ثيرابي

Nutella_57677 🇪🇬

منذ أسبوعين

شعور ضائع

عبّر عن شعورك بشكل مجهول

ازيكم ..انا حاليا جوايا كلام مش شرط يكون ليه غرض او معنى بس انا عايزة أقوله اتنين من شلتى هيتجوزو الشهر ده و انا مبسوطه ليهم جدا بس من جوايا زعلانه انى هكون لوحدي طبيعى هينغشلوا عنى بسبب حياتهم الجديدة ربنا يسعدهم يارب بس انا كمان عايزة اتجوز بس مش عايزة اي حد و خلاص فعشان  كده بقول لنفسي اصبري شويه و اشغلى وقتك بشتغل بس مجالى فيه اختلاط بشوف كل يوم شباب اشكال و الوان بحاول اغض بصري بس صعب بجد انهاردة فضلت افكر انه اقعد في البيت بس انا قعدة البيت ليا مش كويسه و دي نصيحه الثيرابيست اللى بتابع معاها فمش هعرف حسانى عندي طاقه للحب و الجواز بس لما بسمع سيرة عريس بخاف من المسؤليه انا عارفه انى قدها بس بخاف منها فاهمين قصدي غلطت و ارتبط قبل كده بس هو اتقدملى علطول والاه مكملناش شهرين بس ربنا عاقبنا و الموضوع مكملش و الحمد لله انه مكملش لانه بعد فترة اكتشفت انه مفيهوش مواصفات زوجى المستقبلى فانا خايفه انه ربنا يعاقبنى بسبب الذنب ده وهو اللي مأخر جوازي بالشخص المناسب ليا و اوقات بفكر انه اكيد مش مناسب اتجوز دلوقتى و اتعلم و اثقف نفسي لحد ما يجى الاخ 
انهاردة حصلى موقف في المواصلات كنت راكبه في اخر كرسي ورا انا وصحبتى وانا اللى كنت في الوسط و المفروص حد يجى جنبى فجه شاب بس قال لا مش هركب ورا عشان مش يضايقنى فانا قولت لصحبتى لو راجل اللى جه هناخد اخنا الكرسي فراح جه ولد تانى فبيقولى اركب جنبكم والا نستنا شويه يمكن تيجى بنت قولتله نستنى فراح استنى دقتين كده وبعدين نزل الكرسي و ركب قدامنا مع الولد التانى و قال للسواق خلاص فانا دفعت أجرة ٣ راح مرجعلى الباقى و قالى انا اللى هدفعه قولتله لا شكرا احنا متفقين انا و صحبتى لو محدش جه هناخده قال لا خلاص و بجد موقفه خلانى مبسوطه طول الطريق و حاسه بفراشات و صحبتى لاقيتها بتقولى مالك بقولها اضايقت انه عمل كده قالتلى عادي هو ذوق قولتها اتكسقت خالص قالتلى يلا نوفق راسين في الحلال و ضحكنا بس انا التخيلات اشتغلت انه فتى احلامى وانه الظروف هتجمعنا تانى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_56393 🇪🇬

منذ 3 أسابيع

شعور مكتئب

عندي اكتئاب بقالي ٧ سنين جربت ادوية كتير وبرضو مفيش حاجة بتجيب فايدة النهاردة قولت اجرب ثيرابي من باب التجديد لقيتها بتقولي هنعمل اختبارات ومعرفش ايه حرفيا اختبارات شبه اختبارات تحليل الشخصية ع النت حاجات هبلة كدا وفي الاخر خدت 500 جنية ف مش عارف انا بيتنصب عليا ولا اكمل ولا ايه الدنيا

Watermelon_60251 🇪🇬

منذ شهر واحد

شعور ضائع

اوك ، الحكاية طويلة شوية وملخبطة أساسها اني زي اي بيت بيكون فيه مشاكل بس المشاكل اللي كانت في بيتي مقارنة ببيوت تانية تعد مشاكل تافهة و بالرغم من ذلك كان ردود الأفعال عليها عنيفة انا عايشة مه شخصيتين أبعد ما يكونوا عن بعض وفى النص انا مش عارفة انا مين مش عارفة انا بعبر صح ولا غلط و الأهم اني عاي

Coffee_59540 🇪🇬 في الغالب بسبب انتقادات اهلك المستمرة ولومهم على اي سبب تافهه ده مخليكي مش بتتقبلي الكلام الحلو لأنك مش بتصدقيه اصلا وبتحسيه مجامله وبتفكري اذا كان اهلي شايفني وحشه يبقى ازاي الي برا وعلاقتهم سطحيه بيا هيشوفوني على حقيقتي اصلا ! وطبيعي تكوني مش بتحبي النقد لأنه نفس الي اهلك بيعملوه ف مش هتقدري تستحمليه نفسيا وانتي عايشه فيه طول الوقت ، انتي محتاجه تفهمي ان كلام اهلك مش بيعبر عنك ابدا

عرض الكل 22 نصيحة

Almond_55410 🇪🇬

منذ شهر واحد

شعور وحيد

انا لسه صاحي من النوم وحاسس بالوحده الشديده وبهرب منها بعادات بتضرني بعدة فتره، انا عايش لوحدي ومنفصل بعيد عن اهلي بس بشوفهم من وقت للتاني، وبعيد عنهم عشان مكنتش لاقي نفسي، عالرغم اني بعد سنتين ونص احسن بكتير الا اني من وقت للتاني بحس بالوحده وباخد ثيرابي وتحسنت كتير الا اني اوقات بحس بخنقة شديده بس

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

الموضوع طويل ومعقد شوية.. 
واتا صغيرة اتعرضت لتحرش من والدي و وقتها مخي انكر دا او بمعني اصح اتجمد بس لما كبرت بدأت استوعب وافتكر كل اللي حصل وبنسبة من ٥٠ ل ٧٠% شخصيتي وقراراتي اتغيرت بناءًا علي دا ..
دلوقتي انا حاليا في ٣ كلية، بتدرب وبشتغل في مكان معين ناجحة جدا فيه ومن الناس اللي يتشهدلهم بحاجات كتير جدا ومن وقت ما دخلت المكان لغاية دلوقتي عدت سنتين تقريبا ناس كتير مشيت وانا لسا قاعدة ومن الناس المقربين جدا للمدير بتاعي، وللمعلومات اللي هنحتاجها بعدين مديري شخص ناجح جدا ومن اكتر الناس اللي مستعدين يخدموا اي شخص بعينهم حرفيا وoverall هو من الناس اللي بقدرهم وبحترمهم جدا..
بس من سنة او سنة ونص بدأت احس منه نظرات اعجاب او زي ما تكون دي يستحيل تكون نظرات اب لبنته او بمعني ابسط هي نظرات تقدير واعجاب اوفر ..
بعد وجودي في المكان دا ب ٦ شهور حصللي دروب في حياتي و وقتها كنا لوحدنا في الشغل و حضنني وقتها اتجمدت محستش بحاجة وبعد كدا الموضوع بقي بيتكرر وانا مبعرفش اخد رد فعل او انه بدأ يمسك ايدي وهكذا وطبيعي شغلي اني دايما بكون معاه 
و حاليا متأكدة انه حاسس بحاجة ناحيتي رغم ان شبه اتكلمنا انا وهو في الموضوع دا وقالي انه هي control نفسه 
حاليا محتاجة اعرف ايه التصرف اللي المفروض اعمله خصوصا اني كلمت الثيرابيست بتاعتي وهي شافت ان لازم امشي قبل ما حاجة اكبر تحصل 
١. ليه انا رافضة القرار دا لأني متعلقة بالمكان وبالشخص دا بس مش تعلق كأني في ريليشن شيب معاه 
٢. لأني وصلت لمكانة عالية في الشغل يستحيل اوصلها في مكان تاني 
محتاجة حلول واضحة و منطقية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_58382 🇺🇸

منذ شهر واحد

شعور متوتر

علطول قلقان من كل حاجة و اي حاجة ، مواقف كتيير اثبتتلي ان قلقي بيكون متطرف و مهول جدا جدا و بردو برجع اقلق من كل حاجة واشيل هم كل حاجة ، يعني السنادي ف امتحانات الترمين كنت احسب درجة النجاح و ف الفترة الي قبل النتيجة تطلع اقعد اخطط هعمل ايه واقول ايه لو شيلت او عيدت السنة و اقعد افتح الكتاب او الامت

Banana_51942 🇪🇬

منذ شهر واحد

شعور عاطفي

الموضوع كله ان انا بحس انه م بيحبني او مثلاً مش بنفس الحب اللي بحبه ليه الشعور ده م بيجيلي إلا لما بنكلم شات ف المكالمات العاديه بحس انه عادي يمكن هو بيكلم وبيحكي اكتر ف المكالمه معرفش ليه بس بحس اني مجرد ثيرابي مش حبيبه ولا حاجه الكلام مش مترتب بس مش عارفه احدد انا بحبه بس ف نفس الوقت انا خايفه ف ا

Hazelnut_52786 🇪🇬 بصي، إحساسك مش غلط ومن حقك تقلقي، خصوصًا لو بتحسي إنك أنتي اللي دايمًا بتدي وهو مش بيقابلك بنفس القدر. جربي تكلمي معاه بصراحة عن إحساسك، من غير لوم، وشوفي رده هيكون عامل إزاي. وخليكي دايمًا فاكرة إن قلبك غالي، ومينفعش تدي حبك لحد مش بيقدّرك زي ما تستحقي 🌟🔅🌟🔅🌟🔅🌟🔅🌟🔅⭕️

عرض الكل 5 نصيحة