ضغوط شغل

Watermelon_72225 🇪🇬

منذ 5 أيام

شعور مرهق

كنت وصلت فى شغلى لحتة حلوة ..قربت ابقى مدير وبعدين اكتشفت ان دى مش الحياة اللى عايزها..فقعدت اتعلم برمجة وداتا اناليزيز شوية جالى شوبة شغل فرى لانس فا سيبت الشغل عيشت شوية شغال فرى لانس كل فين وفين بروجيكت وفلوس عالأد لأنى مبتدىء وانا اهلى مسئولين منى وقاعدين ايجار المهم قعدت شوية .باتعلم وباقرا

عبّر عن شعورك بشكل مجهول

كنت وصلت فى شغلى لحتة حلوة ..قربت ابقى مدير 
وبعدين اكتشفت ان دى مش الحياة اللى عايزها..فقعدت اتعلم برمجة وداتا اناليزيز شوية
جالى شوبة شغل فرى لانس فا سيبت الشغل 
عيشت شوية شغال فرى لانس كل فين وفين بروجيكت وفلوس عالأد لأنى مبتدىء وانا اهلى مسئولين منى وقاعدين ايجار 
المهم قعدت شوية
.باتعلم وباقرا عن الاديان والدنيا وازاى السيستم والماتريكس بتبلعك جواها

وازاى انت لازم تغير المينتاليتى بتاعتك علشان تغير نفسك

فا كانوا سنتين حرب نفسية وضغوط مالية بس تحسن عقلى ونفسى 
وباتعلم زيادة فى شغلى

لحد مالفلوس خلصت ومبقاش فيه شغل  ولأول مرة فى حياتى بقى فيه ديون

فرجعت تانى اشتغل ..الوحيدين اللى قبلوا بيا بعد سنتين بريك هى شركة على ادها

مديرى لسه اول سنة ادارة بيجرب فينا ..مرجحة فى القرارات ..مفيش استقرار فى المواعيد ..بيرميلك التاسك ويسيبك وفى الاخر تكتشف ان التاسك ده كان خازوق وانت لبسته ..ولو اخدت منه معلومات بيضبش وبيلبسك اكتر

وفوق كل ده شخصية اطفالى اوى ..مش قادر يخبى عقده ونقصه

هو عالمستوى الشخصى ممكن يكون مقبول ..لكن انا مفضلش اتعامل معاه .. الفترة اللى قعدتها فى البيت خلتنى باشوف الامور على حقيقتها ..وشايفه شخصية تافهة ملهاش تلاتة لازمة

بالاضافة انه لما بدأت اشتغل كفرى لانس بقيت بابص على مصلحتى انا ..انى باعمل شغل بيجيلى فلوس ..لكن الكوربيرت لايف بيديك فلوس ويستعبدك بيها

مش عارف اتأقلم خاااااالص ومقدرش اسيب الشغل لاحتياجاتى المادية

لسه باذاكر وعندى امل افتح شركتى..بس صعب جدا

مجرد فضفضة منفتحة للنقاش

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_70447 🇪🇬

منذ أسبوع واحد

شعور عاطفي

عبّر عن شعورك بشكل مجهول

انا شاب ٣٢ عام أيام دراستي كنت بقول ياريت اخلص وكنت بتمني ده وبعد م اتخرجت كنت بتمني اخلص الجيش والحمد لله مدخلتش وبعدها مريت باصعب فتره في حياتي انتظار الشغل وكنت وصلت لمرحله مكنتش عارف هتخلص امتي لدرجه اني اكتئبت وكنت كتير اعيط اني مليش لازمه ف الدنيا وكان نفسي اني الاقي شغل بس واحس بذاتي … اتخرجت واشتغلت ف وظيفه ثابته كويسه بفضل الله  الحمد لله ع نعم ربنا عليا دلوقتي بقي في مرحله اني بتمني ارتبط واحب واتحب من حد يقدرني ونفسي اعييش حاجات كتير اووي معاه ويكون ليا كل حاجه ف دنيتي ويدعمني وقت ضعفي ويقف جمبي وقت م اكون محتاج ده للاسف مفيش توفيق لحد دلوقتي مع حد البنت الوحيده اللي حسيت معاها واتمنيت انها تكمل معايا مكملناش شهرين والموضوع متمش وحاليا بعيش فتره نفسيه صعبه جدا لاني محستش اللي كنت حاسه معاها ده مع حد من راحه وقبول ومشاعر صادقه ناحيتها ومتقدرش وبجانب ظغط الشغل ونفسيات الناس اللي فيه بيئه سامه مش لاقي نفسي فيها خالص محتاج حب ف حياتي ونفسي الاقي الشخص اللي يعوضني عن كل ده ومش عارف صالونات كلها مجامله ومعجبنيش حد والبنت اللي عجبتني عرفتها من جروبات زواج عن طريق والدتها وروحت البيت واتكلمنا شهرين والموضوع مكملش 💔💔💔💔 وده ماثر عليا جدا ومش عارف اتخطي ده ازاي من غير وجود حب ف حياتي ومشاعر كتيير بفتقدها 💔💔💔💔💔😓😓

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_69192 🇪🇬

منذ أسبوعين

شعور مرهق

انا هسيب الشغل عايز البوست ده يكون مرجع ليا في المستقبل اني ما اقبلش شغلانات تبان سهلة ولكن في واقعها ضغوطات و الغلط فيها كارثة انا هسيبها عشان انا من ساعة ما اشتغلت و انا مش مبسوط و متعصب و متوتر و اي غلطة بتحصل بتفور دمي و معنديش سوفت سكيلز ياجماعه ماليش خلق ان حد ينتقدني و اقعد اسمعه و اقوله صح

عبّر عن شعورك بشكل مجهول

انا هسيب الشغل

عايز البوست ده يكون مرجع ليا في المستقبل اني ما اقبلش شغلانات تبان سهلة ولكن في واقعها ضغوطات و الغلط فيها كارثة

انا هسيبها عشان انا من ساعة ما اشتغلت و انا مش مبسوط و متعصب و متوتر و اي غلطة بتحصل بتفور دمي و معنديش سوفت سكيلز ياجماعه ماليش خلق ان حد ينتقدني و اقعد اسمعه و اقوله صح انت صح

مش هقدر استحمل ضغوطات سرعة كتابة التقارير و استخراج المعلومات بشكل مفصل في اقل عدد ممكن من الاسئلة

خليها نكون واضحين ان مفيش شغلانه سهلة او مافيهاش ضغوطات ولكن انا مش مجبر اني استحمل شغلانه بيتم دفعي فيها للخطاء عشان بعدين يتقالي شوفت مش قولتك

انا متفهم ان ناس كتير ممكن تاخد كلامي بطريقة تانيه و ان عندهم شغل اصعب و اهم من كل ده
متفهم جدا
بس خلي كل واحد يتكلم بحرية

انا هسيب الشغل و انا مجهز شغلانه تانيه في بالي و رايحلها بالفعل 
عشان شغلي ده رغم انه مرتبه احسن بس ضغوطاته اكتر و فلوس كتير رايحه في المواصلات فا مالهاش لازمه نذكر ان المرتب كويس لان الشغلانه التانيه المرتب كويس برضو

بس المهم الراحة النفسية و الجسدية انا مش فاكر امته اخر مره كنت مبسوط بجد

انا اسف لو طولت بس انا معنديش المهارات اللزمه للشغلانه دي و افتقر لمهارات التواصل بمعني اصح ما بحبش اتكلم مع الناس كتير او اتكلم معاهم اصلا

عشان اوضح ايه هي شغلانتي بختصار هي ميكس بين ادخال بيانات و كول سنتر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_65877 🇪🇬

منذ 3 أسابيع

شعور محبط

انا بدأت اتكلم مع خاطيبي من شهرين من اول متكليمنا وانا بشتكي دايما من قله اهتمامه بيا قليل اوي لما بنتكلم وقت طويل بحكم شغله ويوم اجازته برضو مش بلاقيه بيكليمني بس قليل دايما مشغول انا بحبه وهقدر اسيبه عشان هو في ممزات كتير هو عيبه الوحيد قله الاهتمام لما بزعل مش بيعرف يعمل حاجه غير لما يصال

Coffee_61227 🇪🇬 حاولي تقللي انتي طلب الاهتمام يعني زي مبيقولو كده اتقلي عليه شوية بس فالاول وفالاخر برضو لازم تعذري انه مضغوط ف شغله وحاولي يكون ف يومك حاجة بتعمليها سواء كانت شغل او دراسة حاجة تملي بيها يومك

عرض الكل 19 نصيحة

Strawberry_56294 🇪🇬

منذ شهرين

شعور مكسور القلب

عبّر عن شعورك بشكل مجهول

انا مخطوبه عن حب 8 سنين و كنا متفاهمين وعايشين اليوم طول الوقت مع بعض بعد ما اتخطبنا بثلاث شهور كنا كويسين في شهر واحد انا نزلت شغل كان عباره عن 12 ساعه ما كنتش مهتميه بخطيبي زي الاول بس كان غصب عني بس رغم ده كنت بطمن عليه وبشوفه كل يوم جمعه وبرن عليه في الشغل اوقات وساعات ببعت له رسائل ولما برجع من الشغل ما بكلمش حد غيره لغايه ما انام الفتره دي كان هو مسافر رغم ده كنت انا معاه وما سبتهوش وكنت بتكلمه بطمن عليه ومجرد مسافر اتغير عليا ما عادش حابب ان هو يكلمني بقى جايب اللوم عليا ان انا كنت مقصره في حقه وان انا ضمنت وجوده وان انا اهملته ورغم ان انا شرحت له ان انا ما كانش عندي رفاهيه امسك تليفوني في الشغل وان كل ده كان غصب عني وان انا نازله الشغل ده مش بمزاجي بس هو مش مستوعب حاجه زي دي وشايف ان انا بعمل كل ده بمزاجي والعيد الكبير كان منكد علي كان عايزنا نفركش ومن ساعتها وهو منكد عليا وشايف ان انا السبب في كل حاجه وان اللي بيعمله ده رد طبيعي سواء بقى من كلامي او ان انا فعلا قصرت انا ما انكرش ان انا غلطانه وحاولت اتكلم معاه واتفاهم معاه واشوف ايه اللي يريحه واعمله بس هو برده مطلعني ان انا غلطانه في كل حاجه وضمنت وجوده وبعمل كل حاجه تضايقه وبنكد عليه في اي خروجه وهو مش مبسوط معايا انا ما عدتش عارفه اتصرف ازاي ما حدش يقول لي سيبيه علشان مش هعرف انا عايزه حل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_41604 🇪🇬

منذ 6 أشهر

شعور غير مكتمل

الاحساس بالجفاف العاطفى بحس بيه كتير جدا مع العلم انى مشغولة اغلب الوقت يا دوب من الشغل و اروح اكل و انام و ابدأ تانى يوم بعدها ، بس التفكير برضه و الاحساس ده ملازمنى اغلب الوقت ، مع إن أهل حنينين و ناس مفيش احسن منهم بجد ، بس مش عارفة اتعامل مع الموضوع ده ازاى ، مع انى مش كبيرة اوى يعنى عشان اقول ا

Apple_12121

منذ سنة واحدة

شعور Not great 😕

ازاي ارجع ابقي كويسة واتواصل مع الناس واركز في حياتي وشغلى وارجع اعرف اتعامل مع الناس من غير خوف او توتر او انسي الردود ومعرفش ارد عشان مأثر علي شغلي جامد😭💔

Coconut_55656 🇪🇬

أنا مهدوده ونفسيتي متدمره بعد ما سابني

أنا حاسة اني بتهد من جوايا خارجه من علاقه حب أنا اللي كنت بحب بس فيها وبدي كل حاجه وهو مكنش بيحبني شكله حصل مشكلة وسابني بقالي شهر ونص الاول زعلت وبعدين جمدت قلبي ودلوقتي أنا اتهديت مهدوده ونفسيتي متدمره كنا مع بعض كل يوم ف الشغل طول اليوم مع بعض فطار وغدا مع بعض دلوقتي بقينا نتجنب بعض أنا تعبانه من غيره وعارفه أن هو كان بيأذيني بس اعمل اي أنا مش كويسه أنا بقيت تايهه ...عرض المزيد

2 الدعم

7 نصيحة

Toast_52293 🇪🇬

بحس حاجة ناقصة وحدي في الدنيا

بحس عندي حاجة ناقصة عن كل الناس انا دايما يبقا موجودة عشان كل الناس وبحاول اساعدهم فالمقابل محدش بيسأل عني ولو حاولت اتواصل مع حد حقيقي محدش بيحاول يساعدني أنا قمت كتير جدا من وقعات صعبة لوحدي بس كان نفسي الناس تقدر أو يشوفوني زي ما بشوفهم ، يهتموا زي ما بهتم ...عرض المزيد

2 الدعم

2 نصيحة

Cherry_73797 🇪🇬

خسرت أخر صاحبة ليا وفضلت لوحدي مع تروما

انا كان عندى ٤ صحاب بنات اكتر من اخواتى حرفيا مع مرور الوقت علاقتى بيهم اتقطعت واحده ورا التانيه لأسباب مختلفه هما عادى كملوا حياتهم بس انا زعلت عليهم اوى بس برضو مكنتش دى مشكله كبيره لأن فضلى صاحبه واحده كانت هى أصلا اقرب واحده ليا فيهم ف كان المهم انها معايا كنا بنحب بعض ومتفاهمين جدا لدرجه قليل لو كنا اتخانقنا ٧ سنين وهى اهم حد ف حياتى ودى كانت آخر صاحبه ليا، من سنه ونص خسرنا بعض وقطع نهائى والموضوع كان من ناحيتها انا اكتئبت جدا بعدها وكنت حاسه بالوحده جدا لأن معنديش صحاب وفى مشاكل بينى وبين اختى ومش مرتبطه ف حرفيا ف الحياه لوحدى بعدها بكام شهر من القهره وانى مش لاقيه حد يبقى صاحب ليا بدأت ارد على الولاد اللى كانوا بيبعتولى ومكنتش فارقلى دا كويس ولا وحش ( أنا أصلا شخص انطوائي جدا ومكنتش برد على حد قبل كده وبالذات لو حاسه انه عايز يستغلنى) وفعلا كنت عارفه أنهم ميستاهلوش بصه منى حتى بس كنت بنزل وبخرج معاهم عشان مموتش نفسى من احساس الوحده وعشان يبقى فى حد أوهم نفسى انى مش لوحدى انتهى بيا الأمر بعد التجربه دى انى زودت التروما عندى بالتعامل مع رجاله مرضى شوفت منهم الوحش كله وبعدها قررت انى هوقف اديت حد معرفوش وحتى لو هفضل لوحدى العمر كله حاليا انا وحيده وعندى تروما من الرجاله كلها (اللى هى كانت موجوده من قبل كده بس التجربه دى زوددها) ومفيش اى معنى للحياه بالنسبالى بيصعب عليا نفسى طول الوقت لأنى عارفه انى جوايا خير وحب لكن حاليا ساعات بحس انه يمكن انا اللى العيب فيا ومتحبش ثقتى بنفسى كانت عاليه جدا لكن دلوقتى بتكسف من شكلى احساس ان نفسى صعبانه عليا دا احساس صعب، مش عارفه اشوف نفسى مكسوره ووحيده وتعيسه كدا ...عرض المزيد

1 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع