تنازلات

Avocado_73226 🇪🇬

منذ 4 أيام

شعور عاطفي

Chilli_59055 🇪🇬 في حاجه مش مظبوطه ف القصه دي هو تصرفات الولد غريبه بس الباين انو بيحبك غالباً هو جايز مكنش حاسب الظروف الماديه صح و لقي الموضوع اصعب من الكان متوقعو او جايز في حد تاني ف حياتو بس مش ثابت ف بيحاول يوازن بينكو انتو الاتنين يعني لا يخسرك و لا يخسرها او جايز برضو لما اتعامل معاكي محبش شخصيتك و طريقتك و حس انو اتسرع ده يعني اجزاء من تحليلي لان الموضوع ده لازم تفاصيل اكتر

عرض الكل 7 نصيحة

عبّر عن شعورك بشكل مجهول

اول مره افتح الابلكيشن ده بس نفسي حد يسمعني من غير ما يكون عارفني 
بأختصار انا بنت اتولدت ف بيت في أم نرجسيه والحمدلله قدرت اطلع منه اول مااتخرجت بس نفسيا عمري ماكنت كويسه بس ظروفي الماديه بقت كويسه جدا الحمد لله وعندي ثقه ف نفسي بدرجه كبيره اوي وشخصيتي قويه بس عمري ماكنت بثق ف حد كان عندي صاحب من زمان اوي حاول كتير يرتبط بيا بس مكنتش متقبلاه بعدين قررت اديله فرصه من سنتين هو مكانش مصدق نفسه وحرفيا كان مغرقني حب واهتمام ودائما بيحاول يثبتلي أنه هيعوضني عن كل حاجه وقعد يزن عليا يتقدملي وكلم اهلي عشان نتخطب بعدها قعد يماطل ف الخطوبه 6 شهور رغم اني ماطلبتش منه يتقدملي اصلا قعد يقول شويه بابا مش موافق شويه عندي مشاكل ف الشغل بس بصراحه مكانش بيستحمل زعلي لحد ما قررت اسيبه ساعتها تمم الخطوبه بس بقي عندي احساس اني أجبرته عليها لما سيبته اتنازلت تنازلات ماديه كتير جدا وهو كان دائما يزود ف اني أتنازل فقررت ف مره مااتنازلش عشان حاجه عبيطه جدا لقيت منه أنه سابني ف اكتر فتره حصلي فيها مشاكل وكنت متدمره نفسيا ولاول مره ف حياتي اقول لحد ماتسيبنيش بس سابني رجع بعدها باسبوعين يتأسف كتير وافقت ورجعتله بس قعد يحطلي شروط عشان رجوع رسمي فضلت معاه شويه وبعدين قررت اني اسيبه من غير مشاكل حسيت أنه مش جاد ف علاقته بيا ومش بيحبني بس حابب وجودي قعد شهر وكنت خلاص قربت اتخطاه رجع تاني يتحايل وعايز يرضيني بأي طريقه رجعتله قعدت شهرين كنت يوم ابقي كويسه والباقي اعاتبه عاللي عمله معايا بصراحه كان بيحاول يصالحني كتير وكان بيقول هيعمل ويعمل بس مكانش فيه فعل قررت اسيبه تاني راح وافق حاولت اصالحه واعتذرله وتفهمه اني كان جوايا مشاعر غضب كبيره بس قالي ماتحاوليش الموضوع اتقفل 
نفسي افهم لو مش بيحبني ليه كان متمسك بيا 
وليه رجع طالما مش عايز يكمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_63485 🇪🇬

منذ 5 أيام

شعور وحيد

اول مرة اخطب واعدت سنة ونص ، في البداية كنا زي العسل ومبسوطين وبدلعها وبهتم بيها بزيادة وهي اصلا في معاملتها بتكون زي الطفلة كده ، ودي حاجة بسطاني ، لدرجة في يوم من الايام بتقولي انتي مدلعني اوي اوي واول مرة في حياتي يحصلي كده وانا مبسوطة بيك ، وهي برضو كانت بتهتم وتزرني لما اتعب ، وتجبلي هدايا في

عبّر عن شعورك بشكل مجهول

اول مرة اخطب 
واعدت سنة ونص ، في البداية كنا زي العسل ومبسوطين وبدلعها وبهتم بيها بزيادة وهي اصلا في معاملتها بتكون زي الطفلة كده ، ودي حاجة بسطاني ، لدرجة في يوم من الايام بتقولي انتي مدلعني اوي اوي واول مرة في حياتي يحصلي كده وانا مبسوطة بيك ، وهي برضو كانت بتهتم وتزرني لما اتعب ، وتجبلي هدايا في عيد ميلادي ، من الاخر كانت علاقتنا تمام .

بس بعد مجبت شقتي ، وظهرت اختلافتنا في الراي ، لقيت فيها عيوب ولقيت فيا عيوب ، بس عيوبي كنت متقبلها ومعترف بيها وبحاول اظبطها شوية ، لكن هي مبتعترفش بغلط ، علي طول هي صح ، وتقولي انا طالما قبلت اني اعيش في شقة ايجار ، يبقا تفرشهالي علي مزاجي ولماا ننقل لشقتنا تغيرلي العفش كله ، فده كلام مكنتش متقبله ، وقايلها اسبابي وامكانياتي وعارفة بكل حاجة ومع ذلك خليتها فرشت علي مزاجها ، واتنازلت وجبت اوضة اطفال مع انها ملهاش لازمة كنت عايز اعمل بدالها غرفة للمعيشة ، بس جبتلها ال هي عايزاه ، هي عصبية وانا عصبي ، بس انا كنت اوقات براضيها ، وبحتويها لكن هي ظهرت علي حقيقتها ، انها لازم ال تقوله يتنفذ ، وانا مليش راي في شقتي ، ولما اجي اوجها باخطأها تنكر وتقولي محصلش او انت بتاخد جزء من كلامي وتعمل عليه حوارات . حاولت اصلح الدنيا عشان الذكريات ال بينا دي ، لكن هي شايفة نفسها ، هي كا جمال ، عادية يعني ، بس انا كنت بدلعها وافخم فيها وقولها انتي احسن واحدة فالظاهر انها خدت مقلب في نفسها ، واي حاجة عايزاها في الشقة بجيبها ، وفي الاخر حصلت مشكلة اني قولتلها هسيب الشغل واروح شغل تاني عشان صاحب المكان مجنون وبيتلكك ، وانا كرامتي رقم واحد ، فهي بتشوف الظاهر بس اني لازم اكون ثابت في شغل ، مع اني نفسي اعمل كده بس مش لاقي ، كان نفسي تفهمني وتحسنني ان قلبها عليا وعلي زعلي لما بشرحلها كل موقف انا عملت كده ليه خصوصا موضوع الشغل شارحلها انا ليه همشي ، وعارفة كل حاجة ، بس لقيتها مبتهتمش وبتعمل مشاكل من اتفه الاسباب ونكدية ، وحاجة اخر قرف ومع ذلك كنت بتصل بيها عشان نتكلم او نخرج نتكلم لوحدنا ونشوف حل للموضوع ده مكنتش بترد عليا ومطنشة ، وطريقة ردها مش حلوة ، اعدنا كام يوم كده وابوها اكلم وقال كل شئ قسمة ونصيب ، بعد جهزت كل حاجة عندي ، انا مش مضايق ولا زعلان عليها من ال شوفته منها . بس ليه يعني تعملي معايا كده ، كنت قابلها بعيوبها وبتغافل كتير ، لكن هي تفتكر كل حاجة وتقولي مش نسياها ، فبعد كل التنازلات بتاعتي دي تعمل معايا كده وتطلعني غلطان ، وزيادة علي كده من اول يوم اعدت معاها عارف انها بتشتغل قولتلها عندك مانع تسيبي الشغل بعد الجواز ، قالتلي لا ، قولتلها في الفرح حجاب كامل ولا نص حجاب قالتلي كامل ، وانا محجبة  ومش هعمل كده ، ومع الوقت رجعت في كلامها ، ربنا يعوضني بالاحسن منها ال تقدر كل ده وتخلي حياتي سعيدة من ابسط الاشياء

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_67566 🇸🇦

منذ 3 أسابيع

شعور وحيد

متجوز من 4 سنين وفي مشاكل مستمرة وهي هي نفس المشاكل تقريبا بتتعاد تاني هي عصبيه جدا وعنيده وصوتها عالي ودايما بتفرض الشر من اي حد سواء عمل حاجه عاديه أو حتي قال كلمه ... ناس كتير دخلت في الموضوع والكل كان بيغلطها ويحاول يفهمها لكن ميكملش اسبوع وترجع تاني زي ما كانت ... تقريبا طول الفترة دي مقعدتش في

Pineapple_62201 🇪🇬 حسبي الله ونعم الوكيل. للأسف اختيارك للزوجه طلع خاطئ

عرض الكل 25 نصيحة

Watermelon_67015 🇪🇬

منذ 3 أسابيع

شعور مرهق

مساء الخير مشكلتي بأختصار شديد اني مخطوبه لشخص كويس بطريقه محدش يتوقعها راجل في زمن أن مفيش منه كتيرو بيحبني و كرم الدنيا و حنين و بيحتويني و يفهمني و كله بجد و هو كله مزايا بس بالنسبالي مش مقبول شكليا اعمل ايه ؟؟؟ هل أتنازل لان محدش بياخد كل حاجه حتي لو ع سبيل راحتي ولا أتنازل عن كل المزايا دي و ا

Chocolate_65012 🇪🇬

منذ 3 أسابيع

شعور ضائع

عبّر عن شعورك بشكل مجهول

انا حد عارف تعبه النفسي وعارف ايه وصله لكل دا بس مش عرفه اتعامل يعني مثلا دلوقت ماما كانت بتخليني اتحايل عليها عشان تجيب لبس مثلا وحنا معانا علي فكره دلوقت بشتري لبس بهبل وبندم ع العبط دا بس مش عرفه ابطل وكانت ديما تقل مني ومن شكلي رغم انا عرفه اني جميله وكل الي حوليا بيشفوني كدا جوا وبرا ودا بجد وانا شايفه دا بس سعات ببص لنفسي واقول هما شايفين ايه مش شيفاه بس واضح ان الكل مجمع علي اني حلوه وناجحه لكن الحمد لله خلوقه جدا بس جوايا ضعيف رغم اني من برا شخص حاد جدا فالمواقف اللي محتاجه دا بس بتكون قوي وهميه ،الحاجه التانيه الناس بتحكم ع المنظر ديما اني حد جامد وبوزيشن شغل وحجات كتير م الاخر البنت القويه والي استاهل كل حاجه حلوه عشان بساعد اي حد طب انا عوزه كل خير دا يجماعه عوزه الراجل الي شخصيته تناسبني بدون تنازلات دا مستحيل يعني الدنيا خلصت وهفضل طول عمري يتقالي مهما كنت جامده اكد هحتاج سند الاسأله دي بتدور فدماغي !
فكره ان الناس بتخاف تقرب عشان محترمه وقويه وزي مبيقولو مش محتاجه دي غلط انا بوضح حتي البنت القويه محتاجه الي اقوي منها ولو اتنازلت بالي ااقل بتفشل ودي كلمه للبنات بجد متقبليش بحد ااقل منك عشان تمشي الدنيا 
انا خرفيا رغم كل اللي بيشفوه زهقت من جوايا عوزه شخص جنبي يكون ارجل مني زي مبيقولو اقوي مني وتعبت م الكلام وعشان كحدش يقول انا مسترجله لا انا بس بشوشه بساعد الكل مش بتاخر وللاسف واضح اني واخده بالي من نفسي فتقريبا محدش شايف الاحتياج دا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_65084 🇪🇬

منذ شهر واحد

شعور Good 😁

التفاهم و لغه الكلام بتفرق في كل علاقتنا مش شرط مع حد بحبو اي علاقه فيها نقاش بتنجح حبايب بقا صحاب شغل اي حاجه الكلام بيفرق مع بعض التنازلات يعني عادي نقول انا اسف أو انا غلط او حقك عليا كل الكلام ده بيهدي اي نار في الكلام و دي نصيحتي و عن تجربه

Cherry_59482 🇪🇬

منذ شهرين

شعور منزعج

Waffle_59213 🇪🇬 صح قرارك صح مليون الميه اللي بيحبك بجد هيجي لحد عندك ويعترفلك بي ده حتي لو انتي بتحبي حد سيبي هو اللي يقولك الاول انتي البنت واحنا الرجاله اللي مفروض نبادر ونحارب عشانكم الاول وبعد اما نكسب قلوبكم بصدق هنا بقي يجي دوركم

عرض الكل 2 نصيحة

عبّر عن شعورك بشكل مجهول

أنا اكتشفت اكتشاف كبيييييير..بس للأسف حزين و صادم جدا و كمان متأخر ييجي حوالي 15 . 20 سنة 
طلع ان مش لازم انا دايما اللي ابدأ و اقدم و ادي اللي قدامي علشان اتشاف حلوة 
و ان يبقى جوايا قناعة اني مستاهلش الحب ولا اي حاجة عشان مقدمتش حاجة الأول 😏😏 
طول عمري مقتنعة اني لازم اجي على نفسي علشان اللي قدامي ولازم انا اللي ابدأ و ادي علشان احافظ ع اللي قدامي و بس(بس ده اكبر غلط..اكببببر غلط)
 لما كبرت بقى و عقلت😏 اكتشفت اني من كتر قلة تقديري لنفسي محدش بيهتم برد فعلي ولا بمشاعري  ولا حتى انه يحافظ على وجودي لو انا مبادرتش بخطوات و محاولات و تنازلات الاول😔😔 
و وصلت اني حتى محدش بياخد باله ان عندي مشاعر و بحس اصلا.. لأني بعرف ابي و اداري و أتعامل عادي علشان الدنيا تمشي .. بس مفيش غير وشي اللي اتمشى عليه بالفعل
و طلع برضو ان عادي في ناس بيتقدملها حاجات كتير جدا و هي مابتبقاش قدمت ربع اللي اخدته ولا ربع اللي انا دايما بعمله للأسف
 و مش علشان انا ببص لغيري..ابدا و الله العظيم
 بس بقيت بزعل على نفسي اوي اللي هو يارب و انا؟؟ 
و ده بردو ملهوش علاقة بعدم الرضا نهائي اقسم بالله

ف قررت اني اقف مع نفسي وقفة بقى 
قررت احب و اقدر نفسي و اعرف اد ايه انا استاهل كتير.. استاهل اشوف مستحيلات تتعمل ليا أنا و بسسسس مع اني شخص بيرضى بالممكن و الأقل منه كمان و بيكون طاير بيه
 و قررت اني ولا هضحي ولا هتنازل تاني عن سلامي النفسي و الذهني و الجسدي اللي أهملتهم بسبب ناس كتير جدا متستاهلش .. بس اكيد ملحوقة ان شاءالله❤️
و قولت اكتب الكلام ده هنا (حتى لا ننسى)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Broccoli_32431 🇪🇬

منذ شهرين

شعور ضاق ذرعًا

عايز اخد رئيكم فى حاجه ... انا اصغر اخواتى عندى ٢٢ىسنه ووالدى متوفى من وانا عندى ٦ سنين كل اخواتى متجوزين وعندهم عيال فى مشاكل بينا ع ورث وانا كاخ صغير جيت ع نفسى كتير ورضيت بحجات مكنش المفروض ارضى بيها ودلوفدقتى قدامى حالين اما اعمل مشاكل وذى متيجى او ارضى غصب عنى بحاجات انا مش راضى عنها للعلم اخو

Carrot_58927 🇪🇬

منذ شهرين

شعور محبط

Cookies_57864 🇪🇬 شعورك انها مش مضغوطة ده جايز يكون ظلم ليها ولكن انت في الحقيقة محتاج تحب نفسك وتديها وقتها وحجمها الطبيعي، اشتغل علي نفسك متفضلش طول الوقت بتتكلم معاها خصص لنفسك وقت مميز ولذيذ في وسط يومك، حتي لو مش هتعمل فيه اي حاجة بس خليك قاعد مع نفسك هي شايفة انك لازقلها، الحرية والمساحة حلوة اديي نفسك حجمها وحبها وقدرها ولو مبتشتغلش اشتغل لو بتشتغل ركز في شغلك اكتر وطور من نفسك اكتر، اقرأ مثلا كتاب اشغل وقتك

عرض الكل 59 نصيحة

عبّر عن شعورك بشكل مجهول

انا مرتبط بواحده داخلين علي سنه و حاسس بخذلان غير طبيعي اني طول المده اللي احنا كنا فيها سوا انا مبخلتش عليها بأي حاجة بالمعنى الحرفي لا فلوس ولا وقت ولا حنيه ولا هدايا ولا اي حاجه بجد و ده بشهادتها هي نفسها لكن مؤخرا حصل بيننا كذا مشكله انا شايفهم مشاكل عاديه جدا جدا لكن هي قررت بسبب المشاكل دي ننفصل و حصل كده فعلا لكن مقدرتش اتحمل الانفصال ده اسبوع واحد كنت شبه بموت و روحت كلمتها و خسرت كرامتي انا عارف بس مقدرتش استغنى عنها و باختصار شديد بعد م المفروض رجعنا قالتلي انها بصراحه بتحبني و مش عايزه تخسرني ابدا لكن هي حاسه انها بتحبني حب "بيور" مش الحب اللي عشان جواز و رسينا علي اننا هنكمل عادي و فعلا مكملين بس انا حاسس اني مكمل لوحدي احنا يادوب بنتكلم مره في اليوم بسبب امتحاناتها بس حتى المره دي ممكن منتكلمهاش و هي بتقول ان ده بسبب انها مضغوطه في المذاكره لكن الحقيقه انا مش شايف ان فيه ضغط في الدنيا يخلينا منتكلمش بالايام بالشكل ده مع العلم انها لما بنتكلم بتتكلم معايا بطريقه كويسه جدا و اوقات تقعد تحب فيا لكن ع الهادي كده ف انا حقيقي مش عارف اتصرف ازاي و حاسس ان حبي الزايد ليها و تنازلاتي الكتير دي خليتها مبقيتش تحطني اولويه خالص . ياريت محدش يقولي نبعد انا مش هقدر اعيد الاسبوع اللي بعدنا فيه تاني بس ساعدوني اتعامل معاها ازاي بطريقه غير المواجهه طبعا لأن لما كنت بواجهها هي قالت اني كده بضغطها و ده السبب اللي بعدنا عشانه المره اللي فاتت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_27514 🇪🇬

منذ 9 أشهر

شعور مستنزف

بتتخطوا ازاي علاقه محكوم عليها بالفشل بس للاسف عقلك وقلبك مش شايفين غير الشخص ده وعمال تقدم في تنازلات لمجرد انك مش قادر تبعد والطرف التاني مش مقدر كل ده رغم اني متأكده من مشاعره ليا بس في ظروف معينه الاهل ناحيته رافضينها وهو بناءا علي الرفض ده حكم علي علاقتنا بالفشل ومش عاوز حتي يحاول يشوف رأي اهله

Apple_11830 🇪🇬

منذ سنة واحدة

شعور Not great 😕

حاحات اتعلمتها ف السنه دي م السكن : مراكمش النضافة اغسل الهدوم واروق هدومي اول بأول نضافة الدولاب مهمه لو مش عايز حد يستخدم حاجتك يبقي م الاول متستخدمش حاجه غيرك في شوية تنازلات هتقدمها لكن بالود سيب ع الاقل 200 جنيه ع جمبك متصرفش الفلوس كلها ع الفاضي والمليان ، وهات الحاجات اللي انت محتاجها م

Banana_73718 🇪🇬

عمري 20 وبنجذب للستات من 30 ل45.. إيه الحل؟

انا ٢٠ سنه بس دايما مشاعري بتميل نحيت الستات الي سنها من ٣٠ ل ٤٥ وف نفس الوقت هما بيلاقوا راحتهم معايا ف الكلام والتعامل وومكن توصل للعلاقه واني حد مميز وجذاب وهكذا علي عكس البنات الي فسني + بقيت اشوف الي ف سني انهم صغيرين ومش ف نفس نضجي اي الحل ...عرض المزيد

0 الدعم

0 نصيحة

Banana_69853 🇪🇬

ايه اللي حصل؟ الناس مالها اتشقلب حالها ليه كدا

هو ليه نسبه بقت كتير جدا مع أن شايف الموضوع بسيط جدا و محدش يقولي عشان الأحوال اللي بتمر بيها البلد و الكلام دا و الحاجه بقت اسعارها نار لان عمر الظروف الماديه ما كانت سبب نهائي اغلبنا اتولد في اسره فقيره اوي و مع ذلك و نشأة في ظروف صعبه و محصلش اي مشكله بل بالعكس كنا نلاقي البيوت مستقره و كويسه و حتا لو حصلت مشاكل بيحلوها ودي و بمنتهي السهوله و الستات كانت عاقله و تخلف بالخمسه و السته و ترضي بقليلها و الراجل كان بيبقي شغال كذا شغلانه و مبسوطين و البيت كان بيبقي اوضه و الله العظيم ايه اللي حصل الناس مالها اتشقلب حالها ليه كدا و دا يضرب مراته و يهينها و دي تفضح اسرار بيتها 😳😳 احنا بنعيش اسوء ايام مرت علي مدي مرور العصور ربنا يسترها و نخرج منها علي خير اللهم احسن خاتمتنا ...عرض المزيد

0 الدعم

0 نصيحة

Banana_64261 🇸🇦

ضعت في الغربة وندمت على سفرتي

انسان عايش في وسط اهله وولاده ومراته ميقدرش يعيش من غيرهم والعكس بيعشق شغله ومقدر فيه جدا ضغط شغل كبير بس علي قلبه زي العسل ماديا جيد جدا ولكن متطلبات كتير وبتكبر اسرع بكتير يسيب كل ده فجاه عشان فرصه ماديا احسن شويه وعشان ميزعلش مراته و متحسش انه اناني لانها شايفه طبعا ان هو بس اللي مبسوط وكلهم معذبين وسايبهم والدخل مش كفايه يروح لمجهول عايش لوحده طبخ واكل سيئ وغسيل اي كلام وبهدله مواصلات عشان لسه مفيش عربيه مفيش صحاب بيقابل ناس بيتكلموا كلام اكتر من نصه مش مفهوم مش عارف يفضفض لمين و لا يهزر مع مع حد وضغط عصبي علي كلام فاضي واهبل و شغل كان بيشتغله وهو لسه بيتعلم بعد مابقي اشطر واحد في زمايله كل يوم بيخسر نفسه وشغله وعلمه واسرته وراحته بس كسب شويه فلوس مراتك شايفاك ماشي صح وهتتعب شويه وانت شايف انك ضعت الموت والله احسن نفسي ارجع بس خلاص مش هينفع انا مش عايز حاجه بس بقول اي حاجه وايدي وجعتني من الكيبورد ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع