تهميش

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Carrot_74684 🇪🇬

منذ شهر واحد

شعور مكتئب

كان بيتنا مليان مشاكل و كان بابا مبيصرفش علينا كان يادوب اول كل شهر بيدي لماما مصروف للأكل وشكرا وكل حاجة ماما متحملاها لحد مابقي عليها ديون قد كده ولما ربنا كرمني واشتغلت حصل مشكلة و ساب البيت و انا قولت لماما ولايهمك انا حديكي كل اللي محتجاه وسددت الديون اللي عليها و بعد فترة رجع البيت و مكنش راضي

Cheese_75496 🇪🇬 كبر دماغك ده لو انتوا شايفينه حل مريح ليكوا و هتبقوا مرتاحين خلاص +ربي يبارك ليك في مامتك يارب العالمين و تقدر تعوضها

عرض الكل 2 نصيحة

Toast_73409 🇪🇬

منذ شهر واحد

شعور مستنزف

عبّر عن شعورك بشكل مجهول

ازيكم يا حلوين 
حابب اني اشارك معاكم واحدة من مشاكلي الأزلية 
طول عمري متربي ف بيت فيه مشاكل أسرية ، من اصغرها لأكبرها، مش هاتكلم عن اثره النفسي فيا لإن ده مش موضوعي دلوقتي 
نا كل مشكلتي اني عمري ماحسيت ان بيتم تقديري ف البيت و بتتم تهميش اي حاجه بعملها و تتحقر عادي سواء من والدي الله يرحمه ، او لحد الأن من امي 
مع ان امي لو فتحت باب الشقة بتقعد تذل اللي خلفونا 
وبتقعد  تحسب بجد انا صحيت عملت ايه و ماعملتش  ايه و ازاي انا صاحي من ساعة و ماقومتش هديت البيت و بنيته تاني 
و طول عمري بيتم التحقير من اي حاجه انا بعملها 
دراسيا فضلوا يعايروني بصحابي و انهم هايجيبوا درجات اعلى و ان انا مش هابقى حاجة و هامسح العيادة ل ابن خالتي 
ودلوقتي انا الحمدلله ف تالتة طب بشري بمجموعي مش خاص ولا أهلية 
بعد كده بقوا يعايروني ان انا دخلت بعيد عن محافظتي ساعتين و باقي صحابي بيروحوا ف ساعة واحدة ، بعدها بقوا يقولوا عليا اني مبذاكرش عشان جبت جيد جدا اول ترم ف حين ان كل زمايلي الاكبر مني ف الجامعة وكمان معايا م البلد لما كانوا ف سني كانوا شايلين بسبب صعوبة الجامعة الل نا فيها ، دلوقتي جبت امتياز يقولولي بجد ان صحابي امتيازهم احسن من امتيازي !  
و كمان اختي ف ثانوية عامة دلوقتي و بجد بيشيّلوني ذنبها بالطريقة و بيقارنوني بولاد خالتي الل بيساعدوا بعض 
مع اني لما بحاول اساعد اختي بلاقي عندها كبر شديد و مستنية مني اني اكون طالع السما اجيب منها معلومات 
فضلا عن استنزاف وقتي ف البيت من اول ماصحى لحد مانام 
خصوصا ف الاجازة عشان نا واخد سكن جنب الكلية ف الدراسة و بنزل كل اسبوعين عشان اقدر اذاكر بدون ضغط 
و من اول ماصحي لحد مانام يفضلوا يندهوا عليا طول اليوم 
اعمل كذا، سوي كذا 
و طول مانا شغال يقعدوا يتكلموا عن الل عملوه طول اليوم رغم انه اي ام او اي اب بيعملوا كده عادي .. ماطلعوش الفضاء  يعني
بس لازم يذيعوا  انجازاتهم و يقللوا مننا وخلاص
يعني نا انهاردة من ساعة م صحيت أكلت الطيور و نقلت الخضار و نقلت المرتبة الكبيرة بتاعت السرير من البلكونة للسرير تاني و نزلت حاجات للمخزن عشان المساحة ف الشقة و شيلت شكاير كتب قديمة بعد ما فرزتها عشان اشوف لو فيها حاجة تنفع اختي ، وغسلت هدومى ، و كل ده ف ظرف ساعتين او تلاتة من صحياني يعني لسه اليوم طويل ، لما رميت ليها كلمة بهزار فضلت امي تتخانق معايا و تقولي انت ماعملتش اي حاجه انهاردة و انا الل فضلت اعمل طول اليوم ، بالمناسبة هي راحت السوق و عملت الغدا بس ، وكمان نا كنت معاها ف السوق امبارح و جابت معظم الحاجات و رحت اشيل معاها ، 
بجد نا بتوه جدا من الزعيق و الصوت العالي بتاع المشاكل 
و من كتر الخناق و المشاكل الل نا فيها بسرح ونا بتكلم و مش عارف حتى اقول للي مضايقني انه مضايقني ف ايه و مش عارف اعمل حاجة و تايه ، لسه للموضوع تفاصيل كتير و مشاكل تانية ، بس انا بجد مش طايق و كان لازم اكتب ، اتمنى اني اعرف الاقي المساعدة ، شكرا و عذرا على الإطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_58120 🇪🇬

منذ شهر واحد

شعور متوتر

i need help. ازاي محسسش اي حد من الى انا مصاحباه بالتهميش واني مش بحبه كفايه لاني عندي اكتر من صاحبه وكلهم بيتضايقوا من بعض ومن المعاملات وكدا يعني عشان بيزعلو مني لو اتعاملت مع دي وسيبت دي وانا مش حمل دا كله وبردو مش حاباهم يزعلو

Strawberry_67208 🇪🇬

منذ شهرين

شعور مكسور القلب

عبّر عن شعورك بشكل مجهول

هو انا كان مفروض اعمل ايه وماعملتوش انا ليه بيحصل فيا كدا هما ليه بيعملوا فيا كدا دا انا لو واحده من الشارع مش هيعملوا كدا لما هاديه وكنت مؤدبه وكنت محترمه وكنت شاطره في الدراسه وكنت شيل مسئوليه وشلت اعمل ايه تاني عشان يحبوني ويقدروني لما بشوف حياتي بصعب علي نفسي لما الي بتقولي عليه بسمعه هي عايزه مني ايه لما اكون طفله عندها 5 سنين واقعد واشيل مسئولية طفله لسه عندها كام شهر وكان مطلوب مني اروق واكنس واملي ميه واكنس المدخل واغير الباميرز لـ اختي وارضعها واغير لها واخلي بالي منها ودا كله وانا عندي 5 سنين انا ماكنش عندي مشكله خالص بس كنت مستنيه منها تقدير تحسسني اني بعمل حاجه حلوه دى لو رجعت مره مالقتش دا كله معمول تقعد تزعق وتزعل الكل يقول ازاي مامنه انها تقعد باختها كدا دا هي نفسها ماتقعدش لوحدها هي الصراحه كانت رافضه في البدايه بس انا الي اصريت وقولت روخي حضري الماجستير عادي انا هاقعد بـ اختي بس طبعا كانت بتوجعني كتير وكنت بقعد ادعي علي نفسي انا مش فاكره اوي المواقف بتاعت الفتره دي لاني دلوقتي بقي عندي 15 سنه بس انا فاكره انها وجعتني اوي وكمان ماكنش عندي اصحاب وكل قرايبي قريبين وانا لا وكانوا بينبذوني يعني ولاد عماتي الخمسه كانوا عليا يقعدوا يتريقوا علي شكلي ولون بشرتي وطريقة كلامي كنت بحس بالظلم وكانوا بيضربوني انا ماكنتش بحب اسيب حقي فـ لما كنت اضربهم يقعدوا يعيطوا ويصوتوا ماما كانت تيجي وتضربني انا كانت بتكسرني اكتر وبتوجعني وطبعا الكلام دا كان لسه مستمر لحد من سنتين تلاته المهم بعد تلت سنين جابت اخت تانيه ليا ويلا شيلي وقولت ماشي وعادي وشيلت مسؤوليتهم وبرضو مع عدم التقدير والكلام الي يوجع ويقهر ويكسر القلب انا فاكره اني لما كنت غد اولي ابتدائي كنت بسهر لحد ما يناموا عشان اعرف اعيط براحتي من كلامهم وأفعالهم وطبعا التفرقه بينا انا الي انضرب وانجرح واتكسر عشان هما يبقوا كويسين كنت بتمني ما يطلعوش اهلي عشان لو اهلي بيعملوا فسا كدا هاتبقي مشكله مش بقول انهم مش بيحبوني ومش طالبه انهم يحبوني زي اخواتي لان الحب مش بأيديهم انا عايزه في المعامله المعامله في ايديهم هما وطول عمرهم بيعاملوني علي اني ولد الصراحه كنت ببقي مبسوطه كدا عشت طول عمري عشان احسس امي وابويا انهم احسن من غيرهم ومش ناقصهم حاجه عشان مخلفوش ولاد بس هما في الاخر كسروني للمره مش فاكره الكام المهم ماسبقش الأحداث فضلت علي الكلام دا كتير اوي كنت بقعد اقول عادي واخواتي صغيرين ومحتاجين اهتمام اكتر مني ومش مشكله وبتاع بس هما عمرهم ما فكروا في احساسي وامي لما تزعل واحده منهم تقولي اروح اصالحها وانا مش بتعبرني باجي بليل دماغي مش بتبطل تفكير وبقعد اعيط ومش بعرف انام بس كنت اول ما بروح انام في حضنها ماكنتش بفكر في حاجه وانام علي طول بس كنت كل مره اروح لها عشان انام في حضنها كانت تقعد تزعق ليا انا بس كنت خايفه لما اكبر جدو يموت ومايكنش عندي اصحاب وهي تهملني وتحب اخواتي اكتر مني ( كل دا حصل ) كنت خايفه ابقي وحيده بالمناسبه بابا دا كله مسافر انا ماشوفتش بابا غير 5 مرات في حياتي ومش ببقي متعوده عليه زلا مرتاحه في وجوده المهم دايما كنت بضحي عشانهم وكنت بعمل كل حاجه واي حاجه عشان يكونوا مبسوطين وانا مش مهم بس عمرهم ما قدروا دا بالعكس كانوا بيجون عليا اكتر واكتر عمرى ما حسيت اني أولوية في حياتهم عمرهم ما اهتموا يودوني مصيف ولا يفضلوني علي حد دايما حاطني اخر حاجه وكسرني وكاسرين خاطري مره من سنتين مفروض كان هايجيلي تليفون جديد عشان ولا مره جالي جديد دايما باخد بتاعهم القديم لاقيت بتاع بابا قديم قولتله خلاص هات ليك واحد وانا بعدين مش مهم وبرضو مش قدروا دا في نفس الفتره دا من ضمن الشهرين الي بيجون كل سنتين تلاته الي بعدهم مع بابا جه من غير ما اعمل اي حاجه ومن غير اي سبب قالي تعالي اقولك روحت قالي انتِ عامله كدا ليه  مغروره ليه بقوله مش مغروره دا كله عشان بمدح نفسي بدي نفسي الي هما مش ادوه ليا قام قايلي جمله عمري ما انساها ولحد الان بترن في ودني بيقولي ماحدش هايبقي معاكي زلا حد هايستحملك ولا صحابك هايستحملوكي ( عمر ما كان عندي صحاب بيحبوني وكلهم وجعوني وكسروني وخذلوني ) قام مكمل عليل وقال طب احنا مستحملينك عشان احنا اهلك من ساعتها وهو أكد احساسي اني تقيله عليهم وانا والله مش بعمل حاجه وفي حالي وماما قاعده جمبه مش نطقت كلمه زي ما بتعمل دايما حتي لما بتبقي قاعده وعماتي وولاد عماتي بيتريقوا عليا مش بتفتح بوقها ولا حتي بتتكلم معايا بعدها مره كنت قاعده وبتفرج علي صوري انا فاكره الدقيقتين دول لحد الان بكل تفصيله ماشيه كدا وبتقولي الناس كلها لما بتكبر بتحلو وانتِ وقامت عامله حركه بوشها كدا كسرتني كسره الشخص الوحيد الي كنت بحسه بيحبني بجد كان جدو بس جاله سرطان في الكبد فـ حالته كانت بتسوء كل يوم عن الي قبله اكتر شخص حبيته وهاحبه انا متأكده انو لو كان بصحته الوحيد الي هايكون قريب مني عشان انا ولا قرايب بابا قريبين مني ولا قرايب ماما زلا عندي صحاب في مره كنا قاعدين كلنا ومتجمعين خال بابا قعد يتريق عليا وعلي لون بشرتي والكل قاعد ماحدش اتكلم كلمه وبنت عمتي قعدت تضحك فـ حد طلب مني اجيب له ميه دخلت سمعت ماما بتقول لها ماتضحكيش عشان ماتزعلش لا والله لا كتر خيرك وبعد ما مشيوا ماما بتقولي اوعي تكوني زعلتي ان بنت عمتك ضحكت قولت لا وازعل ليه مش فارق معايا بعدها نزلت جدو نداني وقالي اوعي تزعلي خالك بيهزر معاكي قامت واحده قريبتنا قايلاله ماتقولش لها كدا عشان ماتحسش انها جميله هو الوحيد الي فكر في احساسي انا في مشاعري انا بس للاسف جدو مات وهو مش فاكرني ومش غير ما اودعه انا مش مستوعبه انو مات انا بالنسبالي عايش وطبعا مواقف كتييير بس دا الي فكراه دلوقتي واخر حاجه راحت عملت عملية حقن مجهري عشان تخلف ولد بعد كل الي عملته راحت عملتها وكانت عايزه تعملها من ورايا بس انا قفشتها قعدت استحايل عليها تحط بنت وسلكت ليا وقالت ماشي هاشوف الدكتور ولما راحت تعمل العمليه قالت انا عايزه ولد لما قولت لها علي البنت قالت هو انا ناقصه بنات وجعتني اوي وكسرتني عارفين يوم موت جدو مالقتش حد معايا الكل عمال يبعت ليا ويقولي خليكي قويه عشان ابوكي وامك طب انا ايه ومشاعري ايه انا مين يكون معايا دا ابويا دا الي رباني دا ابويا الحقيقي دا ابويا كتمت كلام كتير جوايا وصرخت كتير جوايا اليوم دا ولحد الان لسه جوايا ومش عارفه اطلعها عمري ما كنت من الي بتجري لـ امها وتعيط لها ولا تحضنها ولا عمر كان ليا اصحاب اجري عليهم لما اتضايق ولا اخوات دول كلهم هما كانوا مصدر الوجع ليا كنت دايما بدعي علي نفسي اني اموت وجربت الصراحه اكتر من مره وبطرق مختلفه بس ماهنش عليا نفسي وقولت مش هاموت كافره وانا بحب نفسي اوي ودا كله ماهزش حبي ليا ولا ثقتي فيا بس وجعني جامد وأثر علي قلبي كنت دايما بدعي اني ابطل احس لان ماكنتش بفرح ولا اعرف ايه احساس الفرح دا دلوقتي بقيت مش بحس خالص ولا بحزن ولا بفرح وهاموت وارجع احس تاني وعايزه اروح لثيرابيست بس لازم لما اكبر عشان مش هاعرفهم حاجه وطبعا كل الحاجات دي اثرت عليا جسديا وجالي أمراض كتير وبقول الحمدلله والف حمد وشكر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_64716 🇪🇬

منذ شهرين

شعور مستنزف

احساس الوحدة ده شئ مخيف أنك تكون عايش وتتنفس وشايف الكون حواليك بس الكون بحاله مش شايفك مهما تقول انا يا عالم شوفوني واسمعوني حسوا بيا طيب ، طب اعمل ايه عشان تحبوني عرفوني وانا هتعلم بس متقسوش عليا انا من حقي زيكم اكون محاط بقلوب تحس بيا وباحتياجاتي مش هينفع اكون عايش في سجن أفكاري مش هينفع اعيش م

Strawberry_65711 🇪🇬 وتعيش وحيد ليه اشغل وقتك ديما بشغل تعمله وتنجح فيه واعمل رياضه كل يوم ومارس هوايه بتحبها اصنع لنفسك حياة انت بتحبها حتلاقي الدنيا اتملت حواليك وتلاقي اللي يقدرك ساعتها مش تدور على حد هما ح يجولك من غير ماتدور

عرض الكل 2 نصيحة

Apple_65194 🇪🇬

منذ شهرين

شعور محبط

بصراحة مبقتش عارف اعمل اي يعني انا مشعارف هل اقلل اهتمام او ازود اهتمامي بشكل أكبر من الأول في الحالتين انا مبلاقيش اللي مستنية عارف يعني اي تبقي مستني حاجة من انسانة بس كل اللي بتلاقية تهميش عكس كل الي مستنية اوقات بحس إني مستحقش كل دة بجد مع إني بحرم نفسي من حاجات كتير عشانها بجد والله واوقات مباك

Apple_29512 🇪🇬

منذ شهرين

شعور عاطفي

السلام عليكم انا بنت اخر واحده ف عيلتي وبجد عندي مشكله في فرق السن وفرق اامعامله مع اهلي فعلا ماما بتفضل عليا اختي الكبيره بشكل لا يوصف اختي بتيجي عندنا فجاه البيت كله يتقلب عشان ماما ماشيه ع دماغ اختي ماشيه وراها واحتي عندنا كام يوم كده وحاسه اني مش قاذره استحمل فعلا فرق المعامله اعمل ايه

Carrot_65133 🇪🇬 اقولك علي حاجة ركزي علي تصرفات اختك وشوفي هي بتتعامل ازاي مع امك وباي مبداء وبعد كده احكمي تبقي زي اختك ولا تبقي انتي دي بمعناتك 🤔

عرض الكل 17 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

كان قبل البوست بتكلم اني مدمن حشيش،عشان ممكن ده يكون سبب ف اني اكتب البوست ده
أنا تفكيري زايد جدا
بفكر كتير و بحس أن علقي خلاص تلف من الشرب والتفكير الزائد ف حاجات ممكن متبقاش موجوده 
مثال: 
أن حبيبتي بتخوني أن حبيبتي بتكلم غيري واقعد بقي أفسر حاجات غير منطقية وبربطها ببعض واخش اطلع ديك ام البت 
وهي مبتعملش حاجه بس ساعات فيه تصرفات تثير للشك بس انا معرفش ده بيبقي بسبب ادماني للحشيش اللي بيخلي الإنسان معندوش ثقه ف نفسه فا شايف أن ممكن حبيبته تبص لحد تاني؟
ولا ده بيحصل فعلا وانا متغفل مثلا.
الشابة عارفه أن اتأذيت كتير واتخانت من ناس أنا فعلا قلبي حبها وتقولي مش كل الناس زي بعضها 
في بيتي بحس اني معنديش رأي وان اخواتي هما اكبر مني سنا بحس انهم راكبني مش معتمدين عليا ف اي حاجه وانا عايز ابقي كل حاجه أنا الولد الوحيد عل بنتين والصغير بس الفكره هنا بحس بتهميش كتير من صغري 
و ده اثر عليا لدرجه ان كنت فاكر نفسي اتأثرت بتربيه البنات ومبقتش راجل 
كل ده تفكير كتير جوا دماغي أنا مش عارف بجد احل حوار دماغي ده ربنا سلط عليا نفسي بس انا عايز ابقي انسان كويس
اللي اخد النفس كده واخرجه وانا قلبي مش بيوجعني بحس بضيق ف كل حاجه ف حياتي و شايف أن عايز اعمل حاجات كتير تخليني ابقي حاجه موثرة حتي ف دائرة معارفي.
التفكير الزااااايد تفكييييير .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_60212 🇪🇬

منذ 3 أشهر

شعور فخور

موضوع:

بشنو تحديت نفسك وقصة التحدي؟

كنت في ابتدائي حد مهمل جدا دراسيا بس انا مكنتش عارف يعني ايه مذاكرة .. شوفت زميل معايا في الفصل مجتهد جدا كانت نظرة المدرسين له بتبقى مختلفة تماما عن نظرتهم عني كانت بتبقى انبهار و فخر بانجازاته وانا حد يعتبر مجهول الكينونة في المدرسة وفي الفصل وحاجة اخر تهميش ... فكرت ساعتها انه ابدأ اقرأ المنهج فب

Hazelnut_52786 🇪🇬 قصة حياتك دي درس كبير لكل واحد حاسس إنه مش باين وسط الزحمة. تحوّلك من التهميش للتميز مش صدفة، ده شغل قلب تعب واتربى على الصبر، وعلاقة صادقة مع ربنا. اللي جاي منك كمدرّس هيكون أحن بكتير، لأنك مش بس هتشرح منهج، انت هتكون أمل للي شبهك زمان

عرض الكل 2 نصيحة

French Fries_58368 🇪🇬

منذ 3 أشهر

شعور مكتئب

من فترة حسيت اني بافرض نفسي او باحشر نفسي في الجروب اللي معايا في الشغل فقررت ابعد و هما ماهتموش اوي بعد كدة بقيت اتخنق من السكوت عشان مبقتش اتكلم معاهم غير ضروري و لما حاولت اشوف هو فعلا انا مليش مكان و لا بيتهيألي كان رد فعلهم بيقول أن فعلا مليش مكان دلوقتي مبقاش السكوت يخنقني بس حاسة اني لوحدي و

Jackfruit_58461 🇪🇬 بصي يا حبيبتي ياما هتقابلي ف حياتك ناس كتيره و ناس هتحبك و ناس هتحبيهم و ناس مش هتستلطفيهم و العكس بس النصيحة الي هقدر فعلا اقدمهالك إنك تفضلي زي ما انتي كده تبعدي كل ما تلاقي المكان مش مكانك تمشي كل ما متحسيش بتقدير و اوعي الوحده تحوجكك على إنك تبقى ف مكان مش مكانك أو وسط ناس ميقدروكيش

عرض الكل 16 نصيحة

Potato_38267 🇪🇬

منذ 8 أشهر

شعور لا مبالٍ

موضوع:

النرجسية

اعتقد في رأيي ان مفيش حد محتاج علامات علشان يتعرف علي النرجسي. كل البشر بدون استثناء نرجسيين. في منهم اللي وصلت نرجسيتهم للتطرف وفي منهم اللي عايز يظهرها لكن مبيعرفش وفي منه اللي بيخفيها وبيظهر التواضع الزائد عمدا لتحقيق نرجسيته.مفيش حد مبيحبش الاهتمام ومينفعش نكره الناس علي عيب كلنا بنعاني منه وبن

Sugar_15989 🇪🇬

منذ 9 أشهر

شعور مكسور القلب

Peanut_42930 🇪🇬 انا فعلا مش عارف اقولك اي بس حرفيا انت جواكي كمية طاقة سلبية و قلبك مكسور عشان أنت كنت مستنية كلمة حلوة من أهم حد ف حياتك بس انت لازم تنسي الي فات و تركزي علي نفسك و حاولي تتجنبي كلامهم و حاولي تعملي حاجة تبيسطك و تنسيكي الي فيه وتخليكي واثقة من نفسك زي الاول معلش انا كلامي مش مترتب بس انا قولت اقولك الي جوايا يمكن يساعدك واتمني لكي التوفيق ف حياتك ❤️‍🩹

عرض الكل 4 نصيحة

عبّر عن شعورك بشكل مجهول

انا تعبت من طربقة تعامل والدتى معايا بحاول بكل ما عندى انى ارضيها بس هى واخدة عنى فكرة مش صح بدون ميحصل موقف مثلا بسبب كلام اخويا عليا و لما بحاول افهمها مش بتدينى فرصة دايما حطانى ف زون البنت الفاجرة بدون مبالغة ان لسانى طويل و مش متربية بس عشان بدافع عن نفسى لانى اصغر واحدة ف اخواتى واللى كانو بيصدقونى مش قاعدين دلوقتى ..بتفضل تقول ف كلام مستفز لحد ماتخلينى مش عارفة اتحكم ف اعصابى و غصب عنى صوتى بيعلى و كل مرة لما اعاتبها ف حاجة بهدوء تقلب الترابيزة و تطلعنى انا الوحشة ..بتاخد قرارات مش منطقية و عمرها ماتغلط نفسها و بحسها لا حرفيا بتقول لا على حاجة تبسطنى اقل حاجة منعتنى انى احضر حفلة تخرجى اللى مستنياها من اول سنة ف الكلية بسبب الضغط اللى بشوفه فيها و شايفة انى استحق دى بس على الاقل لان مكنتش بخرج رحلات و لاحتى مع صحابى و مليش اى ذكريات خالص معاهم و تفضل تقول كلام وحش و تغلط مع ان اللى هيتخرجوا معايا دول دكاترة و محدش هيعمل المسخرة اللى ف دماغها ..كل متشوف ان فيه واحدة قربت منى و بقينا صحاب تفضل تتكلم عنها وحش لمجرد ان واحدة صحبتى زمان سابتنى ..كل ماتكلم حد من اخواتى تفضل تشتكى منى و قرايبى و طلعت صفات مش فيا زى انى انطوائية و مبحبش الناس و متوحدة و هى اللى خلتنى كده كانت ترفض اى خروجة مع صحابى و لما يخرجوا تقولى اهم خرجوا و سابوكى ..و بتحكم على كل حاجة شكلى و لبسى كل متدخل الاوضة عندى ميتفعش تطلع الا و هى قايلة كل حاجة سلبية انا ثقتى ف نفسى معدومة و مبقدرش افضفضلها بعد يوم طويل ف الكلية مليان ضغط عشان مبتسمعليش و لو سمعت شوية بتسيبنى و تمشى ف نص الكلام انا مبقتش احب اتكلم معاها و مبعرفش انام دايما حطانى تحت ضغط انها هتيجى دلوقتى تزعقلى حتى لو مش بعمل حاجة و مقدرش احكى لوالدى لانه سلبى جدا و مبحبش يتكلم ف حاجة ولا يدخل نفسه حتى لو سامع المشكلة بودنه و مش واخدة عليه ولا بعرف اتكلم معاه اساسا ..انا بقيت حاسة انى حمل تقيل عليهم حتى وانا لوحدى اتقل من لما كنا سبع افراد ف البيت مش تلاتة زى دلوقتى ..مش عارفة اطلع من دا ازاى لانى فجاة لقيت نفسى بقيت زى الشخصية اللى الفوها عنى ..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_47448 🇪🇬

منذ 10 أشهر

شعور متوتر

عبّر عن شعورك بشكل مجهول

انا الاخت اللي في النص عايشه مع امي واخواتي وبابايا مسافر
هحاول اجيب من الاول انا محدش كان بيسمعني او بيهتم لكلامي وبرضو في تعليمي لان اختي الاكبر كانت لسه في سن التاسيس لما كبرت وبقي عندي٦ سنين فا جت اختي الصغيره  فا بقت الدلوعه ويعتبر  كل حاجه 
انا دلوقتي مشكلتي مع ماما ديما تعليق علي كل حاجه بشتريها اي حاجه بقيت بدباء عشان مش تتكلم وبرضو شايفه كل حاجه تفهات مع اني شايفه بجيب شنطه اكسسوريز ميكب اي حاجه المفروض عادي تكون موجوده ومبكررش حاجه ولا بجيب بشكل اوفر 
مع العلم بعد ما البس الحاجه الله اتصدقي حلو 
انا من النوع الاجتماعي فا انا شايفه اني مبعرفش اعيش لو حدي فا انا عندي صحابي دول غاليين اوي فا لما اجي اخرج او ابقي ملهوفه ليه وهما مش كده وشايفه ديما ان مشاعري وكل حاجه تافهه انا عارفه انها شايله مسؤوليه كبير ويعتبر محدش بيعمل حاجه معاها فا برضو انا اللي بساعد مش هقول بهد الدنيا بس ترويق انزل اجيب طلبات فا ساعات ببقي تعبت وحاسه ان دا مسؤوليه عليا  تقعد تقول تعبتي من اي واي يعني شويه ترويق وللعلم محدش بيعمل من اخواتي غير كل فين وفين هي استخفتني من وانا صغيره شيفاني خفيفه وبسمع الكلام فا بقي في كل حاجه بقالنا فتره كبير ده بنتخانق عشان انا برد مش بقله ادب بس اللي هوا برد علي اللي هي بتقولو 
هي عاوزه تتحكم حتي لو جايه عليكي بس انا امك بس انا مبعرفش انا حاسه اني شايه مسؤوليه نفسي مش في حاجات كبيره بس انا خلاص بتصرف في اي حاجه تخصني لنفسي انا حاسه وانا بكتب ان الموضوع دافهه بس بجد المةضوع كبير ولما كبرت حسيت ان انا بيحبوني عشان بعمل لو قلت لا بتولع

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_41793 🇪🇬

منذ 10 أشهر

شعور وحيد

انا كان عندى صحاب وحصلت مشاكل بسبب غيرتهم عليا بيغيروا من صاحبه تانيه ليا هما ميعرفوهاش بعدوا عنى وسابونى لوحدى وبيتهمونى انى السبب لحد م اقتنعت إن أنا فعلا محدش هيقدر يستحملنى بقيت مقتنعه إن أنا السيئه فى روايه الجميع ولما حاولت اتكلم معاهم اكتر من مره واعتذر قالوا إنهم عمرهم مهيعتبرونى صاحبه ليهم

Ice Cream_55489 🇪🇬

متعلق بوهم وعارفة إنه تلاعب.. ليه؟

حبيت حد اونلاين هو سعات بيختفي ويظهر كلامه فيه حاجه غير مطمئنه ونفس الوقت متعلقه بيه جدا انا سعات لحلم بيه من كتر ما هو في عقلي انا سني مش صغير وعارفه ان لازم اكون في وعي الكافي ان اعرف ان ده مش حب ده تلاعب بس انا جوايا هش اني متعلقه بوجوده انا نفسي افهم ليه بستناه اوي كده وليه بطارده هو شغله صعب لدرجه ممكن يقعد ١٦ ساعه ودي حاجه متأكده منها لان وقت ما كنا بنتكلم بيكون في شغله وارجع اقول اللي خلاه يكلمني الأوقات دي يختفي ليه هل تمسمي بيه ده نتيجه اني لوحدي ولا انه الدنيا جوايا بايظه لدرجه اني بتعلق بوهم انا بكلم معاكم لاني تعبت كلام مع نفسي ٣٤ سنه بلا حياه ولا اسره ولا حتى اصحاب ولا أهل حواليا عارفين عامله زي الشجره في وسط صحرا ده غير احساس جوايا اللي حواليا اتجوزوا وانا لسا والله ما حسد انا بس حزينه على حالي ...عرض المزيد

2 الدعم

22 نصيحة

Sugar_56012 🇪🇬

منقلة مكان جديد وحاسة بالوحدة جدا

بتعملو ايه لما تنقلو مكان جديد ومتعرفوش فيه حد وحسين بالوحده جدااا ومش بتعرفو تخرجو لوحدكم زي كده 🙂💔 + كله بيقول زايد خروجاتها تووووحفااااا بس مش بحب اخرج لوحدي بيجاااااد 🥺🥺 حد يقولي اعمل اي واي الاماكن الحلوة اللي اخرج فيها هنا + اي افكار اقنعهم اننا نرجع بيتنا القديم 🙂😂 سوري دوشتكم معايا بس بجد اتخنقتتتتت وشوية وهتكلم مع المخدات 🥺💔 ...عرض المزيد

3 الدعم

18 نصيحة

Mango_76530 🇪🇬

مش قادره ارفع عيني فيه وبيقلي انتي السبب

بدون تجريح انا حكيت لحد سر كبير اوي في حياتي وهو اول ما ادايق مني راح وقال السر ده لحد اعرفو ودلوقتي مش قدره ارفع عيني فيه وبيقلي انتي السبب عشان انتي دخلتي حد بنا وان انا ده مساله والي قلي ده بيغل مني عشان عملتلو بلوك واز انا الغلطانه ومش عارفه اعمل اي ومخنوقه اوي. .... . . . . . . .. . . . . ...عرض المزيد

1 الدعم

16 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع