تعود

Popcorn_72372 🇪🇬

منذ أسبوع واحد

شعور وحيد

لما توصل لمرحلة أنك تبقي مش عاوز تشوف بشر ولا بقي فيك طاقة تتعامل مع حد أعرف أنك خلاص اتعودت تبقي لوحدك ودي ميزتها هتبقي مستكفي بنفسك مش هتتوجع بسبب حد ولا هتوجع حد لكن لازم تستحمل في نفس الوقت عيبها أن قلبك هموت حته حته وهتفقد الشعور بكل حاجة

Ice Cream_66350 🇪🇬 صح لكن ايه الفايدة وانت بينك وبين نفسك محتاج طبطبة ولا هاتكذب علي نفسك كمان

عرض الكل 6 نصيحة

Watermelon_65402 🇪🇬

منذ أسبوع واحد

شعور ضائع

ساعات بنقابل ناس كده بنرتاح لهم من غير ما يكون بيننا كلام كتير أو تعامل مباشر. في رأيكم إيه الفرق بين إنك ترتاح لحد عشان معجب بيه أو شايفه مميز، وبين إنك تتعود عليه أو ترتبط بيه مع الوقت؟ وكمان هل ممكن يحصل ارتباط حقيقي بين اتنين من غير ما يتكلموا كتير أو يكون بينهم تواصل دايم؟

Apple_70810 🇪🇬

منذ أسبوعين

شعور مكسور القلب

من فتره كنت بكلم وحده قريبتي بس من بعيد و ف الاول مكناش طيقين بعض بس اتكلمنا شويه واستلطفني بعض وتقريبا كنا بنتكلم 24 ساعه فاليوم ، بس هي كان عايز تشوفني علشان احنا مشفناش بعض قبل كده ، المهم نزلنا واكيد كان معاها صاحبتها وكده يعني المهم اتكلمنا شويه وروحنا وعادي الدميه تمام ، اليوم الي بعده بقي تبع

Almond_66096 🇪🇬

منذ 3 أسابيع

شعور آسف

عود نفسك اللي يروح منك إعتبره مجاش حياتك هتبقى أحسن لما تتعود " ما تشغلش بالك ما تشغلش بالك مين مشي ومين متغير معاك ما تشغلش بالك إيه اتقال من وراك وخليك عارف إن حياتك بيهم أو من غيرهم هتمشي فلما تفارق حد مش هتموت ولما يخذلك حد برضو مش هتموت هو طبع الحياة كدا والذكي اللي يفهم إن الحياة مطبات و

Chilli_68401 🇪🇬

منذ 3 أسابيع

شعور لا مبالٍ

شيئ رخم جدا اني ارجع كل يوم البيت وميكونش ف ست بتستناني، انام ومفيش واحدة جنبي احضنها، احساس رخم ان ميكونش فيه انثى ف حياتك تسكن لها بس بدأت اتعود وبقول لنفسي متفضلش تفكر كتير علشان الي نفسك فيه مش هيحصل قريب

Strawberry_69004 🇪🇬 ربنا شايلك الاحسن اكيد ف الوقت المناسب هتيجي الانثى الي تصونك وتشيلك وتعرف تريح معاها رينا يوفقك هدعيلك ب إذن الله

عرض الكل 20 نصيحة

Potato_64725 🇪🇬

منذ 3 أسابيع

شعور متعب

بقیت بشوف ان الحياه عباره عن اننا مراحل ف حیاه بعض ف ممتعودش علی حد عشان هیجي الوقت ودورو هیخلص ف حياتك. بقیت احاول اتاقلم على عدم وجود الناس وبقي كل همي اني اعدي يومي وخلاص من شغل واکل وشرب وكل حاجة ونوم وقعدة لوحدك طول الوقت. هل دا طبيعي يعني انا لوحدي كدا ولا اي؟!!!

Strawberry_65724 🇪🇬

منذ 3 أسابيع

شعور متعب

احساس انى كان فيه حد في حياتك و فجأة مبقاش موجود حتى لو مكنش ينفع تكملوا أو العيوب لا تحتمل شعور صعب جدا و حقيقي سايب فراغ كبير أنا بصحى من النوم اعيط من الم الفراق كون انك اتعودت أن فيه حد شايفك ف الاول يعني اول اهتماماته و بيكلمك يطمن عليك يشاركك يومك و حياتك و تحميله مشاكلك تحس أنه فارشلك الأرض و

Chocolate_65012 🇪🇬 انا كل مفكر نفس التفكير دا افتكر اني مغملتش حاجه وحشه ولا قصرت فحاجه فابدا اتخطي الموقف لكن هي ايام لازم تعدي لحد م الجرح دا يتقفل شويه ونتعايش معاه ربنا يعينك ويعينا

عرض الكل 8 نصيحة

Carrot_65356 🇪🇬

منذ شهر واحد

شعور محبط

ليه كل ما اكلم حد و احس اني اتعود علي وجود يختفي علي طول هوا طب انا خلاص علي كدا مش عايز اعرف حد تعبت بجد الواحد بقا مطر يتعامل أن الموضوع دا طبيعي و الناس بتحب تتسلي شويه و بتختفي كان ما في حاجه حصلت و يدورون علي تسليه تنيه

Potato_63938 🇪🇬

منذ شهر واحد

شعور قلق

كادَ قلبي يتَوقف ألفَ مرّة من فرط الضغوطات النفسية ، ولكنني كابَرتُ وتَحمّلتُ وأكمَلت الرحلة بطريقة لا أستوعِبُها للآن..كأنّني كنتُ أُساق لا أمشي ، وأُدفَع لا أختار ، كأنّ الأيام كانت تحمِلُني على أكتافِها رغمَ انكساري ، أو أنّني كنتُ أعيش بقلبٍ مُستَعار ، لا يشعُر كما أشعُر ، ولا ينبـض كما يَنبَغي.

Pineapple_64523 🇪🇬 بالصبر تقسو علينا الحياه ولكن بنعم الله وفضله تهون.⁸ جميل ان تكتب مايؤلمك ولكن اكتب ايضا ما اسعدك لاتجعل الروح تشقي فإن لها الحق في السعاده

عرض الكل 2 نصيحة

Blueberry_29908 🇪🇬

منذ شهرين

شعور مزعوج

--- أحيانًا بحس إن الحب ده مجرد وهم أو خداع، حاجة الناس بتحاول تقنع نفسها بيها علشان يلاقوا سبب يعيشوا عشانه. لما بشوف صحبتي أو أختي أو حتى ماما، وطريقتهم في التعامل مع جوزهم أو خطيبهم، بحس إنهم مغيبين، محبوسين جوا استعراض اهتمام وكلام معسول، وفي الآخر بيتحولوا لأطفال متعلقين بيعملوا أي حاجة علشان

Marshmallow_27975 🇪🇬 اعتقد الحب مش مفهوم واحد لازم نمشي عليه انتي بتحبي بطريقة و غيرك بيحب بطريقة و اكتشفت ان الحب مش لازم دايما يبقا فرح و انبساط الحب اما تبقي محتاجه الشخص ده فحياتك بغلاسته بكل حاجه فيه عادي زي العيلة كده بنتولد نلاقيها و نحبها بس بنتخانق كل يوم عادي بخاصم اختي بالايام بس كده كده انا متأكده اني هكلمها تاني مهيا فالاوضه اللي جنبي هو ده الحب بالنسبالي الاطمئنان ان مهما كان الشخص ده هيكون موجود

عرض الكل 7 نصيحة

عبّر عن شعورك بشكل مجهول

---

أحيانًا بحس إن الحب ده مجرد وهم أو خداع، حاجة الناس بتحاول تقنع نفسها بيها علشان يلاقوا سبب يعيشوا عشانه. لما بشوف صحبتي أو أختي أو حتى ماما، وطريقتهم في التعامل مع جوزهم أو خطيبهم، بحس إنهم مغيبين، محبوسين جوا استعراض اهتمام وكلام معسول، وفي الآخر بيتحولوا لأطفال متعلقين بيعملوا أي حاجة علشان الطرف التاني، حتى لو الموضوع كله باين عليه تمثيل. كمية القهر اللي بحسها ساعتها مش طبيعية، بقعد أقول لنفسي هو إيه القرف ده؟ ليه الناس بتخدع نفسها كده؟ إزاي عايشين في حاجة مزيفة وفرحانين بيها؟

بستغرب لما ألاقي واحدة ابنها بيكلمها بطريقة وحشة أو عنده إعاقة أو بيستفزها، وبرغم كده بتحبه، بحس إني مش قادرة أصدق، هو الحب بييجي إزاي؟ وبعدين ماما، بتقول إنها بتحب جوزها، وأول ما تحصل مشكلة بسيطة بتقول طلاق! طب ده حب؟ ولا تعود؟ ولا خوف من الوحدة؟ أنا ساعات بفكر إن مفيش حاجة اسمها حب حقيقي، هو بس تعود على وجود شخص بيشيل عنك، بيسد فراغ، بيريّحك، ولما يختفي بتحس إنك تايه، مش علشانه… بس علشان الخدمات النفسية اللي كان بيقدّمها لك.

وبصراحة، أنا بكره أسمع كلام عن العلاقات… بكره، لدرجة إني بحس إني هطق، بحس بقرف، بغيظ، باشمئزاز فظيع مش عارفه أوصفه، ببقى عايزة أصرخ وأقول "هو إيه الّيَع ده؟"، مش قادرة أستحمل الكلام ولا حتى الفكرة. كل حاجة حواليا بتشوه الحب… حتى الممثلين والمغنيين اللي بيقولوا إنهم حبوا واتجوزوا، ف الآخر بيسيبوا بعض، طب فين الحقيقة؟ مفيش.

أنا علاقتي ببابا أصلاً مش قادرة أفهمها، هو بيحبني، وأنا لما بيكلمني بلطّف وبضحك، بس جوايا حاجة بتقولي "انتي بتمثّلي". بحس إني متضايقة من نفسي، حتى وأنا بحاول أبان طبيعية. وبكره أقول كلمات زي "يا قلبي" أو أتعامل بلطف مصطنع، لأن كل حاجة جوايا بتصرخ من القرف، من الكبت، من الزيف.

حتى ماما، أول حب حبيته كان ليها، بس مش لأنها كانت حنونة أو بتحبني، لأ… بس لأن عقلي اتعود عليها، لأن مكنش في بديل. حتى الحضن… الحضن اللى ناس كتير بيموتوا عليه، أنا لما بحتاجه بحس بإحراج، بكسف من نفسي، وبقرف من الفكرة، من اللمس، من الضعف اللى فيه.

أوقات بتخيل نفسي في علاقة، بيتهيألي إني ممكن أحب وأتأمن، بس حتى الحب اللي بتخيله لازم يكون فيه حاجة توجع، لازم يكون فيه خيانة، أو شك، أو وجع، علشان يبقى واقعي. وأنا عارفة إن ده مش طبيعي، بس مش قادرة أتخيل الحب نضيف، مش قادرة أصدق إن فيه حاجة اسمها حب من غير قهر.

والحب نفسه، بالنسبة لي، بقي عبارة عن إشباع… طاقة عاطفية ناقصة، شهوة، حاجة من الطفولة مش مكتملة… مش حاجة حقيقة. مفيش مشاعر بديهية، كله نتيجة لواقع معين، واحتياج معين. وأنا؟ أنا كمان أنانية، زي الكل، بس الفرق إني بكره ده فيا، مش عايزة أستغل حد، مش عايزة أحب حد علشان بس يعوض نقص، وبعدين أتعوّد عليه وأكمل، وخلاص.

بس حتى كده… حتى وأنا بحاول أصدق، بلاقي الوجع بييجي ورا الحب دايمًا. موت، خيانة، كسر… وكل مرة الخيال يموّت بطل، بدوّر على غيره، بحس إني بستبدل أرواح علشان أفضل واقفة… وده قرف. قرف من النفس، وقهر من العالم اللي مش سايب فرصة واحدة للحب يبقى حقيقي.

أنا حتى مش متخيلة إني ممكن أكمل بعد التلاتين… حاسة إني نفسي مش دايمة، فإزاي أصدق إن فيه حاجة في الدنيا دي دايمة؟ الحب ده؟ اللي مليان ضعف، استغلال، قهر، وتعود؟ أنا مش قادرة أتقبله… مش قادرة أبلعه… ومش عارفة أعيش معاه ولا من غيره.

مش قادره......

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_50330 🇮🇹

منذ 3 أشهر

شعور مرتبك

هو اي الفرق مابين التعود و الحب و انك معجب ب شخص في ناس هتقول الفرق ما بينهم انك عايز الشخص ده ف حياتك وجّهت نظر بس أنا عايزه أضيف حاجه هو اه محتاجوف حياتك علشان وقت ما بتتكلم كل فين وفين بتنسى تكلمو وبتخترع اي حجه علشان تكلمو و في ناس ممكن تقولك التعود أصعب من الحب تمام بارضو علشان احنا اتعودنا ات

Chilli_40631 🇪🇬 لما تحب حد هتتعود عليه بس مش كل حد اتعود عليه يعني بتحبو انت بس متعود علي وجودو لاكن الاعجاب بتبقا معجب بشكلو وشخصيتو عجبينك شكلو نضيف دمو خفيف كده طب تفرق ازاي الحب بنبقا في مشاعر اهتمام حقيقي بالشخص وبتحس انك عايز تبني معاه حياه وتشاركو تفاصيلك وبتحسي معاه براحه وامان وبتبقي علي طبعيتك جدا لاكن التعود بيكون مفيش راحه معا الشخص زي الحب كده بس مش قادره تسبي لاكن الاعجاب بقا دي حاجه سطحيه وسريعه

عرض الكل 23 نصيحة

Ice Cream_51334 🇪🇬

منذ 5 أشهر

شعور غبي

ليه لما الناس بتتعود عليك بتعمل الحاجه حلوه او صح يببطلو يشكروك ويكون غير مسموح ليك بالمره باي غلط ودايما لازم كل مره زي اول مره اول احسن الحرف اللي تيتغير يبقا مصيبه كبيرة بجد ليه يعني ااااااااااااااااااأاااااااااااااااااأاااااااااااااااااااااااااااااااااااااااااا

Coffee_44013 🇪🇬

منذ 9 أشهر

شعور محبط

أنا عارف ان الدماغ البشري بيحب الراحة و مبحبش الشغل و الشغل بالنسبه له شعور مؤلم وانا مدرك إن لازم اتعود علي الألم ده علشان اقدر انجح في حياتي أو علي الأقل اعيش حياة كويسة و منضبطة بس إزاي معرفش

Coffee_27700 🇪🇬 أنا فاكر إني قرأت ده في كتاب (قوانين التخلص من الصراع النفسي) بس كان بيقول إن المشكلة بتكون مع أي عادة جديدة يعني شغل جديد او رياضه رياضه جديدة هتجري مثلاً أو قررت تغير نظام نومك وتصحى في معاد جديد او نظام غذائي جديد. وحل المشكلة بيكون في تفهم إن العقل بيحاول يحمي نفسه من عادة جديدة وتجاهله تماماً والاستمرار فيها لحد مع الوقت تتحول لعادة طبيعية في منطقة الراحة

عرض الكل 1 نصيحة

Coffee_27700 🇪🇬

منذ 9 أشهر

شعور لا مبالٍ

موضوع:

إيه أول انطباع بياخده الناس عنك؟

إني هادي .. وده انطباع صحيح فيه بقى اللي بيفهموا الهدوء ده على إنه عدم راحة يعني إني مش مبسوط معاهم وكدة وده انطباع مش صحيح. هو بس باخد فترة على ما اتعود على الناس الجديدة .. بصراحة مش حابب اغير الهدوء في نفسي بس حابب أطور مهارتي في فتح المواضيع وإدارة الحوار

Sugar_40124 🇪🇬 دي صفه هايله بجد

عرض الكل 4 نصيحة

Coconut_38288 🇪🇬

منذ 9 أشهر

شعور مستنزف

ازاي اقطع مشاعري مع حد واخليه شخص عادي وهو عندي ع مواقع التواصل؟ مع العلم انا عندي ظروف فالبيت مخلياني مقدرش انزل اشتغل دلوقتي فمش عارفه اشغل نفسي في الشغل او اسحل دماغي ومع العلم انه اول شخص يدخل حياتي انا مش بحبه اكيد فيه مشاعر بس مش حب برده اوي المشاعر قلت بس التعود وصعوبه انه اول شخص حولت اتكلم

Tomato_30792 🇪🇬 قربي من ربنا وديه احسن حاجه ممكن تشغلي نفسك بيها

عرض الكل 4 نصيحة

Guava_74675 🇪🇬

أمي بتفرق في المعاملة معايا ومش حاسة بيا

انا عندي ٢٦ سنة ، انا التاني في اخواتي عندي اخت اكبر واخ واخت اصغر ، عندي مشكلة من وانا صغير و لغايت دلوقتي مش عارف اتخلص منها ولا عارف ايه حلها ، بحس ان امي بتفرق في المعاملة بيتي وبين اخواتي او مش بتحبني زيهم وده بحسه في طريقة تعاملها معاهم ومعايا بحس انها بتخاف عليهم و بتبقي عايزاهم مبسوطين علي طول و تحاول تعمل اي حاجة تبسطهم لكن معايا مبحسش بده خالص الي هو عادي مش فارقة مبسوط او مش مبسوط وديما مش في حسابتها في اي حاجة ،بحس انها مش معتبراني من عيالها و لما باجي اتكلم في حاجة زي كده تطلعني اني بيتهيألي وان انا الي عندي مشكلة و حاسس اني مظلوم علي طول فانا مش عارف انا فعلا عندي مشكلة ولا هي الي عندها مشكلة و اتصرف ازاي في حاجة زي كده ...عرض المزيد

1 الدعم

2 نصيحة

Pineapple_74654 🇪🇬

قلبي مفطور بعد خطوبة طويلة ومشاكل ملهاش حل

السلام عليكم انا كنت مخطوبة لواحد المفروض أنه بيحبني من 2018 وبدأنا نتكلم كلام عادي ف 2020 وشوية شوية حبيته انا كمان و فضلنا مع بعض عدينا بحاجات كتير مع بعض و كان في مشاكل كتير بس كان دايمًا بيقولي أنها بسبب الشات ولما نقرب كله هيتحل هنكون بنتقابل و بنتكلم فضلنا لغاية 2023 واتقدملي و اتخطبنا بس بردو فضلت المشاكل بيننا كتير ف الاول كنت بحسه مش بيعرف يتعامل معايا يعني الكلام الحلو قليل شوية طريقة صعبة زي ما اكون صاحبة مثلا ف كنت طول الوقت لما بنتكلم عن أي حاجة بقوله اهم حاجة عندي المعاملة اهم حاجة المعاملة ، لما يسألني عن حاجة او يقولي مش بتطلبي ، لكن ف نفس الوقت كان في حاجات ف الاعراف المفروض يكون بيجيبها و كدا مكنش بيحصل (انا ف الاول مكنش عندي اي مشكلة و متفهمه أنه مش فرض عليه ومش ملزم بيا واحنا لسه مخطوبين وكدا ) بس كان كل اللي حواليا بيتكلموا و يسألو و بصراحة كنت اوقات بتضايق وأوقات كنت بخاف مش عارفة طيب هو بخيل ولا عادي ؟ لان كان في حاجات بيعملها وحاجات لا يعني مثلاً ف الاكل وكدا بيصرف عادي ، لكن مثلاً لو روحنا نشتري حاجة لازم يفضل بفاصل اوقات مثلا كنت باجي أقوله عاوزة فانوس او أقوله ده عاجبني بس بردو مكنش بيجيبه أو ييجي بعد كدا يقولي كنت هجبلك كذا ونسيت هبقا اجبلك و مش بيجيب ف انا للمرة التانية كنت بخاف ( لاني والدي بخيل شوية وعلاقته بينا و بأمي وحشة جدًا وبيتنا مليان مشاكل و كل الناس بتتدخل فيها ) كنت اوقات كتير بطلب منه يبطل حاجات بتضايقني لاني مش قادرة استحملها بس كانت بتتكرر و اطلب تاني لان احنا نفس السن ف كنت بحس أنه لسه مش ناضج و بقول لنفسي اول مرة يخطب وكدا ف مش عارف ف اوقات مش هكدب كنت بتخنق و بتقفل بس بعدها كنت برجع افكر نفسي ب ده و بإني مش هقدر يكون في حد تاني غيره في حياتي لاني من النوع اللي لما بيحب و يتعلق مش بنسا بسهولة و أنا وهو كنا متعلقين ببعض جامد ف الاول كان بيحب نتقابل كتير يعني ممكن نتقابل مرتين ف الاسبوع بيكون في مكالمات بس كان بيعمل مشكلة ولو على حاجة صغيرة ف علشان كدا كنت بقول المشاكل كانت كتير اوقات كنا بنتفق على حاجات يروح يتصرف بطريقة تانية و يعتذر ويقولي نسيت ومكنتش اقصد و يحلف و يحاول يراضيني كان بينسا حاجات كتير جدًا و يقولي غصب عني كانت طول الوقت بيقولي أنه مضغوط رغم أن اتخطبنا سنتين و نص معملناش فيهم حاجة و كان متفق مع أهلي انه هيشتري شقة وكدا فضلنا اخر 6 شهور بندور على شقة مناسبة وملقيناش ف كان اولا باباه اللي بيجيب شقق على قد فلوسهم يعني تبقا مناسبة ليهم هما بس مش بيفكروا فيا بتكون مواصفاتها صعبة اتحملها بالنسبة ليا. صغيرة اوي او المطبخ ضيق اوي او بيت قديم جدًا أو يقول أنه مش هغير غير حاجات معينة مش مثلًا بييجي يسألني تحبي تغيري ايه او تقدري نسيب كذا لا هو بيقول انا شايف كذا كويس انا مش هغير كذا اغيره ليه رغم أنهم مهمشينه جدًا في البيت يعني ميبقاش عارف عنهم حاجة لدرجة اخوه اشترى شقة و جهازها و هو عرف قبل الفرح بشهرين سمعهم بالصدفة محدش حتى قاله و كان طول الوقت بيقولي محدش هيساعدني ف حاجة يبقا محدش يتدخل ولا يعرف عني حاجة ولا حد بيسأل عني و أنهم مهمشينه و ملوش رأي في حاجة ومش بيحبوه وانا علشان مكنتش بشوفهم كتير كنت فاكراهم طيبين لأنهم أي حد يشوفهم هيقول ويحس كدا وطول الوقت بيقولو أنهم بيحبوني وكدا بس مثلا مكنوش بيكلموني غير لو انا اتكلمت غير نادرا او لو حصل عندنا حاجة حتى لو نادرا ولو تعبانة محدش بيسأل عني غير تقريبًا كانت مرة واحدة نزلت بوست ف كلموني ف اتكلمت معاه بصراحة و قولتله مش هعرف اقول رأيي بصراحة طول لما باباك اللي بيدور لاني هيبقى مطلوب مني أوضح ليك ولاهلك سبب أن الشقة دي مش عاجباني و ده مش هينفع لان احنا اللي هنعيش فيها وانا مفروض اقول طلباتي ليك انت و اتكلمنا و اتفقنا و قالي خلاص فهمتك و مش هخلي حد يدور تاني و هدور انا ، انا مليش غيرك كان طول الوقت بيقول انا مقدرش اعيش من غيرك ، مقدرش اكون معرفش عنك حاجة ، لو بعدتي عني هموت و ممكن دموعة تنزل من الكلام بس انا بصراحة كنت اوقات بقولها لما بتخنق و يفيض بيا او يعمل حاجة كبيرة احس اني مش هقدر اتعامل معاه بعدها بس مش دائمًا كنت بعنيها والله المهم هو بصراحة كان حاول يحسن معاملته ليا شوية بس المشاكل والغلطات كانت لسه موجودة و نسيت اقول اننا كنا طول الوقت بنتكلم ف الشات يعتبر بس نادرا نادرا جدا لما نتكلم مكالمة وبعد لما كان بيبقا عاوز يشوفني كتير بقا حتى لما نتقابل كام يوم ورا بعض بحسه مش عارفه زهق ولا ايه بس بيفضل يقول بقالنا 3 ايام مع بعض جيتلك يومين مش هاجي بقا الاسبوع الجاي و نسيت اقول بردو أنه لما كان بيبقا في حاجة لازم يستأذن أو يقولها لاهلي كان مش بيبقا عاوز و يقولي قوليلهم انت وافضل أفهمه أنه مينفعش و أفهمه وكنت بحس أن أهله حتى مش بيفهموه غير حاجات قليلة لكن للأصول و لازم تعمل كذا و تجيب كذا مش بيعرفوه حاجة يعني حتى رغم أن متفقين ف الاول أن هيعملوا خطوبة كبيرة و شبكة كويسة و يجيبوا شقة الخطوبة متعملش لما حسيته مضغوط اتفقنا بلاش والشبكة جت على قد الفلوس يعتبر مختارتش حاجة بنفس كنا بنشوف اللي يناسب الفلوس ومع ذلك هما اللي فضلوا يقولوله يتكلموا مع أهلي و يجيبوا شقة ايجار وخلاص رغم أن مفروض يفهموه أن مينفعش يرجع ف اتفاقه كنت راضية بس كان بيبقا نفسي احس أن تضحياتي متقدرة او انه في يوم من الايام لما ربنا يوفقه هيعوضني من نفسه مش لما اطلب ف لما جه موضوع الشقة ده خوفت و اتضغطت اكتر بس لما جه موضوع الشقة ده اتخنقت واتضغطت اكتر و رغم كدا كنت بقوله كتير شوف اللي يناسبك و خرجني برا الموضوع ده لاني اتخنقت مكنش بيوافق ، حتى في مرة جابوا شقة 60 متر كل حاجة فيها صغيرة وكانوا متمسكين بيها كان هو شافها الاول و اتكلمنا و اقتنع أنها متنفعش بعد كدا هما عرفوا عنها ف فضلوا يقنعوه ف جه يحاول يقنعني تاني وكان متمسك اكتر من المرة الأولى وقتها قولتله طالما مناسباك جيبها و اعمل فيها التشطيب اللي يناسبك و خرجني برا موضوع الشقة ده فضل يقولي شايفة ده حل شايفة ده صح و قال خلاص وبعدها اهلي و أهله فضلوا يقولولي دوري معاه و مامته كلمتني تقولي أنه زعلان و بيشد معاهم في البيت أنهم مش بيساعدوه و قالتلي دوري معاه على أي شقة وأنه اخوه اتجوز اهو يعني فيما معنى الكلام محدش حس بيه ( اخوه ده رغم أنه بعيد عن البيت من زمان بسبب شغله في محافظة تانية وبييجي اجازات لكن عارف كل تفاصيل البيت و بيتدخل ف كل حاجة )بصراحة أنا اتضايقت و اتضغطت اكتر لكن فضلت ادور معاه وكنت بدور أصلا من قبل لما يقولوا بس لما كنت باجي اوريه مكنش بيهتم يعني يقول ده اعلان فيك ، ده بيكذبوا او السعر مش مناسبة أو مش لسه هنجيب شقة على الطوب و كلام زي كدا أو بيشوف الماسدج ميردش فضلنا في كل ده لغاية لما جيت ف وقت حسيت اني خلاص مش قادرة ومش طايقة و كان مبقاش بيحكيلي حاجة او بيشاركني حاجة غير نادر و كنت بقيت حاسة أنه مش موجود في حياتي واني لوحدي وهو موجود مع العلم أنه انا من وقت لما اتخرجنا ملقتش شغل و قاعدة في البيت يعتبر حياتي واقفة عليه حرفيا بنزل معاه و بستناه ييجي و بستناه لما يصحا الصبح يبعتلي وكدا مشتغلتش بسبب اني مكنتش بلاقي شغل مناسب أو مش بتقبل وفي حاجات كتير كان بيرفضها ف يعتبر انا عندي اكتئاب من قعدتي في بيت مليان مشاكل و كمان ضغوط ومشاكل بيننا و اكتئاب مش حزن انا فاهمة كويس بس مفيش اوبشن اني اروح لدكتور أو اتعالج و كمان صحتي مش كويسة و خسيت جامد ف شكلي مبقاش احسن حاجة جينا في شهر 4 قولتله بصراحة اني مبقتش مرتاحة بس ف الشات وفصلت افتكر حاجات قديمة عملها انا غصب عني معرفتش انساها و فضلنا ايام زعلانين ف الشات مجاش غير ف اليوم اللي بييجي فيه يوم الجمعة رغم أنه كان يقدر ييجي أي يوم بعد الشغل بس معملش كدا انا كنت مقفولة جامد و جه حاول يتكلم بس بصراحة أنا مكنتش قادرة حتى ابصله و عيطت وهو دمع و موصلناش لحل احنا كنا متفقين مندخلش حد في مشاكلنا وانا كنت موافقة على ده علشان بخاف من الحسد بصراحة و علشان بسبب اني متعقدة من بيتنا أن كل حاجة فيه برا و كل الناس بتدخل بين اهلي وعارفين تفاصيل حياتنا حتى التافهه و كنت مقتنعه أن محدش غيرنا يقدر يصلح حاجة بيننا ابدا بس اوقات كان بيعمل حاجات كبيرة كنت بقوله رد على بابا بقا لو هقول لباباك و يشوف حل معاك لاني مكنتش شايفة أهله وحشين بالعكس كنت بتخانق معاه علشانهم و بقوله انت اللي غريب و جايز انت مش مهتم علشان كدا مش بتسأل عنهم ف هما مش ليعرفوا يتكلموا معاك وكدا جه المرة اللي بعدها بيقول لماما هنقد نتكلم احنا التلاتة انا مش عارف هي مالها هي بتقول انها مبقتش مرتاحة وانا مش عارف اعمل ايه فضل يتكلم و خلاني حكيت حاجات بيننا و ماما تقولي اديله فرصة اقولها اديتله كتير تقولي معلش المرة دي علشاني و تقوله قولها يا حازم انك هتتغير مش بيتكلم هي اللي تمليه الكلام لما ماما تمشي يمسك الموبايل ( نسيت بردو اقول إن لما كان بييجي أو نقعد مع بعض بيفضل ماسك الموبايل حتى لو بيعمل سكرول يا انا اتكلم يا لو في مشكلة بنتكلم فيها يا يفضل كدا رغم أن معظم الوقت كان بييجي ف الاسبوع ساعتين و يمشي ة ده كان أحد أسباب ضيقي أن كنت بحس أنه بييجي تقضية واجب مش اكتر) ف اليوم ده فضل بردو يقول كلمة يعني انت عاوزة ايه او شايفة ايه لو قولت كلمة مش عاجباه يمسك الموبايل و ميردش عليا يعني مقدمش حلول مقالش مثلا هتغير طيب هعمل كذا علشان نصلح بس لما ماما تيجي يقولها بتقولي كذا وبعدها قال همشي وفكري عاوزة ايه جت ماما قالي قدامها فكري انا متمسك بيكي و شاريكي و كلام زي كدا ف والدتي طبعًا أصلا كانت شايفاه ملاك لاني مكنتش بحكيلها عن حاجة غيرر نادرا لما هي بتشوف أن في حاجة و كنت بقوله اني حكيت بس مكنتش بتتكلم معاه في حاجة لأن لما حصلت كام مرة اتضايق مني و مكنش بيبقا عاوز ييجي البيت لو حد حس ان احنا متخانقين المهم مشي والدتي فضلت تبصلي نظرات وحشة هو عمل ايه وكلام زي كدا و انا كنت هموت نفسي من كتر ماانا مخنوقة تاني يوم حكيتلها كام حاجة قالتلي طيب ومكنتيش بتقولي ليه قولتلها هو مكنش بيبقا حابب و انا بردو شايفة أنه مش غلط وكدا قالتلي خلاص قولتلك الفرصة دي علشاني المرة دي لو عمل حاجة تاني نبقا نشوف بعدها فضلنا بردو نشد مع بعض ف ف يوم كنت رايحة مشوار وكان حد هييجي معايا قالي صحيني هاجي معاكي قولتله لو هتقولي كدا ومش هتصحا عرفني قالي لا جاي بس كلميني صحيت و كلمته كتير جدًا طول ماانا بلبس مردش و مبقاش في وقت اشوف حد تاني ييجي معايا وانا نازلة على السلم كلمني انت فين قولتله نازلة افتكرته هيلبس و يلحقني بس لقيته بيقولي معلش مسمعتش بعدها حد معاكي قولتله لا قالي طيب خلي بالك من نفسك كل ده فاكره أنه بيستفزني بس وهلاقيه ورايا لان بيته هيركب عريبة دقائق و يبقا عند العربيات اللي هنركب احنا الاتنين منها فضل يكلمني مكالمات بس انا مكنتش طايقة اتكلم واتخنقت جامد ف مرضتش بعت ف الشات متقلقنيش عليكي قولتله ما تقلق ساب كل اللي عمله و مسك فيها روحت ورجعت استنيته حتى يقابلني يراضيني رغم أنه راح الشغل كان في طريقي وانا راجعة لو كان قالي انزلي و صالحني كنت هتراضى والله لو كان جه يومها بالليل يعترف بغلطه و يصالحني كنت هتصالح بس سابنا بردو نفضل نشد ف الشات وقعد 22 يوم ميجيش وكل الكلام بيننا في الشات صحيتي ؟ اكلتي ؟ نمتي ؟ بعدها باباه كلمني وقالي أنه قاله زعلانين كلمهم ( من غير ما يعرفني بردو ) حكيتله كام موقف فضل يقولي معلش و فرصة علشان خاطري و كلام زي كدا و انا هقوله ييجي لو عاوزاني اجي معاه هاجي بس انا عاوزة يعني يكون تصرفاته من دماغه وكان في اليوم 18 كلم والدتي و عاتبته بهدوء لأنها بتحبه جدا و قالتله طيب تعالى و نتكلم مجاش تاني يوم كلمها تاني قاتله تعالى و نتكلم بردو مجاش جه بعد 22 يوم مع أهله والدته ووالده واخوه فضلوا كلهم يتكلموا وانا قولت حاجات كتير من اللي مضايقاني و كنت في خلال ال 22 يوم حكيت لوالدتي معظم الحاجات اللي بيننا لاني كان بالنسبة ليا كدا الموضوع بيخلص ده واحد كان بيقول ميقدرش يعيش يوم من غيري ميقدرش يعدي اسبوع ميشوفنيش وكل الكلام ده المهم غلطوه و فضلوا يقولوا معلش و هيتغير وكدا و قالو إنه هيحتاجوا سنتين كمان خطوبة وكدا كل ده هو منطقش بعد لما مشوا قالي عاجبك اللي وصلنا ليه ؟ وفضل يقلب ف القديم بردو و يقولي عاوزاني و لا مش عاوزاني معتذرش حتى وكنت مش شايفه في عينه حبه زي زمان و لا شوقه ولا لهفته حتى لما عيطتت سألته كنت فين قالي كنت تايهه و حسيت اني مش هعرف اعمل حاجة ف قولت بلاش اظلمك المهم بعدها اتكلمنا و فكرته باللي بيننا و ازاي نسيته فضل يحلف أنه كان تايه و مش عارف بيعمل ايه و لما حس اني بضيع من ايده جه و حاولنا نرجع بس طلبت ميبقاش بيننا أي تلامس و بطلت اقول كلام كانت نيتي لو ربنا زعلان مننا ف بيحصل كدا يسامحنا و جايز يتشجع و يسرع شوية على الأقل لما يجيب الشقة اهلي يوافقوا نكتب الكتاب كان بيحاول يعاملني كويس ويقول كلام حلو بس كنت بحسه مش صافيلي ومبقاش بيشاركني حاجة اسأله اهلك بيقولوا ايه عني مش بيقول رغم أن قبل كدا كان بيقولي حتى لو قالوا حاجة وحشة عدى كام شهر و من شهر اهلي قالو لازم نشوف موضوع الشقة وكدا ومش هينفع كدا ف نفس الوقت هو بعتلي شقة بردو صغيرة جدا و نفس مواصفات اللي قبل كدا اتخنقت واتضايقتةحسيت أن كلامي ملوش لازمة وكل ده كان على الفاضي ده غير اني كنت حاسة اني لوحدي و أنه مش موجود بيرجع ينام و يصحى ينزل الشغل مبنتكلمش ساعتين على بعض وشات باقي الوقت لوحدي بييجي مش بيتكلم ف كنت تعبانة ومخنوقة جه من شهر ونص كدا والدتي سألته عن الشقة مردش فضلت تتكلم تتكلم ميردش تقولي ياابني رد عليا قولي ناوي على ايه بردو ساكت قالتله هسيبك تفكر مشيت فضل يقولي مش بتقولي ايه على طول لما بسألك ف الشات مالك قولتله هيفيد بأيه وكدا بردو يقول كام كلمة و يسكت جت والدتي سألته تاني بردو مردش سابتنا بعد شوية استأذن يمشي و مشي فضلنا بردو طول الاسبوع كلام أقل صحيتي اكلتي نمتي ولو انا نايمة وقت لما رجع من الشغل بينام و نتكلم تاني يوم بعد لما كان بيكلم ماما تصحيني من النوم نتكلم و يتطمن عليا جه الاسبوع اللي بعده معتذرش لماما ولا حاجة و فضل يتكلم عن الشقة أقوله مش دي مشكلتي انت مش بتوعدني بحاجة بتوفي بيها مش بتشاركني مش بنتكلم ومش حاسس ان في مشكلة يقولي لا لا خلينا في موضوع الشقة بس وشوفي دي و شوفي دي مكنتش عاوزة اشوف المهم فضلنا بردو نشد مع بعض ويقولي ده مش صح انك تسكتي ومش عاوزة تقولي اللي جواكي أقوله ملوش لازمة بردو قعد شوية صغيرين واستأذن ومشي ومن وقتها مجاش تاني فضلنا ف الشات طول الشهر ونص دول يتكلم ف الشات بردو نفس الطريقة لغاية لما جيت في يوم قولتله بتسأل عن اكلي ليه انت مهتم بيا ولا تعرف عني حاجة ف بطل يسأل يجي مثلاً مرة في اليوم الصبح أو بليل يقول كلمة فضل كدا اسبوع جه يوم إجازة كلمني علشان افتح الشات فتحت فضل يقولي محتاجلك قولتله وكنت فين لما انا كنت محتاجة ليك ولا دلوقتي عندك وقت فراغ مش لاقي حاجة تملاه وشدينا بردو ومفكرش ييجي بقا يلحق فضلنا كدا حتى لما يبعت يتكلم يرد بعد ساعات اوقات يرد بعد يومين لغاية لما باباه كلمني تاني بردو و فضل يسألني و اخر المكالمة قالي طيب هقوله يجي قولتله هو ليه حضرتك اللي تقوله وليه حضرتك اللي تصلح قالي ماانا مش غريب قولتله معلش بس هو مش صغير احنا مفروض هنفتح بيت عامةً انا مبقتش متقبله الكلام ولا عندي كلام أقوله ليه ده بقالنا3 اسابيع منعرفش حاجة عن بعض يتواصل بقا مع والدي أو خالي قفل بعدها كلمت خالي حكيتله ف كلم باباه و من الكلام باباه قاله أنه حكاله اللي قولته ليه ف خالو قاله طيب شوفه عاوز ايه وهيعمل ايه وكلمني قاله هقولها قاله لا كلمني انا وخرجها برا الموضوع خالص بعدها والدته بعتتلي بردو تسألني ليه قولتلها حاجات قالتلي مش علشان الشقة ده هو قالي كدا قولتلها لا فضلت تقولي بنحبك وكدا و ربنا يعمل اللي فيه الخير عدى اسبوع محدش اتكلم ف خالي سألني قولتله مبقتش مرتاحة قالي يعني مش عاوزاه معرفتش ارد صعبة عليا قولت مش مرتاحة وراح كلم والده وقاله انا بحل بس هما بلغوني اعرفكم أن كل شيء قسمه و نصيب وفيما معنى الكلام يعني لو عاوز يصلح خليه يصلح بردو فضلوا محدش بيتكلم وهو مان بيبعتلي في الشات زي ما قولت كل يوم او يومين او تلاتة و يرد على كلامي اليوم اللي بعده ف خالي قالي مترديش تاني بعدها فضلوا بردو اكتر من اسبوع لغاية من حوالي اسبوع باباه بردو كلم خالي فضل يقوله هي عاوزاه ولا لا ده بيقولو مش هتتجوز حد غيره وكدا قاله هو فين من اول الموضوع انت اللي بتتكلم ليه و قولتلك مليون مرة عاوز يحل خليه يحل ف خلاص كل شيء قسمه ونصيب و باباه قاله أنه زعل لما قاله كلام المرة اللي فاتت ف خالي اتضايق و قاله يعني انا بقولها بيني وبينك على أساس تصلح و بنبهك تروح تقولهاله انت كدا بتصلخ لا انتو مش عاوزين صلح المهم شدو مع بعض لقيت باباه بيكلمني وخالي قالي مترديش لو حد منهم كلمك ف مردتش راح كلم والدي اللي اتصرف كأنه ميعرفش حاجة ومعرفش السبب بس قولتلكم أن بينهم مشاكل هو ووالدتي المهم قاله اني مش برد قاله علشان انا برا البيت جايز مش سامعه أو حاجة قاله طيب اسألها هي هتقدر تكمل معاه ولا لا قاله طيب بس يتغير قاله انا مش هدوس على زرار اغيره دي حاجة بينهم وبين بعض بقا ف والدي قاله طيب وليه انت اللي بتتكلم من الاول خلي صاحب الشأن يكلمني او ييجي يقعد معايا ف مكان شغلي بردو قاله أسألها ووالدي فضل يقولي معلش اديله فرصة وكدا ولو جه واتكلم معايا نديله فرصة أخيرة والكلام ده عدي يومين متكلمش و لقيت بردو باباه اللي بيكلمني و بيسألتي باباكي فين قولت مش موجود قالي أنه حاول يكلمك مش عارف يوصل ليه قالي هو بلغك اني كلمته قولتله أيوة واللي اعرفه مستني صاحب الشأن يتكلم قالي اه بس هو بيقولي يتغير و مش يتغير ودي حاجة مش بإيدي قولتله طيب اعمل ايه تاني انا عملت كل الي اقدر عليه قالي يعني هتقدري تكملي معاه ولا لا قولتله مبقتش مرتاحة ف حتى لو عطيته فرصة تانية مش هقدر اتعامل معاه زي الاول ف ربنا يوفقه قالي تمام هنعملك اللي عاوزه قولي لبابا يكلمني نشوف هنخلص الموضوع ازاي و ف نفس الوقت كان كلم خالي قبل لما ارد بس خالي مسمعش المكالمة ف لما كلمه قاله انا كلمتها و هي قالتلي مش هتكمل ف شوف مع باباها هناخد حاجتنا ازاي وكدا وحددله كذا وكذا وكذا منها حاجة كانت هدية المفروض بس كدا كدا كنت هديهاله بس مكنتش متوقعة يطلبها ف لما عملوا كدا نزلت بوست اني سنجل بعدها لقيته بعتلي ماسدج الوداع وفيها يمكن القدر يخلينا نتقابل تاني ف حسيت إن دي كانت رغبته مقالش حتى أنه سيحاول تاني علشاني بعدها تاني يوم لما اخدوا الحاجة نزلت ستوري أن الشخص اللي كنت بحكيله عن هزايمي بقا من ضمنها رد عليها وقالي انا مش مستوعب احنا فين و انت معلمتنيش أكمل من غيرك ازاي فضلت افكر ارد ولا لا لغاية لما رديت بعد كام ساعة بكلام كتير أنه يعني عملت كل حاجة ووقفت جنبك ووو وانت مش مظلوم لان السبب ف اللي وصلناله و عملت بلوك ف رد عليا من الرقم التاني أنه مستنغناش و لا استبدلني بس فكر لو بعدنا هنرتاح بردو مقدرش يرتاح و أنه لما شاف الحاجة مبقاش مستوعب وان يارب القدر يرجعني ليه و يارب يشوفني مبسوطة حتى لو مع حد تاني رديت عليه أنه معملش حاجة وكدا و بكلام كتير بردو ف رد أنه لما وصله اني بقول مشوعاوزاه اتصدم و حس اني خلاص بايعاه تماما وأنه مقالش ليهم حاجة ولا أن الموضوع علشان الشقة ولا اتكلم أصلا وان اللي اتقاله أن خالي ف اول مكالمة قال اني مش عاوزاه و كل شئ قسمة ونصيب المهم سألته كام سؤال وليه لما طلبوا يشوفوك مجتش قال كنت عاوزك انت وانتي مردتيش على اخر ماسدج بيننا مش فاهمة هو ازاي فاكر أنه كدا حاول وأنه مكنش فاهم اني بقوله كدا مش بعنيها وأنه مقالش ليهم أنه مش هيتغير بس المشكلة أن انا تعبانة جدًا قلبي مش قادرة يستوعب مش قادرة انسا ولا اتخطى كل مكان لينا فيه ذكرى و كل مكان بشوفه فيه حياتي واقفة بقالي حوالي 3 ايام مش باكل لدرجة حاسة اني مش قادرة اتحرك بعيط بس مش عاوزة أبين لحد علشان أي حد هيقولك انتي اللي عاوزة .انا مكنتش نيتي بس هو اللي وصلني لكدا انا حتى بعد لما مشي اول مرة كنت فاكرة أنه هيصلح الموضوع و كنت هنزل اجبله هدية عيد ميلاده مكنتش متخيله أنه هيعمل كدا مش عارفه اعمل ايه كل مكان كل حاجة بفتكره انا طول عمري لوحدي رغم أن حواليا ناس بس بعمل كل حاجة لوحدي كنت ماصدقت ودايمًا ببصله وبقول ياه اخيرا مش هبقى لوحدي في حد هيكون معايا في كل مشاويري اخيرًا مش قادرة حاسة اني بموت و قلبي مفطور و هموت من القهر بعتذر عن الإطالة ...عرض المزيد

0 الدعم

1 نصيحة

Strawberry_73258 🇪🇬

عايزة صاحبة أتكلم معاها عن أي حاجة وتفهمني

مشكلتي ان لوحدي طول الوقت معنديش صحاب وانا الوحيده معنديش اي أخوات وببقي ملانه طول الوقت كدة عايزه اصاحب ويكون عندي صاحبه واتكلم معاه ونكون سوا طول الوقت بس انا بردو بمل بسرعه يعني حتى لو اتعرفت على بنات سوشيال بتصاحب عليهم وشويه وبزهق وأنا إللي ببقي مش عايزه أتكلم بعد فتره ومحتاجه صاحبه أتكلم معاها عن إللي مضايقني بس يبقي حاسه حتي اللي باحبهم مش فاهمني اوي وأنا عايزة حد ناضج وفاهم وبنت تكون زي أختي الكبيره اقدر اسألها عن أي حاجه وتعطيني حلول تكون دماغها كبيرة مش عيلة كده وفنفس الوقت ابقي مرتاحه ومعايا حد وخصوصا إن حد اعتمداي وشويه وكان نفسي يبقي عندي أخت كبيره وكدة عشان هي اللي تعملي كل حاجة ...عرض المزيد

4 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع