تعبت من زوجتي العنيدة ومشاكل الزواج المستمرة

Question

متجوز من 4 سنين وفي مشاكل مستمرة وهي هي نفس المشاكل تقريبا بتتعاد تاني هي عصبيه جدا وعنيده وصوتها عالي ودايما بتفرض الشر من اي حد سواء عمل حاجه عاديه أو حتي قال كلمه ... ناس كتير دخلت في الموضوع والكل كان بيغلطها ويحاول يفهمها لكن ميكملش اسبوع وترجع تاني زي ما كانت ...
تقريبا طول الفترة دي مقعدتش في بيتي نصها ومفيش اسبوع يعدي عليا من غير اقل شي مشكلتين 
بدأت اقدم تنازلات علشان اتفادي المشاكل واحافظ علي عيالي لكن هي فهمت الموضوع واستغلته غلط وبدأت تضغط اكتر .. هي عارفه نقطة ضعفي العيال لأنها لما تسيب البيت كانت بتمنع اني اشوفهم 
انا تعبت اوي وناس كتير حتي من عائلتها قالوا طلق بس انا برجع علشان خاطر عيالي 
بس الحقيقي اني مبقتش احبها خالص ومكمل كده وخلاص مبقاش في مشاعر كأني موظف بيأدي دوره 
حتي سافرت وسبت البلد وبرضو بتعمل مشاكل والله تعبت اوي اوي 
نفسي اتكلم مع حد لو متخصص في المجال ده حد يسمعني حتى

Pineapple_62201 🇪🇬 · Accepted Answer

حسبي الله ونعم الوكيل. للأسف اختيارك للزوجه طلع خاطئ

Banana_68307 🇪🇬 · Answer

طلقها

Apple_67566 🇸🇦 · Answer

والله نفسي بس صعبان عليا العيال

Coffee_68284 🇪🇬 · Answer

كتير مننا عايش نفس الحياة اللى انت عايشها ولكن للأسف كل ده هييجى على حساب صحتك وسعادتك ونفسيتك وفى الآخر اولادك مش هيتربوا بالطريقة اللى انت عاوزها . فلو تفدر تفتح بيت تانى اتجوز عليها ولكن حاول تختار صح وتستفيد من  الاخطاء السابقه .

Apple_67566 🇸🇦 · Answer

خلتني خايف اجرب تاني والله انا الحمد لله اقدر افتح بيت واتنين بس بقي عندي رهبه

Watermelon_68270 🇪🇬 · Answer

نفس الذات نفس عندى بس هقولك الحل 
حاول تكدب

Apple_67566 🇸🇦 · Answer

اكدب ازاي يعني

Sugar_49832 🇪🇬 · Answer

هنصحك نصيحة قد تكون صح وقد تكون غلط 
بما ان فى فرصة انك تتواصل مع متخصص او دكتور نفسى 
اقعد معاها فى وقت هادى واتكلم معاها بالراحة انكم تروحوا انتو اللى الاتنين لدكتور 
هقولك حاجة كمان لما بيكون فى طرف عصبى الطرف التانى بيحتاج يحتوى الموقف 
عود نفسك اى موقف تحس انه خلاص بيكبر اقفل النقاش فورا بهدوء وقولها ان النقاش فى الوقت دة هيقلب بمشكلة واختاروا سوا وقت تكونوا كويسين وتتكلموا فيه والله هتفرق

Sugar_49832 🇪🇬 · Answer

تانى حاجة بالله عليك بلاش تفكر تعدد او تطلق قبل ما تكون واثق مليون فى المية ان ولادك هيكونوا معاك 
مش لان امهم هتاذيهم ابدا بالعكس لكن تاثير الضغط اللى هى هتكون فيه هينعكس عليهم هما بشكل سلبى جداا 
حاول مشاكلكم تكون بعيد عن الولاد 
وحاول بعد كل خنااقة تحضنهم وتطمنهم انك موجود لان الاطفال بتحس وبتخاف حتى لو مش بيبان عليهم

Apple_67566 🇸🇦 · Answer

والله كلام جميل جدا وحاولت اعمله بس فشلت طبعا لأنها مبتسكتش مهما اقول خلاص نتكلم بعدين أو حتي أخرج من البيت أو ادخل مكتبي واقفل الباب تفضل ترزع ع الباب لو في نص الليل عادي ولو خرجت تفضل ترن وتبعت رسايل 
والله حاولت بكل الطرق لدرجة أنا قولتلها أنا احترت اتعامل معاكي ازاي بصراحه 
المصيبه أنها عمرها م شافت نفسها غلط ولا اعترفت بده ولا اعتذرت عن أي حاجه في أي وقت دايما تقول هي الصح

Sugar_49832 🇪🇬 · Answer

اخر حاجة ادعى كتير لمراتك وولادك بالهداية وادعى لنفسك بالثبات والصبر وان ربنا يدلك على الطريق الصح 
حااول ديما قبل اى قرار تخلى ولادك هما هدفك 
ملهمش ذنب ابدا

Sugar_49832 🇪🇬 · Answer

جرب وقت النقاش متركزش على النقط اللى هى غلط فيها لا حااول توصل لوجهة نظرها ساعات كتيير ممكن تكون عندها وجهة نظر بس مش عارفة تعبر 
وبنسبة كبيرة هى ما اتسمعتش كويس وهى صغيرة فلما بقا عندها فرصة تثبت رايهاا اتمسكت بيه بس للاسف بشكل غلط

Apple_67566 🇸🇦 · Answer

للاسف

Cherry_66547 🇪🇬 · Answer

بص ياصحبي للاسف أن الحقيقة مش كويسة لأن فى طرف مش موجود أن زوجتك من الاول مش بتحبك وبتحب حد تانى ومتعلقه بيه واتجوزتك مطرة عشان ظروف العيله عندها والشخص ده معاها من اول ما اتجوزتوا عشان كدة فى مشاكل

Cherry_66547 🇪🇬 · Answer

ودة اخر الكلام

Apple_67566 🇸🇦 · Answer

لا انت غلط وغلطك مش مقبول ونقي كلامك 
أنا بتكلم عن مشكله مش مستني واحد زيك مش محترم يطعن في مراتي 
احترم نفسك

Cherry_66547 🇪🇬 · Answer

خلاص انت حر وبعدين انا مش غلطان دى الحقيقة انك خرونج لانك كان المفروض تعرف الكلام دة من الاول مش انا اللى اقولة

Sugar_60263 🇸🇦 · Answer

بص  شئ حلو انك مش عاوز تخرب بيتك  ب ايدك ؛  يعني من وجه نظري ان هي عوزة شويه شده في تعامل بعدين ترخي التعامل شوي ؛اقصد ان حسب ما قرأت انك ميسور حال ماديا ؛فا اول نقطه لزم هي تعرفها انها مش هتعرف تلوي دراعك بالعيال ؛كدا كدا في حاجه اسمها حضانه للاب  وانك هتوكل محامي وقانون هو الهياخد حقك ؛ ثاني حاجه اكيد في مشكلة في علاقتكم لزم تعرف اي هي ؛ ممكن دا تصرفها بسبب الضغوط العليها؟او في حاجه انت عملتها

Sugar_60263 🇸🇦 · Answer

شوف اي المخلي  علاقتكم كدا ؛بعد كدا  كلمها شويه عن دين ؛ لما قولت  بتفترض الشر علي طول فكرها ب جملة ان بعض الظن إثم؛ متخليش شيطان يدخل بينكو اكتر من كدا  انت حاولت تطنش المشاكل البتعملها  بس محولتش  تعرف اي السبب ؛ حاول تقرب منها بطرقه كويسه زي هديه مثلا  بعدين قولها اي مزعلك دي قعده صراحه  معلش لو مفهمتوش  بعض مين هيفهمكم؛ وحاجه كمان متقولش مبقتش احبها وبقيت موظف  بعمل واجبي ؛ دي مراتك وحلالك

Sugar_60263 🇸🇦 · Answer

شيطان هو الحط في دماغك كلام دا ؛ علشان توصلو لمرحلة وحشه إلهي قدر الله طلاق ؛اسمها مشاكل زوجيه بتحصل بين اي اتنين عادي ؛ وإن شاء الله  هتتحل ؛وادعليها  ربنا يهديها ويهديك ليها ؛ ولو فعلا لقيت متخصص علاقات زوجيه روح فعلا وربنا يوفقك

Apple_67566 🇸🇦 · Answer

وانت علشان تربيه وسخه شايف الكل زيك

Strawberry_68144 🇪🇬 · Answer

اتق الله ده كده قذف محصنات وعقوبته كبيره

Strawberry_68144 🇪🇬 · Answer

العصبيه دي انت سهل تحتويها لانها بتكون محتاجلك تفهم سبب العصبيه ولو انت بتحبها هتعرف أنها مضغوطه بين بيت وزوج واولاد كمان عندها هرمونات وبتلغبط الجسم وتأثر ع الحاله النفسيه ربنا سبحانه وتعالى أسقط عن النساء بعض الفروض في أوقات الولاده علشان اللي بتمر بيه حافظ علي بيتك مفيش ست بتحب تخرب بيتها والله

Banana_68352 🇪🇬 · Answer

حسبنا الله ونعم الوكيل

Coffee_68284 🇪🇬 · Answer

لا ماتخافش هتلائى ناس كويسه كتير