حب الأب

Mango_71733 🇪🇬

منذ أسبوع واحد

شعور ضائع

موضوع:

ما هو أكثر شيء تفتقده من طفولتك؟

وجود بابا معايا كان وجوده بالدنيا وأقسم اني كنت طفلة من يوم ما فقدته مرجعتش ابدا زي ما كنت ، كانت أول هزايمي وخساراتي من بعد يوم فراقه حياتي اتغيرت ١٨٠ درجة فقدت الراحة والأمان والحب فقدت أغلي ما في حياتي فقدت نفسي معاه ومفتقدة جدا نفسي وهو موجود

Watermelon_65402 🇪🇬

منذ أسبوعين

شعور متوتر

موضوع:

عندك مشكلة في التعبير عن مشاعرك؟

جدا خصوصا مع أشخاص معينه يعنى أولهم بابا حقيقي انا بحبه وكل حاجه بس عمرى ما قولت دا ولا هو عمره قالى كدا علاقتنا سطحى ف بيكون مثلا لو يوم تعبان انا ببقي قلقانه ومليون فكر ف دماغى بسببه وانى خايفه عليه بس عمرى ما بينت دا ليه معرفش دا ليه بسبب أن دا أسلوبه معايا ف دا بينعكس ع اسلوبى ولا اى ع العكس مع

Carrot_70632 🇪🇬 انا بردو كده بس تأكدي أنه بيحبك هو بس مش بيعرف يعبر عن الحب ده ..معنى انك بتقولى كده يبقى نفسك تعبرى عن حبك ده له اكتبيله رسالة وحطيها ف جيبه من غير ما يحس وهنفرق كتير .. اجري عليه واحضنيه

عرض الكل 6 نصيحة

French Fries_62527 🇪🇬

منذ شهر واحد

شعور محبط

Watermelon_57668 🇪🇬 براحة على نفسك ربنا يسامحه والدك ..حاولي تعملي أنشطة بتحبيها و انتي متستاهليش تبقى متوترة هما الي طريقتهم غلط

عرض الكل 4 نصيحة

عبّر عن شعورك بشكل مجهول

كل حاجة بعملها بحس نفسي هيزعقلي عليها مهما كانت صغيرة دائما متوترة كان نفسي لما اعمل حاجة غلط اول واحد اروحله هو بابا دائما اي حاجة غلط بعملها بخبيها عليه ما هو كدا بيهزقني علي الصغيرة قبل الكبيرة ف أقوله ليه يعني بجد كان نفسي اكون قريبة منه كان فيه مقولة بتقول اول راجل في حياة البنت بتشوفوه بطلها وكل حاجة في حياتها هو باباها بس انا مشوفتش كدا انا شوفته الراجل اللي بحترمه عشان هو ابويا مش عشان حاجة تاني كان نفسي اعيش اغنية بنت ابويا بكل كلمة فيها في جملة كدا في الأغنية بتقول" صوت رنة المفتاح ساعة اما توصل" انا صوت رنة المفتاح أنه وصل دا بالنسبة ليا رعب أنه خلاص وصل ادخل اوضتي بقي واتفادي اي مشكلة معاه ... ليه طيب ليه ميبقاش معايا حياة حلوة مع بابا اكون عايزة افتكرها ليه لما أخرج من البيت بتمني مرجعلوش تاني ليه . الأغنية دي بكل تفاصيلها انا معشتهاش انا عارفة أنه هو كويس وانا يحترمه وبقدره عشان عمل حاجات كتير في حياتي تستحق دا بس ليه مكنش يحترمه وبقدره عشان انا بحبه مش عشان الحاجات اللي عملها أو عشان الدين أمرني بده ليه اول ما ينادي عليا أو يتصل بيا بخاف منه وبقلق ليه متمناش المكالمة دي ليه مهرزش معاه مثلا مفتكرش إن الرسول كانت علاقته ببناته كدت انا قريت إن كان فيه مودة ورحمة وحب بينهم واكيد كانوا بيغلطوا بس مكنش بيرعبهم كدا اكيد كانت بينهم حاجات حلوة وذكريات أحلي ومحدش يفتكر اني بكتب الكلام دا وسهل عليا أن ميكنش فيه بينا حاجات حلوة واني أنكرت جميله عليا بالعكس أنا عارفة اني خدت فرصة ناس كتير مخدتهاش بس برضو انا مش وحشة عشان اتعامل بالطريقة دي وإن برضو الرسول كان معيش بناته في عيشة كويسة بالنسبة لزمنهم وبرضو كان فيه حب بينهم انا مش بطلب حاجة كبيرة انا بس عايزة شوية حب انا عايزة أتعلم منه وبحب وجهة نظره بس هو مش بيفهمني براحة مش عايز يسمع وجهة نظري عايزني اقول حاضر وبس ليه ميكونش عندي وجهة نظر ليه مش بيحترمها ويحاول يسمعها انا في أهم قرارات في حياتي هاخد برأيه لانه عارف الصح اكتر مني وفاهم الدنيا اكتر مني بس بابا مش بيسمع راي دائما لما اقول وجهة نظري واتكلم بيقول عليا بتفلسف ليه دا انا بقول وجهة نظري مش اكتر يعني عايزني اكون زي الكرسي بدون أي شخصية يحركه يمين يمين شمال شمال وبتقولوا كارهة ليه فكرة الجواز انا عارفة الحياة مش هتدي كل حاجة ودا مهما كان بابا ف انا هحترمه بس عشان هو بابا مش اكتر ...
مش عايزة اوصل لمرحلة اني بكرهه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Waffle_57960 🇪🇬

منذ شهرين

شعور ضاق ذرعًا

Strawberry_39895 🇪🇬 لا حول ولا قوة إلا بالله ربنا معاكي

عرض الكل 9 نصيحة

عبّر عن شعورك بشكل مجهول

انا عندي دادي ايشوز من ساعه ما ماما وبابا اتطلقوا هما كانوا بيتخانقوا كتير اوي وهما متجوزين وكان بابا بيمد أيده علي ماما وعلي اختي الكبيره انا بحبه اوي بس مش بحب تصرفاته ابدا ماما وبابا اتطلقوا بعد ما بابا اتهجم علينا فالبيت وطلبوا البوليس وطبعا كنا صغيرين اوي ومش فاهمين حاجه يمكن اختي كانت فاهمه شويه بس انا كان كل همي اعمل لماما هديه لأن يوم طلاقهم كان يوم عيد الام  مكنتش فاهمه ال بيحصل بس كنت عارفه أن فيه مشاكل بين ماما وبابا وبصراحه طول الفتره ال عشتها مع ماما عمرها مخلتنا محتاجين حاجه وربتنا احسن تربيه بس بابا كان عايش فالشقه ال قصدانا وده كان أسوأ حاجه لان كنا كل يوم بنشوفه وكان دائما يعامل اختي احسن مني مع أن اختي كانت بتكرهه لأن لما كان زمان بيعمل مشاكل وبتاع هي كانت واعيه وفاهمه انا مكنتش فاهمه اوي لاني كنت صغيره بس كنت بحب بابا اوي اوي وبابا كان بيحب اختي جدا مع انها كانت بتكرهه اوي بس برضه كان دائما يفرق بينا كان يقعد يتحايل عليها عشان تكلمه ونا لما اجي أكلمه يقولي اسكتي يبت انتي وجي من قريب كان منزل صوره ليا بشعري ونا محجبه قولتله يبابا شيل الصوره وكلمت عمي وكلمت بابا اكتر من مره وبرضه مش راضي يشيلها وهزقني وامبارح اختي اتصلت بيه عشان تقولو أن النتيجه ظهرت وأنها نجحت وقالتله اختي كمان نجحت قالها مين؟ انا معنديش بنات غيرك حاولت اعمل نفسي كويسه بس انا مش كلبه بشحته وعدم اهتمامه بيا مأثر فيا جامد اوي لدرجه ان اي حد يحسسني بالأمان بحبه حتي المدرسين بتوعي!! انا وصلت لدرجه الجنون بجد ومش عارفه اعمل ايه اخليه يحبني ويهتم بيا ازاي؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_53516 🇪🇬

منذ شهرين

شعور محبط

عبّر عن شعورك بشكل مجهول

انا ابويا توفي من 3 سنين 
وهوا مش ابويا 
هوا ابويا وصحبي وحبيبي واخويا وكل حاجه ليا في الدنيا 
كان الأمان والضهر والسند 
انا ولد علي بنات 
لما كنت صغير مكنتش بعرف اعمل صاحب مكنش ليا صحاب 
هوا كان صحبي 
فاكر لما كنا بنلعب كورة انا وهوا ونخرج ونتفسح سوا 
.. 
مش عارف ازاي كان عصبي وشديد جدا وفي نفس الوقت اطيب واجمل قلب 
اكتر واحد كان نفسه اكون احسن واحد في الدنيا 
مش ناسي نصايح ليا
مش ناسي لما كان بيقولي يابني انا مش هعيش ليك العمر كله 
وفعلا 
الشخص العظيم اللي كنت بخاف منو وبخاف عليه 
الشخص اللي طول عمره كان شيلني علي كتفه 
بقيت في لحظة شايلة في خشبة علي كتفي 
ابويا كان مريض 
وبيدخل المستشفى كتير 
وكنت كل مرا اقول هيخف ويبقا احسن من الاول 
كان صابر جدا علي مرضه 
وكان راجل راضي 
وديما يقول الحمدلله 
وكل مرا كان بيتعب فيها كان بلحقه واجري علي المستشفى وكانت بتعدي علي خير 
الا المره دي 
المره الوحيده اللي معرفتش اعمل ايه فيها 
واقف وسط 3 دكاتره وممرضين ومش عارف اعمله حاجه 
الدكتور بعمله انعاش والتاني بيزعق والثالث بيخرجني برا الاوضه 
وانا مش عارف اعمل ايه 
وتوفي أبي 
توفي قدامي عيني 
توفي ومقدرتش اعمله حاجة 
امر الله نفذ 
وفي لحظة شايل ابويا بدخله تلاجه 
بكلم مبيردش عليا 
ابويا اللي كان بيحميني وانا عيل صغير 
بغسله ب ايدي 
وبلبسه كفنه
وشايله علي كتفي زي ما كان بيشلني علي كتفه 
بس هوا كان بيلعبني 
وانا كنت رايح ادفنه 
وشلته ب ايدي نزلته لقبره 
نزلته وانا عارف اني مش هشيله تاني 
وحضنته اخر حضن في حياتي 
وانا حاضنة كنت عارف اني خلاص هتحرم من الضحن دا طول عمري 
الحضن اللي كنت لما بخاف بجري اترمي فيه 
الحضن اللي لما اتعب من الدنيا اروحله 
وخلاص راح ابويا وسبني 
وسابلي امي واخواتي البنات 
سابلي  المسؤليه 
وسابلي السيره الحلوه 
سابلي حب الناس 
وسيبني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_51660 🇪🇬

منذ 7 أشهر

شعور متعب

موضوع:

ايه النصيحه اللي كان نفسك حد ينصحهالك لما كنت صغير؟

انا مكنش نفسي فى حاجة غير ان ابويا اللى يقدملى النصيحة ويصاحبني وياخدنى ابنه وصاحبه انما ابويا معملش كدا محستش مع ابويا بالامان انا شاب عندى 18 سنه لما بشوف طفل صغير ابوه واخده فى حضنه ببق نفسي اكون مكانه واعيط فى حضنه انا ابويا عايش مش ميت ومش مطلق امى ومش بيشرب سجاير ولا كحوليات يعني صحته كويسه بس

Marshmallow_46399 🇯🇴

منذ 8 أشهر

شعور مكسور القلب

نفسي تحبني، نفسي تتطلع علي بفخر او بحب بدل نظرات الغضب و خيبة الامل، نفسي تسألني عن يومي، نفسي تحس اني لساتني نفس البنت الصغيرة الي كنت طاير فيها، نفسي بس اعيط تواسيني مش تطلع علي و تطلع من الغرفة، نفسي اسمع منك كلمة حلوة مش كلمة تخليني احكي لحالي "ما بدي احكي معه مرة ثانية"، نفسي لو أعطيتني الحب ال

Marshmallow_34647 🇪🇬

منذ 9 أشهر

شعور ضائع

موضوع:

لو رجعت بالزمن اي الي هتغيره في حياتك؟

لو رجعت بالزمن مش هغير اي حاجه هروح علي اوضه بابا و احضنه ادفع عمري كله وارجع والله لو ينفع هحكيله انا حاسه ب ايه دلوقتي عشان هو الوحيد اللي هيفهم هقدر كل دقيقه و هستمتع ب نفسي القديمه هساله اعمل ايه عشان مش عارفه اعمل ايه و هحيله الناس القريبين عملو ايه بعده و هطمنه عليا اني متماسكه قدامهم بس ضايعه

Cherry_17492 🇪🇬

منذ سنة واحدة

شعور Okay 😐

انا وحده بنت ابوها جدا وانا بحب بابا جدا لن هو كان بيعملي كل حاجه و بيحضني كل دقيقتين و يدلعني و الي حاجه الي بفكر فيها بجد بتجي قبل ما اقوله بقول كان لن ربنا يرحمه توفها من فتره قصيره الي عايزه اقوله ان بابا عملي كل حاجه حرفيا فا مستنيه الشخص الي يخلي عيني تلمع من كتر ما الحاجات الي بيعملها مشوفتها

Coconut_71798 🇪🇬

سيد الاستغفار: دعائي للتوبة والمغفرة

اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء بذنبي فاغفر لي فإنه لا يغفر الذنوب إلا أنت فالدعاء المذكورهو ال عن النبي صلى الله عليه و سلم قال: سيد الاستغفار أن تقول اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت ...عرض المزيد

7 الدعم

0 نصيحة

Nutella_67863 🇪🇬

صوت ضحكتي مش عيب واتخنقت من كلام الناس

دلوقتي انا بنت تمام وليا صوت ضحكة اكيد وسط اهلي بكون براحتي ومحدش بيختار ضحكته تقريبا ! يعني حصل موقف في انا ضحكت صوت بيكون عالي كل شوية عيب يا بت ايه قلة الادب اللي انتي فيها دي دي طبيعتي والله يعني صوت ضحكة عادية مش ضحكة رقاصات لا والله ايوه ليا صوت بس بسيط انا بكون بضحك ومبسوطه وعادي كل شوية عيب عيب اكيد انا مع الناس الغريبة بكتم نفسي من الضحك وفي اوقات مش بسيطر علي ده عادي ، دلوقتي اخويا عمل موقف ف انا ضحكت حرفيا تلت اربع مرات بكل برود وطي صوتك وانتي بتضحكي قولتله دي ضحكتي ويكرر وانا اقوله دي ضحكتي قالي ابقي اضحكيها تاني بقي وبيستفزني .. الموقف ده وخلاص بس انا الموضوع حرفيا ضاغطني بشكل مش طبيعي وبيفصلوني يعني الحاجة الوحيدة ان الواحد يضحك والموقف يعلق معاه مثلا وتلاقيه بيضحك من قلبه مرة واحدة الاقي اللي بيفصلني وانا صراحة اتخنقت منهم ...عرض المزيد

1 الدعم

14 نصيحة

Mushroom_51170 🇪🇬

ليه لازم نتسامح مع نفسنا عشان نكتشف الحلو جوانا؟

ساعات بحس ان الظروف الصعبه اللي بنتعرضلها ساعات بتبقى سبب في اكتشاف حاجات حلوة جوانا بس الحلو مش بيظهر الا لو اتصالحنا مع نفسها ساعات بنبقى مستنين فرصه تانيه فااا بنبدا ندي للناس فرصه تانيه مستنين مسامحه فاا بنبدأ نسامح حد يسمعنا وبس مايحكمش علينا وكمام مش صح اننا نخمل نفسها مسؤوليه كل حاجة وحشه بتحصلنا لازم نتسامح مع نفسها ونفهم اننا عادي نغلط ...عرض المزيد

1 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع