خدعت في الشغل واتذلت بسبب لساني

Marshmallow_72497 🇪🇬

منذ يوم واحد

شعور مرهق

كانو دايما يحذرني من الناس الي في الشغل... وانا لا مستحيل حد يطلع وحش لان بطبيعتي دايما بفرض حسن النية الى ان يثبت العكس ....انا وحد تاني يعتبر متعينين في نفس الفترة بس هو أكبر مني بضعف عمري اد والدي ف بالتالي عنده خبرة حتى لو مش في مجالنا وانا على الله حكايتي ف بتكلم معاه بقوله انه انا معنديش خبرة ولسة صغيرة وعشان كدا مش عايزين يدوني تاسكات ويارتني ما اتسحبت من لساني ...فيه موقف ما حصل في الشغل ف بعدل عليه وأن دا المفروض يتعمل ب واحد اتنين تلاتة وهو ميعرفش فيها ولا فاهم وانا لما سالت كذا حد معانا قديم اكدو على موقفي انه صح والتعديل بتاعي صح ف راح الشخص الاكبر مني دا رايح قال محدش ياخد بكلامها دي لسة صغيرة ومعندهاش خبرة في حين اكتر من 6 انفار اكدو على ان كلامي صح بس الي هو حفضل اتذل بذلة لسان دي ومتوقعتش ابدا النية دي في حين ربي يعلم كنت بقول عليه في قرارة نفسي الله الشخص دا كويس بيشرحلي حجات من خبراته في الشغل

تعبان نفسيًا ومش عارف أصدق حد بعد ما اتغدرت

مش عايز اتكلم عن اللي فات بس عايز اشرح عواقبه عليا حاليا ..انا بعد ماكنت داخل علاقة وكنت خلاص أصلا مش قادر ومش حابب ادخل في حاجه زاي دي حاليا خصوصا اني لسه بدرس وبشتغل واصرف على نفسي وعلي دراستي ومش عايز ابهدل بنات الناس معايا..وحد يتعشم فيا وانا اتعشم في حد ونوجع في الآخر قلوب بعض ونسيب جروح الزمن بس اللي بيشفيها بس بتسيب أثر فينا مش بيروح ..المهم حبيتها وحبتني وكنت ناوي وكان كلي عزيمة اني اشتغل بدل الشغل اتنين جنب دراستي اه مش هبقي مركذ في الدراسة بس عشانها كنت هعمل المستحيل وادفع عمري ماينعز عليها آخر نفس في عمري كلووو ..بس مع اول مشكلة حقيقية بينا وكانت تافهه بس هي كبرتها ثم ان باباها عرف ضحة بيا وكأني البقرة اللي كانت بتأكل وتشرب عشان تتضبح بالغدر ..ومن وقتها وانا مبقاش عندي ثقة فكل اللي حواليا حتي اقرب الناس ليا اللي هما اهلي مابقتش عارف أصدق مين!! مابقتش عارف اتعامل عموماً مع البشر بجد ودا شئ تعبني جدا في مجال شغلي لانو لازم نفصل حياتنا الشخصية بمشاكلها اول ما ندخل الشغل ..عملي مشكلة عموماً اني بقيت خايف او بقي عندي تروما من العلاقات.. حاسس من وقتها اني مابقتش انا أصلا ودييي حاجه تعباني جدا ومش عارف اغيرها مبسوط اني قربت من ربنا الفترة اللي فاتت جداا..بس تعبان بجد نفسي ارجع زاي لي احسن مما كنت!!! ...عرض المزيد

2 الدعم

1 نصيحة

مكسور وقاصر نفسياً بعد ما خطيبتي اتعرّضتلها ومقالتش

السلام عليكم انا كنت ف فرح امبارح ومعايا خطيبتي واختها وصحابها واليوم عدي جميل م غير مشاكل الحمدلله بس بعد مروحت بكلمها حسيت ان في حاجه ف سالتها وهي كانت بتنكر اتحايلت عليها عشان تقولي قالتلي هو انت اكيد مخدتش بالك انا متاكده والله قولتلها احكي بتقولي وانا واقفه معاك وكنت انت باصص الناحيه التانيه بتدي التليفون لاختي عشان تتصور واحد عدي م جمبي هو وصاحبه وعاكسني وانا عارفه اني لو كنت قولتلك ساعتها مكنتش هتسكت وم بعيد الفرح كله يبوظ ف انا اتعصبت عليها بطريقه شديده اوي يعني انها مقالتليش ف وقتها وفضلت اقولها انتي خليتيه يقل م كرامتك قبل كرامتي ومكنش ينفع نسكت هي قالتلي لا طبعامكنش ينفع اقولك انا حاسس انها قالتلي بس عشان كانت فاكره اني سمعت وطنشت او عديت الموضوع وكانت عايزه تتاكد اني مسمعتش وانا حلفتلها ١٠٠ يمين اني مسمعتش وهي قالتلي انا واثقه فيك والله وعارفه انك لو سمعت مكنتش هتسكت انا بس مرضيتش اعمل مشكله وهي صح انا فاهم بس انا م امبارح منمتش وحاسس اني قصرت ومكسور وفيا خنقه م طبيعيه لدرجة اني كنت هنزل القاعه اعيد الكاميرات عشان اعرف مين الواد ده بس طبعا لو عملت كده هيبقي تصرف عيال وهي م امبارح بتحاول تهديني وتقولي كلام يطمن بس انا م عارف ابطل تفكير ...عرض المزيد

2 الدعم

12 نصيحة

عندي سر كبير ووحيد ومخنوقة من الوحدة

هو عادي ان الواحد يبقى عنده سر يخليه بينه و بين نفسه و بس و ميبقاش فيه اي مخلوق على وجه الارض يعرف السر ده ..حتى اقرب الناس له؟؟ بجد أنا بقيت حاسه اني لوحدي و ان أتحكم عليا اني عمري ما افتح قلبي لحد ..عمري ما هظهر على حقيقتي و لو لشخص واحد بس حتى فهو اللي أنا فيه ده طبيعي و كلنا عندنا أسرارنا عادي مكبرش الموضوع و لا استنى لحد الشخص اللي هيجي يحبني زي ما أنا و ساعتها هثق انه مش هيسيبني او يبصلي باستحقار و قرف و لا اقوم أنط من البلكونه اللي قدامي دي ولا اعمل ايه بجد نوت : أنا معملتش اي حاجه غلط تذكر اللي أنا فيه ده ابتلاء مش بايدي اي حاجه فيه ...عرض المزيد

3 الدعم

8 نصيحة