قلبي وجعني لما عرفت إنهم بيعاملوني بالشفقة مش بالحب

Question

والدي ووالدتي متوفين من فترة وعايشة مع عمتي لما اجت حفلة تخرجي عزمت قرايبي كلهم في البروم وانا اللي دفعت كل حاجة والاكل والشرب كله كان علي حسابي وكنت شايفة دا طبيعي لو اتخطبت هعمل كدا بردو وهما كانو عايزين يعملولي عزومة بردو قولتلهم ملوش لزوم كدا كدا احتفلنا في البروم بس هما صمموا ووافقت سمعت بالصدفة بنت عمتي بتكلم عمتي وبتقولها يوم تخرج ابني العزومة دي كلها هتبقي عليا قالتلها اشمعني انتو اللي عازمين دلوقت قالتلها علشان انا يتيمة ساعتها قلبي وجعني اوي خصوصا اني اوردي عملت عزومة البروم كل دا متشافش وبحس انهم لما بيعملولي حاجة بيعملوهالي بدافع الشفقة مش الحب ومكنتش  عارفة اعمل ايه وروحت العزومة ومثلت اني مبسوطة زي ما كنت حاسهم بيمثلوا انهم بيحبوني فعلا المشكلة اني دلوقت بقيت بخاف الناس تعرف اني اهلي متوفيين علشان مش حابة يعاملوني كويس علشان صعبانة عليهم بدل ما يعاملوني كويس علشان حابني فعلا

Grape_68887 🇸🇦 · Accepted Answer

والدتي متوفيه من كام سنه و حصلي موقف شبه دا و انا جاي من هناك و بقولك هتبقي كويسه مع الوقت و هتكتشفي أن كل دول عالم مش سويه نفسياً وان محدش هيساعدك تعدي ازمتك غير نفسك

Apple_64150 🇪🇬 · Answer

انتي اتحطيتي ف ظروف انك يتيمه مش بمزاجك ده قضاء ربنا 
واحمدي ربنا أن عمتك بتحبك ومرعياكي وعايزه تبسطك يا حبيبتي مفيش ناس كده دلوقت منشيليش نفسك ذنب حاجه ملكيش ايد فيها

Watermelon_63493 🇪🇬 · Answer

الناس بتحبك دة شيء طبيعي
واى حد هيعرف ظروفك هيتعاطف دة طبيعي برضه
انتى محتاجة تحسي بالتعاطف اساسا والطبطبة وتقدير الظروف اللى جرت لكي
عادى ماتبقيش حساسة

Hazelnut_68075 🇪🇬 · Answer

هتبقي كويسه مع الوقت دة حقيقي ، بس لازم تفهمي و تتأكد انها بتعمل كدة علاشان هي فعلا بتحبك مش شفقه ، هي بجد بتحبك و عايزه تفرحك و دة بنان فكلامك ، و دا قليل مش بيحصل ، خدي بالك منهم و افهميهم ، هما بيحاولوا يفرحوكي من قلبهم بجد حاسين بيكي مش شفقه ، دا حب ممكن اساءة التعبير بس ، مش قصدها

Hazelnut_68075 🇪🇬 · Answer

و ده مش معناه إنك ضعيفه أو مكسوره لا انتي قويه جدا و مفيش حاجه تكسرك،  شوفي بس الموقف بعدسه  مختلفه هتفهم انه حب

Orange_66155 🇪🇬 · Answer

هما صح مش غلط 
احساس الشفقه حتى ده طيبه منهم مش تمثيل
وانت متحسبيهاش كده 
هما بيحبوكى ومتعاطفين معاكى 
والاحساسين كويسين

Watermelon_68945 🇸🇦 · Answer

أحنا بطيخ زي بعض