علاقة بالأم

Apple_51831 🇪🇬

منذ 4 أشهر

شعور لا مبالٍ

Tomato_21859 🇪🇬 بصي مهما كان اللي حصل متشغليش بالك. مامتك عملت الغلط ده وبعد كده الحمد لله تابت وانت قولتي اهوو ان هي بقت مختمره وبتحفظ قرآن. ف بلاش نذكر حد بالماضي بتاعه وبلاش تفكيريها بده ك نوع من انواع الفضول وكده

عرض الكل 3 نصيحة

عبّر عن شعورك بشكل مجهول

جماعه عايزه احكيلكوا حاجه وشاركوني رأيكوا لأن الحوار ده مدايقني بصراحه
انا حاليا في ثانوي لكن من فتره كبيره وانا صغيره يعني كان عندي حوالي 8 سنين مثلا ماما قالتلي انا واختي هنروح القاهره وكدا وهنتبسط وهنقعد 3 ايام عند صاحبتي ف تمام ماشي روحنا ( ومعلومه ماما وبابا منفصلين من زمان ومن قبل كدا كمان ف احنا روحنا لوحدنا طبعا ) ف روحنا عند صاحبتها دي والمفروض اننا كنا هنبات عندها 3 ايام، صاحبتها دي احنا اول مره نشوفها اصلا وكانت مسيحيه وطبعا قاعده مع جوزها  واخوها وعندها ابن صغير كان اصغر مننا وقتها.
وده الي احنا ( انا واختي يعني ) استغربناه
يعني ازاي احنا وماما هنبات مع ناس وفي اتنين رجاله عايشين كمان في البيت واحنا مش متربيين على كدا خالص على فكره بس عدينا الموضوع خصوصا اننا كنا اطفال زي ماقلتلكوا.
تاني حاجه حصلت واستغربتها ان ماما كانت بتقعد قدام اخو الست دي بشعرها عادي!!!!
ف سألتها مره كدا قلتلها انتي ليه ياماما قاعده قدام الراجل ده بشعرك! قالتلي ده زي ابن خالتي عادي ياحبيبتي
واحنا بردو متربيين ان ابن خالتها ده مش محرم ليها ومينفعش بردو تقعد كدا قدامه!
لكن بردو سكتت وعديت الموضوع
الفكره كمان اننا ال 3 ايام دول ولا خرجنا ولا اتفسحنا غير مره واحده وكنا خرجنا نتمشى مش اكتر
يعني مكانش في بقى خروجه زي ماهي قالت ولا مثلا روحنا الاهرامات ولا عملنا حاجه يعني السفريه مكانش ليها لازمة بالنسبالنا انا واختي فاهمين!!
طب كل ده كان ليه وازاي ده كان بيحصل!
والراجل كمان مسيحي ف انا لما بفكر في الموضوع مكانش في اي حاجه طبيعيه!
وكل ما بفتكر ده وانا كبيره كدا بتدايق اوي وبيبقى جوايا 100 سؤال لكن بسكت.
ماما دلوقتي كويسه اوي واكتر من زمان وبتحفظ قرآن ودايما تفكرنا بالصلاة وبقت تلبس خمار لكن انا فعلا محتاره

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.