صدمة وفاة الأب

Mango_25275 🇪🇬

منذ 3 ساعات

شعور متوتر

عبّر عن شعورك بشكل مجهول

مساء الخير 
اول مره دخلت الابلكيشن كنت بتكلم عن ماما ووفاتها مقولتش ماما ماتت ازاى هى اتوفت فى حادثه بابا كان السبب فى الحادثه دى من يومها فى تروما سببها الراجل ده 
مشوفتش منه غير كل وحش فى حياته قهرني وظلمنى وضيع حقى كتييير 
المفاجأه بابا مات والاقى ورق كتير بيتكلم عن حبه ليا 
أقابل ناس غريبه بتتكلم عن حب بابا ليا
فى وسط اهلى واخواتى متكلمش كلمه عنى كلهم بيعاملونى وحش نتيجه الصورة اللى اخدوها منه عليا وانا قررت من زمان مدافعش عن نفسى مش هدخل المواجهه دى محدش هيكدبه ويصدقنى فقررت افوض امر العباد لرب العباد
انا بقى مش كويسه خااالص متلغبطه من احساسى بالراحه انه مش موجود وبين زعلى عليه وبين معامله اهلى الوحشة ليا وتكرار كلام كتير كان بيزعلنى منه 
وبين انى بقيت مرميه حرفيا مش لوحدى لا اترميت بعد مااخدوا كل حاجه منى حتى الورث وانا بين الزعل من موقفهم وعدم الاتعاظ من الموت وبين زعلى من نفسى وانى اتعشمت فيهم خير للاسف وبين نفسى اللى صعبانه عليا اوى حاسه انى كبرت ٥٠سنه من الزعل والعياط واحساس الوحده المميت ونفسيتي الوحشه اللى ظهرت على شكلى وصحتى وتعب بدنى ملوش اخر
محدش يقولى خير والله انا عارفه انه خير وعارفه تن الباب ده هيتقفل وهبقى تمام اللى موترنى خلاص مات بس انا تعبت بقيت زى الورقه الدايبه عاوزة اللى يطبطب عليها ويحميها نفسى استخبى فى حد واقوله الحقنى 
أغرب ما فى الموضوع هو ان صحابى المقربين مستغربين زعلى على بابا ده وحش يابنتى جابلك المرض ووجع القلب ده احنا فرحنا انه مات
مش طبيعى أبدا مهما كنت مختلفه معاه انى مزعلش عليه مش طبيعى مترحمش عليه يبقى معنديش قلب ولا انسانيه ولا دين لو حسيت غير كده 
مش تاعبني فى حياتى غير ان مشاعرى حاضره اوى 
ياريتها غابت معاهم كنت ارتحت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_73609 🇪🇬

هل أوافق على جواز شخص أصغر منى و أنا منفصلة؟

انا منفصله بدون اولاد عمرى ٣٥ سنه معايا تعليم عالى متقدملى شخص اصغر منى ب ٦ سنين ومعاه دبلوم بس شارينى جدا اعترفت عليه بخصوص شغل عن طريق واحدة صحبتى اكبر منى وهى محترمه جدا وبتتقي ربنا جدا .. كلمها أنه عايز يتجوزنى وأنه جد حتى بعت صورة بطاقته عشان نسأل عليه و لانى مختش حقوقي من طليقي فهو هيجهز كل حاجه ومش هكتب قايمه اى حد بيجيلي قد أو اكبر منى بحسه بيتنك عليا كأنه هيعمل فيا معروف ويتجوزتى أو مش مناسبين معاهم عيال أو زواج عرفى وانا ضد كل دا انا متدينه انا مش عارفه اعمل ايه قلقانه من فرق السن هو انا الحمد لله شكلى يبان ف العشرينات ودا كشكل بس خايفه بعد كدا يحصل اختلاف اعمل ايه اوافق ولا لا ...عرض المزيد

5 الدعم

48 نصيحة

Cookies_74767 🇪🇬

عاوزه أتكلم قدام ناس كتير منغير توتر

عاوزه نصيحه ازاي امسك الميكرفون واطلع اتكلم قدام ناس كتيره وانا بتوتر بسرعه والمفروض اني اقدم برزنتيشن الاسبوع الجاي فمش عارفه اعمل ايه. عاوزه حل للتوتر والثقه وازاي الناس تكون مركزه معايا وانا بتكلم ...عرض المزيد

4 الدعم

30 نصيحة

Strawberry_75364 🇪🇬

محبطة من معايير الجواز.. الرجالة بتدور على ايه في الست؟

عندي ٢٤ سنه طولي ١٦٦وزني ٧٥ و خريجة سياسة و اقتصاد القاهرة و لوني بين القمحي فاتح والابيض حوالي ١٠ مرات رؤيه و اكتر من عشرين شخص يشوف الصورة و اقابل بالرفض ناس كتير اوي تكون معجبه بكل حاجة و اول ما تشوف صورتي تقول لا اشتغلت كول سنتر اخر واحدة كانت بتكلمني و انبهرت حرفيا بصوتي و طولة لالي و طريقتي في الكلام و قالت مفيش ادب بعد كده و طلبتني لابنها و اصرت تاخد رقمي و الا مش هتقفل او اكلمها انا فخليت والدتي تكلمها بالفعل برضو شكر و مدح مهول برضو اول ما شافت الصوره قالت ربنا يوفقها اعرف واحدة لا شكل ولا تعليم ولا حتى اسلوب كلام و تفاهم ولا حتى بتعرف تعمل كباية شاي و اتخطبت و اتجوزت و كانت مطلوبه جدا اللهم بارك مش متضايقه منها بالاكس انا فرحانلها بس بقول يعني لو بيهتاروا بالشكل مكانتش فلانه حد شافها و لو بيختاروا بالتعليم او الاخلاق مكانش نفس الفلانه برضو حد بصلها خالص ممكن افهم ايه معايير الجواز دلوقتي الي الرجاله بتبحث عنها في الست غير الاخلاق و التفكير و الكليه و التربيه و الدين انا لبسي جيب و بلوزات و طرح طويله نسبيا حسب الشرع بس مش خمار و مش بطلع شعرري بره الطرحة كله متغطي هل بتدوروا على البناطيل ملزقه و الشعر بره الطرحة طيب فاستنى زوجي في الجنة! انا محبطة جدا و ثقتي فنفسي بدأت تتلاشى ...عرض المزيد

5 الدعم

29 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع