انا مش بعرف اواجه خالص و ديما بفضل كاتمه جوايا بس بتيجي لحظه و ببقى عايزه انفجر ف اللي قدامي أو من اقل موقف يحصل رد فعلي بيبقى قوي لدرجه ان آخر مره لاقيت نفسي بدون وعي ضربت واحده و انا مش حاسه بنفسي يمكن انا عارفه السبب بس مش عارفه الحل اهلي ديما مغلطني طول الوقت على الحاجه اللي بعملها و اللي مبعملهاش و لما باخد اي رد فعل كأني عملت مصيبه و مش بيقبلوا مني اي كلام زودوا على كده حاجات كتير زي أن اللي صوته عالي ف البيت و سوري ف الكلمه بيبجح ف اللي قدامه هو اللي كلمته بتمشي و أنا عمري ما هعرف ابجح ف امي و ابويا و كمان تسلط من ماما و اخواتي عليا و متدخلين ف كل كبيره و صغيره و كل حاجه تخصني مع العلم انا عندي ٢٠ سنه و كل حاجه من و انا صغيره بيتدخلوا فيها و بيجبروني على حاجات انا مش عايزاها لو نجحت فيها يبقى علشان ده اختيارهم و لو فشلت يبقى علشان انا فاشله و مش قد المسؤولية و غالبا ده اللي بيحصل طول الوقت يعني مختصر الكلام احنا مش بيت سوي نفسيا خالص و انا اتظلمت نفسيا كتير ف البيت ده حاسه اني بقيت هشه من جوه من اقل كلمه بقيت بنهار و بتكسر

5

3