناش المكالمة دي ليه مهرزش معاه مثلا مفتكرش إن الرسول كانت علاقته ببناته كدت انا قريت إن كان فيه مودة ورحمة وحب بينهم واكيد كانوا بيغلطوا بس مكنش بيرعبهم كدا اكيد كانت بينهم حاجات حلوة وذكريات أحلي ومحدش يفتكر اني بكتب الكلام دا وسهل عليا أن ميكنش فيه بينا حاجات حلوة واني أنكرت جميله عليا بالعكس أنا عارفة اني خدت فرصة ناس كتير مخدتهاش بس برضو انا مش وحشة عشان اتعامل بالطريقة دي وإن برضو الرسول كان معيش بناته في عيشة كويسة بالنسبة لزمنهم وبرضو كان فيه حب بينهم انا مش بطلب حاجة كبيرة انا بس عايزة شوية حب انا عايزة أتعلم منه وبحب وجهة نظره بس هو مش بيفهمني براحة مش عايز يسمع وجهة نظري عايزني اقول حاضر وبس ليه ميكونش عندي وجهة نظر ليه مش بيحترمها ويحاول يسمعها انا في أهم قرارات في حياتي هاخد برأيه لانه عارف الصح اكتر مني وفاهم الدنيا اكتر مني بس بابا مش بيسمع راي دائما لما اقول وجهة نظري واتكلم بيقول عليا بتفلسف ليه دا انا بقول وجهة نظري مش اكتر يعني عايزني اكون زي الكرسي بدون أي شخصية يحركه يمين يمين شمال شمال وبتقولوا كارهة ليه فكرة الجواز انا عارفة الحياة مش هتدي كل حاجة ودا مهما كان بابا ف انا هحترمه بس عشان هو بابا مش اكتر ...
مش عايزة اوصل لمرحلة اني بكرهه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_58959 🇪🇬

منذ شهر واحد

شعور مكتئب

ممكن يكون الموضوع تافه لشوية ناس بس بابا حرفيا بيعاملنى بشكل سيئ جدا وانا مش بحب اسلوبه معايا عموما ومعايا اخواتى مش بيحترمونى خالص بسبب معاملة بابا ليا وعلى طول شايف انى جاهله وانه هو اذكى واحد فينا وانا مع احترامى لبابا هو اصلا دبلوم صنايع وانا ثانويه عامه وبساعده فى حسابات كتير وبعمل معاه حاجات

Waffle_57960 🇪🇬

منذ شهرين

شعور ضاق ذرعًا

Strawberry_39895 🇪🇬 لا حول ولا قوة إلا بالله ربنا معاكي

عرض الكل 9 نصيحة

عبّر عن شعورك بشكل مجهول

انا عندي دادي ايشوز من ساعه ما ماما وبابا اتطلقوا هما كانوا بيتخانقوا كتير اوي وهما متجوزين وكان بابا بيمد أيده علي ماما وعلي اختي الكبيره انا بحبه اوي بس مش بحب تصرفاته ابدا ماما وبابا اتطلقوا بعد ما بابا اتهجم علينا فالبيت وطلبوا البوليس وطبعا كنا صغيرين اوي ومش فاهمين حاجه يمكن اختي كانت فاهمه شويه بس انا كان كل همي اعمل لماما هديه لأن يوم طلاقهم كان يوم عيد الام  مكنتش فاهمه ال بيحصل بس كنت عارفه أن فيه مشاكل بين ماما وبابا وبصراحه طول الفتره ال عشتها مع ماما عمرها مخلتنا محتاجين حاجه وربتنا احسن تربيه بس بابا كان عايش فالشقه ال قصدانا وده كان أسوأ حاجه لان كنا كل يوم بنشوفه وكان دائما يعامل اختي احسن مني مع أن اختي كانت بتكرهه لأن لما كان زمان بيعمل مشاكل وبتاع هي كانت واعيه وفاهمه انا مكنتش فاهمه اوي لاني كنت صغيره بس كنت بحب بابا اوي اوي وبابا كان بيحب اختي جدا مع انها كانت بتكرهه اوي بس برضه كان دائما يفرق بينا كان يقعد يتحايل عليها عشان تكلمه ونا لما اجي أكلمه يقولي اسكتي يبت انتي وجي من قريب كان منزل صوره ليا بشعري ونا محجبه قولتله يبابا شيل الصوره وكلمت عمي وكلمت بابا اكتر من مره وبرضه مش راضي يشيلها وهزقني وامبارح اختي اتصلت بيه عشان تقولو أن النتيجه ظهرت وأنها نجحت وقالتله اختي كمان نجحت قالها مين؟ انا معنديش بنات غيرك حاولت اعمل نفسي كويسه بس انا مش كلبه بشحته وعدم اهتمامه بيا مأثر فيا جامد اوي لدرجه ان اي حد يحسسني بالأمان بحبه حتي المدرسين بتوعي!! انا وصلت لدرجه الجنون بجد ومش عارفه اعمل ايه اخليه يحبني ويهتم بيا ازاي؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_25402 🇪🇬

منذ شهرين

شعور متعب

جماعة انا عندي مشكلة اني علاقتي ب بابا بتقل كل يوم عن الي قبله مفيش مشكلة كبيرة حصلت بس كلها مواقف صغير زي أنه يزعقلي علي مواقف تافهه أو يكبر الموضوع او يقارني ب أخويا بحجة أنه عايز مصلحتي انا 17 سنة وطول ال 17 سنة محضنيش أو قالي كلام حلو وعلي م اعتقد اني بنت وعايزة حنان كنت عايزة اطلع اصيف وقولت لم

Biscuit_25402 🇪🇬

منذ 8 أشهر

شعور محبط

عبّر عن شعورك بشكل مجهول

علاقتي ب بابا مش أحسن حاجة هو مفيش اي مشكلة حصلت بس بحس اني مش مستريحة وانا معاه هو عمره م ضربني بس لما كانت بتحصل مشكلة كان بيزعقلي جامد ودا كان بيخليني أبعد وانا صغيرة كنت قريبة منه جداً بس لما بدأت أكبر بدأ لما تحصل اي مشكلة يزعق انا عارفة أن ممكن يكون من حقه والكلام دا لأن ماما برضو ممكن تعمل كدا لكن انا مش بشوفه كتير بيبقي في الشغل الصبح كله و بنتقابل بليل بس ومش بنتكلم كمان هو ممكن يحاول يفتح معايا موضوع لكن انا برد علي بأختصار ببقي حاسة اني مش عارفه اتكلم حاسة أنو غريب عليا انا عندي 16 سنة ممكن اكون عنيدة شوية بس دا بيحصل لما بيزعق يعني لما حد بيزعقلي انا بعاند اكتر عكس لو اتكلم معايا براحة بابا عمره م حضني غير وانا لسة ف سن 6 سنين او أقل دا غير انو كمان بحسو بيستهزق بيا ف الدراسة تحت مسمي هزار بدل م يشجعني ولما مثلا اطلب منه يجبلي حاجة مع اني مش بحب أطلب منه يقعد يقول م انتي عندك او مش لازم وبعدين يجيب بس بعد م أكون أنا زعلت مش بحس بأحساس دلع الأب لبنته خالص  بس انا مش لوحدي كدا انا كمان بحس أن أخويا نفس الكلام بس هو أولي جامعة معتقدش انو محتاج الي انا محتاجاه انا بس الي مخوفني اني من فترة حلمت انو توفي وانا كنت في الحلم بعيط علشان ملحقتش أقعد معاه وخايفة دا يحصل في الحقيقة أنا محكتش الحلم دا لحد لأني مش عارفه افاتح حد ف الموضوع . والمشكلة اني لما حاولت اتكلم مع ماما علي علاقتي ب بابا لقيتها عايزاني انا الي أبدأ بالكلام وكدا ودا صعب جدا يحصل.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_39264 🇲🇦

منذ 9 أشهر

شعور مستنزف

موضوع:

الدايت وكلام الناس في وشك علي وزنك

أنا من دايما وزني زايد من لما كنت صغيرة و كل الناس بتتريق و تتنمر عليا حتى لي كنت بعتبرهم صحباتي بس انا ماكنتش بزعل كتير لأني ماكنتش فاهمة كويس و لما كبرت بقيت بحاول اني مزعلش من كلام الناس بس المشكلة مش هنا المشكلة اني مرة سمعت بابا بيتكلم على وزني بتريقة مع ماما و ده أثر عليا جدا و مؤخرا اكتشفت ان

Sugar_29587 🇪🇬 انا على ثقه ان انت تقدري تعمليها وتصدمي الكل في اي حاجه قالها لك لازم تخلي الكل اسقطهم في نفسهم نفسها تتهز عشان اللي يعمل فيكي كده ما يستاهلش منك دمعه حبيبتي خدي الكلام ده كله تحفيز والصفك

عرض الكل 9 نصيحة

Chocolate_30394 🇪🇬

منذ 9 أشهر

شعور مكسور القلب

دايما بسمع إن البنت دلوعة باباها وان هو اول حب فى حياتها واكتر حد بيخاف عليها وعلى زعلها بس انا بسمع بس لكن عمرى ما جربت كل المشاعر والأحاسيس دى مع أنه الاسم موجود بس هو مش شايفنر اصلا ولا عمره حس بيا ولا حسسنى انى بنته حبيبته إلى بيخاف عليها من الدنيا كلها عمره ما خدنى فى حضنه انا لما بشوف اب بيحضن

Tomato_30792 🇪🇬 بصي هقولك حاجه عارف شعورك بس ربنا بيختبر مدي ايمانك بيه ده كله اختبار من ربنا ليكي وربنا عارف انك قدو ووعد مني ربنا هيعوضك عن كل الا انتي مريتي بيه قريب اوي اوي كمان

عرض الكل 7 نصيحة

Kiwi_29888 🇪🇬

منذ 9 أشهر

شعور محبط

موضوع:

صدمات الطفوله

Coffee_27700 🇪🇬 حاسس بيكي ومقدر مشاعرك. حقك انك تحسي كدة. حاولي تتخطي وتطوري نفسك لأنك تستاهلي تعيشي مبسوطة مرتاحة البال. ربنا يقويكي ويعوض صبرك خير

عرض الكل 1 نصيحة

عبّر عن شعورك بشكل مجهول

بابا و ماما كان في ما بينهم مشاكل كتير من و انا صغيره و انفصلوا بس من ساعت الانفصال مشفتش ابويا تاني قد اي اصلا نفسيتي كانت تعبانه و مكنتش فاهمه الي بيحصل و فقدت احساس الامان و بقيت علطول خايفه و قلقانه و كنت بفضل اعيط كنت ببقا و لغايت دلوقتي معرفش اي حاجه عن ابويا و كل شويه اسال نفسي هو ازاي مسالش عليا انا ولا اخواتي ولا كأننا ولاده ؟؟ أزاي عايش كده قد اي كنت بزعل لما بشوف اب جي ياخد بنته من المدرسه او جيبلها حاجات أو بيتصل يطمن عليها كنت بتقهر أو حد يسألني ابويا شغال اي ؟ ونا مش عارفه و لا حتي فاكره شكله الموضوع ده من ابتدائي و عدي اعدادي و ثانوي و دلوقتي في كليه و مش قادره اتخطي ولا قادره امسحه علي أنه مفضلش جنبي حتي أو سأل عليه لو لمره انا بكره اسمه الي علي اسمي الي بيفكرني بيه و بنسبالي لو كان ميت كان احسن عشان لما حد يسألني علي الققل كنت هقول الله يرحمه لكن هو عايش ومش عايش مش قادره اتخيل الجبروت الي هو فيه وليه يقسي عليه انا مليش ذنب حتي لو هما انفصلوا الموضوع تعبلي نفسيتي اوي بجد و ماما اتجوزت تاني و أنا في اعدادي جوز ماما طيب و راجل محترم و بيخاف علينا و هو احسن من ابويا بس عمره ما ملئ الفراغ الي جوايا و عمري ما قولتله بابا و كانت من جوايا ماما لما سألتني أنها تتجوز تاني قولتلها انا مش فارق معايا وان دي حاجه ترجعلها و مقدرتش ققولها لا و مع أن في حاجات كتير بتضايقني بس بحاول اتأقلم مع الحياه كل ما احكي لحد أحسه يتفه من المشكله حتي اهلي محدش حاسس بيا و الا بلي حسيته من ونا صغيره

Coconut_28300 🇪🇬

منذ 9 أشهر

شعور منزعج

كان نفسي اعرف ليه بابا بيحلف كدب في مواقف كتير حصلت بيني وبينه ودايما بحاول يشككني في نفسي ويقلل ثقتي في نفسي عشان شكله بس وصورته متتهزش على حساب بنته مع أنه إنسان متدين جداا

Cherry_28313 🇮🇶 لا تحاولي تفهمي اهلك لانك ما راح تقدري بالنهاية تعايشي معاهم ولا تلومينهم لانها تجربتهم الاولى ك اهل و لا تلومي نفسك لانك مالك ذنب بعدم خبرتهم كلنا نعيش الحياة مره وحده و الافضل تتجاهلي تصرفهم ذا قدر الامكان حتى لما تنحطي بموقف صعب بسببه لا تخليه ياخذ مساحه كبيره من حياتك

عرض الكل 3 نصيحة

Coconut_68710 🇪🇬

محتاجه أتعلم أساسيات التعامل مع المشاعر

حاسه اني محتاجه حد يعرفني أساسيات الحياه، ازاي الناس بتحس وبتتعامل مع المشاعر امتا دا يتزعل عليه وامتا يعدي او امتا افرح واحب الحاجه وامتا اتمسك بحاجه ومبقاش مضطره اسيبها ،ازاي بتعيط، حقيقي حاسه اني بقيت انسان بدائي ف التعامل مع مشاعره وفهم ذاته ...عرض المزيد

1 الدعم

11 نصيحة

Mango_73945 🇪🇬

متعبة من تعلقي بزميل العمل وغياب زوجي الانطوائي

السلام عليكم احكي مشكلتي اولا انا واحدة ذومكانة عالية في اامجتمع معي زوج و٣اطفال ااحياة الحمدلله ميسرة وزوجي رجل محترم جدااا فوق الوصف المشكلة لايوجد تواصل اومشاركة مابيني وبين زوجي لأنه انطوائي بعض الشئ عالعكس من انا اجتماعية ولي علاقات كثيرة الذي افتقده مع زوجي الونس والحوارتعلقت بالعمل من زميل شبه يوميا في العمل لاأقول تعلقي به فقط ونس لليوم ومبادلة الاراء والقرارات اصبح جزءا من يومي وحين تعلقت به كثيرا مع ضغط العمل اصبح اني اراه قليلا وبدأ هذا يؤرقني ليلا بنهارااصبحت ألجأ للصمت ولاأقول انه يتجاهلني وانما ضغط العمل جعله مشغولا والتمست له العذر اريد رأيكم ربما هذا تعلق واصبحت متعبة من ذلك ...عرض المزيد

1 الدعم

10 نصيحة

Chilli_63940 🇪🇬

موجوع اوي من فقدانك و عايز اقولك انك وحشتيني

بجد انا موجوع اوي فقدان الناس صعب اوي يا ملك لو شوفتي الرساله عايز اقولك انك وحشتيني رغم اننا لسه بعدين امبارح عايزك تلتزمي في الصلاه زي ما انا كنت بقولك تصلي كل صلاه كأني موجود وربنا يسعدك مع محمد انا اه مفيش حد بقى معايا خالص ولا صحاب ولا أهل بس انتي في الكام يوم انتي كنتي كل ده حتى جنى الخاينه اللي سبتها مزعلتش اني بعدت عنها زيك مع السلامة يا أطيب حد شوفته لازم ابعد عشان محمد لكن والله انا مش حابب ابعد لحظه وانتي عارفه ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع