شفقة

Chilli_63940 🇪🇬

منذ أسبوعين

شعور عاطفي

عبّر عن شعورك بشكل مجهول

معنديش ثقه فنفسي بهرب من الناس عشان محدش يعاملني بشفقه تعبت كتير اوي في حياتي على شكلي قعدت شهور مش باكل بقالي سنين بعمل دايت وبردو فيا دهون مش تخين اوي عندي دهون بسيطه يعني بس مش ديه نتيجه تعب سنين انا المفروض بمجهودي ده ابقى معضم مش رفيع وشي مليان حبوب مش بقرب من حاجة برا وحارم نفسي حتى من الحلويات زي انهارده مثلا عيد ميلادي بقالي سنين مش برضى حتى اجيبلي قطعة هوهوز انا من سنين مش بعمل عيد ميلاد ولا بعرف حد حتى انهارده مفيش غير حد بس اللي قالي كل سنه وانت طيب واتضايقت بصراحه مش عايز حد يفكرني بان انهارده يوم فيه حاجه لاني لو استوعبت هتضايق اكتر اليوم هيخلص في الدروس بتاعة ثانويه عامه وهروح انام بس كدا انا بس زعلان اوي على المجهود اللي بقالي سنين اعمله في الاخر الناس اللي بتاكل براحتها في منهم جسمهم احسن مني كتير مش بحب شكلي فحاول اخلي وشي عظم بس يمكن ابقى احلى بقالي شهرين مكلتش واجبه اخري ادخل المطبخ اكل معلقه من بواقي الغدا تعبت من اني عمال احارب في الاخر مفيش نتيجه كرهت نفسي والحياه والناس بكتب الكلام ده وعارف ان محدش فارق معاهم كل واحد عنده مشاكله الناس آخرها توصلك بنظرة شفقه وتمشي انا كان نفسي والله ابقى جميل عشان اتجوز بنت ابقى مدلها كل حاجه هي عايزها وابقى دنيتها ونسافر احنا الاتنين وتولع الدنيا مش مهم المهم نبقى سوى ده ممكن الناس تفتكروا هبل بس ديه امنيتي الوحيد ويبقى معايا فلوس تخليها متفكرش في حاجه في دماغها غير وتبقى قدامها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_66850 🇪🇬

منذ شهرين

شعور مكسور القلب

موضوع:

أكتر موقف حسسك أنك غير مرغوب؟

والدي ووالدتي متوفين من فترة وعايشة مع عمتي لما اجت حفلة تخرجي عزمت قرايبي كلهم في البروم وانا اللي دفعت كل حاجة والاكل والشرب كله كان علي حسابي وكنت شايفة دا طبيعي لو اتخطبت هعمل كدا بردو وهما كانو عايزين يعملولي عزومة بردو قولتلهم ملوش لزوم كدا كدا احتفلنا في البروم بس هما صمموا ووافقت سمعت بالصدف

Grape_68887 🇸🇦 والدتي متوفيه من كام سنه و حصلي موقف شبه دا و انا جاي من هناك و بقولك هتبقي كويسه مع الوقت و هتكتشفي أن كل دول عالم مش سويه نفسياً وان محدش هيساعدك تعدي ازمتك غير نفسك

عرض الكل 7 نصيحة

Cherry_67364 🇪🇬

منذ شهرين

شعور مكسور القلب

أنا هنا عشان مبقاش فكرة أني بكتب في diary نافعه..... أنا أكتر واحده بتشفق على أهلها و بتحبهم بس من ناحيه تانيه أنا حاسه أني متكتفه بسببهم أوي و المشاكل النفسيه الي بسببهم تخليني أقعد حياتي كلها أفكها و متتفكش أنا من كام يوم أكتشفت أني أقرب صاحبه ليا الي بحبها أوي كده عشان كانت بتؤدي دور أمي من غير

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Ice Cream_51931 🇪🇬

منذ 6 أشهر

شعور ضائع

Donut_31531 🇪🇬 انا متفهمة كلامك ده جدا لان انا بعيش نفس الحالة بس فعلا ربنا كريم و بيعدي الدنيا و كل حاجة بتعدي ف الحمد لله ربنا يكرمك انت كمان إن شاء الله و تعدي من كل و عيد سعيد و مبارك عليك إن شاء الله و ربنا يبعد عنك اي حاجة و اي شعور وحش و يروق بالك بإذن الله

عرض الكل 3 نصيحة

عبّر عن شعورك بشكل مجهول

إحساس الوحدة مش لازم يكون بالضرورة ف عدم وجود ناس ممكن عادي خالص يكون حواليك ناس و بيتكلموا عادي و بيتكلموا و انت بترد عليهم او بتتكلم معاهم بس برضو الاحساس بأنك وحيد موجود..
و احساس الاكتئاب مش بالضرورة يكون ان الانسان يبعد عن كل اللي حواليه و يعزل نفسه و ميضحكش بالعكس تماماً تلاقي ان الاكتئاب منتشر اكتر بين الناس البشوشة اللي بتحاول تفرح غيرها و لكن مش بالضرورة برضو ان المنعزلين مش ممكن يبقوا مكتئبين كلها اختلافات و كله موجود بس بتختلف من إنسان لإنسان
يعني أنك تحس انك مهمش مش حاسس بالفرح حتى و انت ف الفرح مش عارف تفرح زي باقي اللي حواليك نفسك تفرح و مش عارف و رغم دا كله مش عايز تبقى تقيل على حد مش عايز تشيل حد هم على همه خايف على الشخص اللي قدامك او على غيرك من نفسك اكتر منك دا غير مش عايز نظرة شفقة او استعطاف من حد و فوق دا كله برضو حتى لو عايز تحكي مبتعرفش محاولتش قبل كدا تعبر عن اللي جواك لحد فضلت طول حياتك و عودت نفسك تكتم و متحكيش غير لو هتقول او تحكي ف تبقى على هيئة كتابات ي تحتفظ بيها ي تنزلها بشخصية مجهولة عشان متتعرفش ضاقت بيك الدنيا لدرجة بتكتب بشخصية مجهولة ل ناس مجهولين مش عشان مستني نصيحة او رد لا عشان لمجرد انك قولت شوية من اللي كاتمه جواك عشان تخفف شوية من شعور للتعب اللي حاسس بيه 
ف وقت فرح الجميع انت نايم على سريرك مش عارف تتحرك مش عارف تقوم لا يسعدك سوى النظر لسقف اوضتك و التفكير فوق دا كله عندك overthinking رهيب 
المشكلة تتعب اكتر لما تحس ان اللي معاك حسوا بتعبك و بيلعبوا على تعبك بس بتحاول تقول مفيش عشان انت فعلاً مش عارف في ايه مش عشان عايز تكذب عليهم انت فعلاً مش حاسس بحاجة و لا شاعر باللي بيحصل حواليك بس رغم دا كله بتقول يارب و تحاول تاخد فترة تعبك و بعد كدا تقوم تاني و كأن مكنش في انسان تعبان و ترجع لحياتك و تحاول تقاوم و تقول ايه تقول" يارب مالي سواك وكلتك أمري ف اقضي حوائجي و خفف عني ألمي" بس يارب منغير ما اتسبب ف أذية اللي حواليا و لا حد يحس بيا و لا يحس بتعبي..
غرضي من البوست معرفهوش ليه عملته معرفش برضو كلام كله متغلبط متعرفش تطلع منه بحاجة ثابتة بس يعني اتكتب اتكتب ازاي والله لا أعرف زيي زيكم بس خير يعني و كله خير و اتمنى للجميع الخير و عيدكم مبارك و عيد سعيد ع الجميع و ينعاد عليكم جميعاً بالصحة و السلامة و يتنشر الخير و المحبة بينكم جميعاً و ربنا يخفف عن اي حد تعبان و افرحوا و عيشوا حياتكم و الله ما هي إلا حياة واحدة ف ي تعيشوها زي ما هي و تنبسطوا و تفرحوا و ترضوا بقضاء ربنا ي هتفرحوا و تنبسطوا برضو لا مجال للزعل هاه🙃
خير يعني بالتوفيق للجميع 
السلام عليكم..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_28352 🇸🇦

منذ 11 شهرًا

شعور مرهق

لا يمكنني شرح ما أشعر به الآن. قبل فترة أجريت عملية بتر، ومنذ ذلك الحين لم أستطع التعود أو التأقلم مع الأمر. حاولت أن أكون قويًا، لكن الشعور بالفراغ والثقل لا يفارقني. ذهبت إلى أطباء نفسيين وحاولت بكل الطرق الممكنة أن أجد مخرجًا أو وسيلة تجعلني أتعايش مع هذا الواقع الجديد، لكن ما زلت أشعر أنني عالق

Cheese_27727 🇪🇬 افضل نصيحه اعطيها لك هيا حديث عن اهل البلاء ان ربنا بيرحم اهل البلاء في الاخره والجنه. رحمه لتمني كل اهل الصحه والعافيه ان يعودو الي الدنيا ويبتليهم الله في صحتهم وحياتهم ولزماً تعرف ان جزائك الجنه وان كلنا هنموت كده كده الدنيا كلها من اولها لاخره جاينها ليه عشان نعبد ربنا ونرضي وان من اول سيدنا ادن ليوم القيامه هيا جزء من يوم واحد في الجنه بص حوليك اين ابطال كمال الاجسام في القبور واموات

عرض الكل 6 نصيحة

Apple_12388

منذ سنة واحدة

شعور Not great 😕

"نظرت إلى شخص حزين بدا من خلال عينيه أنه محطم ومهزوم من قبل الحياة فأثار شفقتي ببقائه واقفاً دون فعل شئ فرميت عليه شئ كان امامي فتحطمت المرآة"

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع