حكايات مؤثرة

Coffee_32018 🇪🇬

منذ 5 أشهر

شعور لا مبالٍ

الثاني والاخير (اللي عايزها كامله عشان لو بوست اتحذف او حاجه يبعت نقطه) قال اه وهما داخلين بقا كنا احنا اطفال انا الكبير ٦ سنين وفي توام ٤ وبنت ٢ ابويا بيقول قومت حاطط ايدي على باب الاوضه اللي كنتوا فيها وقعدت اكرر (وجعلنا من بين ايديهم سدا ومن خلفهم سدا فاغشيناهم فهم لا يبصرون) وعدوا ولا شافونا ك

عبّر عن شعورك بشكل مجهول

الثاني والاخير (اللي عايزها كامله عشان لو بوست اتحذف او حاجه يبعت نقطه)

قال اه وهما داخلين بقا كنا احنا اطفال انا الكبير ٦ سنين وفي توام ٤ وبنت ٢ ابويا بيقول قومت حاطط ايدي على باب الاوضه اللي كنتوا فيها وقعدت اكرر (وجعلنا من بين ايديهم سدا ومن خلفهم سدا فاغشيناهم فهم لا يبصرون)  وعدوا ولا شافونا كل دا وهو مش فاهم اي حاجه ولا عارف سبب دا كله ومستغرب انه مشافش رؤيه بدا قبل كدا 
ابويا كثير جدا يشوف رؤيا للحاجه قبل ما تحصل بس رجع افتكر انه شاف من اسبوعين ما علينا نكمل 
خدوه وطبعا هو مش فاهم حاجه والبلد كلها اتقلبت قالوا انه ارHابي وبيقول في واحد حلف بالطلاق انهم لقوا sواريخ ع السطح عندنا وطبعا كل دا كدب 
ويقوموا ياخدوه ويتسجن ولحد دلوقتي هو مش عارف حاجه ومغميين عينه ومش فاهم اي حاجه دخل سجن وبيقول فحته محدش بيطلع منها ومسجون بدون ورق ولا اي حاجه رسميه (حاجه زي sدnايا كدا)  وقعد هناك تحقيقات في تحقيقات لحد ما عرفوا انه هو والتلاته ملهومش فاي حاجه 
طبعا شخصيات خطر زيهم كل واحد في زنزانه والواحده فيها ٧٤ بني ادم كانوا بيصلوا هناك وبتاع وبعدين وسط التحقيقات قال لابويا انت كدا كدا طالع واللي معاك برضو بس الصبر وطبعا كلهم بدون ورق ولا اثبات انهم هنا اصلا واكنت الزنزانه معروفه بعدد لا اسم ولا شخص هما ٧٤ وخلاص وكان واحد مع ابويا هناك وله ابن عم في الزنزانه اللي فيها واحد من اللي مع ابويا قام ابويا بدل معاه بالليل وراح طمن اللي معاه انهم طالعين 
وقعدوا بقا هناك ابويا دارس تجويد كويس جدا وكان بيحفظ مع شيخ سنده ال ٣٦ او ٢٦ بعد النبي صلى الله عليه وسلم يعني لو كان اجاز ابويا كان زمانه سنده ٣٧او ٢٧ بس مات قبل ما يجيزه 
المهم يسيدي كانوا في الزنزانه بيصلوا وبتاع وسعات من غير وضوء يتيمموا وحاجه كرب فكان معاهم شيخ كبير كان زي ريسهم كدا وكان في واحد من سن ابويا قارئ بس ابويا اكتشف عنده غلطه وطبعا لو راح قاله هيقول انت بتتلامض عليا والكلام دا قام ابويا استاذن الشيخ الكبير انه يقوله هو قاله انت مين وقراءتك ايه فابويا حكاله وقرأ قدامه وظبط الدنيا قام مسك ابويا وقالهم يجماعه اح مد هيصلي بينا المغرب النهارده ابويا بيتهرب من الامامه معرفش ليه لحد النهاردة بس هساله المهم قاله تمام ودا كان اليوم ال ٢٦ ليهم او ٢٥ وقام ابويا قعد يدعي ويقول يارب اقسمنا عليك ان نبيت في بيوتنا الليله ويكررها واللي يعيط واللي واللي خلصوا صلاه وبعد ٥ دقايق دخلهم الظ ابط ونده اسامي الاربعه وقال برائه الظابط دا بييجي ينده على تحقيق ترحيل اول مره ينده برائه يقوموا ال ٦٥٠ اللي محبوسين يكبروا ويباركوا واللي يديه ارقام عشان يطمن اهلهم واللي واللي المهم طلعوه وراح خد تليفونه من الامانات ورن على البيت امه اللي ردت قالها انا راجع الليلادي وبتاع وفرحوا قام طلع ورن على كل ارقام الناس اللي ادوهاله وجاب كيس فاكهه وروح البيت فنص الليل كدا 
والبلد كلها كانت مستنياه وكانوا بيقولوا انه مات او مش هيوصلوله لان اللي بيروح هناك مبيطلعش 
رجع يعم البيت واداين وغرقان فالديون الحمدلله 
الشاهد من القصه ان الدعاء عباده مهمه جدا جدا جدا واحنا غافلين 
ابويا شاف فحياته كتير اوي اوي ولسه بيشوف عشان يربينا بالحلال 
لو كملت قرايه ادعي لابويا بالرزق وادعيلي ربنا يوفقني واجيب المجموع اللي نفسي فيه واريحه هو وامي عشان شافوا كتير ربنا يعفو عنهم ويرزقهم الفردوس 
(ممكن الكلام ميكون دقيق ١٠٠٪ فانا ببرأ نفسي حتى لا تحسب كذبه) 
دمتم في امان الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_51778 🇪🇬

ليه البنات بتشرب شيشة؟ حابب أسمع رأيكم بصراحة

“للبنات اللي بتشرب شيشة أو سجاير.. هو انتوا مضغوطين في إيه علشان ترفهوا عن نفسكم بالطريقة دي؟ 🤔 إيه الحاجة الممتعة أو المغرية في الموضوع؟ وبتشوفوا إن ده ممكن يقلل من أخلاقكم أو يقلل من نظرة الناس ليكم؟ حابب أسمع رأيكم بصراحة 👀 ...عرض المزيد

0 الدعم

0 نصيحة

Apple_72583 🇪🇬

مش هاعتذر لحد غلطان في حقي والله!

الناس اللي بتغلط ف حقك وتيجي تغلطك انت دي اي ودي لي اصلا والله بجد هم لي وازاى؟؟؟؟ يعني يكونزا هم غلطانين ومزعلينك ومعلش اعتذرلنا احنا اكير منك مثلا والله دي عقل دا؟؟؟ هو يجماعه م لو الكبير محترم الصغير م هيقدر حد يرد؟؟؟ ولا عادي الكبير يغلط ويقل من الصغير والصغير يقوله متزعلش م عارفه والله بس انا م بتحمل اعتذر لحد غلطان ف حقي ايا كان مين طابما هو غلطان فيما عدا بابا وماما غير كدا مبحبش وم بعرف ومستحيل ...عرض المزيد

0 الدعم

0 نصيحة

Coffee_74353 🇪🇬

مراتي طلبت الطلاق وخانتني.. مش عارف أتخطى

النهاردة عيد زواجي الأول، مراتي مش معايا بقالها شهرين وطالبة الطلاق لأن أمها عايزة كده، عاملالي بلوك من كل حاجة ومفيش بينا أي تواصل كنا بنحب بعض جداً لحد المشكلة اللي حصلت بيني وبين أمها وفجأة إكتشفت انها بتكذب عليا كتير وان هي وأمها بيخططوا عشان ياخدو مني القايمة والدهب وكل حاجة، بتدخل بأكونتات فيك أوقات تراقب البروفايل بتاعي، حتى لما قالو هيقعدو عشان يتفقو على الطلاق اهلها اختفو وبقالهم شهر محدش بيتكلم، مش عارف اتخطى ان دي مراتي وبتعمل فيا كده بعد ما شافت مني كل خير وبشهادتها، بمجرد ما أمها تديها الأوردر أيا كان هو ايه بتنفذه، أبوها ملهوش لازمة في الحياة متجوز على أمها وطول عمره عايش بعيد عنهم حتى مبيروحش ليهم البيت زيه زي قلته، مش عارف ممكن أتصرف ازاي،.انا مش حابب رجوعها، لكن شعوري بالخذلان والظلم قاتلني، دي مش مجرد واحدة عرفتها، دي مراتي، وهي هي نفس الشخص اللي بيكذب ويتجنى عليا، دماغي هتنفجر مش عارف أعيش، ولو السما انطبقت على الأرض مش هاخد الخطوة وابادر ان ﭐكلمهم٬ لأنهم اتعودو مني اني دايماً اللي علطول ببدأ، ايه الخطوة اللي ممكن تساعدني سواء بالتخطي او انهاء الموضوع! ...عرض المزيد

1 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع