عائلية

Tofu_76733 🇪🇬

منذ 4 دقائق

شعور مكسور القلب

اصعب خذلان وتغيير الانسان ممكن يمر بيه هو تغيّر الاهل يعني اه صاحبتك او اللي كنتِ مرتبطة بيه اتغيروا معاكِ بتوجع ،بس مش اكتر م تغير الاهل انا طول عمري عندي Mommy Issues ،عمر م علاقتي ب امي كانت مستقرة خالص بس بابا كان احن واحد ف الدنيا عليا هو واخويا الكبير ولما كنت بتدايق او اتخنق او اعيط كانوا ب

Coffee_78161 🇪🇬

منذ 43 دقيقة

شعور شاعر بالملل

موضوع:

قرارات من الأهل كانت سبب في تغير حياتك

الزواج برغبه الاهل كان اكبر شيء سيء ف حياتى ولو رجع بيا الزمن ماكنتش هاوافق انما هو تم لاعتبارات بين الاهل وبعضهم ومكانش ينفع اخالف راى اهلى والا ابقى ابن عاق ودلوقتى مش طايق عشتى وعشان كدة بدور على حب جديد طول الوقت يعوضنى الحب اللى معشتوش

Watermelon_77928 🇪🇬 ظروفك تسمح بزواج تاني لو اه اتوكل على الله و دور لو لأ يبقى اتقي ربنا في نفسك ومراتك وبنات الناس، ماتوجعش قلبك وقلبهم معاك بس الاول حاول تصلح حياتك واطلب من زوجتك اللي انت محتاجه سواء معامله او حوار او اي حاجه بس ماتبقاش تعجيزيه وافتكر انها بنت ناس

عرض الكل 3 نصيحة

Strawberry_77778 🇪🇬

منذ 7 ساعات

شعور مكسور القلب

اكتشفت بعد الجواز ان جوزي قبلها كان بيقول لاخته متكلمهاش و سبيها تتفلق في الاوقات اللي كنا بنبقي متخانقين فيها مع ان في ف مره مكنش في حاجة و هو قالها كده بردو حتي مره زعلت منها في حاجة فا هي قالتله هي بتضايق من كل حاجة و هاعملها كويس عشانك بس مع اني معملتش حاجة اكتر من اني زعلت و واجهتها علي حاجة هي

Apple_78199 🇪🇬 اعتزلي اللي ياذيكي هي اصلا مش كويسه انها تيجي تقولك اللي هو بيقوله عنك من وراكي كلنا بنفضفض يعني هو لما بيبقي مزعلك مش بتتكلمي عنه وحش مع امك او حد من قريبه قريب ليكي طبيعي واحنا مضيقين مش بنشوف الحلو بتاع شريك حياتنا بس هي مش كويسه انها تشيلك من جوزك

عرض الكل 5 نصيحة

Banana_78158 🇪🇬

منذ 11 ساعة

شعور مليء بالحياة

موضوع:

قرارات من الأهل كانت سبب في تغير حياتك

عبّر عن شعورك بشكل مجهول

حابب احكي حاجه من الحجات الي اثرت علي حياتي اول حاجه قرار  انفصال بابا عن ماما وده ماما اخدتو بعد ما بابا اتجوز عليها للمره التانيه ساعتها كان عندي حوالي 19 سنه وهي لاقت منو عدم اهتمام وكل ده بس هي اختارت تنفصل عموما مكانش ينفع يكملو حياتنا مكانتش حلوه بسبب وجودهم هما الاتنين مع بعض بقا عندنا عقد نفسيه وقرف بجد بسببهم لانو انا من اول ما اتولدت بصراحه وانا عايش في المشاكل دي ما علينا بس بعد كده من فتره صغيره ماما اختارت تتزوج علشان هي مش مرتاحه وعلشان محتاجه كده انا كنت رافض بصراحه اكيد مش بعد كلو عايزه تسيبينا يعني لوحدنا !! انا فاهم انها ليها احتياجاتها ومشاعرها بس هي برضو عندها اولاد ع الاقل علشان الي في تعليم اعدادي والبنت الي لسه كانت في ثانوي بس ماما عملت الي في دماغها حاليا هي تقريبا مش مرتاحه اوي ومعتقدش بابا مرتاح اوي ومعتقدش انهم هيرتاحو بعد ما بقا عندهم اولاد وبابا عايش في مكان لوحدو مع زوجته وماما عايشه مع زوجها وسايبين اولادهم يخبطو في الدنيا وبيجو ليهم زياره كل فتره انا كنت عايز أفضفض مع حد ميعرنيش ولاقيت الفرصه دي فا حبيت اتكلم وعندي كلام كتير بصراحه بس انا لاقيتني كده مش بحكي لحد حتي معنديش صحاب قريبه مني اوي حاليا حتي صحابي الي كانو قريبين ميعرفوش عني حاجه غير اسمي  وعنواني

Apple_59116 🇪🇬

منذ 15 ساعة

شعور مرهق

انا عمرى ما ارتبطت خالص انا عندى ١٩ سنه ولا ليا علاقه بالبنات خالص حتى قرايبى معرفهمش ساعات ببقى بحس ان عايز اتكلم مع اى بنت شويه والدى ووالدتى منفصلين والاتنين اتجوزو وانا بضغط فى الشغل والدراسه وانا مش من النوع الاجتماعى خالص ساعات ببقى بحس ان عايز تشجيع او حد يهتم بيا انا ابويا وامى كارهنى وفي ما

Potato_78099 🇪🇬

منذ 18 ساعة

شعور مرتبك

قريبي اعترفلي انه بيحبني قبل كده و قالي انه ناوي ياخد الموضوع جد بس احنا لسه صغيرين و هو اكبر من بسنة واحدة ، احنا كنا قريبين جدا و احنا صغيرين و حصلت مشكلة مبينا فالنص و وقفنا كلام لمدة سنين كتيرة اوي و رجعنا اتكلمنا تاني بالصدفة من شهرين او شهرين ونص كده ، انا معجبة بيه برضو بس انا رافضة كل ده دلو

Mango_78097 🇪🇬

منذ 18 ساعة

شعور مكسور القلب

انا عاوز احكي مشكلتي انا شب عند ١٨ سنه من ٣ سنين ولدي ربنا افتكره وا رمضان الي فات امي بردو ربنا افتكرها عندي اربع اخوات اكبر مني ولدين وا بنتين وا انا الخامس بعد ما امي ماتت الكل اتغير كله ظهر علي حققته الي كان عامل بيحبيني طلع بيكرهني مفيش غير اختي الوسطانية هيا الي حبتني بجد انما الباقي سرقني في

Apple_72790 🇪🇬 خليك معاها هي خايفه عليك و بتحبك اعتبرها امك التانيه .. وانت شد حيلك وانزل شغل علشان تقدر تكفي نفسك ومتتقلش عليها بالعكس تكون سند معاهم ربنا يريّح قلبك ويسهّل لك أمورك ويهديك لسكينة مفيهاش وجع 💫💛

عرض الكل 5 نصيحة

Popcorn_68662 🇪🇬

منذ يوم واحد

شعور منزعج

عبّر عن شعورك بشكل مجهول

انا اول مره من ٧ سنين و ازعل لدرجه اني لساني يتشل و دماغي تهنج و تتعادل قدامي اوسخ ذكريات و تروما في حياتي . 
انا شخص مدمن متعافي من ٧ سنين بالظبط وشهر و الحمد لله عمري ما انتكست . بس الفتره اللي كنت فيها بضرب   و اول ما بطلت كنت منبوذ جدا من كل المجتمع بس كان في ليا ناس قرايبي هما من أهم ناس في حياتي و كنت بحاول أبقي في احسن صوره قدامهم . المشكله أنهم موقفوش معايا وقت التبطيل و التعب ويمكن بالعكس كمان هما كانو من اسوء ردود الفعل و المشكله أنهم اهلي او اخواتي الكبار ومربيني . بس رغم كل ده فيهم واحده كانت مهما تعمل مبعرفش ازعل منها و كانت أقرب من امي و يمكن اكتر شخص بحبه في العيله و اولادها كنت أنا بعمل زي ما عملت معايا ولحد نهار ده بيقولولي خالو . القصه ان عمرهم ما اعترفو في العيله اني لما بطلت بقيت شخص كويس لاء هما بيعيروني لحد دلوقتي و كأنها فاتوره طول العمر . . كل ده بقي حاجه و اللي حصل حاجه تاني. . . ٤ من العيال ولادهم كانو هيدخلو السكه الزفت دي . جامعات اجنبيه بقي وكلام ده . منهم  بنت اختي اللي كنت بقول عنها . 
طبعا أنا كنت وصلت لمرحله اني من نظره عين اللي قدامي وطريقه حركاته بعرف هو بياخد اي و قطع كام خطوه في السكه دي . موضوع كبير و طويل لسه بس الملخص اني لحقتها وفوقتها و عرفت اختي و حصلت بعدها احداث كتير اوي بس الملخص اني  بقيت بردو أنا السبب واني مش عايز أبقي وحش لوحدي فا بضائعهم معايا . ربنا يعلم أنهم لو انا مش موجود بنتها مكنتيش زمانها في البيت . 
انا سمعت كلام كان بيقطع فيا و للاسف مش قادر ارد ولا هعرف واللي زعلني انها عشان عارفه اني كده بقيت بتدوس عليا اكتر . لحد ما انفجرت . بس اللي حصل التشاور عليا واتقال الواد الفاجر اهو ده ناقص يمد ايدو علي أخته .والكلمه المعتاده 
ماهو بيقولك كان بيضرب تلاقي ياعم بيضرب زي ما هو  في مدمن بيبطل .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_77962 🇪🇬

منذ يوم واحد

شعور مرتبك

ايه رأيكم مراتي سابت البيت وانا كنت لسه كاشف علي بنتي وسابت البيت وقالت مش قاعده وكان كل همها نفسها وبس وبقالها تلات شهور ولا بتسأل علي بنتها ولا اي حاجه وبعت وسايط عشان اجيبها ..تقول اخد البنت الاول عشان تضغط عليا وبعدين نبقي نتصالح انا مغلطتش فيها ولا اي حاجه ..هيا كانت بتقول كده وخلاص وانا قلتل

Coffee_76974 🇪🇬 مفيش حاجه تجبرك غير البنوتة الجميلة اللي بينكم الفكرة هي انك تغير نبرتك المعتادة معاها وتقولها بنبرة هادي فيها قرار هترجعي نربي بنتنا ونعيش في هدوء وسلام ونخلي بالنا منها وكل واحد فينا يبق قلبة علي التاني ولا انتي مش ناوية تبقي ام ولا زوجة؟! وعلي حسب ردها خد قرارك وربنا يحل الامور من عنده بإذن الله

عرض الكل 10 نصيحة

French Fries_77876 🇪🇬

منذ يومين

شعور محبط

السلام عليكم انا اعاني من مشكله حياتيه .. عندنا مشاكل على الميراث كتيره جدا مخليه والدي عليه حكم وديما عايشين في محاكم وقله استقرار والمشاكل دي بقالها اكتر من 20 سنه وحاسس انها مش هتخلص قريب عندي 28 سنه وعايز اتجوز وانا مقبول وتعليمي عالي وحتا عندي وظيفه وظروفي الماديه كويسه وشخصيتي مميزه حتا ان ال

Kiwi_70606 🇪🇬 اخطر حاجه في الاسلام علم الفرائض اللي هو المواريث تدخل مع أقاربك وإحذر يكون أبوك واكل حق حد من أقاربكم في الميراث دي كارثه وماحقة للبركة والعمر وتسبب مشاكل وامراض ولا عمرك حترتاح منها إلا إذا قطعت عرق وسبحت دمه تدخل بنية الإصلاح ولازم الحقوق ترجع لاصحابها وتنازل من اجل الود وصلة الرحم وراحة البال وهدوء النفس وطمئنينة القلب ربنا ييسر لكم الخير والعدل

عرض الكل 4 نصيحة

Grape_72174 🇪🇬

منذ يومين

شعور خجلان

ابوس ايديكم ردو عليا قولولي اعمل اي علشان انا منهاره وايدي بتترعش قسماً بالله ، انا واختي عندنا ايربودز واحده وانا باخدها منها شويه وهي برضو وهكذا قفلت موبايلي وحطيته علي الشاحن كان فصل ودخلت استحميت طلعت شلت الايربودز من علي الشاحن وفتحتها وحطيتها لقيت اصوات قذره طالعه منها روحت اتأكدت ان موبايلي م

Chilli_76316 🇪🇬

منذ يومين

شعور مرهق

عبّر عن شعورك بشكل مجهول

السنة دي انا في اولى ثانوي وبدأنا بقالنا اسبوعين وشوية، مش هقول اني عندي مشكلة في المذاكرة مثلا او في الدراسه ذات نفسها انا عندي مشكلة في البيت من لما دخلت اولى ثانوي وانا بقيت في دروس كتير برجع من المدرسة الساعة واحدة وبروح الدروس برجع تسعة ثمانية بالليل ومعنديش اي اجازات غير اربع وجمعة دول اليومين اللي مش بعمل فيهم اي حاجة نهائي وبرتاح من ضغط الدروس لإنها بتكون في سنتر والسنتر بيكون توتر وزعيق وزحمة وامتحانات شهرية وإلى آخره مشكلتي هنا إن خالي دايما بيتخانق معايا على حتة اني مش بنضف البيت و متفتكروش انه كبير هو عنده تقريبا حوالي 26 سنة ؟... مش فاكرة بس المهم المنهج بتاعنا جديد ومحدش على اليوتيوب او على المنصات بينزل فيديوهات كتير واحنا لسة مخدناش دروس كتير عشان نذاكرها فانا مش شادة حيلي في المذاكرة اوي عشان متعبش وعشان زي ماقلت مفيش حاجة تتذاكر او كتب حتى خالي عنده مشكلة في الحتة دي برضو وبيقول انه شايفني فاضية ومش بذاكر ومش بعمل اي حاجة فيقوم ضاغط عليا، معنديش مشكلة اروق انا شخص بيحب التنظيم جدا وساعات بروق من غير ماحد يقولي لإني مبحبش اقعد في بيئة مش منظمة انا بس مبحبش ضغطه عليا بمعنى أصح وإنه مش فاهم إني بمر بتعب جسدي في الدروس اللي بروحها كمان برجع بالليل ببقى فاصلة جدا وتعبانة ومبقدرش افكر فمش هقدر اذاكر فبذاكر لما احس اني فعلا عندي طاقة لكدا لإن لو غصبت نفسي مش هركز اصلا وزي كإني مذاكرتش أي حاجة، كل ما ندخل في نقاش يزعق ويسكتني بالكلام وانا مبقدرش ارد عليه عشان لو رديت هبقى قليلة ادب بالنسباله واني بجحة وإلى آخره، فانا مش عارفة اعمل ايه بس تعبت من الحال دا، يعني الموضوع هادي شويتين ولكن انا اتضايقت لإني من يومين بالظبط كنت بعيط طول اليوم بسبب الضغط مقدرتش اوقف عياط غير على بالليل يمكن كلامي مش مترتب وعشوائي وهتحسوا ان مفيش مشاكل للدرجة دي بس المنهج اصلا بكالوريا مش ثانوية عامة وفي مواد كتير مش زي ثالثة اعدادي مثلا انا لو بالفعل فاضية وبقعد في البيت دايما مش بروحمدرسة او دروس كنت قلت حقه يزعق بس هو دايما بيشخط في وشي على الفاضي ومبقدرش اتكلم لإن النقاش معاه عقيم بصراحة، انا برجع من دروسي بعد يوم طويل مليان بيهم تسعة بالليل فبكون غصب عني همدانة وجسمي تعبان، وهو بيجي ويكلمني بطريقة انا مش بتقبلها واكيد مش هتغصب عليا حاجة او اسلوب انا مش بتقبله، المشكلة فيه هو مش فيا لإني زي ماقلت معنديش مشكلة اروق بس هو يزعقلي على اساس ايه؟ دايما بيتحجج ان كل اللي في البيت برا في الشغل ولما بيكونوا برا انا يكون موجودة في البيت عادي واني مش تعبانة زيهم فانا بستغرب انه شايفني فاضية وسط ما انا برجع من دروسي تسعة بالليل مثلا وكمان بيبقى في تقييمات في المدرسة والتقييمات دي اللي بتبقى ماسكة درجاتی اصلا كلها في امتحانات اخر السنة يعني لو نقصت فيها هسقط والمدرسين بيقولوا كدا مع انها مجرد تدريبات يعني والمدرسين بيساعدونا فيها ولكن هي جزء من درجاتي النهائية عشان اقدر اطلع تانية ثانوي بكالوريا بإذن الله، فانا شخص ناضج وعارف مسؤولياتي كويس وهعمل ايه وهرتب ازاي وهذاكر ايه، طريقتي في المذاكرة متخصكش لإني ممكن اكون بذاكر قدامك بس لما انت تمشي بقعد العب يعني اضحك عليك وعلى نفسي واضرني انا في سبيل اسعادك ليه؟ مش مستنية حد يعرفني اللي المفروض اعمله في البيت، انا لو كنت لسة في تالتة اعدادي كنت هقول حقه يزعق لإني في تالتة مكنتش بروح المدرسة ومكنتش بروح غير درسين فمعظم وقتي ببقى في البيت فاضية ومش تعبانة فانا اقدر اروق، بس انا في اولى ثانوي وكبرت ومش محتاجة حد يعاملني كاني لسة عيلة، بس بحاول اسايسه عشان مبوظش اعصابي لإن نفسيتي كانت السنة دي اصلا بايظة ولازالت، لكن بحاول اخد كل حاطة بشويش عشان اركز اكتر في مستقبلي بدل العبط اللي بيحصل،ولما بحاول ابرر موقفي مش بيصدقني وبيضحك عليا وبيلومني لما اسكت في نفس الوقت فانا مبعرفش اعمل حاجة غير اني اقول تمام واقوم اعمل اللي هو عاوزه واقعد تاني، مش عارفة بحكي كل دا ليه لكن حسيت ان الموضوع بالفعل ضغط جدًا بصراحة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_77677 🇪🇬

منذ 3 أيام

شعور مرهق

عبّر عن شعورك بشكل مجهول

اغلب الناس الي ف حياتي بيستقلو بيا و مبيحترمونيش و بيشوفوني اقل منهم لاني ببساطه عايشه عادي و بحاول و مش كل الاوقات محاولاتي بتنجح هما دايما شايفين اني لازم اكون بحقق حاجه و بنجح ف حاجه مينفعش اعيش عادي مينفعش ابقا زي باقي الناس الي عايشه و بتروح جامعتها و خلاص لا انا لازم اشتغل و لازم يبقا معايا فلوس و لازم يبقا معايا لغه و انا مش عارفه احقق كل دا ف وقت واحد و مش عارفه اعمله لوحدي محتاجه حد معايا يدعمني ماديا او معنويا لكن انا حاسه ان انا الراجل مش البنت بشتغل و بصرف ع نفسي و بحاول و بسعى علشان اعمل حاجات انا مش عايزه اعملها اصلا و الا لو معملتهاش هبقا اقل منهم و مش هرضيهم طبعا مش هينفع اطلب فلوس لنفسي لان مفيش حد مسؤوله منه ابويا ميت و اخويا الكبير مبيشتغلش و مريض نفسيا قاعد ف البيت و كده كده ابويا لما كان عايش مكانش بيصرف علينا بما يرضي الله و اخر سنه قبل ما يموت هربت منه و من ظلمه و قسوته انا و امي و اجرت شقه بفلوس معاشها و اشتغلت و بقيت انا الي بصرف ع البيت ف سن ال17 و ف اولى ثانوي و عرفت قد اي الدنيا مبترحمش 
و دلوقت لو طلبت فلوس للجامعه من اخواتي البنات باخدها بالعافيه و بتذل عليها بعدين كل واحد شايل نفسه و كل واحد عايش علشان نفسه بقيت حاسه اني عايشه ف مجتمع اناني و قاسي كل واحد شايف مصلحته و بس و بيجري عليها و كل واحد بيحاول ياخدله اكبر نصيب من الدنيا كأنه كده هيبقا أسعد بقينا عمليين مفيش كلمه حلوه ولا حنيه ولا مساعده من غير مقابل معرفش هو العالم كله كده ولا انا الي مفيش حظ ف حياتي؟ الدنيا صعبه اوي و كل حاجه صعبه كل يوم قلبي بيدق اسرع من الخوف و مخي بيفكر اكتر من القلق و رجليا بتجري علشان الحق مواعيدي و حياتي متضعش مني و خلاص جبت اخري تعبت و نفسي ارتاح نفسي اتطمن نفسي احس اني بخير او  ع الاقل الي بعمله دا يبقا بفايده ف الاخر.. كان نفسي العالم يبقا احن عليا من كده.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_28284 🇪🇬

منذ 3 أيام

شعور محبط

عبّر عن شعورك بشكل مجهول

جماعة انا عندي مشكلة وهي معاملة مامتي اكتشفت أن هي ع طول بتتكلم عليا وحش مع اخواتي ولما اقعد معاها تتكلم وحش ع الباقي وبتعمل كدا مع كله ع حسب اللي قاعد معاها اللي هيجنني هي بتتكلم عليا وحش ليه انا مبعملش معاها اي حاجه وحشه وبتجنبها تماما لما اكتشفت دا بتعامل معاهم ف البيت كأني عايشه ف بيت لوحدي مش باخد منهم غير فلوس لكن حتي الاكل مبقتش بتعمل اكل ومفيش فطار ولا عشا فانا باكل اي حاجه او بعمل لنفسي وانا ف كلية وبرجع ملاقيش اكل مع أن دا ابسط حقوقي اني الاقي وجبه واحدة بس ف اليوم تكون جاهزه وطعمها حلو هي حتي لو عملت بيبقي الطعم مش حلو خالص بتكروت اي حاجه ، مش دا اللي مضايقني اللي مزعلني بجد أنها مش مدركه ايه اللي هي بتعمله انا لو قعدت معاها كلامها كله سلبي ووحش مش بتعمل حاجه غير أنها بتحسسني اني اوسخ شخص ف العالم لو خدت رأيها ف حاجه بتقول وحشه عمرها مابلت ريقي بكلمه حلوة بتتريق ع شكلي وع جسمي من ورا صغيرة وبتشكر ف ناس تانية زي ولاد خالتي لكن تيجي عليا وهي مكرهاني ف شكلي وجسمي من وانا صغيره ابقي خارجه واوريها شكلي تقعد تنتقد وتفكرني بعيوبي زي مثلا انتي وشك صغير بالنسبه لجسمك طب انا ذنبي ايه كبرت معنديش ثقة ف نفسي وبكره نفسي ومش عايزة اتجوز وعايزة حياتي تنتهي ومعنديش شغف لاي حاجه ولما اتجنبها عشان نفسيتي بتقعد تقول انتي بارده وبقيتي رخمه وفظيعه دا كله عشان يتجنبها ومش بحب اتكلم ع الناس بالوحش أو عن اخواتي رغم أنهم بيتكلموا عليا اسوأ كلام بس مبحبش ارده ليهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_50514 🇪🇬

منذ 6 أيام

شعور مستنزف

هو الذنب الي عملته لدرجه امي تفضل تدعي عليا مره بالموت و مره بنار جهنم مع ان انا اكتر واحده معاه و كل اخواتي بيلعبوا ويعلوا صوتهم و كمان في منهم مش بيصلوا لكن عمرها ما دعت عليهم و كل شويه تتكلم عليا بالسوء و تستغل الفرصه انها تهيني و عمرها ما قالت عني حاجه حلوه لدرجه بقيت متأكده ان مفيش حاجه حلوه في

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع