خيانات

Hazelnut_77351 🇪🇬

منذ أسبوع واحد

شعور ضائع

عبّر عن شعورك بشكل مجهول

انا اسف لو هطول عليكو شويه بس محتاج حد يفهمني انا صح ولا غلط انا بحب بنت وبقالنا مع بعض 10 شهور وحاسس ان علاقتنا بتخلص بس معنديش دليل كل حاجه كانت ماشيه تمام وحلوه اوي لحد شهر 3 بس انا بطبعي بغير اوي على اللي معايا فا كنت بمنعها من حاجات لبس او نزول متأخر او ستوريز ب شكلها وهي عندها ولاد على الاكونت بتاعها هي كانت بتسمع كلامي بعد خناق واقناعات بس كنت دايما بعوضها ب كلام حلو وحنيه كتير المهم هي قبلي كانت تعرف ولد هنسميه (خالد) الولد هما مكانوش ريليشن يعتبر كانو سيتويشن شيب بس حصل كام حاجه قفلتها منو و بعد ما عرفتني كانت قطعت معاه هو حاول معاها كتير واحنا مع بعض وكانت دايما بتيجي تقولي والصراحه هي كانت بتصدو وتعملو بلوك كل مره المهم خالد دا تيك توكر بس مش مشهور اوي فا ف يوم من الايام شافتلو فيديو ف مكان كنا بنروحو وبعتتلي سكرين بتقولي دا شكلو اشتغل هناك المهم بعدها لقيتها باعته سكرين تانيه ودي اللي فتحت كل حاجه بعتت سكرين للستوري بتاعتو وبتقولي انو اشتغل هناك بجد وبتضحك ع الموقف انا مستوقفنيش اي حاجه غير انو ازاي مفروض عاملالو بلوك وشافت الستوري بتاعتو هو الاكونت بتاعو بابلك وكل حاجه بس ليه شالت البلوك دخلت اكونتها لقيتو عندها فجأه اتجننت عليها الشك وصل لاعلى مرحله عندي وقولتلها ان اكيد حصل بينكو كلام وانا عايز اعرف دلوقتي قعدت تحلفلي انو محصلش حاجه وانو بس عملها لايك ع الستوري وكنت متعصب انها ازاي تقبلو بس ثانيه! ستوري ايه اللي هي منزلاها انا مش ظاهر عندي اي ستوري؟ لقيتها بعتالي سكرين للستوري اللي منزلاها اللي انا كنت قايلها لا متنزليهاش ومكنتش موافق عليها وانا الستوري مش ظاهره عندي طلعت عملالي هايد الموضوع وسع فشخ مكنتش عارف اتصرف ازاي لقيت نفسي بقولها هاتي اكونتك حالا راحت ادتهوني فعلا دخلت افتح الارشيف لقيت اكتر من 5 ستوريهات مكنتش موافق عليهم نزلو من ورايا غير اللي نازله دلوقتي ولقيت الشاتات كلها ممسوحه حتى شاتي وشاتات صحابها كنت مقرر اني هسيبها خلاص بعد اللي حصل دا وفضلت اقولها اني مش عايز اكمل بعد اللي شوفتو بس هي فضلت تقولي كتير انها غلطه وانها كانت بتشوف البنات التانيه وهي بتنزل ستوريهات وكانت بتبقا عايزه تعمل زيهم وان انا كنت حارمها من الموضوع دا مع اني كنت دايما لما تبعتلي فيديوهاتها لازم كل مره اكتبلها ماسدج كبيره فيها كلام حلو وكل مره كلام غير التانيه عشان متحسش انها ناقصها حاجه بس معرفش ليه عملت كدا بعد ما فضلت تقنعني ووعدتني انها استحاله تعمل حركه زي دي تاني وانها هتسيب الاكونت معايا عشان اتطمن وافقت اكمل مع اني كنت خسرت ثقتي فيها تقريبا بعدها ب يوم كانت وقفه العيد الصغير فا كنت نازل مع صحابي بس قبل ما انزل كنا انا وهي اتخانقنا مكلمتنيش طول منا بره اليوم دا ولما كلمتني كانت بتكمل خناقه المهم لما روحت البيت بفتح اكونتها لقيتها مغيره الباسورد يشاء ربك ان انا لقيت عندي بالصدفه البحته اكونت تاني ليها عندي عشان اخش عليها والاقيها منزله ستوري تاني من اللي انا مكنتش موافق عليهم بعد ما قالتلي كلامها امبارح عشان ف نص ما وهي بتتخانق معايا ف الشات اقولها ان ايه وضع الستوري اللي نزلت دي قالتلي ب عصبيه انها منزلتش ستوري وقعدت تحلف روحت باعتلها سكرين الستوري لقيتها حرفيا قلبت 180 درجه بقت مش عارفه تتكلم وتقولي انت جبتها منين ومين بعتهالك انا كنت جبت اخري وبجد المرادي كنت مقرر اسيبها عشان الموضع زاد عن حدو بس هي فضلت تمسك فيا وفضلت تحاول معايا كتير وقعدت تقولي اننا ننزل نحل الموضوع انا كنت عايز انزل عشان سبب واحد بس ان انا امسك فونها ولو لقيت حاجه كنت هريح ضميري واسيبها وانا متطمن انا عمري ما شكيت فيها بس اللي حصل خلاني اشك ف كل حاجه المهم نزلنا فعلا هي فضلت تتكلم كتير وتقولي نرجع وانا قولتلها هاتي فونك انا فتحت كل حاجه وملقتش حاجه وكنت سايب الواتساب للاخر فتحت الواتساب لقيت لوك شات اول حاجه لفتت نظري قولتلها افتحيلي اللوك شات دلوقتي لقيتها اتوترت وقعدت تقولي لا دي شاتات صحابي مش هفتحلك اللوك شات قولتلها انا مالي ب شاتات صحابك اكيد مش هخش عليها يعني انا عايز بس اشوف الاسم من بره اتأكد فضلت مصره اني مخشش وشدت مني الفون جامد انا ساعتها قومت ب هدوء وكنت همشي فعلا خلاص حسيت اني فهمت كل حاجه لقيتها جايه ورايا جري بتقولي هقولك اللي حصل والله انا مكنتش فاكره اللي فيه وكنت خايفه يطلع في حاجه قالتلي انو في شات واحد زميلها ف المدرسه كان باعتلها يسألها على حاجه وردت قالتلو ان بقا في حد ف حياتها ومردتش تاني قولتلها طب ليه مقولتليش وليه مورتنيش دلوقتي قالتلي انها كانت ناسيه ورتني الشات فعلا وطلع زي ما قالت ومكنش في غيرو ف اللوك شات بس انا ساعتها مكنتش قادر اصدق اي حاجه وكنت بفكر انها اكيد مسحت حاجه عقبال ما طلعت بره مكنتش حاسس ب اي حاجه اول ف حياتي ابصلها واحس انها وحشه واني مقروف منها قولتلها انا مش هقدر اكمل لقيتها بتعيط قدامي عياط هستيري معرفتش اهديها مكنتش حاسس اني عايز لقيت نفسي بروح البيت ف اخر اليوم وهي لسه بتتصل بيا وبتحاول معايا كنت بفضل اتأخر ف الرد وارد ردود بارده مكنتش عارف افكر بردو كان في جزء جوايا عايز يكمل معاها بعد كل دا وكل الفرص اللي اديتهالها قولتلها متحاولش ولو في نصيب هنبقا مع بعض حاولت اشغل نفسي عن التفكير تاني يوم كان عندي جامعه وانا راجع حسيت ب احساس غريب وجع جوا قلبي وحاجه مش عارف اشرحها طلعت بيتي عيطت نزلت مع صحابي بليل ودماغي مكانتش معاهم روحت البيت كان نفسي تبعتلي لقيتها بعتتلي بتحاول تاني لقيت نفسي برجعلها مع ان كلو كان قايلي مرجعلهاش مهما حصل بس رجعتلها حسيتها حاولت كتير وبتحبني بجد وقولتلها شرط اننا نرجع تشيل كل الولاد وتديني الاكونت فتره وافقت ع الشرط ورجعنا قعدنا فتره مكناش احسن حاجه هي بسبب اني سبتها تعيط ف الشارع وانا بسبب كل اللي حصل فضلنا كدا فتره حوالي شهر ونص بس مع الوقت ابتدينا نرجع زي ما كنا ونقرب تاني وننسى كل اللي حصل بس كان في مشكله ان انا مبقتش عارف اثق تاني ف حوار اكونتها وهو بقا معاها وانا طلعت منو. واشترطت عليها متحطش اي ولاد تاني وهي وافقت بس كنت باجي كل اسبوعين او اسبوع اخش اشوف الفولوينج الاقي عندها كذا ولد فا اروح اقولها ونتخانق وف الاخر تشيلهم الموضوع كل بيحصل كتير وانا كنت ابتديت اتخنق منو ومش عارف افهمها اني مش عارف اثق فيها ف الحته دي تاني عشان المفروض اني وافقت اكمل ع اساس اني هرجع اثق فيها وانا فعلا رجعت اثق فيها ف كل حاجه بس معادا الحته دي مش عارف اثق فيها خالص كنت عايز حل عشان متعملش كدا فا سألتها وقالتلي لو شلت البنات اللي عندي هي مش هتقبل تاني البنات اللي عندي كانو زمايلي ف الكليه وكنت بحتاجهم ف حاجات جوا الكليه وهي كانت عارفه دا بس هي قالتلي مليش دعوه ولو عايز دا ميحصلش اعمل كدا  كنت رافض ف الاول بس بصراحه كنت عايز اخلص من عندها ودماغي فا ضحيت وشيلتهم فعلا قعدت بردو اسبوعين متحطش فجأه لقيتها بتحط وكل مره كانت بتديني حجه مره اصل دا صاحب صاحبتي وهي قالتلي انها عايزه تشوف حاجه ومره اصل هو كان يعرف ماما وهي قالتلي اقبلو ومره اصل بالغلط وانا كنت بتخنق وهي مكانتش بتبقا عارفه انا ببقا متعصب كدا ليه وقفت الموضوع حوالي شهرين عشان اخر مره قولت كلام كتير وحش فا قالت انها مش هتعمل كدا تاني وفعلا كانت بطلت فتره بس انا كنت تقريبا اتجننت كل يوم بخش الاكونت اقلب ف الفولورز عندها مش اقل من 5 مرات ف اليوم قبل كدا عملت حركه مفهمتهاش بردو بصراحه عملت اكونت من ورايا وحطت صوره مكنتش موافق عليها وانا كل دا كنت مراقب الاكونت من الفولوينج عندها ومستني اشوف هي هتعمل ايه لقيتها عملتلي بلوك منو عشان مشوفهوش يعني وكدا ولما واجهتها بالموضوع انها اكيد عملت كدا عشان هتعمل حاجه مش هترضيني اصل ليه هتخبي وتعمل حركه زي دي لو الموضوع عادي خافت وفضلت تعتذر كتير وتقولي انها مكانتش هتعما حاجه وان صحابها سخنوها تعمل اكونت من ورايا عشان انا مش موافق بالصوره اللي عايزه تحطها وهي كانت متلخبطه وسمعت كلامهم وقعدت تحلفلي انها كانت هتقولي اتضايقت اوي بردو من الموضوع دا بس عديتو لحد من كام يوم لقيتها حطت تاني اتخانقت معاها وقولت الحوار هيعدي زي كل مره وهتشيل بس هي مرضتش وفضلت تقولي ان انا عندي ف اكونت الشغل بتاعي انا عندي شغل بعملو لنفسي تبع المزيكا وبوريه للناس فا طبيعي يبقا في بنات عندي وولاد بس انا مش بستهدف فئه معينه بس الاغلب عندي بنات وكانو كتير واستحاله اشيلهم واخسر الناس اللي بتشوف شغلي مع اني والله يشهد عليا ربنا ان انا مكلمتش حد عليها ولا فكرت اصلا ب رغم كل اللي عندي وهي متكلمتش ف الموضوع ذات نفسها وقالتلي انها عشان واثقه فيا وكانت متفقه معايا انها ملهاش علاقه بالاكونت دا ف حوار البنات وليها علاقه بالاساسي اللي عليه صوري وبس بس ليه غيرت كلامها دلوقتي وقالتلي يا تقفلو يا مش هشيل حد انا اكيد رفضت اقفلو فضلنا ع الحال دا 4 ايام كنت عمال اقولها بلاش نخسر بعض عشان عند وحاجه ملهاش لازمه تبقا عندك انا عشن عندي محتوى بقدمو فا طبيعي دول هيفدوني لكن دول مش هيفدوكي ب اي حاجه وهيعملو مشاكل وهيبعتولك ليه نحط نفسنا ف كل دا وتحطيني ف كل فضلت تقنعني ان محدش هيكلمها عشان هي مش هتنزل ستوريهات ولا نوتس عشان حد يبعتلها انا مقتنعتش بالموضوع طبعا استحاله متنزلش حاجه طول حياتها فضلت اقولها ان حتى لو منزلتيش حاجه هما ممكن يكلموكي من غير حاجه وانا مش هقعد استنى لحد ما دا يحصل فضلت معنداني وانا كنت بعاملها وحش ومكنتش بتكلم معاها ف الاخر حلينا الموضوع وشالتهم وركنت العند وقالتلي انها بجد مش هتعمل كدا تاني بس انا مش عارف اثق ف حتت اكونتها ولا حتت انها مش هتقبل تاني عشان كل اللي شوفتو وحاسس ان العلاقه بتنتهي عشان كل المشاكل دي وعشان الفتره دي عاملنا بعض وحش ايام كتير سواء انا او هي وبقيت بحس اني مش عايز اقعد اكلمها زي الاول بقيت بحس وقتي معاها بدأ يبقا تقيل ولما بتنام وتقولي اصحيها لما برن اصحيها بحس اني مش عايزها ترد وعايزها تكمل نوم بقيت مستتقل الوقت معاها مع اني بحبها اوي وعملنا ذكريات كتير اوي سوا ومش شايف نفسي مع غيرها ولا عايزها تبقا مع غيري وضحيت ب حاجات كتير عشان افضل معاها ضحيت ب شغل كنت بشتغلو عشان افضل جمبها عشان هي قالتلي انها محتجاني عشان هي ف ثانويه عامه والشغل دا كان واخد وقتي كلو تقريبا وباعدني عنها مع اني كنت مرتاح فيه بس ضحيت عشانها وضحيت ب اوقات كتير حلوه مع صحابي فا مش عايز كل دا يروح ع الفاضي ف الاخر وانا مش عارف اعمل ايه حاليا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_51919 🇪🇬

منذ 3 أسابيع

شعور متعب

الفترة دي أنا بمر بمشاكل كتير. أول مشكلة إنّي اشتغلت شغل ماكانش شبهي، واضطريت أكمل فيه عشان العقد وأنا لسه طالبة وماكنتش فاهمة أي حاجة. اللي كان مخليني مستحملة إني مش لوحدي، كان معايا كذا حد من صحابي. لكن جو الشغل كان كله أحزاب وحوارات، وكان فيه بنت عاملة نفسها المديرة علينا وهي مش مديرة. المشكلة إ

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Sugar_33326 🇪🇬

منذ شهر واحد

شعور مستنزف

Chocolate_74465 🇪🇬 انا موش فاهم انتوا يا جماعة برجعوا لحد قديم لي؟ مهو لو كان قرار صح ما سيبتوا بعض و بعدين الي يسيبك مره حسيبك الف مره و الي محتاج يخسرك عشان يعرف قيمتك دا موش حليب دا واحد بلعب بيكي بس دي الحقيقة لو فكرتي بدماغك من غير مشاعر حتفهمي الكلام دا شوفي حد يبادلك الاهتمام و الحب و يهتم بيكي و بمشاعرك و يخاف عليك دا معنى كلمة رجال فتشي عن دا و خالي الولاد

عرض الكل 6 نصيحة

عبّر عن شعورك بشكل مجهول

دلوقتي انا عندي مشكله كنت مرتبطه بواحد سوشيال وبعدين واحد تاني هو اعجب بيا يعني وكده بعد ما انا كنت حصل معايا مشاكل مع الشخص اللي انا كنت بكلمه وكده دخل حياتي بس كان معايا في نفس المحافظه المهم احنا كنا نعرف بعض من قبل كده لان هو كان يعرف واحده صاحبتي وكده وبعدين انا الشخص السوشيال ده حاول ان هو يرجعلي تاني وانا بصراحه ده كان اول حد انا احبه يعني كميه الفرص اللي انا كنت بعملها بجد فظيعه فرجعت اكلمه وانا لسه بكلم التاني المهم يعني عارف وحصل مشكله كبيره وراح كلم الولد ده وبعدين اخد الاكونت وبعد ما اخد الاكونت بقي اي حد يقوله ان البت دي تخصني وحصل لي مشاكل كتيره اوي بسبب كده وبعدين دلوقتي من فتره انا رجعت اكلم الولد السوشيال ده بس بعد ما حصل ما بينا مشاكل انا والولد اللي من نفس محافظتي وبعدين الولد اللي نفسه محافظتي ما سكتش وحاول ان هو يرجع لي تاني وانا رفضت دخلي من عند صاحباتي وخلوهم يقولوا لي ان ازاي انا كده يعني انا بحب اللي عاملني وحش ومش حابه ده اللي بيحبني بجد المهم فرجعت بس ما رجعتش زي الاول طبعا وبعدين هو كلم الولد اللي انا كنت بكلمه بعد ما كلمه بعتله شات كان ما بيني وما بين الولد اللي من محافظتي بعتها للولد السوشيال المهم يعني حصلت مشاكل كتيره وانا عملت للولد السوشيال ده بلوك وقلت خلاص مش هشيله وبعدين جه الولد اللي من  محافظتي وحرفيا قالي كلام ما ينفعش يتقال خالص وبعدين رجع برده ان هو يقول ان ما كانش قصده وان انا السبب ان انا عملت كده وبتاع انا مش عايزه ازاي هيفرض عليا الحب خلى صاحبتي يعني هي قريبه مني اوي تقولي ان انتي لازم تكملي وان ده شخص الصح وكله بقي عليا علشانه هو بيحب يعيش الدور وانا مش عارفه اعمل ايه بس انا زهقت من كل ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_67449 🇪🇬

منذ شهرين

شعور مكسور القلب

ليه العشره بتهون وليه حد يتخلى عن حد ببعامله بى احترام وتقدير وليه ينخلى عنه علشان ظروفه الماديه وحشه هل المال بقا هـوى اللى بينجح اى علاقه وينفصل عنه بدون اسباب تستاهل الانفصال وبعدها الطرف الاخر يرتبط بى حد تانى علشان مستواه المادى عالى بجد العشره ملهاش قيمه😥

Onion_64725 🇪🇬 دا كله خير واختبارات بنتحط فيها

عرض الكل 8 نصيحة

French Fries_62992 🇪🇬

منذ شهرين

شعور مكسور القلب

انا كان عندي صاحبي من و انا صغير لغايت دلوقتي كنا أصحاب بنحب بعض بيتخانق و نصالح بعض فمره حصل خناقة و هو مبيكلمنيش من ساعتها مع اني معملتش الحاجه و هو عمالي يتكلم عني أدام الناس و بيبعد اصحابي عني فحبيت بالزعل و كنت متعصب لدرجة اني كنت قربت ادعي عليه و غير كده ان الجانب النفسي بتاعي مش كويس و حاسس ا

Potato_62823 🇪🇬 تمام الحل انك تقعد مع ناس كتير و تحاول تتكلم معاهم و متقعدش على التليفون لوقت اطول علشان ده بيقلل من الوعي و ممكن يجيب لك توحد ☺️

عرض الكل 3 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Sugar_47113 🇲🇦

منذ 9 أشهر

شعور وحيد

أهلا يا جماعه.في حاجة مديقاني صراحة أنا شخصية إجتماعية في المدرسة .بهزر مع الكل و أتكلم مع الكل . بس في صحبات 5 هم الي قريبة منهم كثير . ثلاتة معي في الصف و إثنين صحابي من الإعدادي . بس لما جيت أشوف أنا مقرب لمين أكثر وحدة فيهم . ألاحض إنو هم مصاحبين بعضهم أكثر مني . متلا إتنين يخرجو .و يعملو فديوها

Hazelnut_37922 🇪🇬

منذ 11 شهرًا

شعور محبط

عبّر عن شعورك بشكل مجهول

انا كشاب من النوع اللي لما حد بيدخل قلبي بديله حرفياً كل المشاعر الحلوة اللي بملكها وبحسها تجاهه، عفوي لأقصى حد طالما ارتاحت للشخص واتطمنتله .. وعلى الرغم اني اتعاملت كتير مع الجنس الاخر على مدار سنين حياتي بحكم الشغل او الكورسات او غيره إلا إني عمري مابديت حد وحطيته في مكانة خاصة إلا ولاقيته مش مقدر ده وزي مايكون مستغرب أن معاملتي مختلفة عن الناس اللي كانوا في حياته قبل كده وقد ايه كانوا مسببينله اذى فكان بيتعامل معايا بحذر شديد .. كنت في علاقة ما مع بنت ورحت اتقدمت وموضوعنا كان رسمي وكنا بنحب بعض ورسمنا احلامنا سوا جت في نص الطريق في وقت كنا زعلانين فيه من بعض زعل عادي عاقبتني انها تقولي اصل جالي عريس واتقرأ فاتحتي علشان تشوف رد فعلي وطبعا بما اني حد عزيز النفس ربقدر قيمتي تماماً قررت ابعد عن الانسانة دي تماماً ( علماً ان في طبعاً تفاصيل كتير في النص لا داعي لسردها ) وجت بعدها تعترف انها كانت بتقولي كده عقاباً ليا وماحصلش انها اتقرأ فاتحتها ولا حاجة .. عايز اقول ان الناس بتتعامل بسذاجة ومش بيحافظوا عليا لما بديلهم قلبي وفي النهاية يعلم الله وحده انهم بيجوا لحد عندي ندمانين وده اللي مريح ضميري الحمد لله .. ليه الناس بقت تدخل حياة بعض يأذوا قلوبهم ويمشوا؟ بيزرعوا جواهم نبتة سلبية وبيخلوهم يخافوا يتعاملوا مع الكل وياخدوا عاطل على باطل .. القلب بيدبل واللي بيشيل الهم ده الشخص الكويس اللي بيجي بعد كده .. راعوا مشاعر بعض وخلوا عندكم اصول ومبدأ لأن حقيقي الناس السوية نفسياً قلت جداً الفترة دي للأسف الشديد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_26973 🇪🇬

منذ 11 شهرًا

شعور محبط

بجد اياك تعرف حد حاجه عنك حتي اقرب صحابك او حتي اخواتك لإن هييجي اليوم ال يفضلوا يفكروك بكل حاجه او تفصيله بتدايقك حكتهالهم وهيعيروك بكل حد خذلك وحكتلهم عنه هيفضلوا يحكوا عن الموقف ال بيدايقك ونت حكتلهم عنه وكل دا ف سبيل الهزار وان انت المفروض تتقبل الهزار .

Strawberry_26782 🇸🇦

منذ 11 شهرًا

شعور مزعوج

French Fries_20914 🇪🇬 كبري دماغك ترتاحي...بمعني اعتبريهم مش موجودين ف حياتك وخدي جمب منهم زي مهما طريقتهم مش كويسه تجنبيهم وريحي نفسك

عرض الكل 6 نصيحة

عبّر عن شعورك بشكل مجهول

انا تعبانة و محروق دمي جدا من اهل جوزي باختصار انا متجوزة من حوالي ٦ سنين و لسة مخلفة السنة دي 
الناس دي طول السنين اللي فاتت و هما انانيين جدا معاملتهم ناشفة و واقفة و مش بيحبولي الخير مواقف كتييير عدت وحشة و كلام بطريقة مستفزة كنت بعديه لحد موقفين فاتو مش قادرة اتجاوزهم الموقف الاول وفاة ابويا من سنة الوقت دة انا كنت مسافرة و طبعا نزلت اخد عزاء ابويا 
احنا مقيمين في بلد خارج مصر و اهل جوزي كمان بس هما في مكان و احنا في مكان الوقت دة كان ابو جوزي بس اللي في مصر و باقي اهله لا المهم ابوه كلمني المفروض بيعذيني و عايز يعرف احنا هننزل ولا لا ف بيقولي بالحرف كدة لو وراكي حاجات و شغل مش لازم تنزلي شوفي اللي وراكي !! طب انت ترضاها ابنك مياخدش عزاك بجد!! و عديتها و نزلت و خدت عزاء ابويا و هو مجاش هو كان جاله كسر في الحوض و انا كنت اول وحدة موجودة قبل ابنه اصلا لانه كان مسافر ووقفت جمبه في المستشفي و العملية و كانو معتمدين عليا في كزة حاجة و روحت البيت ازوره لما طلع و بقي يعمل علاج طبيعي و يمشي و محضرش العزاء و انا افتكرت انه عشان مش بيمشي مجاش و تاني يوم اروح ازور مقابر ابويا و بعدين ابو جوزي كلمه بالليل قالو م تيجو عندي روحت لاقيته بسقوم و يمشي عادي جدا بعصاية و مشاية و يقولي مش بقيت امشي انا انصدمت و سكتت و مقولتش حاجة باختصار دة موقف 
الموقف التاني ان امه كانت تفضل تقوله امتي هنشوف عيالك و نفرح بيهم قبل م نموت و يوم م عرفت اني حامل بعد ٦ سنين قالت مبروك ناشفة كدة و ابوه والله ولا بارك ليا و لا ليه قال بسخرية هبقي جد و التليفون عل سبيكر و مشي و هو اصلا عنده بنات مخلفين يعني قصده سخرية مش اول مرة يبقي جد
و لما خلفت منزلوش يحضرو يوم الولادة ولا اي حاجة حتي مباركوليش بمكالمة لكن كلمو ابنهم سريعا كدة و خلاص و امه فضلت اخر شهرين في الحمل تخترع اي مشاكل مع جوزي و خلاص ان هو مش بيكلمها و مش بار بيها و خاجات مش بتحصل لانه بيسال عليهم و بار جدا بيهم اصلا و تقعد تشير بوستات علي فيس بوك توقع بيني و بينه و في البرايفت تبعتله كلام وحش علي الزوجة و انا حامل !! 
و ابوه سافر و مجاش يبارك مع انه مش بيشتغل ولا وراه حاجة بس تقريبا سافر عشان ميجيش يبارك و انا ولدت في مصر 
و لما كلمناهم في اللي مضايقنا و انهم مشافوش حفيدهم و بقاله كام شهر يا حبيبي ولا اصلا حاولو يشوفوه و حكيت اللي مزعلني منهم ابوه يقولي في التليفون بزعيق احنا بنعاملك زي بنتنا و اشربي من البحر !!! 
انا صعبان عليا نفسي جدا 
انا ياما عديت مواقف مش لطيفة و مردتش عشان جوزي بس خلاص طفح الكيل و ربنا يعلم اني عمري م قولت لهم كلمة وحشة مش زيهم وكنت سلعات كمان بصلح بين جوزي و امه لما هي بتفضل تقول كلام غريب
في مرة طلعو صورة من البوم و انا قاعدة و مصرين اني اشوفها و يقولو لبعض لا هيتخانقو و طلعوها بردو صورة جوزي و هو بيبوس بنت خاله و هما اطفال نونو بمعني الكلمة ف انا مش اهتميت

انا فاض بيا اتعامل مع الناس دي ازاي انا مش قادرة اتعامل معاهم تاني بعد وفاة بابا و محدش يعتبر عزاني و لا جه العزاء و بعد ولادتي و محدش باركلي اعمل ايه مع الناس دي 
دة كدة باختصار في مواقف كتير من زمان بس دي القشة اللي قسمت ظهر البعير .. حسبي الله و نعم الوكيل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_26180 🇪🇬

منذ 11 شهرًا

شعور مكسور القلب

موضوع:

تجربتكم مع عيله الأب السامه؟

Coffee_27371 🇪🇬 "ويمكرون ويمكر الله والله خير الماكرين" صدقينى كله سلف ودين وربنا مع باباكى احسن من اى حد بشوف ان الحسد والغل بيقتل صاحبه فالاخر انتوا حصنوا نفسوا وبيتكوا واعتبريهم كأنهم مش موجودين وكويس ان شرهم باين كده متزعليش ع ناس ميستهلوش اللى مش قد الاخوه والعيله نبعد عنهم

عرض الكل 4 نصيحة

عبّر عن شعورك بشكل مجهول

جدو اللي توفى وانا صغيره ومش فاكره عنه الا تفاصيل بسيطه جميله وكنت شايفاه كويس وبيحب بابا وان المشاكل كلها حصلت بعد وفاته اكتشفت لما كبرت انه كان بيستغل بابا زيهم كلهم عادي وآذاه في حياته وكان سبب لمشاكل تحصله 
ولاننا عايشين بره شايفين بابا جبل فلوس لازم يستفيدوا منه حتى عمي اللي كان مسافر معانا  وقعدنا معاه 18 سنه يعني انا واخواتي كلنا اتربينا وهو وسطنا وبنحبه وبيحبنا اتغير فجأه وبقى زي باقي اخوات بابا ان لم يكن اسوأ لانه اكتر واحد عارف بابا بحكم العشره وعارف قد ايه بيحب اخواته وانهم نقطة ضعف عنده وبيحب يكرمهم حتى لو على حساب بيته واسرته ، اكتر حد وجعني هو لاني كنت بعتبره زي بابا وكنت بلجأ لحضنه في غياب بابا ، رغم معرفته بالاذى والوجع اللي بابا مر بيه بسبب خصام اخواته ليه وبسبب قسوتهم واستغلالهم ليه ورغم معرفته بالاكتئاب اللي عاش فيه وكان بيتعالج منه ورغم ان بابا كان دايما يقوله انت اللي ليا وغيابك صعب عليا ورغم انه عارف ان الوضع المادي مش زي ما شايفينه الا انه بقى شبههم والطمع دخل قلبه وبقى بيستغل بابا بطرق ابشع من باقي اخواته وبكل بجاحه وقلة عزة نفس  
وهو وعمامي  سبب لخناقات كتير بيننا وعيونهم دايما في كل حاجه عندنا وحتى مش بيداروا ده ولا بيمثلوا عكسه حتى جدتي قبل ما تتوفى كانت هي السبب الاساسي لمشاكل كتير بينه وبين عماتي بسبب كلام كانت هي بتقوله وفي الاخر ماتت وسابت بينها وبين اولادها مشاكل واحفاد موجوعين منها
️مش قادرين حتى يدعولها مرينا بمواقف في الغربه محدش فيهم كان معانا ولا كنا بنحس ان لينا اهل يطمنوا علينا واتعرضنا لاكتر من مره لحوادث مميته خروجنا منها لمجرد ان ربنا كاتبلنا عُمر ومحدش من الناس اللي بتشوف الحادثه بيتوقع اننا لسه عايشين وفي وسط ده اهلنا مش موجودين بسؤال على التليفون!

Blueberry_27226 🇪🇬

منذ 11 شهرًا

شعور متعب

بتيجي على الواحد فترة يبقى عايز يتكلم مع اي حد علشان ميحسش انه لوحده ببقى عايزة اقول ل اى حد حتى لو غريب متسبنيش لوحدي انا تعبت تعبت من الوحدة مع ان حواليا ناس بس حاسة انى لوحدي اتخذلت من اقرب الناس ليا فتعبت عايزة امسك اى حد واقوله متسبنيش كل حاجة جت عليا وداست على وشي جامد تعبت من الدنيا واللى ف

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع