ضيق تنفس

Chocolate_40055 🇪🇬

منذ 6 أيام

شعور ضائع

انا حاسه بزعل اوي و حاسه اني مكتئبه و اني ضايعه و انه حياتي بايظه خالص و حتي الكلام و الاحاسيس اللي جوايا مش عارفه اقولها من كتر ما انا ضايعه ، عايزه طبيب نفسي بجد او حتي حد درس في المجال ده شوية او بيفهم و لو جزء فيه و يقدر يساعدني و يسحب مني الكلام ، يمكن لو قدرت افضفض ارتاح لأني حتي العياط مش عار

Coffee_65143 🇪🇬

منذ أسبوعين

شعور مكتئب

عبّر عن شعورك بشكل مجهول

انا تعبت .. كلمة تعبت متقدرش تشرح حالتي .. انا داخل في ٣٢ سنة .. عايش من غير لا صحاب ولا حياة اجتماعية ولا ارتباط من ساعة ما اتولدت و انا عايش في معاناه و ابتلاءات تقريبا مشفتش يوم واحد في حياتي حلو الا الفترة اللي ادمنت فيها الكحوليات لأنها كانت بتعمل حاجز ما بيني و بين المشاكل و كانت بتخليني مبسوط بشكل مؤقت و لما حياتي كانت هتتدمر بسببه بطلت من ٥ سنين و مقربتش من اي حاجة من ساعتها .. بردو الابتلاءات و المشاكل مبرتحش منها حتي يوم واحد .. انا انسان كويس والله و مش وحش و مستاهلش كل العذاب ده في حياتي .. انا بحب الناس و بحب اساعد اللي حواليا و اعمل خير و مش عايز اي حاجة لنفسي .. نفسي يعدي عليا يوم كويس ..يوم واحد اعرف اضحك أو احس براحة نفسية .. عملت كل حاجة مفيش فايدة .. بقيت انسان كويس و ملتزم مفيش فايدة .. وصلت لاني مبقتش محتاج حاجة في حياتي لا فلوس. لا جواز ولا اي نوع من النعم .. بقيت زاهد .. مش عايز اي حاجة غير يوم واحد يعدي عليا من غير معاناه .. بتعالج من الاكتئاب بقالي سنين و الأدوية مغيرتش حاجة ولا الجلسات النفسية .. انا عملت كل حاجة و عايش في suffering .. ليه الإنسان الكويس بيتعذب و الإنسان السيء بيعيش مبسوط و حياته بتمشي و الطيب و الملتزم بيتعذب .. اظن ده مش اختيار ربنا و ربنا مش هيخلق حد كويس علشان يعذبه .. في حاجة مش مفهومة و مش هتتفهم بس انا نفسي يعدي يوم عليا واحد كويس .. ادعولي .. محدش ينصحني لاني عارف و متاكد ان اللي جي مش احسن و اللي جي أسوأ و مفيش حاجة هتحل الموضوع ده .. انا مبفكرش في الانتحار علشان حاجتين .. علشان انا جبان و مقدرش اعمل حاجة زي كده و علشان والدتي و اخويا محتاجيني معاهم و انا بحاول اتماسك علشانهم بس مفيش فايدة .. حرفيا هو الحاجة الوحيدة الكويس اللي فاضلة في حياتي .. انا عايش بتنفس بس و ياريت حتي عارف اتنفس .. حتي الحاجة اللي فاضلة علشان احمد ربنا عليها اني بتنفس .. عايش بقالي فترة بضيق تنفس بدون تشخيص طبي و كل فحوصاتي سليمة و مفيش سبب لضيق التنفس .. انا عايش مش شايف حواليا غير سواد و يأس و نكد .. اسف اني طولت عليكم .. بس مليش حد احكيله .. شكرا لاهتمامكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_67731 🇪🇬

منذ 3 أسابيع

شعور ضائع

بتسيطروا ع anxiety attack إزاي الموضوع مرهق اووي بجد ولازم كل ماابقي لوحدي يحصل وباخد وقت طويل عقبال ما ارجع اتنفس طبيعي والمخيف بالنسبة ليا إن ماينفعش يحصل ابدا ف شغلي ماينفعش اسيبها تسيطر عليا بس للاسف الموضوع بيزيد ويتطور غصب عني

Watermelon_67328 🇪🇬

منذ 3 أسابيع

شعور مكسور القلب

انا دايما حسا اني لوحدي و مكسوره . انا حساسه اوي و بفكر في كل حاجه حوليا كتير و بخاف من كل حاجه و من غير سبب انا مبطله ثرابي عشان مكنتش مرتاحه بس بجد من بعد ما بطلت و انا مش كويسه خالص و كل شويه اقعد افكر في حاجه تئذيني مهما كانت بس بحاول اتجاهلها انا بجد تعبت جسمي دائما واجعني و عندي ضيق تنفس و دائ

Mango_63291 🇪🇬

منذ شهر واحد

شعور محبط

جكاعة ممكن حد يفدني انا من شهرين فجاه وانا اعدة بدات احس بضيق تنفس وكمه وخنقة روحت كشفت وعلت اشعه ايكو ورسم قلب ومكنش ف حاجة وعملت اشعه عالصدر برضو مفيش حاجة ومازلت لسة بحس بالضيق دا ساعات ودي حاجة مديقانني اوي ممكن حد يفدني وهل ف فحص معين تاني المفرود اعمله ?

Banana_62014 🇪🇬

منذ شهر واحد

شعور متوتر

عبّر عن شعورك بشكل مجهول

انا بنت وحيدة بابا وماما عندي ٢١ سنه طول حياتي عايشة ف حاضر ونعم ومش بتمرد حتى لو ع حاجة تافهة بسيطة زي اكل ايه او البس ايه او حتى امشي اني امشي من طريق معين حتى لو قولتلهم لا ع حاجة دماغي بتقعد تفكر وارجع اعمل الحاجة الي قالولي عليها
ماما عندها تحكم جامد فيا لدرجة انها لازم تعرف انا باكل ايه فالوقت الحالي ولو الاكل معجبهاش تقولي لا كلي كذا وكذا لو حبيت اكل توفي لازم تكون عارفة لو جبت حاجة من برا وكلتها برا لازم تكون عارفة 
الموضوع بدا يخنقني حدا بصراحة وتعبت نفسيا حاسه ان مفيش حاجة فحياتي واخداها بقراري انا وحاسة اني لو بعدت عنهم مش هقدر اعيش ولا اخد قرار
حاولت لما اجيب حاجة مش لازم اقولها او اوريها جبت ايه بحكم انها حاجة عادية مش هتأثر بس لقيت رد فعلها مبالغ فيه لدرجة انها قالتلي انتي مريضة نفسيا "انا بقيت مريضة نفسيا عشان مورتهاش انا جبت ايه" هو فعلا انا بقيت مريضة نفسيا بسبب الي هي بتعمله دا  
ساعات بقول انه المفروض تعرف انا جبت ايه لان فالاخر انا مش بشتغل وعالة عليهم فا لازم يعرفو فلوسهم الي بيصرفوها راحة فين 
بس فنفس الوقت بابا ف حاجات كتير اوي اوي ميعرفش اني جبتها وبيبقا عادي مع الموضوع مش فاهمة ليه ماما متحكمه فيا اوي كدا 
وحاجة تانية برضو بتضايقني منها اني لما بجيب حاجة واخليها لبليل وقت سهرتي وماما تعرف بتضايق جدا وبتقعد فترة تلمح بالكلام اني باكل ومش بسأل فيها رغم انها بتبقا حاجة تافهة والله زي شبسي او كراتية وكمان بتبقا هي نايمة وانا لما بسهر بجوع فا طبيعي اكلها بالليل
حاولت مرة اقول لبابا انهم متحكمين فيا وفاختياراتي بابا زعل جدا واتضايق و مفيش اي حاجة اتغيرت وكل الي قاله اتمردي "انا مش فاهمة يعني ايه اتمرد ولا اتمرد ازاي وهم كل حاجة بعملها بيزعلو ورد فعلهم بيبقا مبالغ فيه" 
بابا متحكم معايا مش زي ماما بس لازم لما يقول الحاجة تتنفذ ومش مهم خالص اني اعرف ليه *اعتقد معظم الآباء كدا*
حاسه اني بتعامل عواني عيلة صغيره لسه سنتين مش مدييني اي راحة ولا خصوصية حتى اوضتي مش عارفة اقفل الباب عليا لانه ممنعوع "لسبب انا معرفهوش"
انا معرفش الاهل بيتصرفو ازاي مع عيالهم وهل دا طبيعي ولا لا لاني معنديش حد قريب مني وبتحرج اتكلم فالموضوع دا مع حد لان مرة فثانوي كنت بتكلم ف حاجة حصلت وع رد فعل اهلي لقيت زمايلي بيقولو انهم متحكمين جدا 
اسفة لو طولت بس الموضوع مأثر عليا جامد ومش عارفة اعمل ايه يمكن فضفضتي تفك عني الضيقة شوية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_58180 🇪🇬

منذ شهر واحد

شعور مرتبك

عندي كميه أفكار داخليه مزهقاني لدرجه اني حاسس بضيق تنسب رهيب و انا دايما لوحدي معنديش حد احكيله ويسمعني ودايما بكبت ف نفسي لدرجه اني جالي السكر وأنا عندي 20 سنه وحاليا عندي 23 ولسه وحيد زي مانا ولسه فيه خناقات ف دماغي مع اني الحمدلله شغال كويس قال ميديكال فيلد

Avocado_26405 🇪🇬

منذ شهرين

شعور مكتئب

بحس اوقات كتير انى مش هقدر اكمل الحياة أو انى مش هعرف اعيش والموضوع بيزيد أو بحس بيه فى كل مرة احس بضغط وكمان عندى مشكلة انى مش بعرف اخد قرار وبقلق كتير فبحس باختناق وضيق تنفس تعبت من الضغط النفسى خايفة اوى ومحتاجة حل عشان اقدر ارتاح فى الاجازة قبل تالته ثانوى واقدر اخد قرار بين علمى علوم ورياضة أ

Sugar_59393 🇪🇬 طب ايه رأيك تفكري في اكتر حاجه بتحبيها وتعمليها قبل ما تبدأي دراسه بحيث لم تيجي تبدأي تكوني مليانه نشاط و وشغف كدا،واه كمان شوفي ايه اكتر مواد سهله بنسبالك وحتت الأهل دي ملكيش دعوة بيه خصوصا أن دا مستقبلك مش بقول انك تعصي وكدا لا براحه خالص أنا ياماما مليش ف ماده دي صعبه وممكن اجيب تقدير وحش وكلام من دا وان شاء الله اتمني لك التوفيق من كل قلبي🫶🏻🌷

عرض الكل 3 نصيحة

Strawberry_56989 🇪🇬

منذ شهرين

شعور لا مبالٍ

انا كان بيجلي كل فتره كدا اني بفضل حوالي كام ثانيه او دقيقه مثلا مش عارفه اخد نفسي انا بتنفس عادي لاكن مش بحس النفس بيوصل ل الرئه وسعات بتوصل أن عيني بدمع من كتر م خلاص النفس مش واصل كفايه عندي والفتره دي زادت عندي جدا بقت كل يوم وكذا مره ف اليوم ف لو حد عندو شبهي أو حد عندو خلفيه عن اي السبب الي بي

Blueberry_52260 🇪🇬

منذ 3 أشهر

شعور قلق

جماعه هو ايه سبب اني مؤخراً بقيت لما بشرب قهوه او نسكافيه بعدها على طول او ممكن اصلاً وانا بشرب بيجيلي ضيق تنفس و بيفضل لفتره طويله اوي اااااااااااااااااااااااااااااااااااااااااااااااااااااااااااااااااااااااااااااااااااااااا

Mushroom_51170 🇪🇬

منذ 6 أشهر

شعور متوتر

انا بيجلي ازمات تنفس مش بقدر اخد نفسي وكده المهم ان والدتي شايفة اني بستعبط ودايماً بتقعد تقول اني بتدلع مع انها بتشوف انا ببقى عامله إزاي وروحت كذا مره بسبب الازمات دي المستشفى وهي بذات نفسها بتسمع الدكاتره بيقولوا ايه وان قد ايه الموضوع خطر وكذا مره اخويا الكبير اتخانق معاها بسبب انها مش بتبقى مه

Cookies_52027 🇪🇬

منذ 7 أشهر

شعور لا مبالٍ

دايما ف وسط م الدنيا رايقة بلاقي سبب يخليها تتلخبط بعشق المعاناة وضيق التنفس ولما بلاقي نفسي اتخطيت زعلي ع حاجة معينه برجع انغوش فيها انا حرفيا لما الدنيا بتبقي ماشية حلو معايا بزهق موت ودماغي مبتلاقيش حاجة تفضل ترغي فيها وت اوڤر ثينك ف بتدور ع حاجة تنكد ليا بيها هو ده طبيعي يجدعان وفي حد زيي ولا

Chocolate_45065 🇪🇬

منذ 9 أشهر

شعور مرهق

عبّر عن شعورك بشكل مجهول

بصو هقول علي حاجه بتحصلي الفترف دي (القصه حقيقيه)انا في ثانوي عام كان في ولد معايا في اعدادي كان بيحبني بس كان دايما بيعملي مشاكل لدرجه ان انا تعبت نفسيا وكان في ولاد صحابو لما كانو يشوفوني في الشارع يقعدو يلقحو ويندهو باسمو بعدها بفتره عرفت ان في واحد تاني هو قدي وبيجي معايا الدروس هو كان شكله مستفز كدا وكان رخم هو كان شغال في الصيدليه ال الشارع بتاعي بعد شغله بفتره انا كنت ماشيه فا في بنت من ال شغالين في الصيدليه ندهت عليا وقعدت تسءلني عن اسمي وانا في سنه كام واسءله تانيه انا كنت بحسب دا عادي بس لما جابت سيره الولد دا عرفت انه قالها حاجه عليا بس نفضت للموضوع وبعدها بكام يوك طنط ال في السوبر ماركت ال تحت بيتي كنت انا راجعه من الدرس وندهتلي فضلت تسالني عن الود دا وتقولي انه بيحبني وانه عايز رقمي وانه بيفضل يسالها عني انا كنت واقفه مصدومه لدرجه اني عيط وانا واقفه ولما مشيت من عندها وطلعت البيت انهارت فعلا مكنتش قادره امسكىنفسي من العياط ومن ساعتها لحد الوقتي كل مازعل بيجيلي ضيق في التنفس ومش بعرف اتنفس وبعد ما تالته اعدادي خلصت انا قولت مش هيصل حاجه تاني وكل ال مفكر عني حاجه هاينساها لما دخلت ثانوي الموضوع زاد لدرجه ان واحد منهم عمل اكونت فيك باسمي وكلم نفسه منه ووراه لصحابه علي اساس انا ال بكلمه وانا مش عارفه اعمل ايه حاسه ان نفسيتي مدمره

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_40552 🇪🇬

منذ 9 أشهر

شعور وحيد

عايز حل للشعور بالوحدة و ضيق التنفس الي بيجي فجأة و بيخليك عايز تكلم اي حد بس انت معندكش حد تكلمة ف بتضايق اكتر و شعور الوحدة بيزيد .. و ياريت يكون حل انت محربة و جاب معاك نتيجة عشان الموضوع بقى بايخ

Avocado_29715 🇪🇬

منذ 9 أشهر

شعور مرتبك

موضوع:

ازاي بتتعاملو مع الرهاب الاجتماعي ؟

الرهاب الاجتماعى مش حاجه تافهه زى ماكتير فاكرينها ،بل هى حاجه وحشه جدا وبتدمر فى الواحد بلبطيئ انا كواحده مش صغيره على ان انا اتكلم او اعبر عن نفسى بس للاسف مبعرفش طول ما انا لوحدى ،مبعرفش اطلب حاجه من سوبر ماركت مبعرفش اكلم بتاع الدليفرى مبعرفش اقول لسواق الميكروباص ينزلنى وحاجات من كده كتير فبجد

Coffee_51436 🇪🇬

خايفة محدش هيحبني بسبب غلطي

السلام عليكم حبيت اقول كلمتين كده عشان فعلا الموضوع مدايقني الكاتينج بقى منتشر جدا خاصة بين العيال الصغيره و ده بيعرض اي حد ان هو يجرب فضولا مش اكتر في البدايه خصوصا لو هو بيتأثر بسهوله باللي حواليه و اغلب الناس إذا ما كان كلهم بينتقدوا و بيشوفوا العيال دي قد ايه هما تافه و ان الحاجه دي ملهاش مبرر و حرام و مبتفدش و دي حقيقه بس مش المفروض بدل ما ننتقد نتعامل مع الموقف بشكل مختلف كلنا بنغلط و كلنا عايزين نصلح غلطنا انا واحده من الناس اللي مرت بالحاجه دي و دخلت فيها كفضول و عكس البعض انا كنت بخبي و بخاف حد يعرف ان انت بعمل حاجه زي كده خوفا من نظرتهم ليا انا من وانا صغيره و انا صعب ان انا اتكلم مع حد و ابين مشاعري لحد و الحاجه دي في الاخر و صلتني لطريق غلط و مكنش فيه حد جمبي يوجهني من البدايه كنت بخاف حد يعرف و ميتفهمش انا بعمل كده ليه خصوصا ان انا مش لاقيه مبرر الحاجه دي مبتفدنيش في حاجه و بالعكس هي بدخلني في دوامه تانيه و هي هل ممكن حد يتقبلني بالذات ان انا اول ما حد المفروض ان هي قريبه مني عرفت ان انا بعمل كده قالتلي محدش هيبصلك باللي في ايدك ده ولا هتتجوزي و اكيد مش هلومها كانت اول مره تمر بحاجه زي كده و مكنتش عارفه اي القرار المناسب اللي المفروض تاخدو و ان هي حاولت معايا اكتر من مره اتكلم بس انت فعلا مكنتش عارفه اقول ايه اللي انا حساه دلوقتي ان انا مش هلاقي حد يحبني يمكن يتقبلني و دي حاجه انا مش هقدر أقبل بيها بقيت بفكر انهي علاقتي مع حد نفسي اكمل معاه اوي عشان بس مش قادره اتخيل رد فعل الشخص ده هيكون ايه و خايفه من المواجهه مكنش نيتي ابدا ان انا الفت النظر الحاجه دي كنت بعملها لما احس بضغط او بزعل وانا مريت بحاجات من وانا صغيره لسه ماثره عليا لحد دلوقتي كنت بحس براحه مؤقتا بس سرعان لما ادخل في دوامة انا ليه بعمل كده في نفسي انا اصلا مش متقبله نفسي ولا حباها هل ممكن الاقي حد يحبني كل اللي انا كنت عايزاه ان لما احس بضغط الجأ لشخص مش وسيله مؤقته مببررش غلطي انا غلطت و معترفه و عارفه حرام و والله بجاهد نفسي خصوصا ان انا مبأذيش حد غير نفسي بس خلينا نتفهم بعض شويه و مبقولش نتعاطف اوي اوي لان محدش هيحب انه يحس ان هو مثير للشفقه و قد ايه هو جاهل و تافه و غلط لان اكيد الشخص ده عارف ان تصرفه قلة ادراك منه و بلاش اسلوب الهجوم لان الواحد فيه اللي مكفيه الحمدلله على كل حال ...عرض المزيد

0 الدعم

0 نصيحة

Apple_69590 🇪🇬

بنات بتحب العلاقه؟ انا عن نفسي بحب المنتقبات

جماعه هل بنات بتحب بردو علاقه انت ك بنت بتحبي علاقه وانك جربيها مع جوزك وكدا ولا مجرد تفكير بس انا عن نفسي اللي فاهمه انكو عادي مجرد حاجه بتقربك منه وخلاص ملحوظة بحب بنات منتقبه جدا مش عارف بحسهم اختارو طريق صح ف انا اتجوز منتقبه يعني ...عرض المزيد

0 الدعم

2 نصيحة

Pineapple_60236 🇪🇬

أنا مختلف عن الكل وبفكر بطريقة غير الناس

صباح الخير وكدا وبتاع.. عمري ما عرفت أكون شبه حد حاسس إني فريد من نوعي، كل اللي حواليا مختلفين، بعرف أدخل جوا أعماق الناس وأعرفهم كويس أوي وبفهم الكل وبستوعب الكل، طبعا ما اكتشفتش الموضوع دا دلوقتي أكيد، دي خلاصة عصارة أفكار لمدة شهور وخلاص تجارب مدتها عشر سنين مثلا، كل ما يحصل موقف وأقعد أحلله ألاقي إن ولا دور من الأدوار دي يمثلني، وأنا لو كنت مكان كل واحد كنت هتصرف تصرف مختلف، ولما المواقف بتحصل معايا مش بعرف أشوف إنها شبه التانية عشان تصرفاتي أصلا قبل الموقف وأثناؤه مختلفة.. يعني وجودي مختلف أصلا عن عدم وجودي. حد فاهم حاجة؟ وبناء عليه بدأت أفهم أنماط متكررة بين البشر، بيفكروا بنفس الطريقة حتى لو تصرفاتهم مختلفة.. بيفهموا بنفس الطريقة حتى لو كلامهم مختلف.. وانا مش بتكلم زيهم ولا بفهم زيهم ولا بفكر زيهم وطبيعي ولا بعمل زيهم.. في الرحلة دي روحت لثيرابيست لقيته هو اللي بيشتكي وأنا اللي بديله حلول فقلت ا*ا دا هو عايز يتعالج أصلا.. وقررت بقى أقعد أذاكر علم نفس لوحدي وأفهم ديك أم الموضوع دا عشان مش ناقصين مرض... بعد فرهدة كتير بقى وبحث كتير جدا وأسابيع على الكتب وشهور على اليوتيوب، وليالي في التحليل والملاحظة والكتابة والشخبطة اكتشفت إن أقرب تفسير للحالة بتاعتي دي حاجة في علم النفس كدا ليها اسم مش هقوله طبعا عشان حقوق النشر بس يعني أي حد هيفكر في نفسه هيلاقي عنده المرض دا.. وبناء عليه فاحنا يا إما كلنا مرضى يا إما كلنا كويسين 🤓🤓 ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع