انفصال بابا وماما وتركنا نخبط في الدنيا

Question

حابب احكي حاجه من الحجات الي اثرت علي حياتي اول حاجه قرار  انفصال بابا عن ماما وده ماما اخدتو بعد ما بابا اتجوز عليها للمره التانيه ساعتها كان عندي حوالي 19 سنه وهي لاقت منو عدم اهتمام وكل ده بس هي اختارت تنفصل عموما مكانش ينفع يكملو حياتنا مكانتش حلوه بسبب وجودهم هما الاتنين مع بعض بقا عندنا عقد نفسيه وقرف بجد بسببهم لانو انا من اول ما اتولدت بصراحه وانا عايش في المشاكل دي ما علينا بس بعد كده من فتره صغيره ماما اختارت تتزوج علشان هي مش مرتاحه وعلشان محتاجه كده انا كنت رافض بصراحه اكيد مش بعد كلو عايزه تسيبينا يعني لوحدنا !! انا فاهم انها ليها احتياجاتها ومشاعرها بس هي برضو عندها اولاد ع الاقل علشان الي في تعليم اعدادي والبنت الي لسه كانت في ثانوي بس ماما عملت الي في دماغها حاليا هي تقريبا مش مرتاحه اوي ومعتقدش بابا مرتاح اوي ومعتقدش انهم هيرتاحو بعد ما بقا عندهم اولاد وبابا عايش في مكان لوحدو مع زوجته وماما عايشه مع زوجها وسايبين اولادهم يخبطو في الدنيا وبيجو ليهم زياره كل فتره انا كنت عايز أفضفض مع حد ميعرنيش ولاقيت الفرصه دي فا حبيت اتكلم وعندي كلام كتير بصراحه بس انا لاقيتني كده مش بحكي لحد حتي معنديش صحاب قريبه مني اوي حاليا حتي صحابي الي كانو قريبين ميعرفوش عني حاجه غير اسمي  وعنواني

Mango_74700 🇪🇬 · Answer

ربنا يكون في عونك يارب

Banana_78158 🇪🇬 · Answer

يارب وفي عونا جميعا

Apple_72790 🇪🇬 · Answer

ركّز إنك تبني حياتك وتتعلم من التجربة دي إزاي تكون راجل متوازن ما يتأثرش بالخلافات دي
واللي اتكسر بينهم ما تخليش يكسر جواك فكرة البيت أو الحب
ربنا يعوضك راحة وسلام في قلبك ويخليك سبب خير لنفسك وللي حواليك 💛💫

Watermelon_66226 🇪🇬 · Answer

كام سنه دلوقت ؟

Banana_78158 🇪🇬 · Answer

يارب بجد ويوفقني انا واخواتي ونبقا احسن في حياتنا 
لا انا حد بيفكر بعقل اكتر من المشاعر انا حاطت لكل حد فيهم عذر عشان انا فاهم طريقه تفكيرهم بس بقعد مع نفسي بزعل عليهم وعلي الي وصلنا ليه وبزعل اكتر لما بتخيل اخواتي الاصغر مني بيفكرو في اي لما يشوفو حد من صحابهم واهلو حواليه بس الظرروف دي خلتنا كلنا احسن في حياتنا وعندنا شغف وطاقه ننجح اكتر

Banana_78158 🇪🇬 · Answer

23الحمدلله