هل طبيعي أبويا يتدخل في حياتي بالعافيه؟

Question

هو طبيعي يكون عندي 21 سنه وأبويا بيتدخل فكل تفاصيل حياتي بالعافيه والحاجه اللي مبرضاش أعرفهاله بيروح يكلم زمايلي وصحابي ويقلب الدنيا لغايه ميوصلها

هل ده طبيعي ؟؟؟؟؟

Avocado_64039 🇪🇬 · Answer

لو انتي بنت ف ابوكي شاكك فيكي ولو انت ولد ابوك كدا متحكم و شاكك فيك و ده مش خوف ده شك حاول تشوف مالو و ليه بيعمل كدا ولو عندك اخوات شوف هل بيعمل كدا معاهم او لا اكيد شك او وسواس انك ممكن تخرج عن طوعو اذ كنت بنت او ولد و لو موجودة الام اتكلم معاها و شوف مالو

Banana_53818 🇪🇬 · Answer

لا مش طبيعي لو انت بتضايق

Orange_61792 🇪🇬 · Answer

لا مش طبيعي ،هو طبعا ممكن يكون عاوز يطمن عليك ،او عنده خوف زيادة شويه ،اتكلم معاه بهدوء 
على قد م تقدر وضحله و فهمه انك كبرت 
و خلي بالك هو مش هيتعدل بسهوله و الموضوع هياخد وقت

Toast_64107 🇪🇬 · Answer

طبيعي 
لان احنا مسؤولتيهم و هيفضلوا يخافوا عليك او عليكي لحد ما تتجوز حتى 
الاهل دايما بنفهم غلط او نصنف اهتمام تطفل و تدخل ف حياتنا 
لكن ف الحقيقه هما خايفين علينا و بيحبونا مش اكتر💗

Lemon_64096 🇪🇬 · Answer

بيحبك و خايف عليك ، مش هتفهم الكلام ده غير لما تتجوز و تخلف

Ice Cream_63466 🇪🇬 · Answer

هو ده دور الاب فالعموم  انه يخاف علي اولاده

Orange_53508 🇪🇬 · Answer

طول ما هو بيصرف عليك/ي هيتدخل اول ما تستقل/ي بنفسك هيبعد

Apple_50450 🇪🇬 · Answer

لا

Banana_64127 🇪🇬 · Answer

انت عندك ٢١ سنة لكن ما قولتش ابوك عنده كام هنقول ٥٠ سنة أكتر أقل ... حبيبي ما تنتظرش منه إنه يتغير هو فى سنه ده خلاص فات وقت التغيير .. خلى بالك كل ما بنكبر فى السن كل ما بنتدهور جسديا و نفسيا و معرفيا يعنى بالبلدي كده ما بيكونش عندنا المرونة النفسية أو الذهنية خلاص هو هيقضى اللى فاضل من عمره كده و هيموت على كده !!

Banana_64127 🇪🇬 · Answer

انما انت لسة شاب دماغك حاضرة و عندك المرونة اللى مش موجودة عنده حاول انت تستخدم طرق جديدة للتواصل معاه و اقولك على اقصر طريق هزر معاه وانكشه و خليك حنين عليه و انت بتعمل ده هتلاقيه بقى عجينة طرية و هيعمل لك اللى انت عاوزه

Banana_64127 🇪🇬 · Answer

خليك فاكر شوية هزار مخلوطين بشوية حنية

Coconut_15891 🇪🇬 · Answer

اتكلمت معاه بدل المره الف وقولتله المفروض يبقي عندي حاجه اسمها حياتي الخاصه ومش كل حاجه تخصني لازم تعرفوها اكيد انا لو حابب احكي حاجه تمم مش حابب يبقي خلاص مش من حقك تعرفها اصلا يقولي مفيش الكلام ده انت ابني ولازم اعرف كل حاجه عنك علشان انا ابوك ونتخانق ويسيبني ويمشي 🤡🤡🤡

Coconut_15891 🇪🇬 · Answer

انا بطهق مش بس بتضايق بس نقول اي بس

Coconut_15891 🇪🇬 · Answer

اوضح اي بس دنا الموضوع ده بالذات كلمته فيه الف مره وكل مره بيرد عليا بنفس الردود انت ابني ولازم ابقي عارف كل حاجه عنك واقوله بس ده مش صح مش بالعافيه هي يقولي لا هو كده 🤓

وحقيقي فقدت الامل مالموضوع نهائي

Coconut_15891 🇪🇬 · Answer

بس ده مش خوف ده اسمه تدخل فخصوصيات !!!!

انا معاك ان الطبيعي يكونوا متطمنين عليا بس مش الطبيعي يكونوا عايشينلي حياتي 🙂

Coconut_15891 🇪🇬 · Answer

والله تصرفاتهم معايا دي خلتني اعيد حساباتي ف حاجات كتير اولها الجواز والخلفه وعلاقتي بيهم شخصيا

Coconut_15891 🇪🇬 · Answer

بس ده مش خوف ده اسمه خنقه وتدخل + اني مش لسه طفل يعني مش عارف بعمل اي

Coconut_15891 🇪🇬 · Answer

قريب جدا ان شاء الله هانت ادعيلي اخلص بس اخر سنه فدراستي وبعد كده ربنا يكرمنا

Coconut_15891 🇪🇬 · Answer

طب الحمدلله علشان في ناس محسسيني اني بأفور بس وهما اصلا لو عاشوا اللي بحكيه ده مش بعيد يرتكبوا جنايه

Coconut_15891 🇪🇬 · Answer

هو عنده 50 بالضبط فعلا والموضوع ده انا من زمان جدا وقولت عادي كنت صغير وحقه يتدخل مع انه بردو كان بيتدخل فحاجات خاصه جدا بيا ومش من حقه اصلا انه يدخل نفسه فيها بس قولت عادي خايف عليا لكن بمرور الوقت الموضوع معادش اني طفل وخايف عليا الموضوع بقي رخم ومستفز بطريقه انت مش متخيلها صدقني

Coconut_15891 🇪🇬 · Answer

حقيقي حاولت اغيره بكل الطرق وفشلت لأني اول م بحاول بس او باخد خطوه وبقول احسن علاقتي بيه من ناحيتي انا وهو اكيد لما يشوفني بعمل كده هيغير من نفسه ومش هيعمل الحاجات اللي بتضايقني بيقوم عامل نفسه من بنها زي مبنقول وبيعمل الحاجات اللي بتضايقني زي مهيا ويمكن اكتر فساعتها الموضوع بيتحول 180° من واحد بيحاول يحسن علاقته ب ابوه علي امل ان ابوه هو كمان يعمل زيه ل خناقه حرفيا 💀💀💀

Coconut_15891 🇪🇬 · Answer

فقدت لغه الحوار معاه حقيقي اي قعده فرديه معاه بتكون اكتر من 3 دقايق بتقلب خناقه وحد فينا بيسيب التاني وبيمشي

Avocado_64039 🇪🇬 · Answer

مشافش ابويا وهو نفسو يرمي اخويا الكبير من الشباك بأي طريقة الله يعين والله انا اعرف ان الابهات لما انتو بتكبرو بتبقي عايزة تمشيكو من البيت بس مش لدرجة توصل للشك و الطريقة دي ده وسواس قهري اكيد 😵‍💫

Orange_53508 🇪🇬 · Answer

بص لاني مريت بنفس دا من اهل متحكمين في كل حاجة بس اول ما اشتغلت بعيدا عنهم و اشتغلت بعيد عن الواسطة و معارفهم رغم ان الدنيا من غيرهم اصعب بكتير الا اني دلوقتي متحكم في حياتي بنسبة ٩٠٪؜ و في قراراتي بعد صراع كبير و دلوقتي انا عندي ٣٤ سنة بس بقالي ٣ سنين متحكم في حياتي لحد قبل كدا مكونتش بعرف حتي اعترض

Coconut_15891 🇪🇬 · Answer

انا ابويا عاوز يربطني فالبيت 💀💀💀

Coconut_15891 🇪🇬 · Answer

ربنا معاك ويوفقك يارب ❤️