خيال

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Marshmallow_69067 🇪🇬

منذ أسبوعين

شعور خجول

عبّر عن شعورك بشكل مجهول

الخيال ف حد ذاته مش غاية ع اد م هو وسيلة لإستمرارية الحياة بشوية أمل.. 
شعورك انك من برا شبههم بس روحك مختلفة وكأنها موصوله بعالم خفي محدش يعرف عنه حاجة ..  مشكلة الخيال  انه مع الوقت بيفصلك  عن الواقع فلما تحاول تانى  تندمج مع البشر ومع واقعية الحياة بتخاف تفقد الامل الى بنيته في أحلامك فبترجع تسحب نفسك واحدة واحدة لحد م بتختفي و بتتحول لطيف.. شبح مختارش انه يهرب الا لحماية نفسه وان احلامه متبقاش مرتبطة بوجود شخص دخيل من برا العالم الخاص به اختيار غلط ممكن يدمر أحلامه وتوازنه  النفسي وحياته كلها فبيختار انه ميتعودش وميتعلقش بوجود حد اى حد.. ف نفس الوقت الأمل جواه بيخليه يصدق ان فيه حد مختلف مش شبههم هيجي ينقذه من خوفه ويعرفه علي الحياة بشكل جديد مش عالم مثالى ولكن على الاقل الشخص دا هيبنله بيت اربع حيطان من الحماية والأمان والتقبل والتفهم والطرف الخيالى هيملى البيت ورد وشمس وألوان لطيفة ف كل مكان ..
إبتسمت ؟؟   دا كمان كان مجرد خيال  أمل لطيف تأثيرة زى ضى شمس دافى لمس وشك  ترك اثر ف نفسك لكن مش بيدوم..
مشكلة الاحلام هى انك بتعتقد  بتصدق ان  اشخاصك الخياليين دى ارواح من عالم تانى حاسة بيك وبتدور عليك بتقابلها ف احلامك ولكن الحقيقة ان الشخص الى ساكن خيالك  ما هو الا جزء من روحك هو انت ف صورة مختلفة بتلبيلك إحتياجاتك الى انت بس عارفها  بتحبك بالطريقة الى بتتمناها يمكن دى مش أكتر طريقة صحية ولكنها اكتر طريقة آمنة..
إنسان حقيقي؟؟ تتعلق بيه فيتحكم في نفستيك ويفصلك عن احلامك اكيد مش كل الناس وحشة بس المعظم عايز يخطف منك نورك ويمشي ..  العلاقات الإنسانية الواعية بتتبنى ع التقبل ان حد يكون عايزك زى م انت بكل نواقصك وعيوبك وكل الكركبة الى جواك يبقى شايفها انها جنة ويكون عنده فضول طول الوقت فضول مبينتهيش انه يكتشفك اكتر ويكتشف كل شئ خفي جواك تفضل لغز مستمتع انه دخل  جواه ويبقى حاسس انه محظوظ ان هو الشخص الوحيد الى فتحتله بوابة أحلامك عشان يشاركك فيها شخص مجاش صدفة هو كان قدر وقدرتك ع الخيال كان الطريق الى اتشكلت فيه شخصيتك الى هو كان بيتمناها زى م هى وطلعت الأحلام حقيقة و إيمانك بوجوده مطلعش مجرد وهم طلعت الحقيقة اجمل من الخيال.. إبتسمت تانى؟؟ كل دا مش حقيقى برضو  إحنا بشر و دى صفات ملائكية مش هتلاقيها ع الارض إلا لو إتحبيت بطريقة محدش لسه إكتشفها وغالبا الى بيتحبوا بالشكل دا مش بيقولوا.. انا إتعلمت استمتع بالحلم ع هيئته وانه يعنى ليا كتير بس ف النهاية هو حلم.. الذكريات والأحلام بيتحولوا مع الوقت لشئ واحد ف ذاكرتك تقبل واقعية الحياة وان منتهى الامل فيها انها مش دايمة وتقبل ضعفك الى بيحتاج اوقات كتير انك تضلم مخك وتفصل عن روتين الحياة وتغمض عنيك وتسمع صوت بيهمس بإسمك من عالم تانى كان مستنيك.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_52401 🇪🇬

منذ شهر واحد

شعور لا مبالٍ

منفسكش تنام و تقعد قاعدة مع نفسك وانت صغير و وانت كبير و تقعدوا تتكلموا نفسي انام و احلم الحلم ده اشوف نفسي وانا صغير و اهتم بيها و اقعد اكلمها وانصحها واقوله ماتخفش الدنيا مهما بتدي الكذاب و المنافق هيجي يوم و كل ده هيروح منه و ينكشف قدام الناس خليك طبيعي زي ما انت ما تتغيرش علشان حد ولا تتمسك بح

عبّر عن شعورك بشكل مجهول

منفسكش تنام و  تقعد قاعدة مع نفسك وانت صغير و وانت كبير و تقعدوا تتكلموا

نفسي انام و احلم الحلم ده اشوف نفسي وانا صغير و اهتم بيها و اقعد اكلمها وانصحها واقوله ماتخفش الدنيا مهما بتدي الكذاب و المنافق هيجي يوم و كل ده هيروح منه و ينكشف قدام الناس
خليك طبيعي زي ما انت ما تتغيرش علشان حد ولا تتمسك بحد ولو في نفسك حاجه عايز تقولها قولها لو عايز حاجة جديدة تجربها جربها انت معلكش مسؤليات لسه ولا حاجه جرب انت خايف من ايه ولو بتحب حد قوله انك بتحبه هتخسر ايه وركز علي مذاكرتك و صلي وادعي كتير وانا معاك اهه ولو عايز حاجه قولي انا معاك

و تيجي نفسي الكبيرة تطمني علي مستقبلي انا هعمل ايه ومين من أصحابي كمل معايا و مين الناس الي عرفتهم جديد و اخواتي هيبقوا عاملين ازاي لما يكبروا وهقعد فين واتجوز مين و هل هبقي كويس في الشغل ولا لا ولو في حاجه محتاج اعدلها دلوقتى علشان تفدني بعدين اعملها ولو طريق انا ماشي دلوقتى فيه غلط يقولي

كان نفسي يبقي عندي اخ اكبر مني مش انا الكبير
حاجه وحشه اوي انك تبقي الاخ الكبير مسؤليات و اعتماد عليك في حاجات كتير انا عارف ان كل ده ان شاء الله عليه اجر بس انا مش عارف اساعد نفسي علشان اساعد حد مش عارف انصح نفسي علشان انصح حد مش مهتم بنفسي اوي علشان ورايا حاجات كتير اعملها هي المفروض تساعدني بعدين بس مش مساعداني دلوقتي و شوية منها مش ليا
مش عارف افرح حد من اهلي ولا نفسي بيا

مش الاقي نفسي نايم مره كده والاقي نفسي المستقبليه جايه من بوابه الزمن الي هخترعها و يقوم قايلي علي شوية tips
او يرميلي ورقة فيها اسرار مهمه او احداث تاريخيه انا المفروض اصلحها دلوقتى علشان المستقبل يبقا احسن

خيال علمي مش كده 😂
اسف لو ضيعتلك و قتك كمل سكرول يلا ولا اقولك اقفل الاب واعمل حاجة مفيده احسن

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_56002 🇪🇬

منذ شهر واحد

شعور ضائع

لسه تايه لسه بدور ع اي حاجه حلوه ف حياتي لسه بهرب منك وليكي بس برغم البعد ايل بينا مستني منك اي كلمه اي حاجه اتمسك بيها ان ممكن نرجع ونكون سوا لسه بعيش الوهم ايل ف خيالي لسه بعيش الأحلام ايل رسمتها ليكي ف خيالي ع امل انك ممكن ترجعي ف اي لحظه بس بجد انا تعبت تعبت من كل حاجه كل حاجه كانت سهله ف وجودك

Coffee_68646 🇪🇬

منذ شهرين

شعور وحيد

الفراغ يمكن أن يكون تجربة صعبة ومؤثرة على النفس. ف ايه حلول الفراغ بتاع اخر الليل من وجه نظر ال هنا هل الكلام هنا بيضيع الفراغ بيسلي ويضيع وقت ولا علي حسب الناس وطريقه الكلام ولا التسليه ف حاجه تانيه افضل انا بتكلم ك شاب اظبط الوقت دا ازاى ولا اتكلم مع حد هنا ولا اي ولا يعيش مع خياله ولا حد يشاركه خ

Mushroom_71160 🇪🇬

منذ شهرين

شعور متعب

ليه الواحد يعلق نفسه بحاحة مش هتحصل غير في خياله وبس وتخليه يقعد يفكر كتير وعارف ان صعب تحصل بس برضه يفكر ويعلق نفسه تنننلهااهالععلغغغللعلبعللللع٧٨غب٧٧اللته٨ححنتغهعلعها٧عانهاهعاتعهلغ

Avocado_72183 🇪🇬

منذ شهرين

شعور متعب

عبّر عن شعورك بشكل مجهول

طيب مبدائاً كده اعتقد اني مريض
انا حالياً هكون طالب جامعي أن شاء الله بعد شويه مشاكل في الدفعه الميته دي و المليئة بالكوارث بس الاهم ان أنا عندي  حالة بكون في عالم موازي فعلا بتحس انك في كذا نسخه منك و كل واحد منهم ليه رأيه الخاص و ميوله مبقتش عارف المفروض اعمل ايه، تشتت؟ اعتقد ان التشتت نفسه تشتت من كثره تشتيتي و ما اكدب عليك كل ده كان و أنا طفل بس كنت مبتكر مفكر ذكي بيقدر يكتب قصص و يمثل و يعمل افكار لابتكارات كان نفسي اعملها متوحد تقريباً لاني ماكنتش بحب انزل شارع العب أو اكون صداقات و مازلت علي نفس الحال بتكلم مع الشخص مجرد كلام أو اني اساعده لو الشخص اعتبرني صديق اعتبره صديق لو بقيت صديق مقرب أو عزيز عليه تلقائياً يكون الشخص ده عزيز علي بس طب لو الشخص ده طلع مش كويس او بيستغلني مثلا *ما اقدرش اقطع معاه* ليه؟ مش عارف يمكن لاني بحس أنه هيتكسر أو يحزن أو يقولي أنا عملت ايه و ساعتها أنا مش هفتكر لاني كثير النسيان و الموضوع هيكون عشوائي و ده جزء من مشكله بس الاهم دلوقتي أن أنا شخص عنده خيال قوي بشكل مفرط هو نقطه قوه عظيمه و خلاني اقدر اكون مؤلف و عندي افكار مخرج و مبتكر و إديتور و الخ بس كل ده و كل الشغف ده في بيئه ميته مافيهاش حتي كومبيوتر عندنا ابو كرتونه و ميت (ادعوله بالرحمه) كل حاجه دلوقتي من منظور شخص ثالث بالنسبة لي فيها إخراج فيها موسيقي تصويريه و مونتاج عايز دليل كتابتي دي نفسها هي اخراج كأني بتكلم في حلقه بمونتاجها يعني () كاميرا ٢ و ** دليل أنه شئ مهم و اصلا أنا عمال ادخل في مواضيع ملغبطه المهم أن مع كل ده انا دائما أما سابق في خيالي بتخيلات و حاجات غالباً عمرها ما هتحصل أو اعيش ذكرى في الماضي اللي هو خلصان اصلا ف أنا مش عارف انت عايز ايه بالضبط يا مخي لسه في.تمتمات الطفل في ودني و أسأله زي انت ليه مستسلم؟ هو انت ليه بترمي اللوم علي؟ هو انت ليه مش بتحبني زي قبل كده؟ اسأله كلها ملهاش اجابه هو ماله أنه كان بيحلم أو بيتخيل و بتأمل خير في المستقبل و كانت أمنيته أنه مايكبرش اصلا كأنه كان عارف اللي فيها دراسيا الكلام بيمر مرور الكرام و ايا كان كمان حتي لو قرآن بحس اني ناسي اللي لسه متقال و مش عارف عقلي بيلعب معايا ولا لا، المتعه؟ كل حاجه ممله الهاتف بلا العاب بالنسبة لي بقيت بفقد الشغف بسرعه كبيره و اما بكسل اعمل نشاط أو مش بحس بمنعه النشاط ده، الطموح AKA *الموت* أنا شايف أن الحياة أصبحت لا تستحق شايف أن حل مشاكلي و اللي حولي اني اموت ليه؟ما ندري يمكن لاني حاسس بالمسؤولية تجاههم اني ما اتواصل مع صديق لفتره كأني هامله أو حتي ابعد عن اهلي علشان برتاح في الوحده (تقريباً) بحس أن كلهم زعلانين بحاول اتقرب بس الموضوع صعب و لو لقيت دفع منهم ببعد و خلاص انتهى الموضوع و برضوا من الحاجات المهمه اني بفرك كتير صراحه اقشر شفائفي أو حاجه في اصبعي الإبهام أو أتخيل أن معي يويو باستمرار و سامع صوتها. و في حاجه نسيت اذكرها أنا ما اعرف أنا كام شخص بس اللي اعرفه ان في كتير اوي يتناقشون كل يوم و اي حد شفته ليه دور في العالم الموجود في خيالي جن جنوني؟هل لي علاج؟ام الموت أسما لي؟ آسف علي الرغي ما اعرف كل ده جاء ازاي وبس اهو ده اللي صار و اسف لو كتبت عربيه فصحي كتير بس في كلمات في العاميه مش بعرف اكتبها 😅 في حجات تاني افتكرتها زي الابتسامه الكاذبة و اني مش بقدر اعبر عن نفسي لحد أو اشرح مشاكلي لاني مش عايز أحمله مشاكله ملهاش لزمه و أن الطفل اللي في حياتي ده هو أنا كأن الطفوله لسه ماشبعتش بس دي في وقت تاني او في الحديث معاكم لو حد اهتم يعني و تكلم معي و بس دمتم علي خير يا شباب و يلا سلامُ عليكُم 
بعتزر تاني علي قصيدة الرغي دي
اه و كان في دماغي اوترو 😑 (واضح أن مافيش فائده)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_72031 🇪🇬

منذ شهرين

شعور وحيد

عبّر عن شعورك بشكل مجهول

من وانا طفلة عيشت عمري" مغمضة عيني" دا كانت اول جملة بدأت بيها احكي حكايتي هنا بس ع الاكونت القديم.. يمكن من اكبر اسباب اني عرفت أكمل في الحياة هو العالم الخيالي بتاعي، كنت طفلة مكنتش قاصدة اكون خيالية، بس فجأة لقيت نفسي بنام كتير وبحلم بعدها بقين بقول ليه مغمضش عيني واتخيل انا الحلم، دا كان ملخص حياتي النهاردة عندي 30 سنه منهم ايام كتير معرفش راحت فين، بس الأكيد انه مكانش عندي طريقة تانية احمي بيها قلبي، في الحلم انا اتحبيت اتحبيت اوي وبكل المعاني كنت مميزة وسعيدة ووسط ناس كتير، انا في المدرسة مكانش ليا اصحاب كتير كنت بقعد في ضهر المدرسة لابسه الهاند فري وبرسم لحد ماالبريك يخلص، كنت بستغل اي وقت للخيال كنت بهرب هناك اول م بغمض عيني بتتفتح قدامي بوابة كبيرة بدخل منها للعالم بتاعي، و ... وهو 
عرفته قبل مااعرف يعني ايه مشاعر و سميته اسم مش متكرر كتير ومعرفش ليه الاسم دا الي جه ع بالي..، بس انا ممتنة لوجودة حتي لو كان مجرد خيال، هو كان رفيقي الحقيقي كنت بحب اشتري نوتس كتير وشكلهم حلو وبكتبله فيهم وكنت مصدقة اني هقابله، وانه هيعرفني واني مكنتش بكلم نفسي لا هو كان حاسس بيا كنت مصدقة اوي كان قلبي مليان أمل، لحد ما كبرت وفهمت ان دي مشاعر بس لحد مش موجود واكيد هو شئ مش منطقي بس انا مصدقاه، كنت بحس بوجوده مع كل شوية هوا بيحركوا الشجر كنت بحس بوجودة وانا قاعدة قدام البحر وكأن هو البحر كان مالي حياتي وافكاري يمكن دا خلاني معرفش اتعامل مع الواقع من بدري بس دلوقتي بتمني ترجعلي الايام دي تاني، بطلت احلم وبطلت استنى وكبرت بس روحي لسه طفلة تايهه وسط الكبار مستنياه يجي يلاقيها ويمسك اديها ويرجعها البيت..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_71890 🇪🇬

منذ شهرين

شعور وحيد

من باب إنى احاول ما اكتمش مشاعرى أنا بكلم حيطه عندى فى الأوضه ومسمياها كمان هى وشخص وهمى بس ساعات بحس انه أحن حد عليا هو انا اخترعته فى تفكيرى وبس لكن بحب الشخصيه الوهميه دى جدا وبسمع اغلب قرارتها اللى بتنصحنى بيها

Marshmallow_69067 🇪🇬

منذ شهرين

شعور مضحك

موضوع:

كل حاجة بتضغط عليك

حتى هنا ع الapp فيه ناس بتضغط عليااااا مش عارفة اروح فين😂😂 انا حد بيحب الكتابة وخيالي واسع فبعبر عن حاجات جوايا هنا وفي خيالي مش عارفة ليه في ناس ربطو الموضوع بالبعد عن ربنا او اني ممكن اتلبس 😂😂 حضرتك تعرفني ؟؟ تعرف انا قريبة من ربنا ولالا والله لو عرفت هتتفاجئ بس يعني الانسان حب يهرب من الوا

Banana_69832 🇪🇬 علاقتك بربنا ما حدش يعرفها غير ربنا سبحانه وتعالي

عرض الكل 2 نصيحة

Marshmallow_69067 🇪🇬

منذ شهرين

شعور غير مكتمل

عبّر عن شعورك بشكل مجهول

اول مرو كتبت هنا اني عشت عمرى كله *مغمضة عنية* عايشة في خيالى مع ناس مش موجودة في الواقع بس الحقيقة دا مكانش عشان انا شخص وحيد انا مكنتش بحب الناس لدرجة انى كنت عايشة اغلب عمرى لابسه *الهيدفون بتاعتي* وكنت بتعصب جدا لما مش بلاقيها مجرد نزولي من البيت كنت لازم البسها واسرح في الطريق مكنتش ببقى شايفة الطريق كنت ببقى شايفة العالم.. تفاعلى مع الناس في الواقع كان قليل اوي حاولت اندمج معاهم بس كنت بحس ان انا مش انا كان لازم اتعامل بطريقتهم عشان ابقى وسطهم بس محدش فيهم كان شبهي او على الاقل اقدر اشارك افكاري معاهم في المدرسة،في الكلية، حتى لما حاولت اشتغل كنت ديما لابسة الهيد فون وبرسم عيون عندي كنان ادمان لرسم العيون برسم على كل حاجة ممكن اكون سرحانه والاقي نفسي برسم عيون مكنتش لسه اتعلمت انى اعرف ارسم باقي ملامح الوش بس مع الوقت اتعلمت ارسم كويس فكنت برسم ملامح من خيالي لشخص كنت كل لحظة بصدق انه موجود شخص بكلمه بيني وبين نفسي على الورق بقى عندي نوتس كتير بكتبله فيها وجوابات .. من غير مااحس فاتت سنين كتير والدنيا من حوليا بتكبر بس انا لسه هناك نفس البنت الصغيرة الي عايشة في الاحلام مكانش فيه حاجة في الواقع ممكن تملى قلبها اي مشاعر حلوة الخيال هو كان التعويض الحقيقي لقلبها ..*الخيال والطريق والليل والهيدفون* مكنتش برتاح لما بتكلم مع حد مكنتش بتفهم كنت بحس اني غريبة او كائن جى من عالم تاني بس من برا بحاول اكون شبهه الناس.. 
كان عندى هوس بالاماكن المهجورة الواسعه كنت بحس انها شبهه قلبي وانها جميلة بس محدش شايفها صح..

كنت بستمد المشاعر من كل حاجة حوليا مش من البشر .. البحر بالليل الهوا الشجر والطريق .. كانت لما الدنيا تمطر كنت برفع وشي للسما واغرق نفسي بالشتا 
كنت بحس ان روحى بتتغسل بالمطر..شخصي الخيالي بالنسبالي كان كل الحاجات دى..

مرة حلمت بجد مش خيال انى كان عندي مرسم وكنت قاعدة برسم لوحه وشوفت حد ماشي من ورايا شوفته من ضهرة كان بيغنى وبيقول "انا زارني طيفك في منامى قبل ما أحبك طمعني بالوصل وسابني"  كانت اغنية فيروز 
استغربت اوي انى حلمت الحلم دا لاني مكنتش بفكر في الاغنية دي بس حسيت ان في حد في عالم تاني حاسس بيا..

ممم الحلم حلو والخيال بيشفي بس لما بيطول انه خيال الانسان بيتعب مع الوقت ومع مرور السنين اندمجت في الواقع ومع صدمات الحياة ونسيت احلامى

امبارح كنت بتكلم مع بنوتة صغيرة هنا فكرتني بنفسي وانا في نفس سنها عندها نفس احلامي وعندها شخص خيالي مستنياة وعارفاه  كلامها صحى الطفلة الصغيرة الي جوايا فكرني بحاجات حلوة كنت نسيتها ..

اتمنالها فعلا تقابل شخصها الخيالى  الي يداوي قلبها يمكن يتحقق معاها الى معرفتش احققه 🩷

*اناا زارني طيفك في منامي قبل ما أحبك طمعني بالوصل وسابنى وانا مشغول بك*

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ شهرين

شعور مرتبك

موضوع:

ازاي تقبلت الواقع اللى انت عايشه؟

متقبلتهوش تجاهلته.. انا حد خياله واسع اغلب عمرى كنت معتمدة على عالم عملته في خيالي والنوتس بتاعتي الي بكتب فيها ورسوماتي متقبلتش الواقع فعشت جوا دماغي الي مش عارفة اعيشه في الواقع بس للأسف كل ما الانسان بيكبر خياله بيقل وبندمج مع الواقع اكتر وبيبقي كئيب

Sugar_49832 🇪🇬 احسن حااجة ممكن تعمليها فى حق نفسك بجد بس اهم حاجة انك مهما تعمقتى فى خيالك دة تقدرى تفصلى بينه وبين الواقع انا كتيير بحاول اترجم اى احساس جوايا واكتبه وكان نفسى اقدر اعبر عن اللى جوايا بالرسم بس موهبتى تستحق الدفن بصراحة 🥲 المهم هدعيلك زى ما بدعى لنفسى ديما ان ربناا يثبتك ويقويكى ويجبر قلبك ويطمنك ويكتبلك الخير فى المكان المناسب ليكى ان شاء الله ويرزقك الزوج الصالح الحنين اللى يعوضك 🍃🤍

عرض الكل 2 نصيحة

Marshmallow_69067 🇪🇬

منذ شهرين

شعور عاطفي

عبّر عن شعورك بشكل مجهول

بما اني شخص خيالي او كنت .. كان عندي سر لطيف كنت ديما بحب اشتري نوتس كتير شكلها حلو يكون شكل بحبه واكتب فيها لشخص مجهول وكنت بشتري جوابات فاضيه كمان كنت بكتبله كتير اوي على امل انه هيقرأ الحاجات دي في يوم.. من وانا في المدرسة بعمل كدا النوتس دي كانت هي الأمل بعد الله الي مكملة بيه بقيت بحب الورق اوي كل م بكتب عليه بحس انه حاسس بيا وبيرد عليا كأن الورق هو .. كنت كل ما بحس اني وحيدة كنت ببتسم واقول لنفسي هيجي في يوم وهيعرفني لاني انا عارفاه معرفش شكله بس عرفاه وهو عارفني مش فكرة اي حد وخلاص مش فكرة ان حد يعجب بيك في المطللق لا كنت مؤمنة انه موجود وكنت مسمياه كمان.. كنت بحس اننا لما هنتقابل بس هنتعرف زي الاغراب لا هنبتسم لبعض ونمشي سوا بدون كلام وكأنه شئ روتيني بنعمله كل يوم .. يمكن انا كنت ببالغ بس بتمنى الايام دى ترجع الامل لوحدة كان كفاية اني كنت لسه مصدقة انه موجود فكؤة اننا تحت نفس السما كان بيديني أمل كنت ..فكرة ان ربنا يكون خالقلي حد عشاني كنت بحسها معجزة دا لوحده كان كفاية يخليني سعيدة.. كنت كأني بحس بيه كل ما الدنيا بتشتي كأنه هو الشتا ولما الهوا يكون جامد حوليا كنت بحس ان دي روحه حوليا ولما اسمع صوت الشجر كنت بحضن الهوا بايدي وبقول بكرة ايدي مش هتكون فاضية.. هو بالنسبالي كان البحر وكان كل شئ حوليا .. عارف لما تحس انك عايز تمسك ايد حد وتمشي مش مهم هتروحو فين انت واثق فيه وتحس انه هو الطريق وهو المكان وهو السكن .. معرفش يمكن دا مرض بس هو كان كل حاجة حتى لو كان مجرد خيال.. الشخص الي قدامه تكون زي ماانت مش بتتصنع ولا بتتجمل هو رنبا خالق كل واحد حابب التاني زي ما هو ..كنت بمشي بدور عليه في وشوش الناس الامل كان بيلمس قلبي زي الشمس الدافية لما بحس اني فيوم هقابله.. مش فكرة حاجة غير انها معجزة اتنين ميعرفوش بعض بس ربنا عارفهم ربنا كاتبهم لبعض ان الارواح تألف بعض من غير مقدمات..كان هو نفسي كان وكان وكان ومبقاش.. مش عشان هو مش بس مش موجود انا كمان مبقتش موجودة مبقتش بكتب اوقات كتير الحياة وهمومها بتلهيني واوجاع اكبر بكتيرر من كونه غير موجود يمكن ف لحظات كتير كنت بتمنى يكون موجود زي موت بابا وتعب ماما واوقات كتير بحس اني ضعيفة ولوحدي بس سبحان الله ربنا بيحط جوايا قوة من غير حول منى ..بس ساعات بكرهه شعور انى قوية بس بحمد ربنا.. بس الانسان بيكون محتاج يسند على حد ومش اي حد مش فكرة اي حد معدي في حياتك وخلاص لا..
كل مرة كان ممكن يحصل مشروع ارتباط كنت بتخنق مش بحس انه هو كنت بقول ارضى بالواقع الخيال شئ والواقع شئ لكن حاجة جواية بتخليني مكملش وبقول ربنا عايزلى حاجة احسن وكل م الوقت بيطول بتيقن في دا ولو مكانش في الدنيا هيطون في الجنة..
الفكرة اني كنت محتاجة اتكلم عنه لانى كان عندي امل انه يجي قبل كدا بكتير واحكيلة كل دا بس مجاش يمكن لمااتكلم عنه بصوت عالي ارجع في يوم واقرأ الي كتبته دا واقول قد جعلها ربي حقا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ شهرين

شعور ضائع

عبّر عن شعورك بشكل مجهول

انا عشت عمرى كله *مغمضة عنية* عايشة في العالم بتاعي.. طول عمري خيالي كان واسع يمكن دي كانت رحمة ربنا ليا الي عرفت اكمل بيها.. في خيالي انا اتحبيت اتحبيت اوي وكان بيتخاف عليا وعلى مشاعرى انا عشت في الاحلام اتكر ما عشت في الواقع ومن كتر ما صدقت الخيال كنت مؤمنة اني هقابل الشخصية الي اتكونت في خيالي اني هقابله في الواقع.. مكانش مجرد خيال هو حته من روحي وافكاري واحتياجاتي وكل حاجة بتمناها كل حاجة ملقتهاش في الواقع.. الحياة الحقيقية مكانتش اكتر من ضغط نفسي ولوم وشعور اني مش كفاية الحياة الواقعية عملت مني شخص روحه فاضية كان المفروض بيتملى حب وامان ودعم بس دا محصلش الا في خيالي .. نتج عنه شخصية هشه ساذجة بتصدق اي حاجة مع الايام والسنين متعلمتش الا بالوجع سنين كتير عدت معرفش فاتت ازاي لحد ما بقى عندي ٣٠ سنه ..وصلت لمحرلة حتى الحلم مش عارفة احلمه شعورى اني كبرت معرفش امتى انا لسه انا عندي ١٠ سنين وعندي ١٨ سنه انا مكبرتش انا لسه كل حاجة جوايه زي ماهي النسين دي عدت امتى .. حاسة اني جيت الدنيا اتعاقب كأنى كنت في عالم تاني ومت وجيت الدنيا اتحاسب يمكن الدنيا مفيهاش جنه ونار بس النار كانت علطول جوايه.. عكس ناس كتير مكانش عندي طموح اكتر من اني اتحب ولو لمرة واحدة مكنتش بدور على كيان او كارير كل الي كنت محتاجاة اني اتحب شعور الخواء جوايه كان اكبر من اي طموح.. شعورى اني فشلت حتى في اني اتحب ولو لمرة واحدة بشكل صادق شعور ان حد شاريك ومش عايز غيرك دا بالنسبالي زي المعجزة يمكن عشان كدا كان موضع ابتلاءي.. انا بحب ربنا ومش زعلانة بالعكس بحس ان ربنا بينجيني يمكن كل حاجة فاتت مكانتش خير ليا وانا مكنتش خير ليها لا دااكيد .. انا بس بعبر عن شعورى لكن انا راضية الحمد لله.. عرف لما الناس تمشي في حياتها يحققوا حاجات ومينجحوش في حاجات ومشيين في حياتهم.. انا منجحتش في اي حاجة معرفتش اكمل في اي حاجة انا لسه واقفه في اول الطريق لسه محتاجة حد يعلمنى امشي ازاي انا معرفش يعني ايه دعم بس عارفة كويس اوي يعنى ايه لوم واتهام بالفشل والتقصير وعدم الضمير  .. انا معرفش يعني ايه اتحب حتى لو غلطت ديما اتحبيت حب مشروط.. انا جيت الحياة دي حاسة اني عبئ ان مفيش حاجة في الحياة حقي واني مستاهلش حاجة انا بخاف اتقل على اي حد لو حاولت اتكلم شويه مع حد بحس بالذنب اني تقلت عليه.. انا بس كنت عايزة اتحب من شخص شخص واحد بس احلامي في الدنيا مكانتش كتير كنت فاكرة انه شعور عادي وكنت واثقه انه هقابلة  وهيبقى ليا حياتي الي هشكلها بشخصيتي انا واعرف اعبر عن نفسي انا من غير ضغط او لوم انا لحد النهاردة بتلام لو سغلت دماغي في حاجة مطلوب منى امشي برأي الكبار وياويلي لو غلطت بشوف نظرة الانتصار والسخرية وظي بتحرقني من جوايه .. في فترة كبيرة من حياتي اتعلمت اخاف من الكبار اكتر م بخاف من ربنا ربنا يغفرلى لانهم مكانوش في صفي وواخدين بايدي وبيعلموني ازاي امشي في الطريق هما كانوا واقفين هناك في اخر الطريق ومستنين اني اروح لوحدي وانا اصلا مبعرفش امشي فمكانش منهم الا انهم يتهموني بالتقصير وقلة الضمير والمقارنة دنت دايما بحس ان كل الناس احسن منى واشطر منى.. محدش حاول يساعدني لحد دلوقتي في امور بعاني منها .. في اوائل العشرين كان عندي تصور اني هتخلص من كل دا وهخرج من البيت وهقابل الشخص الي في خيالي بس الحقيقة كانت بشعة لولا ان ربنا بينجي كنت ممكن اختار اختيار غلط اندم عليه كل حياتي .. انا مش معترضة .. انا بس مرهقة عامله زي الي واقف مستني في عز الشمس وعاجز انه يتحرك عطشان وتعبان وتايهه مش عارف يروح فين.. لحظات كتير بقول لربنا انا بس كل الي محتاجاة حد اسند على كتفه يكون موجود عشاني اد ايه دي نعمه غاليه اوي كل ما بشوف  بنوتة ربنا كرمها بحد يعرف قيمتها بفرح اوي ومش ببص كتير بهرب من اني اشوف فرحة حد عشان محسدهاش غصب عنى لما بشزف بنوتة صغيرة بفضب ادعيلها انا حياتها لما تكبر تكون احسن منى في كل حاجة متمناش لأى بنت تكون زي تكون جعانه حب ومشاعر واهتمام كل يوم بالنسبالي دلوقتي بقت قيمته في نظري انه بيقربني للموت اكتر مش اكتر من كدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_56646 🇪🇬

مطلقه وحاسه إني انتهيت | تعبانه وخسرت ناس كتير

انا عندي مشكله اني مطلقة ومع الوقت خسرت ناس كتير اوي كانوا حواليا حتى المجتمع نظرته سيئةة اوي ليا و خسرت صحابي و حاجات كتير و حاسه كأني انتهيت أو expired و حصلي و عندي مشاكل كبيره و مبقتش منتظره حاجه من حد بجد بس انا تعبانه اوي ...عرض المزيد

3 الدعم

29 نصيحة

Mango_29955 🇪🇬

عايزه اتكلم مع حد ونضحك في كل حاجه

عايزه اتكلم مع اى حد عامه نضحك ونتكلم فى كل حاجه او حد حابب يحكيلي شئ اللي حابب يبعتلي ثايةسشىىشررش،ش،شرشةيتلظغمعمعكعكعمقوىشررشرش يةيويويةي بوبوب بوعزعظغويىش ذ،شرشرسىةةقةقةبةبووفنغزغزازبةب ي يرسرسرسررضرشرشرسىسىسىسىيةقةقةفوغزعظعظعزقةصىسىسىسرسرسرسرسرسرىفوزعظعككحمىشؤءشؤشىصىثةقوقوقوقززققوقوقوقوقةفوفوف٥وغزغزغوقصىرجلحتي٨غيخاؤحتؤكتؤكعي٩٦٣٥٩ثطتؤكتؤحاؤكاؤكوركورطتؤكتؤكتؤحتيحغيعحيجاي٨غعكيتطيتطي ...عرض المزيد

2 الدعم

24 نصيحة

Apple_56646 🇪🇬

تعبانه و مكتئبة ومش عارفة أعمل إيه

انا تعبانه جدا و حاسه اني مطلعتش من الدينا بصحاب مكتئبة اغلب الوقت و حالتي النفسيه صعبه و مش عارفه اعمل ايه حقيقي اكتئبت و بقيت كارهة الدنيا و زاهداها و حاجات كتير مؤثره عليا مش عارفه اعمل ايه خلاص تعبت اوي بجد مش قادره ...عرض المزيد

2 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع