صدمة حب

Coffee_54538 🇪🇬

منذ 6 ساعات

شعور عاطفي

عبّر عن شعورك بشكل مجهول

مساء الخير 
فالاول بس حابب اوضح الشريط من اوله بختصار : 
كان ليا ٣ علاقات فالاول 
اول واحده استمرت ٧ سنين و فجأه و بدون مقدمات عرفت ان البنت اتجوزت 
تاني علاقه مطولتش بس البنت سابتني 
( بعدها حسيت انه خلاص مش هعرف احب تاني ) 
ف خدت الخطوه و رحت اتقدمت لبنت صالونات و اتخطبنا بس للاسف بعد الخطوبه بيوم البنت كلمتني و قالتلي تعالى خد حاجتك مفيش نصيب بينا و لما رحت اخد حاجتي كنت رايح بنية اشوف ايه المشكله و احاول اوصل لحد بس اتفاجت ان الباب مقفول بنسبالهم تماما و اهلها رافضين ان العلاقه دي تكمل … 
مرت سنتين كامله و انا مش عايز ادخل اي علاقه لحد ما قابلت بنت اسمها يارا كنت اعرفها عن طريق الشغل و بقينا صحاب جدا و فالوقت ده هي كانت بتحاول تنسى شخص كان في حياتها و انا فضلت واقف ف ظهرها و بساعدها تتخلص من الم العلاقه دي ،، 
اتطورت العلاقه بينا لحد ما هي قالتلي انها فعلا مبقتش تفكر فالعلاقه القديمه دي و ابنتدينا نقرب لبعض جدا لحد ما اعترفنا لبعض اننا بنحب بعض و فضلنا فتره مع بعض و انا قولتلها عن كل الي حصل قبلها و عرفتها اني خايف اتعلق بحد و يمشي تاني و اني هدي لنفسي اخر فرصه اني ادخل ف علاقه ف ياريت متخذلنيش و طبعا وعدتني ان ده مستحيل يحصل مهما حصل  
 لحد ما جت فجأه و قالتلي انها مش حابه تكمل فالعلاقه دي و بعدها انا تعبببت جداا و قررت ادخل مصحه نفسيه اتعالج و مده العلاج بتكون ٦ شهور .. 
عدى اول شهر و جت ماما تزورني و قالتلي انه يارا بتسأل عليا ف خليتها تكلمهالي و لما كلمتها قالتلي اني وحشتها جدا و تلقائيا لقيت نفسي بقولها ان هي وحشتني اكتر و اني مستني بس اقف على رجلي و هخرج اتقدم لها و اخطبها و طبعا خلال فتره العلاج ممنوع يكون معايا موبيل غير بعد الشهر الرابع ف كنت بستنى كل زياره كن امي عشان اتصل عليها و اكلمها لحد ما جيه يوم عيد الحب كلمت امي و قولتها هاتي لـ يارا هديه قالتلي تمام 
بعدها امي جالتي ورتني المسدج بعد ما هي كانت جابت الهديه و بتقولها انا عايز اقابلك عشان اديكي الهديه الي" انا" جبتهالها ردت عليها قالت لها 
يا طنط انا في حد هيتقدملي و مش هعرف اخد هديه منه و اصلا هو كل حاجه بينا كانت اتنتهت من قبل ما يدخل المستشفى 
و بعدها بفتره قليله انا اخدت موبيلي و بدات انزل ستوري ف لقتها بتكلمني و بتقولي هو انت خرجت ؟ ف قولتلها انه مظنش انه يفرقلك و كدا و عامةً احنا اخوات لما تحتاجيني ف اي وقت انا موجود لحد ما خرجت و قالتلي انها حابه تقابلني و اتقابلنا و قالتلي انه مفيش حد في حياتها و لا حاجه و ان هي مش عارفه ليه قالت كدا ،، و انا اصلا كنت متاكد انه مفيش حد في حياتها و فالوقت ده رجعنا لبعض تاني و اتقابلنا بعدها حوالي ٧ مرات بكل حب و ود و المفروض انه هتقدملها الايام الجايه بس فجاه قالتلي انه مش هنيفع تكمل معايا و حاولت افهم منها ليه طب ايه الي حصل معرفتش اوصل لأي حاجه و اتفقنا نفضل صحاب و ده الي حصل بس بعدها بأقل من اسبوع هي عملتلي بلوك في كل حته حتى على الاتصال و عدى شهرين و انا محاولتش اكلمها تاني 
بس امبارح حنيت لها اووووي و اتصلت عليها من رقم مش متسجل عندها و ردت عليا 
فضلت اسالها ليه عملتي بلوك مش اتفقنا نبقى صحاب ؟ قالتلي مش هينفع و الله !! 
طب فكي البلوك خلينا نتكلم ، لا و الله مش هينفع 
طب انتي ليه عملتي كل ده الموضوع كان خلصان من بدري ليه رجعتيلي مره و اتنين و تلاته !! 
قالتلي رد قاسي جدددا : 
قالت عشان انت مش شبهي 
و ياريت متكلمنيش تاني او تحاول توصلي 
و حتى صحوبيتنا انا مش عايزاها !!

انا بكتب كل الكلام ده لاي تعبان جدددا و مش طالب حاجه و لا عارف افكر اصلا عايز بس اشوف رأيي الناس ايه ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_68144 🇪🇬

منذ أسبوعين

شعور محبط

موضوع:

وقت حسيت فيه ان قيمتك قليله

لما اتجوز عليا وهجرني بعد ما كان بيموت فيا وينفذلي كل طلباتي في وقت قليل كل حاجه اتحولت لضدها الحب لكره التقدير لتجاهل هو ازاي انا هونت بسهوله كده ازاي قرر يبعد من نفسه ليه كان بيتلكك علشان يمسك عليا غلطه انا حزينه زعلانه ومقهوره بجد اول مره احس يعني اي كسره قلب وكسر الخاطر للاسف كل المشاعر حسيتها م

Strawberry_39121 🇪🇬

منذ 9 أشهر

شعور متعب

موضوع:

كيف اتجاوزت الحب الحقيقي الاول ؟

Toast_39170 🇸🇦 العيب مو بخطيبك بس كل الي تشوفيه لانو قلبك متعلق بالاول لكن نصيحتي انسي الاول تماما ، احساس الذنب لحاله ما يكفي، وسواء كان صادق او كذاب ف انتي بكل الاحوال مو مستفيدة، اقطعي علاقتك فيه تماما ومافي شي اسمه اصحاب، هو يبغا يستفيد من وجودك بحياته بدون ما يتقدم لك ولا يرتبط فيك، لا ترضي بهذا الشي كبنت هذا الشي يستهلك مشاعرك ويقلل من قيمتك قدام نفسك وحتى قدامه، انتي كبنت وجودك في حياته مهم ولذلك هو مستفي

عرض الكل 6 نصيحة

عبّر عن شعورك بشكل مجهول

اقوي صدمه ختها ف حياتي من اول حب ليا كان وعدني ب الزواج وللأسف مجاش اتقدم منعا لظروفه كان لسه بيدرس ويشاء القدر بعدنا من 2019 وانا بعدها ب سنتين اتخطبت وفشكلت واتخطبت تاني وكان استغلالي وحب مصلحه منه وفشكلت بردو كنت بدور علي اول حب ليا في صفاته وأخلاقه ورجولته وكان كل فتره يطمن عليا كنت يفهمه أن ف شخص ف حياتي وانا مخطوبه واحتراما ليه مينفعش نتكلم واعمل بلوك 
ولما فشكلت رجعت كلمته وفرح جدا وبعدها ب كام شهر قالي أنه مسافر برا يشتغل ويكون نفسه 
ولما فتحت معاه موضوعنا قالي أنه لسه بيحبني ومحتفظ ب هديتي من 2019 ل دلوقتي 
بس مش هينفع ياخد اي خطوه دلوقتي عشان لسه عليه اقساط وقالي لازم اعيشك في مستوي يليق بيكي 
وعلي الأقل قدامي سنتين او 3 سنين عشان افكر أخطب 
ومش عايز اعلقك بيا تاني لأن مكنتش صادق معاكي في الوعد الاولاني وشايف نفسي مش راجل ومش عارف اسامح نفسي ومش هعرف احط عيني في عينك غير لو علي التنفيذ وابقي خلاص جاي اتقدملك 
خلينا صحاب عادي وانتي عارفه أن محترم ومش بتسلي بيكي لحد ما ربنا يكرم طبعا اتقدملي اكتر من شخص 
وكنت برفض عشانه 
لحد ما بلغته أن ف عريس اهلي شايفينه مناسب وكل حاجه وان اوافق عليه
قالي طيب اعمل اي اقول ل ابوكي وانا مش معايا حاجه ومديون هيقبل دا ازاي
انا لو حد شبهي اتقدم ل أختي وهو مش جاهز هرفض 
خت منه موقف وبقيت مش برد عليه كان بيتجنن وكل شويه يبعت 
دلوقتي انا اديت فرصه للشخص اللي اتقدملي وحاليا قرينا فاتحه واتخطبنا في اقل من اسبوعين
هو اه شقته موجوده هو بيت عيله ومستواه المادي كويس وشغال في مكان كويس بس طفل في نفسه جدا
بعد ما اتخطبنا ابتديت اشوف مواقف غريبه جدا
يبقي قاعد بيأكل يوقع علي هدومه عصير او اكل
ياكل كتيير
كيس بلاستيك بتقطع الاقيه بيربطه ويعمله شنطه تاني
واحد شتمه بعتلي أنه شتمه وشتيمه مينفعش انا ك بنت اشوفها
يجي يدخل الحمام يستأذن ويرفع أيده زي ما يكون في الفصل
يجي يمسك اي حاجه سخنه لازم يفضل يقرب أيده ولو لسه سخنه يتخض منها
امشي معاه انا ابقي من ناحيه العربيات وهو اللي من جواه
يجي يضحك يقعد يضحك كتيير بعبط كدا
يقعد يخبطني ف كتفي كتير ولما اضايقيت قالي اصل بنكشك 
مش واثق من نفسه 
وعشان للعلم كل الحاجات دي ظهرت بعد ما اتخطبنا عشان محدش يقولي وافقتي ليه من الأول 
يجي حد من اهلي يقدم أي حاجه يجري ياخدها من غير ما حد يقوله اتفضل 
ممكن يبقي ماشي جنبي ويلف حوالين نفسه 
لدرجه شكيت أنه يكون نشاط زائد أو مشكله عنده 
وللأسف مش مرتاحه نهائيا حاسه ان معايا طفل مش راجل انا مسؤوله منه يعني انا هخلي بالي منه ولا من ولادنا في المستقبل 
يقعد يقولي ياريت تحبيني زي ما بحبك ويبصلي كتير لحد ما خوفت منه 
تنصحوني اعمل اي !!!!!!!!
انا مش عارفه احب تاني بعد اول حب ليا وأنه حاسس بالذنب ناحيتي دي حاجه مطمناني 
افشكل خطوبتي واستناه ؟؟
ولا افشكل خطوبتي ومرجعش ل اول حب ليا ؟؟
ولا اكمل مع خطيبي دا في حين عمري ما هعرف احبه بالمواقف الغريبه اللي بتحصل منه ؟؟؟

Avocado_31329 🇪🇬

منذ 9 أشهر

شعور محبط

موضوع:

تجربتك مع العلاقات السامة ؟

كنت اتعرفت على حد وبقينا صحاب في فترة قصيره وهو كان خارج من علاقة توكسيك طازة وكانت بنسباله صدمة كبيره انا مكنتش اعرف انه هيكون مؤذي ليا وكان صعبان عليا اوي اوي كنت جمبه وبسمعه وعايزه اساعده وبحاول وبقينا قريبين اكتر واعتقدت ان علاقتنا بقيت قويه وكانت الي حدا ما كل حاجه كويسه وبعدين بقا يفضل ب الاسب

Marshmallow_34335 🇪🇬 بصي يحبيبتي انا مريت بتجربتك تقريبا امسحي كل حاجة تخصكوا سوا صور، شات، اي حاجة بينك وبينه تتمسح اكونتاته كلها تتبلك عشان متشوفيش بوستاته تعيشي حياتك وتبصي لنفسك ركزي في دراستك حسني من بشرتك من شعرك انزلي مع صحابك انسيه وبردي قلبك ربنا مبيسيبش حق حد واللي عمله معاكي هيتردله.. قومي بنفسك محدش هيشدك♥️

عرض الكل 18 نصيحة

Marshmallow_31573 🇪🇸

منذ 9 أشهر

شعور مكسور القلب

أنا كنت بحب واحده قعدنا ٦ سنين مع بعد و كنت خلاص حخطبها لاكن سابتني و جالي صدمه كبيره لان كنت معتبرها كل حاجه بالنسبالي امي و بنتي و اختي و كل حاجه مش عارف احب تاني و مش عارف انسي أيامنا و كل يوم بليل بقعد أعيط زي العيال جنب صورتها بقالي سنه لدرجه اني ساعات كنت لازم اشرب علشان اعرف انام علا نفسي لان

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_50926 🇪🇬

مش عارفه ليه مش حاسه اني اديقت من كلامه عن جسمي

مش عارفه ليه مش حاسه اني اديقت علشان قالي انا كان نفسي انها تكون مليانه شويه وبيضا شويه هوا كويس معايا وبيحاول يفرحني ب اي حاجه هل هوا كده غلطان مكنتش ينفع يقول كده ولا كده كويس انه قالي كده ...عرض المزيد

0 الدعم

0 نصيحة

Pineapple_60236 🇪🇬

ليه عايز تخليني أبقى وحش؟ الطيب ما بقاش حلو!

هو اخنا يعني لازم نبقى أوساخ عشان نعجب؟ يعني ما ينفعش معاكم غير اللي يديكم بالجزمة!!! الطيب ما بقاش حلو خلاص؟ ليه مش هترتاح غير لما أوريك اني عندي حاجات وحشة زيك بالظبط وليه بتدور على الوحش اللي فيا أصلا م انا عارف انه موجود وبجاهد عشان أخبيه.. ليه عايز تخليني أبقى وحش؟ حلو انت كدا يعني ؟ ...عرض المزيد

2 الدعم

1 نصيحة

Tofu_72927 🇪🇬

مش قادر أسيطر على خوفي من أي صوت عالي

لو عندكم صدمات طفولة وذكريات عنيفة من وانتو صغيرين بسبب التربية، ازاي بتتخطوا او ازاي لنا بيعلى الصوت ف البيت دماغكم مش بتربط دا بزمان، ازاي امنع احساس الخوف، الحالة صعبة جدا لدرجة ان احيانا بيجيلي نوبات هلع، مش بستحمل اي اسلوب مش كويس بترعب دماغي بتربط دايما بزمان حتى لو فيه مشكلة والمشكلة دي متخصنيش بس احساس الخوف مش بعرف اسيطر عليه وبجد الشعور دا مرهق جدا جدا ...عرض المزيد

2 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع