طفولة داخلية

Marshmallow_69067 🇪🇬

منذ 3 أسابيع

شعور غير مكتمل

عبّر عن شعورك بشكل مجهول

اول مرو كتبت هنا اني عشت عمرى كله *مغمضة عنية* عايشة في خيالى مع ناس مش موجودة في الواقع بس الحقيقة دا مكانش عشان انا شخص وحيد انا مكنتش بحب الناس لدرجة انى كنت عايشة اغلب عمرى لابسه *الهيدفون بتاعتي* وكنت بتعصب جدا لما مش بلاقيها مجرد نزولي من البيت كنت لازم البسها واسرح في الطريق مكنتش ببقى شايفة الطريق كنت ببقى شايفة العالم.. تفاعلى مع الناس في الواقع كان قليل اوي حاولت اندمج معاهم بس كنت بحس ان انا مش انا كان لازم اتعامل بطريقتهم عشان ابقى وسطهم بس محدش فيهم كان شبهي او على الاقل اقدر اشارك افكاري معاهم في المدرسة،في الكلية، حتى لما حاولت اشتغل كنت ديما لابسة الهيد فون وبرسم عيون عندي كنان ادمان لرسم العيون برسم على كل حاجة ممكن اكون سرحانه والاقي نفسي برسم عيون مكنتش لسه اتعلمت انى اعرف ارسم باقي ملامح الوش بس مع الوقت اتعلمت ارسم كويس فكنت برسم ملامح من خيالي لشخص كنت كل لحظة بصدق انه موجود شخص بكلمه بيني وبين نفسي على الورق بقى عندي نوتس كتير بكتبله فيها وجوابات .. من غير مااحس فاتت سنين كتير والدنيا من حوليا بتكبر بس انا لسه هناك نفس البنت الصغيرة الي عايشة في الاحلام مكانش فيه حاجة في الواقع ممكن تملى قلبها اي مشاعر حلوة الخيال هو كان التعويض الحقيقي لقلبها ..*الخيال والطريق والليل والهيدفون* مكنتش برتاح لما بتكلم مع حد مكنتش بتفهم كنت بحس اني غريبة او كائن جى من عالم تاني بس من برا بحاول اكون شبهه الناس.. 
كان عندى هوس بالاماكن المهجورة الواسعه كنت بحس انها شبهه قلبي وانها جميلة بس محدش شايفها صح..

كنت بستمد المشاعر من كل حاجة حوليا مش من البشر .. البحر بالليل الهوا الشجر والطريق .. كانت لما الدنيا تمطر كنت برفع وشي للسما واغرق نفسي بالشتا 
كنت بحس ان روحى بتتغسل بالمطر..شخصي الخيالي بالنسبالي كان كل الحاجات دى..

مرة حلمت بجد مش خيال انى كان عندي مرسم وكنت قاعدة برسم لوحه وشوفت حد ماشي من ورايا شوفته من ضهرة كان بيغنى وبيقول "انا زارني طيفك في منامى قبل ما أحبك طمعني بالوصل وسابني"  كانت اغنية فيروز 
استغربت اوي انى حلمت الحلم دا لاني مكنتش بفكر في الاغنية دي بس حسيت ان في حد في عالم تاني حاسس بيا..

ممم الحلم حلو والخيال بيشفي بس لما بيطول انه خيال الانسان بيتعب مع الوقت ومع مرور السنين اندمجت في الواقع ومع صدمات الحياة ونسيت احلامى

امبارح كنت بتكلم مع بنوتة صغيرة هنا فكرتني بنفسي وانا في نفس سنها عندها نفس احلامي وعندها شخص خيالي مستنياة وعارفاه  كلامها صحى الطفلة الصغيرة الي جوايا فكرني بحاجات حلوة كنت نسيتها ..

اتمنالها فعلا تقابل شخصها الخيالى  الي يداوي قلبها يمكن يتحقق معاها الى معرفتش احققه 🩷

*اناا زارني طيفك في منامي قبل ما أحبك طمعني بالوصل وسابنى وانا مشغول بك*

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_16774 🇪🇬

منذ سنة واحدة

شعور شاعر بالملل

Mango_17988 🇺🇸 الكلام ده فرق معايه شويه بجد شكراً اوي

عرض الكل 2 نصيحة

عبّر عن شعورك بشكل مجهول

كلام اهلك السلبي مجرد موجات صوتية في الهواء من حظك بس انك سمعتها 
هما بيعيشوا حياتهم ل اول مرة زيك بالظبط ولكن اللي عاشوه في طفولتهم م انصفهمش 
تبديل الادوار اللي عملوه واحساسك المستمر بالذنب ده مش حقيقي ده سجن ولازم تفهم ده عشان لما تفهم ده هتتفك من السلاسل دي 
-بالمناسبة سيرش عن تبديل الادوار قناة سحر النادي لو مهتم بتبديل الادوار اللي بيعمله الآباء كإنهم الابناء في انهم يشيلوك همومهم وانت انت ولي الامر لو مهتم-
بذمتك عايز تكمل في الاحباط وتبويظ الحياة وتكون نسخة تانية منهم؟
الاوقات الحزينة والكئيبة بتعدي ببطىء stay positive بس مش بالشكل المتعارف عليه ده لا ده عشانك بس عشان الاوقات الحلوة بتعدي بسرعة هتلاقي الدنيا طارت معاك هوا جيت خفيف ومشيت خفيف عالقلوب وسهلة على قلبك
انت لسه بتبني نفسك ابنيها على اساس قوي مش هش 
اشتغل على تطوير نفسك نفسيًا او تنمي قدرات او رياضة او حاجات مهتم بيها انت بتبدأ حياتك لسه هما خلاص شايفين انهم عملوا دورهم واتجوزوا وخلفوا مش شايفين ان في اكتر من كده ممكن يتعمل 
انت تستحق كل حاجة كويسة والله العظيم مش مجرد كلام 
افتكر دايمًا نفسك وانت صغير وتخيل نفسك في مكانك الآمن على البحر مثلا…تخيل وانت بتحضن نفسك وانت صغير على موقف انت ندمان عليه حاليًا شوف وقت ما عملته كان نفسك في ايه وقتها …حضن؟ احضن نفسك ،حد يجيبلك وجبة بتحبها؟ جيبها لنفسك او حتى تخيل في مكان هادي..من رحمة ربنا ان مخنا مش بيفرق بين الحقيقة والخيال ،كان نفسك وقت ما عملت الموقف ده حد يطبطب عليك طبطب على نفسك تخيل وانت بتحضن نفسك بجد وانت صغير …انت ضحية مفيش حد تحت ١٨ سنة بيبقى متحمل كل المسؤوليات دي… على قد ما تقدر تخيل عشان خيالك اللي هايحررك ولكن لازم يكون بيدفعك لقدام اي حاجة بتدفعك لقدام هي نعمة مش نقمة حتى لو فجأة لقيت نفسك بتضحك من غير سبب كمل في الضحك متوقفش ده coping mechanism متقلقش روق شوية
حب نفسك لانها تستحق انها تتحب عشان لو محبتهاش مش هتحب اي حاجة في الدنيا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_49071 🇪🇬

وقت التغير حان.. خايف من ايه ياصديقي؟

لقد حان الوقت حان وقت كل شي حان وقت التغير حان وقت أن نكون افضل مافي افضل من انك تعيش من أجل نفسك من أجل روحك اهتم بنفسك اهدي دي دنيا ياصديقي خايف من اي كلها كام سنه ونمشي انت عاوز اي عاوز تبقي كويس عاوز تبقي ناجح مينفعش نعمل دا يعني واحنا مطمنين أن عمرنا مش خيضيع ف حاجه وحشه ركز ع هدف واهدي وصلي ع النبي وهدي روحك واصبر عارف أنه صعب بس لازم نحاول ولا عاوزنا نفضل كدا ياصديقي؟ ...عرض المزيد

0 الدعم

0 نصيحة

Banana_74196 🇪🇬

شاب محافظ عايز بنت حلال من غير ماضي - نصيحة

أنا شاب عندي 25سنه وكنت دائما بحاول احافظ علي نفسي ومكلمش بنات حتي في فترة الثانوي أو الجامعه او حتي الشغل حاليا واستنيت الحاد ما اكون قادر افتح بيت وشغال وعندي شغل جانبي دورت كتير جدا ملقتش بنت الحلال نفس ظروفي تكون مسبقش ليها تجربه الارتباط سوا رسمي أو غير رسمي ف هل فعلا صعب الاقي حد زي حالاتي ولا ايه انا شايف أنه من العدل علي الاقل اني أطالب بحاجة زي كده ولا تفكيري غلط لو سمحتم نصيحه ...عرض المزيد

1 الدعم

0 نصيحة

Pistachio_67952 🇸🇦

بلاش تضيع عمرك في علاقة فاشلة وتأمل التغيير

حابب اقول ان اكتر حاجه تضيع عمرنا وحياتنا ..اننا منكنش عارفين نفسنا كويس ..ولا عارفين ايه اللي عايزينه من الدنيا..ولا عارفين ايه اللي يسعدنا بلاش تدخلو علاقه فاشله من البدايه وتكملو وتضيعو عمركم علي اساس تعدلو من سلوك الشخص اللي معاكم او انه هيتغير مع الوقت اوقات كتير اختيار اننا نكمل لوحدنا او ننسحب بدري افضل بكتير ..نكمل ونعمل حجات نحبها ..نكمل مع اصحاب شبهنا ..نكمل ونعمل اللي يسعدنا من غير ما نظلم اي حد حولينا ........ ...عرض المزيد

2 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع