سوي

Tomato_55795 🇪🇬

منذ شهرين

شعور مرتبك

انا عندي ٢٤ سنه كنت محتاج بنت في حياتي اكمل معاها تكون سويه نفسا بتحب الحياه و مبسوطه ومحترمه علشان انا تعبت دخلت في علاقات كتير توكسك واتذيت كتير ومش عايز ده يتكرر تاني والحمد الله العلاقات دي ماثرتش عليا وانا لسه شخص سوي وبحب الحياه

Lemon_50969 🇪🇬 حضرتك الحل ف ده انك تروح تخطب أو تتجوز لأن مهما كنت سوي والبنت سويه كويسه ف دي علاقه لا ترضي الله ف اكيد اكيد دلوقتي أو بعدين هتتغيرو وربنا هيزرع ف قلوبكو عكس مشاعر الحب والأمان والدفا وهتبقي برود وكره ف الاحسن تاخد الطريق الصعب بس الي نهايته حلوه وجميله ومبهجه كده مش العكس

عرض الكل 5 نصيحة

Marshmallow_33452 🇪🇬

منذ 6 أشهر

شعور ضائع

السلام عليكم انا طالبه جامعيه و مغتربه و في واحد كلمني و قال إنه عايز يجي يتقدم ليا و هو شخص كويس جداو انا عايزة اديله فرصة و هو من عيله كبيرة اوي في المحافظة بتاعتهم و عائلته محترمة جدا. المشكلة أن ابويا شخص غير سوي نفسياً و دائماً مكشر و صوته عالي و بيزعق دائما و غير متفاهم خالص ، انا من و انا صغ

Lemon_39553 🇪🇬 وعليكم السلام اتكلمى مع مامتك الأول او حد من اخواتك يكون عاقل شوية علشان يمهد الموضوع ل والدك لأن مينفعش يكون والدك موجود وحد تانى يعقد معاه او يتكلم معه مهما كان قريب من العيلة يااما حاولى تتكلمى مع والدك وتقولي محتاجة أتكلم معاك واسمعنى للأخر وابدء اتكلمى بكل صراحة وعرفيه انك مقدرتيش تخبي عنه حاجة واول ما حصل كدة روحتى اتكلمتى معاه مينفعش تخافى على مشاعر اهل واحد لسة غريب عنك وتنسي مشاعر والدك

عرض الكل 1 نصيحة

Orange_32624 🇪🇬

منذ 7 أشهر

شعور محبط

انا مش بعرف اواجه خالص و ديما بفضل كاتمه جوايا بس بتيجي لحظه و ببقى عايزه انفجر ف اللي قدامي أو من اقل موقف يحصل رد فعلي بيبقى قوي لدرجه ان آخر مره لاقيت نفسي بدون وعي ضربت واحده و انا مش حاسه بنفسي يمكن انا عارفه السبب بس مش عارفه الحل اهلي ديما مغلطني طول الوقت على الحاجه اللي بعملها و اللي مبعم

Blueberry_27796 🇪🇬 بصي انا عارف ان الموضوع هيبقي صعب في الاول بس لازم تشوفي حالك لازم تلاقي حد تتكلمي معاه وتطلعي الي جواكي كتمتك ده غلط علي صحتك وعلي جسمك حاولي تدوري علي حاجه انت بتحبيها مهدئه للاعصاب تعمليها بس من غير ما حد يعرف لازم تبتدي تختاري قراراتك بنفسك طالما كده كده عارفه انهم مش هيعجبهم حاجه إختاري انت وانجحي في الي اخترتيه اجبريهم انهم يحترموكي ربنا يكون في عونك

عرض الكل 3 نصيحة

Tofu_19339 🇪🇬

منذ سنة واحدة

شعور مريض

عبّر عن شعورك بشكل مجهول

أنا متأكده إني هكون أم حنينه جدًا لعيالي ف المستقبل♥️.
أنا هعوضهم عن كل حاجه محسيتهاش وهعيشهم كل حاجه معيشتهاش...وهحبهم وأحببهم ف نفسهم وهدعمهم نفسيًا ومعنويًا وهقف جنبهم ومش هخليهم يحتاجوا يطلبوا اهتمام من حد أو يستنوا اهتمام من حد هخليهم يحبوا نفسهم ويثقوا فيها علشان ميقبلوش بأي حاجه أقل منهم هخليهم يحسوا بالأمان علشان ميدوروش عليه بره..هخاف عليهم وهحميهم من أي حاجه تأذيهم وهربيهم تربيه إيجابية وسويه علشان يطلعوا أسوياء نفسيًا بدل عقد وتروما الطفوله اللي جوانا مش هخلي عيالي يكون عندهم عقد أو تروما م الطفوله بجد هعوضهم عن كل حاجه أنا مقدرتش أعملها أو أحسها..وانتوا كمان عوضوا عيالكوا مستقبلًا أو لو دلوقتي عندكوا عيال أو لو قربتوا يكون عندكوا عيال..أرجوكوا متطلعوش العقد اللي اتربيتوا عليها واترسخت جواكوا عليهم أرجوكوا طلعوا جيل سوي وإلا متخلفوش عيال تعقدوهم ويطلعوا غير أسوياء نفسيًا يأذوا نفسهم ويأذوا غيرهم..أتمنى تكونوا فاهمين كلامي كويس أتمنى كلنا كأجيال جديده فيه اللي اتعرض مننا لعقد م الطفوله وفيه اللي لا بس أرجوكوا ربوا جيل سوي ميسألش نفسه لما يكبر ويقول ليه أهلي عملوا معايا كده ؟
وقبل ما تجيبوا عيال اقرأوا واتثقفوا عن التربيه الإيجابيه وحدوا كورسات فيها 
انتوا مسئولين عن جيل كامل هيطلع للمجتمع وجيل هيسلم جيل ف لو الأساس مش سليم هيكون المجتمع كله مش سليم خلوا بالكوا♥️.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_14326 🇪🇬

منذ سنة واحدة

شعور Okay 😐

دايما لما حد بيتعامل معانا بطريقة مش كويسة بنتضايق و نتخنق و ده شعور عادي الفكرة مش هنا الفكرة في رد فعلنا مش هقول خد نفس و عد من 1 ل 10 ولا الكلام ده انت ادخل الاوضة و هات ورقة و قلم و اكتب كل ردود فعلك و كل ما تفتكر حاجة اكتبها بعدها اقرأ الورقة و نظمها عشان رد فعلنا هيجيب حقنا و في نفس الوقت هيك

Mango_16822 🇪🇬 طيب ما اعيط أسهل 🙇🏻‍♀️

عرض الكل 5 نصيحة

Banana_69853 🇪🇬

أنا بنسي كتييير وعامله ليا أزمة

انا بقيت بنسي كتييير و عامله ليا ازمه لدرجه اني الصبح و انا رايح الشغل باخد ساعه بدور علي حاجتي الشخصيه الاقي التليفون انسي المفاتيح الاقي المفاتيح الحمدلله و خلاص طالع من البيت احمدك يارب انسي الشاحن لاني نسيت احط التليفون علي الشاحن من بليل ارجع تاني اجيب الشاحن اتأخر علي الشغل المحفظه🤦🏻 وها كذا دا روتين كل يوم حتا و انا ماشي في الشارع لو قابلت واحد اعرفه و اتكلمت معاه شويه انسي انا كنت عايز اي و في مناسبات ببقي معزوم عليها ينساها و في ناس كتير بتزعل مني بسبب كدا و ممكن يكون واحد بيحكيلي حاجه و بيكلمني و بعد شويه اسأله انت كنت بتقول اي مكنتش كدا خااالص و بحاول بحاول بجد اتخلص من الموضوع دا مش عارف و حاليا مش لاقي مفاتيح الشغل هعطل ناس كتير الصبح عن شغلها بقالي ٣ ساعات بدور عليها الحمدلله المشكله ان دا طبيعي و مش بشرب حاجه و لا بتعاطي حاجه عندي مشاكل ؟ عندي محيط مشاكل في حياتي و كل يوم واحد يجي يقعد معاك بحكيلك مشاكله و المطلوب منك انك تسمعه و اقسم بالله ببقي نفسي اسمعه و احل معاه بس انا مش معاه اصلا ببقي في كوكب تاني يا جماعه الحياه مشقه و ربنا يخرجنا منها علي خير ...عرض المزيد

0 الدعم

0 نصيحة

Apple_51831 🇪🇬

مش بحب أمي ولا أبوي ودي الأسباب

بقيت بحس اني مش بحب لا امي ولا ابويا، ومبقتش اشوفهم حاجه كبيره او حد المفروض احترمه، وبتبسط لما بعند معاهم ومنفذش الي هما عايزين اعمله، مش بتخانق معاهم وبتجنب ادخل معاهم في اي حوار او نقاش لغاية مابقوا دايما يقولوا عليا بارده ومعنديش مشاعر. بس انا نظرتي ليهم بقت مختلفه من كتر ما بقيت اعرف عنهم حاجات واشوف حاجات بعيني خلتهم يقعوا من نظري، اني مثلا عرفت ان ماما وهي متجوزه بابا كانت بتكلم اتنين رجاله وبتبعتلهم صور ليها بلبس مكشوف وملحقتش تكمل في علاقتها معاهم لأن بابا عرف، وقالها مش هقول لحد لكن قال لأهلها ف سابتله البيت ومشت. هي وقعت من نظري لأنها اكيد مش هتقولنا حاجه زي كدا لكن في نفس الوقت طول عمرها تقول ان ابونا ده اسوأ راجل هي عرفته في حياتها وتقول فيه كلام كتير وحش طب زي ما هتخبي الجزء الي غلطتي فيه قولي على الاقل حاجه كويسه فيه او امدحي فيه مره، وبابا كمان وقع من نظري لأنه وعدها وخلف وعده لما قال لأهلها ، ووراني فيديو ليها وهو بيصورها وبيسألها على التفاصيل وكانت بتقول ايه مع الرجاله دي وبتبعتلهم ايه وانا شايفه امي في الفيديو ضعيفه وبتقول انا محتاجه دكتور نفسي وهو يقولها من ورا الكاميرا قولي الحقيقه وبطلي حركات الجنان الي كنتي بتعمليها وهي تعيط وتقوله هتضربني؟. وحتى بعد انفصالهم ب كذا سنه كانت تاخدنا عند بيت واحده صاحبتها ك "زياره" وصاحبتها دي اخوها موجود في البيت واتاري بقى ان اخو صاحبتها ده هو الي صاحب امي وهي رايحه تزورهم ونبات عندهم يومين عشان تقعد مع الراجل ده من غير حجاب ويقعدوا يهزروا ويتكلموا واجي انا طفله وعشان متربيه جدتي الي ربتني ربنا يرحمها ويغفرلها بسأل ماما انتي ليه ياماما قاعده قدام الراجل ده بشعرك عادي؟ تقولي عادي ياحبيبتي ده ازاي ابن خالتي، وانا بردو مقتنعش بالاجابه ماهي بتقعد قدام ابن خالتها بالطرحه وحتى لو مين ده اساسا ده بقى المحامي بتاعها وكمان مسيحي. وعموما ده بس الي انا شوفته بعيني والله اعلم لو في حاجات تانيه مستخبيه ولا لا. وبابا بقى الي يجيب شهود زور يتبلوا على امي في المحكمه، ولا انه كان عايز يحبس امي 3 سنين عشان فكرت تتجوز بعد ما انفصلوا لكن طلعت براءه. ولا بقى ماما الي من وانا صغيره مهمشاني ولا كأني بنتها كل همها اسمع الكلام واذاكر واصلي، ولا شوفت يعني ايه حنان هي السبب ان مشاعري مش موجوده اصلا، ولما كبرت شويه بقت تضربني اكتر بس عشان تطلع غلها فيا، وتهزيق وشتيمه وتقل مني وقدام الناس ولا يفرقلها وتضربني قدام صحابي وقدام قرايبنا وفي الشارع، فعلا كنت بحس انها بتكرهني، ولغاية دلوقتي ومع ان ضربها ليا قل لأني مبعملش مشاكل وبريحها مش اكتر، ف انا لسه شايفه انها مبتحبنيش وان دايما هي انانيه، يمكن تكون بتحبني لكن انا مظنش. بابا بقى كدا كدا هو مش راجل طبيعي وانا بحس ان عنده عقد جواه، لكن انا بشوفه كل شهر مره ولما بيشوفني بيعاملني كويس يعني عمره مازعقلي ولا عاملني وحش لكن مين يعرف مايمكن عشان ميعرفش عني حاجه وكل الي بيقولهوله بذاكر كويس وبحفظ قرآن ف هو مرتاح، او يمكن عشان مش عايشه معاه ف عمري ماجربت اني معملش الي هو عايزه ف يوريني الوش التاني انا حكيت كل ده عشان تعرفوا الموضوع من الناحيتين ومحدش ييجي يقولي دول اهلك دول الي عملوا وعملوا وعملوا ...عرض المزيد

0 الدعم

2 نصيحة

Strawberry_58144 🇪🇬

شكراً و أسفاً لأثرك في حياتي يا عنبه

استاذ برقوقه pulm 28532.. اما بعد بما اننا بقالنا شهرين متكلمناش انا بس عايزه اقول.. ان انا منسيتش حاجه.. وان انت بجد.. سايب اثر فحياتى حتى من بعيد لو كنت شايف رسالتى فاحب اقولك شكرا و اسفه مع بعض شكرا انك فهمتنى حاجات عن نفسى انا مكنتش هفهمها فحياتى و اسفه.. انى مقدرتش اكمل بس انت ا بجد.. غيرت حاجه جوايا يا عنبه❤ ...عرض المزيد

1 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع